အနော်မာကမ်းကို လှမ်းခဲ့ပါ
တချို့က ဘတ်(စ်)ကားပေါ်မှာ
ဖင်တစ်ထိုင်စာ နေရာလေးတစ်ခုအတွက်
အလုအယက်။
တချို့က ရပ်ကွက်ထဲမှာ
တစ်ညတာ အိပ်ယာလေးတစ်နေရာအတွက်
အိမ်ဝယ်နဲ့ အိမ်ငှါး အလုပ်များ။
တချို့က နိုင်ငံခြားမှာ
နေစရာ၊ စားစရာ၊ ၀တ်စရာ၊ အလုပ်တစ်နေရာအတွက်
ဟိုဝင်ဒီထွက် ဟိုပြေးဒီပြေး
သွေးအေးသူလည်း သွေးဆူ
ဘေးလူကိုတွန်းချ တရားဓမ္မဆိုတာ
စာအုပ်ထဲက စာမျက်နှာမှာ
ဘာမှမသိ ရင်ထဲမှာဗလာနတ္ထိ။
တစ်ချို့က ရာထူး၊ တစ်ချို့အာဏာ တစ်ချို့က ပါဝါ၊
ဘာပဲလာလာ အရင်းစစ်လို့ မမြစ်လှန်လိုက်ရင်
လိုချင်မှုလောဘ၊ အတောမသတ်တဲ့မာနနဲ့ အတ္တတွေ
အထွေထွေလို့ရှုမြင်ရပါ့။
နောက်ဆုံးတစ်နေ့ သေဘေးတွေ့ရင်
သုသာန်တစ သင်္ချိုင်းဝမှာ မြှုပ်နှံဖို့နေရာ
အတောင်နှစ်ဆယ်သာသာ မြေတွင်းဟာ
ကိုယ့်အတွက်ပိုင်နက်ပါ
ခုတော့---------
ကျွန်ုပ်ရော သူပါ
တရားမေ့ ဘုရားမေ့ အမှားတွေ့ အငွေ့ဝေ
လောဘ၊ ဒေါသ၊ မောဟတွေကိုရင်မှာရစ် ထိပ်မှာထား
သိက္ခာတရားကျတော့ ခြေဖ၀ါးအောက်
နေ့တိုင်းပျောက်။
တစ်ချက်လောက်တော့ သတိရကြစမ်းပါ
အနော်မာသောင်ကမ်းမှာ
မြတ်ဘုရားဘဂ၀ါ
သျှောင်ကိုပယ် တွယ်တာမှုကိုလွှတ်
တစ်ကမ္ဘာလုံးပိုင်စိုးမဲ့ စကြာဝတေးမင်းအဖြစ်ကြီးကိုတောင်
မမက်မောဖယ်ခွါ၊ မယ်ယသော်နဲ့ သားတော်ရာဟုလာပါ အဆစ်ထည့် လက်ရှိပစ္စက္ခအရာအားလုံးကို
မမက်လောက်တဲ့ ပရိက္ခရာရှစ်ကုံးနဲ့
လုံးလုံးလဲခဲ့တာ
ဟောဒီ အနော်မာသောင်ကမ်းမှာ။
အော်-- တကယ်လို့ ခင်များဟာ ဗုဒ္ဓဘာသာ
ဟုတ်ကဲ့------- ခင်များဟာ ဗုဒ္ဓဘာသာ တကယ်စစ်တယ်ဆိုရင်
ခင်များကိုယ်ခင်များ တကယ်ချစ်မယ်ဆိုရင်
လိုအပ်တာထက် လိုချင်မှုတွေများလာတဲ့အခါ
လောဘ၊ ဒေါသ၊ မောဟတွေနဲ့
နပမ်းလုံးချွေးပြန် မှန်မှန်ကန်ကန်ဆုံးဖြတ်ဖို့
မေ့နေခဲ့ရင်
အနော်မာသောင်းကမ်းကို အရောက်လှမ်းကာ
မြတ်ဘုရားဘဂ၀ါကို
တစ်ခဏလောက်တော့ သတိရကြည့်ပါ၊
ရွှေမန်းသား ( ဦးဇင်းအင်္ကုရ)
ခေတ္တကိုလံဘို၊ သီရိလင်္ကာ
