Saturday, January 23, 2010

မေတ္တာ ပို့ခြင်း နှင့် မေတ္တာ ဘာဝနာ ပွါးခြင်း (၁)


မေတ္တာ ပို့ခြင်း နှင့် မေတ္တာ ဘာဝနာ ပွါးခြင်း

မေတ္တာ ဘာဝနာ။ ။

မေတ္တာ ဘာဝနာဟူသည် သမထကမ္မဋ္ဌာန်း (၄၀)တွင်ပါဝင်သော သမာဓိ ကမ္မဋ္ဌာန်း တစ်ခုဖြစ်၏။ ဤမေတ္တာ ဘာဝနာကို ပွါးများ အားထုတ်ခြင်းဖြင့် ဈာန်(၄)ဆင့်အနက် တတိယဈာန် အထိရနိုင်၏။

မေတ္တာ ဆိုသည်မှာ။ ။

မေတ္တာ ဆိုသည်မှာ သတ္တ၀ါတို့၏ အကျိုးစီးပွါးကို လိုလားသောစိတ်၊ သတ္တ၀ါတို့ကို ချမ်းသာစေလိုသော စိတ်ပင် ဖြစ်ပါသည်။ သတ္တ၀ါတို့၏ အကျိုးစီးပွါးကို လိုလားလျှက် ချစ်ခင် မြတ်နိုးသောစိတ်ဟုလည်း ဆိုနိုင်ပါ၏။ အဘိဓမ္မာ၌ မေတ္တာသည် စေတသိတ်ဖြစ်၏။ ဤ မေတ္တာ ဘာဝနာ အရာ၌မူ ထိုမေတ္တာ စေတသိတ်နှင့် ယှဉ်သောစိတ်ကို မေတ္တာဟု ဆိုရသည်။

တဏှာ ရာဂသည် မေတ္တာ မဟုတ်။ ။

တစ်စုံတစ်ယောက်အပေါ်၌ ငြိကပ်တွယ်တာလျှက် ချစ်ခင်သောစိတ် (တဏှာ ရာဂ)သည် မေတ္တာ မဟုတ်ပေ။ ငြိကပ်တွယ်တာခြင်း ကင်းလျှက် ချမ်းသာစေလိုသော သဘော သက်သက်ဖြင့် ချစ်ခင်သော စိတ်သည်သာ မေတ္တာ အစစ် ဖြစ်ပါ၏။

ငြိကပ်တွယ်တာလျှက် ချစ်သော ရာဂချစ် တဏှာချစ်သည် ပူလောင်၏။

ငြိကပ်တွယ်တာမှု ကင်းလျှက် ချစ်သော မေတ္တာချစ်သည် အေးမြ၏။

တဏှာချစ်ကြောင့် ဆင်းရဲရ။ ။

မိမိက တဏှာ ရာဂချစ်ဖြင့် ချစ်ခင်နေသူ တစ်ယောက်သည် မိမိနှင့် ခွဲခွါ၍ တစ်ရပ်တစ်နယ်သို့ သွားရောက် နေထိုင်သည့်အခါ ထိုသူ ထိုအရပ်၌ မည်မျှပင် ချမ်းချမ်းသာသာ နေရစေကာမှု ထိုသူကို မတွေ့မမြင်ရသဖြင့် မိမိမှာ စိတ်ဆင်းရဲရ၏။ ထို့ကြောင့် ငြိကပ် တွယ်တာလျှက် ချစ်သော တဏှာချစ် ရာဂချစ်သည် ဆင်းရဲခြင်း၏ အကြောင်းဖြစ်၏။

ဤငြိကပ် တွယ်တာလျှက် ချစ်သော အချစ်မျိုးသည် မိဘ နှင့် သားသမီး၊ မောင် နှင့် နှစ်မ၊ ဆွေမျိုး တစ်ဦး နှင့် တစ်ဦး၊ မိတ်ဆွေ တစ်ဦး နှင့် တစ်ဦး တို့၏ အကြား၌ပင် များစွာ ဖြစ်တတ်သေး၏။ ဇနီး ခင်ပွန်း၊ ချစ်သူတို့၏ အကြား၌ကား ပြောဖွယ် မလိုတော့ပေ။

မေတ္တာချစ်ကြောင့် ချမ်းသာရ။ ။

မိမိက ငြိကပ် တွယ်တာမှု မရှိဘဲ၊ ချမ်းသာစေလိုသော သဘောသက်သက်ဖြင့် မိမိနှင့် ခွဲခွါ၍ တစ်ရပ်တစ်နယ်သို့ သွားရောက် နေထိုင်သောအခါ ထိုသူမှာ ချမ်းသာသည် ဖြစ်စေ ဆင်းရဲသည် ဖြစ်စေ၊ ထိုသူကို မတွေ့မမြင်ရသဖြင့် မိမိမှာ ဆင်းရဲခြင်း မဖြစ်ပေ။ ထိုသူကို အာရုံပြု၍ ထိုသူ ချမ်းသာစေလိုသော စိတ်ထားသည် မိမိ စိတ်အစဉ်ဝယ် စိမ့်ဝင်ပျံ့နှံ့နေရကား မိမိမှာ ချမ်းသာမြဲ ချမ်းသာနေ၏။ ထို့ကြောင့် ငြိကပ် တွယ်တာခြင်း ကင်းလျှက် ချစ်ခင်သော မေတ္တာချစ်သည် ချမ်းသာခြင်း၏ အကြောင်း ဖြစ်၏။

ထိုမျှမက မိမိမေတ္တာ ပွါးသည့်အတိုင်း ထိုသူချမ်းသာနေလျှင် ၀မ်းမြောက် ၀မ်းသာ မုဒိတာ ပွါး၍ရ၏။ မချမ်းသာဘဲ ဆင်းရဲနေလျှင်လည်း ကြင်နာ သနား ကရုဏာ ပွါးနေရုံသာ ဖြစ်၏။ စိတ်ဆင်းရဲမှုကား မိမိမှာ မဖြစ်ပေ။

မေတ္တာ ပွါးခြင်း၏ ကိုယ်တွေ့ အကျိုး။ ။

တစ်ဦးတစ်ယောက် အပေါ်၌ဖြစ်စေ၊ အများအပေါ်၌ဖြစ်စေ၊ မေတ္တာစိတ်ထားကို များများပွါးများလာလျှင် မိမိ သန္တာန်၌ မေတ္တာစိတ်ဓာတ်များ တဖွားဖွား ဖြစ်ပေါ်လာပေလိမ့်မည်။ မေတ္တာစိတ်ဓာတ်များ တဖွားဖွားဖြစ်ပေါ်လာလျှင် ပွါးသူ၏ စိတ်ဓာတ်သည် တည်ကြည်လာ၏။ ငြိမ်သက်လာ၏။ ကြည်လင်၏။ ငြိမ်းအေး၏။ ချမ်းမြေ့၏။ နှစ်သက် ၀မ်းမြောက်မှု ပီတိ ပါမောဇ္ဇတို့ စိတ်အစဉ်ဝယ် စိမ့်ဝင် ပျံ့နှံ့နေသဖြင့် မည်သည့် ချမ်းသာနှင့်မျှ မတူသော ချမ်းသာကို ခံစားရ၏။ ရုပ်သွင်သည်လည်း တည်ကြည် ငြိမ်သက် ကြည်လင် ငြိမ်းအေးလာ၏။ ထိုသူ့ကို တွေ့မြင်ရသူ မှန်သမျှ၊ ဆက်ဆံရသူ မှန်သမျှတိုင်းသည် အလိုလို စိတ်ချမ်းသာ၏။ မုန်းနေသော ရန်သူများသည်ပင် ချစ်ခင်စိတ် ၀င်လာတတ်၏။ ဤသည်မှာ မေတ္တာကို အချိန်ယူ၍ ပွါးများသူတို့ ကိုယ်တွေ့ကြုံရသော မေတ္တာ၏ အကျိုးတရားများ ဖြစ်ကြ၏။

ပိဋကတ်ကျမ်းလာ မေတ္တာ အကျိုးများ။ ။

ယောက်ျား များ၍ မိန်းမ နည်းသော အိမ်ကို သူခိုး၊ ဓါးပြတို့ ၀င်ရောက် ခိုးယူ လုယက်နိုင်ရန် လွန်စွာ ခဲယဉ်းသကဲ့သို့ မေတ္တာ တရားဖြင့် မိမိစိတ်ကို ထုံမွှမ်းထားသူကို ဘီလူး စသည်တို့က မနှောင့်ယှက် မဖျက်ဆီးနိုင်ပေ။

ထက်လှစွာသော လှံသွားကို ကိုင်၍ ကွေးခြင်း၊ လိပ်ခြင်း ပြုလုပ်လျှင် ပြုသူသည်သာလျှင် လှံသွားရှ၍ ဆင်းရဲရသကဲ့သို့ မေတ္တာပွါးသူ၏ စိတကို နှောင့်ယှက် ဖျက်ဆီးရန် ဘီလူး စသည်တို့က ကြိုးစားလာလျှင် ထိုဘီလူး စသည်တို့သည်သာ ကိုယ်စိတ် ပင်ပန်း ဆင်းရဲမှုကို ခံစားကြရ၏။ (နိဒါန၀ဂ္ဂသံယုတ်၊ ၄၅၄-၄၅၅)

မေတ္တာ ပွါးခြင်း အကျိုး (၁၁)မျိုး။ ။

၁။ချမ်းသာစွာ အိပ်ရခြင်း၊

၂။ချမ်းသာစွာ နိုးရခြင်း၊

၃။အိပ်မက်ကောင်း မြင်မက်ခြင်း၊

၎။လူအများ ချစ်ခင်ခြင်း၊

၅။နတ် ဗြဟ္မာ စသော တစ်ခြားသော သတ္တ၀ါတို့ကလည်း ချစ်ခင်ခြင်း၊

၆။နတ်တို့ စောင့်ရှောက်ခြင်း၊

၇။လက်နက်၊ အဆိပ်၊ မီး စသည်တို့ကြောင့် မသေခြင်း၊

၈။စိတ် တည်ကြည် ငြိမ်သက်ခြင်း၊

၉။မျက်နှာ ကြည်လင် ရွှင်ပျခြင်း၊

၁၀။မတွေဝေဘဲ၊ သတိရှိလျှက် သေရခြင်း၊

၁၁။သေသောအခါ ဗြဟ္မာ ဖြစ်ရခြင်း။

(အင်္ဂုတ္တရ၊ ဧကာဒသက၊ ၄၅၁)(အံ၊၃၊၅၄၂)

ဆောင်ပုဒ် ကဗျာ

အိပ်သော် ချမ်းသာ၊ နိုးခါ သုခ၊ ရွှင်ပျ အိပ်မက်၊ နှစ်သက် လူတို့၊ နတ်တို့ ချစ်ခင်၊ နတ်ပင် စောင့်နေ၊ မီး ရေ မဖျက်၊ ငြိမ်သက် တည်ကြည်၊ ရွှင်ကြည် မျက်နှာ၊ သေခါ မမှိုင်၊ ဗြဟ္မာ တိုင်သား၊ ဆယ့်တစ်ပါးကို၊ ကျမ်းဂန် ဆိုသည်၊ ဗိုလ်လူ အများ၊ မေတ္တာပွါး။

ဒါန နှင့် မေတ္တာ ဘယ်အရာက ပို အကျိုးကြီးသလဲ။

တစ်နေ့(၃)ခါ၊ အိုးတစ်ရာဖြင့်၊ ချက်ကာ ထမင်း၊ ကျွေးမွေးခြင်းထက်၊ မယွင်းစင်စစ်၊ နို့တစ်ညှစ်စာ၊ ကြိမ်(၃)ခါမျှ၊ မေတ္တာ ပွါးများ၊ ကျိုးကြီးမားသည်၊ ဘုရားမြတ်စွာ မိန့်ခွန်းတည်း။ ။

(နိဒါန၀ဂ်၊ သြပမ္မသံယုတ်၊၄၅၅)

ငါးရာ နှစ်ဆယ် ရှစ်သွယ် မေတ္တာ။ ။

အနောဓိသ ပုဂ္ဂိုလ် (၅)ဦး

၁။သဗ္ဗေ သတ္တာ=(သတ္တ၀ါ အားလုံ)

၂။သဗ္ဗေ ပါဏာ=(ထွက်သက် ၀င်သက် ရှိသော သတ္တ၀ါ အားလုံး)

၃။သဗ္ဗေ ဘူတာ=(ကိုယ်ထင်ရှားရှိသော သတ္တ၀ါ အားလုံး)

၎။သဗ္ဗေ ပုဂ္ဂလာ=(ပုဂ္ဂိုလ် အားလုံး)

၅။သဗ္ဗေ အတ္တဘာဝ ပရိယာပန္နာ =(အတ္တဘော၌ အကျုံးဝင်သော သတ္တ၀ါ အားလုံး)ု

သြဓိသ ပုဂ္ဂိုလ် (၇)ဦး

၁။သဗ္ဗာ ဣတ္ထိယော=(မိန်းမ အားလုံး)

၂။သဗ္ဗေ ပုရိသာ=(ယောကျား အားလုံး)

၃။သဗ္ဗေ အရိယာ=(အရိယာ ပုဂ္ဂိုလ် အားလုံး)

၎။သဗ္ဗေ အနရိယာ=(ပုထုဇဉ် အားလုံး)

၅။သဗ္ဗေ ဒေ၀ါ=(နတ်ဗြဟ္မာ အားလုံး)

၆။သဗ္ဗေ မနုဿာ=(လူသား အားလုံး)

၇။သဗ္ဗေ ၀ိနိပါတိကာ=(အသူရာ နှင့် ပြိတ္တာ အားလုံး)

မှတ်ချတ်။ ။မရည်ရွယ် မပိုင်းခြားဘဲ ပွါးများသော မေတ္တာကို အနောဓိသ မေတ္တာ ဟုခေါ်၏။

ရည်ရွယ် ပိုင်းခြား အမည်နာမ တပ်၍ ပွါးများသော မေတ္တာကို သြဓိသ မေတ္တာ ဟုခေါ်၏။

န္တု (၄)ပါး၊ မေတ္တာ (၄)ပါး။ ။

၁။အဝေရာ ဟောန္တု=( ဘေးရန်ကင်းကြပါစေ)
၂။အဗျာပဇ္ဇာ ဟောန္တု=(စိတ်ဆင်းရဲခြင်းကင်းကြပါစေ)

၃။အနီဃာ ဟောန္တု=( ကိုယ်ဆင်းရဲခြင်းကင်းကြပါစေ)

၎။သုခိအတ္တာနံ ပရိဟရ န္တု =( ကျန်းကျန်းမာမာ ချမ်းချမ်းသာသာ ဖြင့် မိမိတို့၏ခန္ဓာဝန်ကို ရွက်ဆောင်နိုင်ကြပါစေ )

(၅၂၈) ငါးရာ နှစ်ဆယ် ရှစ်သွယ် မေတ္တာ မြှောက်ပွါးပုံ။ ။

(က) ပုဂ္ဂိုလ် (၁၂)ယောက်ကို တည်၊ န္တု (၄)ပါး ဖြင့် မြှောက်၊ မူလ မေတ္တာ (၄၈)ပါး ဖြစ်၏။

(ခ) မေတ္တာ (၄၈) ကို တည်၊ အရပ်မျက်နှာ (၁၀)ပါးဖြင့် မြှောက်၊ မေတ္တာ (၄၈၀)ပါး ဖြစ်၏။

(ဂ) မေတ္တာ (၄၈၀)ကို တည်၊ အရပ်မပါသော မေတ္တာ(၄၈)ပါးနှင့် ပေါင်း၊ (၅၂၈) မေတ္တာ ဖြစ်၏။

မေတ္တာ ပို့ခြင်း နှင့် မေတ္တာ ဘာဝနာ ပွါးခြင်း။ ။

ထို မေတ္တာ စိတ်ကို မိမိသန္တာန်၌ အထိုက်အလျှောက် ဖြစ်ပွါးရုံမျှ “သတ္တ၀ါ မှန်သမျှ ကျန်းမာ ချမ်းသာကြပါစေ” ဟု မိနစ် အနည်းငယ်မျှ ဆင်ခြင် နှလုံးသွင်း ပွါးများခြင်းကို မေတ္တာ ပို့သည်ဟု ခေါ်ပါသည်။

မိမိသန္တာန်၌ သာမန် မေတ္တာစိတ် ဖြစ်ပွါးရုံမျှ မဟုတ်ဘဲ၊ မေတ္တာ စိတ်ဓာတ် အင်အားကောင်းစွာ တစ်ဖွါးဖွါး ဖြစ်ပေါ်လာကာ တစ်ကိုယ်လုံး မေတ္တာ စိတ်ဓာတ် ရစ်ပတ်လွှမ်းခြုံလျှက် စိမ့်ဝင်ပျံ့နှံ့အောင် “ကျန်းမာကြပါစေ၊ ချမ်းသာကြပါစေ” ဟု အကြိမ်ကြိမ် အဖန်ဖန် ဆင်ခြင် နှလုံးသွင်း ပွါးများခြင်းကို မေတ္တာ ဘာဝနာ ပွါးများသည်ဟု ခေါ်ပါသည်။

သြဓိသ ၊ အနောဓိသ နှင့် ကြိုတင် သိထားသင့်သော အချက်များ။ ။

မေတ္တာ ဘာဝနာ ပွါးများ အားထုတ်ရာတွင် တစ်ဦးတည်းကို ဖြစ်စေ၊ အစုလိုက်ကို ဖြစ်စေ ပိုင်းခြား ကန့်သတ်၍ ပွါးများလျှင် သြဓိသ မေတ္တာ ဖြစ်၏။ မည်သည့် ပုဂ္ဂိုလ်ဟု ပိုင်းခြား ကန့်သတ်မှု မရှိဘဲ ပွါးများလျှင် အနောဓိသ မေတ္တာ ဖြစ်၏။

ပုဂ္ဂိုလ် ပိုင်းခြား ကန့်သတ်၍် သြဓိသ မေတ္တာ ပွါးများလိုသူသည် ပွါးရမည့် ပုဂ္ဂိုလ်၊ မပွါးရမည့် ပုဂ္ဂိုလ်တို့ကို ကြိုတင်သိထားဖို့ လိုအပ်၏။

၁။ မိမိ မချစ်ခင်သော မုန်းသောသူကို အစဆုံး (အဦးဆုံး) မေတ္တာ မပွါးရ။ မုန်းသောသူကို အစဆုံး (အဦးဆုံး) မေတ္တာပွါးလျှင် မေတ္တာစိတ် မဖြစ်ပေါ်နိုင်ပေ။

၂။ အလွန် ချစ်ခင်သောသူကိုလည်း အစဆုံး မေတ္တာ မပွါးရ။ အလွန် ချစ်ခင်သောသူကို အာရုံပြူ၍ အစဆုံး မေတ္တာပွါးလျှင် ထိုသူ၏ အနည်းငယ်မျှသော ဆင်းရဲ ဒုက္ခကိုပင် တွေးဆင်ခြင်မိက ငိုမိမလောက် စိတ်ဆင်းရဲရသဖြင့် မေတ္တာစိတ် မဖြစ်ပေါ်နိုင်ပေ။

၃။ မချစ် မမုန်း သိကျွမ်းရုံမျှ ဖြစ်သော အလယ်အလတ် ပုဂ္ဂိုလ်ကိုလည်း အစဦးဆုံး မပွါးရ။ မချစ် မမုန်း သိကျွမ်းရုံမျှ ဖြစ်သော ပုဂ္ဂိုလ်ကို ချစ်ခင်သူအဖြစ် ထား၍ ဆင်ခြင် နှလုံးသွင်းလျှင် ပင်ပန်း၏။

၎။ ရန်သူကိုလည်း အစဆုံး မေတ္တာ မပွါးရ။ ရန်သူကို အစဆုံး မေတ္တာ ပွါးလျှင် မေတ္တာစိတ် မဖြစ်ဘဲ၊ ဒေါသစိတ်သာ ဖြစ်ပေါ်လာတတ်၏။

၅။ ယောက်ျားက မိန်းမကို၊ မိန်းမက ယောက်ျားကို သြဓိသ မေတ္တာ အနေဖြင့် ပိုင်းခြား ကန့်သတ်၍ မပွါးရ။ ပွါးလျှင် တဏှာ ရာဂ ဖြစ်တတ်သည်ဟု ၀ိသုဒ္ဓိမဂ် အဋ္ဌကထာ ဆို၏။ ဤအဆိုကို တစ်ထစ်ချုမမှတ်ယူသင့်ပေ။ မေတ္တာ ဘာဝနာ ပွါးမှု အသးမကျသေး၊ မနိုင်နင်းသေးမီ အခြေအနေကို ရည်ရွယ်၍ ဆိုသည်ဟု မှတ်ယူသင့်၏။ အဘယ့်ကြောင့်ဆိုသော် လက်တွေ့ မေတ္တာ ဘာဝနာ ပွါးများ အားထုတ်သူများသည် အသားကျ၍ နိုင်နင်းကျေပွန်စွာ ပွါးများမိသောအခါ ၀ိသဘာဂ အာရုံ (ယောက်ျား မိန်းမ အာရုံ) ကိုလည်း အခက်အခဲ မရှိဘဲ၊ မေတ္တာစိတ်ဖြစ်အောင် ပွါးများ အားထုတ်၍ ရသောကြောင့်ပင် ဖြစ်ပါ၏။

၆။ သေသူကို မေတ္တာ ပွါးလျှင် ဥပစာရ သမာဓိကိုလည်း မဖြစ်စေနိုင်၊ အပ္ပနာ သမာဓိကိုလည်း မဖြစ်စေနိုင်ပေ။ ထို့ကြောင့် သေသူကိုလည်း မေတ္တာ မပွါးအပ်သည်သာတည်း။

(၀ိသုဒ္ဓိမဂ်၊ ၁၊ ၂၈၇-၂၈၈)

မေတ္တာ ဘာဝနာ ပွါးရာ၌ ပရိကံ

(ကြိုတင် ပြုလုပ်ရမည့် အစီအစဉ်)။ ။

မေတ္တာ ဘာဝနာ နှင့် ပတ်သတ်၍ သိသင့်သိထိုက်သည်များကို လေ့လာ နားလည် ပြီးသော မေတ္တာ ဘာဝနာ အားထုတ်သူသည် မိမိ မေတ္တာ ပွါးမည့် အချိန်ပိုင်း အတွင်း၌ ကြောင့်ကြ (ပလိဗောဓ)များ ကင်းရှင်းအောင် စီမံထားပြီးနောက် မိမိကိုယ်ကို သန့်ရှင်းစင်ကြယ်အောင် ရေမိုးချိုး ဆေးကြော သန့်စင်ပြီးလျှင် တိတ်ဆိတ်သော အချိန်တွင် တိတ်ဆိတ်သော နေရာ၌ စိတ်ရော ကိုယ်ပါ လျှော့ချလျှက် သက်တောင့်သက်သာစွာ ထိုင်ရမည်။ ထို့နောက် ရတနာ(၃)ပါး၊ မိဘ၊ ဆရာတို့ကို ရှိခိုးကန်တော့ရမည်။

ပွါးများပုံ အဆင့်ဆင့်။ ။

မေတ္တာပွါးရန် အဆင်သင့် ဖြစ်သောအခါ

ပထမ-မြတ်နိုး ကြည်ညို ရိုသေ လေးစားအပ်သူ၊

ဒုတိယ-ချစ်ခင်သော မိတ်ဆွေ၊

တတိယ-မချစ် မမုန်း သိကျွမ်းရုံမျှ ဖြစ်သူ၊

စတုတ္ထ-မုန်းသူ၊

ပဉ္စမ-ရန်သူ တို့အပေါ်၌ အစဉ်အတိုင်း အဆင့်ဆင့် ပွါးများရမည်။ မေတ္တာ စိတ်ထား တစ်ဖွါးဖွါး ဖြစ်ပေါ်လာသည်အထိ အကြိမ်ကြိမ် အဖန်ဖန် ဆင်ခြင် ပွါးများပြီးမှ နောက်ပုဂ္ဂိုလ်ကို ပြောင်းကာ အစဉ်အတိုင်း ပွါးများရသည်။

မိမိကိုယ်ကို စပွါးပါ။ ။

မေတ္တာ ပွါးမည့်သူသည် ပထမဆုံး “ငါ ဘေးရန်ကင်းရပါစေ၊ ငါ ရောဂါ ကင်းပါစေ၊ ငါ ကိုယ်စိတ်(၂)ဖြာ ဆင်းရဲခြင်းမှ ကင်းပါစေ” မိမိ ကိုယ်ကို သက်သေ အဖြစ်ထား၍ မေတ္တာ ပွါးရမည်။ ထိုသို့ ပွါးခြင်းဖြင့် “မိမိ ချမ်းသာချင်သလို သတ္တ၀ါများလည်း ချမ်းသာချင်ကြသည်။ မိမိ ရောဂါကင်းချင်သလို သတ္တ၀ါများလည်း ရောဂါကင်းချင်ကြသည်။ မိမိ ကိုယ်စိတ်(၂)ဖြာ ဆင်းရဲခြင်းမှ ကင်းချင်သလို သတ္တ၀ါများလည်း ကိုယ်စိတ်(၂)ဖြာ ဆင်းရဲခြင်းမှ ကင်းလိုကြသည်” ဟု ကိုယ်ချင်းစာကာ အခြားသော သတ္တ၀ါများ၏ အကျိုး စီးပွါးကို လိုလားသော မေတ္တာစိတ်ထား ဖြစ်ပေါ်လာနိုင်ပေသည်။ ပြီးမှ မြတ်နိုး ကြည်ညို ရိုသေ လေးစားအပ်သော မိဘ ဆရာ ဆွေမျိုး စသောသူတို့ကို အစဉ်အတိုင်း ပို့ရပါသည်။

(လက်တွေ့ မေတ္တာ ဘာဝနာ ပွါးခြင်း တွင် ဆက်လက် ဖတ်ရှုပါရန်)

အမျိုးဘာသာ သာသနာ (၂)


အမျိုး ဘာသာ သာသနာ (၂)

လူတိုင်းသည် မိမိတုိ့၏ အနျိုးကို စောင့်အပ်၏။ မိမိတို့ သာသနာကို မြတ်နိုးအပ်၏။ မိမိတို့၏ သာသနာကို ထိန်းသိမ်းအပ်၏။ ဤသည်မှာ နိယာမ ဖြစ်၏။ နိယာမကို ဓမ္မကျင့်စဉ်ဖြင့် လိုက်နာကြစော လူမျိုးတို့သည် ဤကမ္ဘာ မြေပြင်၌ ရှိကြကုန်၏။ အဓမ္မကျင့်စဉ်ဖြင့် လိုက်နာကြစော လူမျိုးတို့သည် ဤကမ္ဘာ မြေပြင်၌ ရှိကြကုန်၏။

အဓမ္မကျင့်စဉ်ဖြင့် လိုက်နာကြသောအခါ မိမိတို့၏ အမျိုးမှ အမျိုး၊ မိမိတို့၏ ဘာသာမှ ဘာသာ၊ မိမိတို့၏ သာသနာမှ သာသနာ ဟူ၍ မြင်ကြ၏။ ဤသို့သော အမြင်ကို ဗုဒ္ဓဘာသာ အမြင်အရဆိုလျှင် “ဣဒမေ၀ သစ္စံ၊ မောဃ မညံ” ဟု ဆိုအပ်၏။ “ငါ့ လူမျိုးသည်သာ အမှန်တရား သစ္စာနှင့် ယှဉ်၏။ အခြားသော လူမျိုးတို့သည် အမှန်တရား သစ္စာနှင့် မယှဉ်။ အချည်းနှီး လူမျိုး” ဖြစ်၏။ “ငါ့ ဘာသာ သည်သာ အမှန်တရား သစ္စာနှင့် ယှဉ်၏။ အခြားသော ဘာသာတို့သည် အမှန်တရား သစ္စာနှင့် မယှဉ်သော အချည်းနှီး ဘာသာ” ဖြစ်၏။ “ငါ့ သာသနာ သည်သာ အမှန်တရား သစ္စာနှင့် ယှဉ်၏။ အခြားသော သာသနာ တို့သည် အမှန်တရား သစ္စာနှင့် မယှဉ်သော အချည်းနှီး သာသနာ” ဖြစ်၏။ ဤသို့ ယူပါက မိစ္ဆာ ဒိဋ္ဌိ အယူကို ယူခြင်းနှင့် အတူတူပင် ဖြစ်၏။

ကျွန်တော်တို့သည် မိမိတို့၏ လူမျိုး၊ မိမိတို့၏ ဘာသာ၊ မိမိတို့၏ သာသနာကို ဓမ္မကျင့်စဉ်ဖြင့် စောင့်ထိန်း၏။ ဓမ္မကျင့်စဉ်ဖြင့် မြတ်နိုး၏။ ဓမ္မကျင့်စဉ်ဖြင့် ပျိုးထောင်၏။ ထို့ကြောင့် အမျိုး ဘာသာ သာသနာ နှင့် ပတ်သက်လျှင် ကျွန်တော်တို့သည် ဓမ္မကျင့်စဉ်ဖြင့် လိုက်နာကြသော လူမျိုးတို့၏ စာရင်း၌ ပါဝင်ကြ၏။ အဓမ္မကျင့်စဉ်ဖြင့် လိုက်နာကြသော လူမျိုးတို့၏ စာရင်း၌ မပါဝင်။ တစ်နည်းအားဖြင့် ဆိုရလျှင် ကျွန်တော်တို့သည် ဓမ္မ၀ိဒီ အုပ်စု၌သာ ပါဝင်၏။ အဓမ္မ၀ါဒီ အုပ်စု၌ မပါဝင်။

ဤအစဉ်အလာသည် ကျွန်တော်တို့အား မြတ်စွာဘုရား၏ အဆုံးအမက သင်ပေးထားသဖြင့် ထိုသင်ကြားချက်အတိုင်း သမိုင်းတစ်လျှောက်လုံး ကျွန်တော်တို့ လိုက်နာခဲ့ကြသော အစဉ်အလာ ဖြစ်၏။ ဗုဒ္ဓဘာသာ မှန်လျှင် ဤအစဉ်အလာအတိုင်း လိုက်နာကြသည်ချည်း ဖြစ်၏။ ထိုသဘောကို အသောကမင်းကြီး၏ သတ္တမ ကျောက်စာ၌ ဤသို့ တွေ့ရ၏။

ဒေ၀ါနံ ပိယော ပိယဒသိ ရာဇမ သ၀တြံ ဣဆတိ သဝေ ပါသံဍာ ၀သေယုံဟိ”

သဝေ၊ အလုံးစုံကုန်သော။ ပါသံဍာ၊ အယူအမျိုးမျိုး ရှိကုန်သူတို့သည်။ ၀သေယုံ၊ နေနိုင်ကြပါစေ။ ဣတိ၊ ဤသို့။ ဒေ၀ါနံ၊ နတ်တို့သည်။ ပိယော၊ ချစ်အပါသော။ ပိယဒသိ၊ ချစ်စရာကိုသာ မြင်အောင် ကြည့်တတ်သော။ ရာဇာ၊ အသောက မင်းကြီးသည်။ သ၀တြံ၊ နေရာတိုင်း၌။ ဣဆတိ၊ အလိုရှိ၏။

ကျွန်တော်တို့သည် အမျိုး ဘာသာ သာသနာ နှင့် ပတ်သက်လျှင် ဓမ္မ၀ါဒီ အုပ်စု၌ ပါဝင်ကြသည် မှန်ပါ၏။ သို့ရာတွင် ကျွန်တော်တို့၏ ဓမ္မကား အခြားသူများ၏ ဓမ္မနှင့် မတူပါချေ။ ကျွန်တော်တို့၏ ဓမ္မကား ဗုဒ္ဓ ဓမ္မ ဖြစ်၏။ ကျွန်တော်တို့၏ ဓမ္မကား ဗုဒ္ဓ ဓမ္မ ဖြစ်သည့်အလျှောက် ကျွန်တော်တို့၏ လောက အမြင်သည်လည်း ဗုဒ္ဓ ဓမ္မ နှင့်ယှဉ်သော လောက အမြင် ဖြစ်ပါ၏။ ထို့ကြောင့် ကျွန်တော်တို့၏ လောက အမြင်သည် အခြားသူများနှင့် မတူ ဟု ဆိုခြင်း ဖြစ်ပါ၏။

လူတို့သည် လောကကို ကြည့်ရာတွင် အမြင်သုံးမျိုးဖြင့် ကြည့်တတ် ကြ၏။ အမြင်(၃) မျိုးဖြင့် ကြည့်တတ်ကြခြင်းမှာလည်း မျက်စိ သုံးမျိုး ရှိသောကြာင့် ဖြစ်ပါ၏။ မျက်စိ သုံးမျိုးဖြင့် ကြည့်လျှင် အမြင်သုံးမျိုးဖြင့် လောကကို မြင်မည်မှာ သေချာ၏။

ထို မျက်စိ သုံးမျိုးတို့တွင် ပထမ မျက်စိကို “ပပဉ္စ မျက်စိ”ဟူ၍ ဆိုရ၏။ “ပပဉ္စ မျက်စိ”ဟူသည်မှာ တဏှာ မျက်စိ၊ မာန မျက်စိ၊ ဒိဋ္ဌိ မျက်စိ ဖြစ်ပါ၏။ ထို့ကြောင့် လောကို “ပပဉ္စ မျက်စိ” ဖြင့် ကြည့်သေညအခါ တဏှာ အမြင်၊ မာန အမြင်၊ ဒိဋ္ဌိ အမြင်တို့ဖြင့်သာ မြင်မည် ဖြစ်ပါ၏။ တဏှာ အမြင်၊ မာန အမြင်၊ ဒိဋ္ဌိ အမြင် ဟူသည်မှာ ပင်ရင်း ဇာစ်မြစ်ကို မမြင်ဘဲ၊ လူသား စင်ိစစ်ကို တွေ့ပါလျှက် ယင်း၏ ဂုဏ်ထူး ၀ိသေသ ဖြစ်သော “ဥပါဓိ” ကို မြင်သော အမြင် ဖြစ်ပါ၏။

ပုဂ္ဂိုလ်နှင့် ကတ်သက်လျှင် မိမိရှေ့၌ လူကို တွေ့ပါလျှက် လူသား စင်စစ်ကို မမြင်ဘဲ၊ ယင်း၏ ဂုဏ်ထူး ၀ိသေသ ဖြစ်သော “ဥပါဓိ” ကိုသာ မြင်လေ၏။ ဤသူကား ၀န်ကြီး၊ ဤသူကား ရုံးလုလင်၊ ဤသူကား သူဋ္ဌေး၊ ဤသူကား ဆင်းရဲသား စသော အမြင်များဖြင့်သာ မြင်ကြ၏။ ဤသို့ မြင်သောအခါ မျက်နှာ ချိုသွေးလိုသော စိတ်၊ မောက်မာလိုသော စိတ်၊ တပည့်ခံလိုသော စိတ်၊ ဆရာ လုပ်လိုသော စိတ် တို့သည် ဖြစ်ပေါ်လာတတ်ကြ၏။ ဤစိတ်များမှာ တဏှာ၊ မာန၊ ဒိဋ္ဌိ တို့အပေါ် အခြေခံသော စိတ်များ ဖြစ်ကြ၏။

နိုင်ငံနှင့် ပတ်သက်လျှင်လည်း ပပဉ္စ မျက်စိဖြင့် ကြည့်ပါက ကြောက်ရမည့် နိုင်ငံ၊ နိုင်ရမည့် နိုင်ငံ၊ ဆရာ တင်ရမည့် နိုင်ငံ၊ တပည့်အဖြစ် မွေးံရမည့် နိုင်ငံ၊ ရန်သူ အဖြစ် ဆန့်ကျင်ရမည့် နိုင်ငံ စသော အမြင်များဖြင့် မြင်ကြ၏။ ဘာသာ နှင့် ပတ်သက်ရာ၌ လည်းကောင်း၊ သာသနာ နှင့် ပတ်သက်ရာ၌ လည်းကောင်း ပပဉ္စ မျက်စိဖြင့် ကြည့်ပါက ထိုနည်းတူ မြင်ရမည်ပင် ဖြစ်၏။ ဤသည်မှာ အများက ကပ်ထားသော အမှတ်တံဆိပ်ကိုသာ ကြည့်တတ်သော အမြင် ဖြစ်၏။ အမှတ်တံဆိပ် ဟူသည်မှာ ထာဝရ မတည်၊ ကွာကျတတ်သော သဘော ရှိသည်ကို သူတို့ အလေးမထားကြ။ ထို့ကြောင့် ဤအမြင်မျိုးဖြင့် လောကကို မကြည့်မိအောင် မြတ်စွာဘုရားက သွန်သင် ဟောပြတော် မူခဲ့ခြင်း ဖြစ်ပါ၏။

ဒုတိယ မျက်စိကို “ဗြဟ္မစိုရ် မျက်စိ”ဟုဆိုရ၏။ “ဗြဟ္မစိုရ် မျက်စိ” ဖြင့် လောကကို ကြည့်သောအခါ ပုဂ္ဂိုလ်နှင့် ပတ်သက်လျှင် ချစ်စရာ များကိုသာ မြင်တတ်၏။ ကြင်နာစရာ များကိုသာ မြင်တတ်၏။ ၀မ်းသာစရာ များကိုသာ မြင်တတ်၏။ ခွင့်လွတ်စရာ များကိုသာ မြင်တတ်၏။ အသောက မင်းကြီးသည်လည်း လောကကို ကြည့်သောအခါ “ဗြဟ္မစိုရ် မျက်စိ” ဖြင့်သာ ကြည့်လေ့ရှိကြောင်း ထင်ရှား၏။ ထို့ကြောင့် ကမ္ဘာက အသောကမင်းကြီးကို “ပိယ ဒဿိ” ဘွဲ့ အမည် ပေးခဲ့ကြခြင်း ဖြစ်ပါ၏။ “ပိယ ဒဿိ” ဟူသည်မှာ ချစ်စရာ အချက်အလတ်များ၊ ချစ်ကွက်များကိုသာ မြင်အောင် ကြည့်တတ်သူ ဟု အဓိပ္ပါယ် ရ၏။ ချစ်စရာ အကွက်များကိုပင် မြင်အောင် ကြည့်တတ်လျှင် ကြင်နာစရာ အကွက်များ၊ ၀မ်းသာစရာ အကွက်များ၊ ခွင့်လွတ်စရာ အကွက်များကိုလည်း မြင်အောင် ကြည့်တတ်မည်မှာ သေချာ၏။

“ဗြဟ္မစိုရ် မျက်စိ” ဖြင့် ကြည့်မည်ဆိုပါလျှင် အသား အရောင် အဆင်း အမှတ်တံဆိပ်ကို ကျော်လွန်၍ ကြည့်တတ်ရမည် ဖြစ်ပါ၏။ “ဗြဟ္မစိုရ်ိ” ကို “အပ္ပ မညာ” ဟုလည်းခေါ်၏။ “အပ္ပ မညာ”၏ အနက်မှာ အကန့်အသတ် ပမာဏ မခွဲခြားဘဲ၊ သတ္တ၀ါများ အားလုံး အပေါ်၌ တစ်သားတည်း သဘောထားခြင်းပင် ဖြစ်ပါ၏။ ဘုရင့် သားမှ ချစ်သည်၊ သူတောင်းစား သားကို မချစ် ဟူ၍ မခွဲခြားဘဲ၊ ထပ်တူ ချစ်သည့် သဘောမျိုးကို ဆိုလို၏။ ကြောင်းကျိုး နိယာမ သဘောအားဖြင့် အာရုံထင် ထပ်တူဖြစ်မှ သိစိတ် ထပ်တူ ဖြစ်နိုင်၏။ ထို နိယာမအရ အားလုံး လူချည်းပင် ဖြစ်၏။ လူစာရင်း၌ အားလုံးပါဝင်၏။ အားလုံးပင် “မနုဿတ္တ ဘာဝေါ ဒုလ္လဘော” အရ ရခဲသော လူ့ဘ၀ကို ရကြသူချည်းပင် ဖြစ်၏။ အမှန်အားဖြင့် အမည် နာမ ဘွဲ့ တံဆိပ် ဟူသည်…..

“ပျော်စံရိပ်ငြိမ်၊ စည်းစိမ် မကွာ၊ မင်း ချမ်းသာကား၊ သမုဒ္ဒရာ၊ ရေ မျက်နှာထက်၊ ခဏ တတ်သည့်၊ ရေပွက် ပမာ၊ တစ်သက် လျာတည်း။”

ဟူသော အနန္တသူရိယ အမတ်ကြီး၏ အဆိုအမိန့်အတိုင်း ယနေ့ ၀န်ကြီးသည် မနက်ဖန် အရပ်သား ဖြစ်နိုင်၏။ ယနေ့ သူဋ္ဌေးသည် မနက်ဖန် ဆင်းရဲသား ဖြစ်နိုင်၏။ ဘာမျှ ခိုင်မာ တည်မြဲသော အရာဝတ္ထုများ မဟုတ်ကြ။ အမှန်အားဖြင်း “ပပဉ္စ မျက်စိ” ဟူသည် မခိုင်မြဲသော ဘွဲ့ ဂုဏ်ထူး အမှတ် တံဆိပ်ကိုသာ မြင်လို၏။ သို့မှသာ တဏှာ ၀င်နိုင်မည်။ မာန ၀င်နိုင်မည်။ ဒိဋ္ဌိ ၀င်နိုင်မည်။

ဗြဟ္မစိုရ် မျက်စိဖြင့် လူမျိုးကို ဖြစ်စေ။ ဘာသာကို ဖြစ်စေ၊ သာသနာကို ဖြစိစေ ကြည့်မည်ဆိုပါလျှင် အားလုံး လူသားတည်းဟူသော မူရင်းဇာစ်မြစ်ကို မြင်အောင် ကြည့်နိုင်မှ ဖြစ်၏။ မူရင်းဇာစ်မြစ်ကို မြင်အောင် မကြည့်ဘဲ၊ တရုတ်၊ မြန်မာ၊ ကုလား ဟု လူမျိုး အလိုက် ခွဲခြား၍ ကြည့်လျှင် ဖြစ်စေ၊ သူဋ္ဌေး၊ ဆင်းရဲသား ဟု ဥစ္စာ ဓန အလိုက် ခွဲခြား၍ ကြည့်လျှင် ဖြစ်စေ၊ ၀န်ကြီး၊ ရုံးလုလင် ဟု ရာထူး အဆင့် အလိုက် ခွဲခြား၍ ကြည့်လျှင် ဖြစ်စေ၊ ချစ်ကွက်ကို မြင်ဖို့ ခက်ခဲ၏။ ကြင်နာကွက်ကို မြင်ဖို့ ခက်ခဲ၏။ ၀မ်းသာကွက်ကို မြင်ဖို့ ခက်ခဲ၏။ ခွင့်လွတ်ကွက်ကို မြင်ဖို့ ခက်ခဲ၏။ တဏှာကွက်၊ မာနကွက်၊ ဒိဋ္ဌိကွက် များကိုသာ မြင်ဖို့ များ၏။ ထို့ကြောင့် ဗြဟ္မစိုရ် မျက်စိဖြင့်သာ လောကကို ကြည့်ရန် မြတ်စွညဘုရားက ဟောပြ ဆုံးမတော်မူခဲ့ခြင်း ဖြစ်ပါ၏။

တတိယ မျက်စိ ဟူသည်မှာ လောကကို ကျေးဇူးတင်တတ်သော မျက်စိ ဖြစ်ပါ၏။ ယင်းကို “ကတညုတ မျက်စိ” ဟု ဆိုနိုင်၏။ လူကို လူအဖြစ်သာ မြင်အောင် ကြည့်နိုင်လျှင် မိမိနှင့် ထပ်တူ အားလုံး ချစ်စရာ၊ ကြင်နာစရာ၊ ၀မ်းသာစရာ၊ ခါင့်လွတ်စရာ ချည်းကိုသာ မြင်မည်ဖြစ်၏။ မိမိသည်လည်း လူပင်ဖြစ်၏။ မိမိကိုိယ်ကို မိမိ ချစ်နိုင်၊ ကြင်နာနိုင်၊ ၀မ်းသာနိုင်၊ ခွင့်လွတ်နိုင်ပါလျှင် မိမိနှင့် မူရင်းဇာစ်မြစ်အားဖြင့် တစ်ခုတည်းဖြစ်သော အခြား လူများကို ဘာ့ကြောင့် မချစ်နိုင်၊ မကြင်နာနိုင်၊ ၀မ်းမသာနိုင်၊ ခွင့်မ့်လွတ်နိုင်ရမည်နည်း။ ထို့ကြောင့် ဗြဟ္မစိုရ် မျက်စိဖြင့် လောကကို ကြည့်သောအခါ အားလုံး ချစ်စရာ၊ ကြင်နာစရာ၊ ၀မ်းသာစရာ၊ ခွင့်လွတ်စရာ ချည်းကိုသာ မြင်ရသည်ဟု ဆိုလိုရင်းဖြစ်ပါ၏။

အားလုံး ချစ်စရာ၊ ကြင်နာစရာ၊ ၀မ်းသာစရာ၊ ခွင့်လွတ်စရာများထဲမှ ကျေးဇူးတင်စရာကို မြင်အောင် ကြည့်တတ်ဖို့ လိုသေး၏။ ကျေးဇူးတင်စရာကို “ကတညုတ မျက်စိ” ဖြင့် ကြည့်မှ မြင်၏။ လောက အပေါ် ကျေးဇူး တင်တတ်လျှင် ထိုကျေးဇူးကို တစ်နည်းနည်းဖြင့် ပြန်လည် ပေးဆပ်မည်သာ ဖြစ်၏။ အခြား တစ်စုံတစ်ရာ တုန့်ပြန်မှုကိုမျှ မျှော်လင့်ခြင်း မရှိဘဲ၊ ကျေးဇူးရှင် ကျေနပ်ခြင်းကိုသာ မျှော်လင့်ခြင်းသည် ကျေးဇူးဆပ်ခြင်း၏ အနက် အဓိပ္ပါယ် ဖြစ်ပါ၏။ လောကတွင် ဤနည်းဖြင့် ကျေးဇူးဆပ်ခြင်းသည်သာ အမြင့်မြတ်ဆုံးဖြစ်ကြောင်း မြတ်စွာဘုရားက ဟောတော်မူခဲ့ခြင်း ဖြစ်ပါ၏။ ကျွန်ျတ်ာတို့သည် ဗုဒ္ဓဘာသာဝင်များ ဖြစ်ကြပါ၏။ ဗုဒ္ဓဘာသာဝင်များ ဖြစ်ကြသည့်အားလျှော်စွာ ကျွန်တော်တို့၏ အမျိုး ဘာသာ သာသနာ အတွက် ဖွံ့ဖြိုး တိုးတတ်အောင် အားထုတ်ရာ၌ ဤ “ကတညုတ” အမြင်မျိုးဖြင့်သာ အားထုတ်အပ်ပါ၏။

ကျွန်တော်တို့သည် မိမိတို့၏ လူမျိုးကို ချစ်ကြ၏။ ကမ္ဘာ ပေါ်ရှိ အခြားသော လူမျိုးများကိုလည်း ဗြဟ္မစိုရ် မျက်စိဖြင့် ကြည့်၍ ချစ်သည်ပင် ဖြစ်ပါ၏။ သို့ရာတွင် ကတညုတ မျက်စိဖြင့် ကြည့်သောအခါ ပဋ္ဌာန်း ပါဠိတော် ဥပနိဿယ ပစ္စည်းအရ ကျွန်တော်တို့ အပေါ်၌ ကျွန်တော်တို့ လူမျိုးက ပို၍ ကျေးဖူးကြီး၏။ ထို့ကြောင့် အခြားသော လူမျိုးများထက် ကျွန်တော်တို့ လူမျိုးများ အပေါ် ပို၍ ကျေးဇူးဆပ်ရမည် ဖြစ်ပါ၏။ ဤသို့ ကျေးဇူးဆပ်ခြင်းကို စရဏကျမ်း များကလည်း “နရ ယည” ဟုဆို၏။ “နရ ယည” ဟူသည်မှာ မိမိတို့၏ လူမျိုးများကို ကြီးမြတ်စွာ ပူဇော်ခြင်း ဟု အဓိပ္ပါယ်ရ၏။

အလားတူပင် ကျွန်တော်တို့သည် မိမိတို့၏ ဘာသာကို မြတ်နိုးကြ၏။ ကမ္ဘာ ပေါ်ရှိ အခြားသော ဘာသာများကိုလည်း ဗြဟ္မစိုရ် မျက်စိဖြင့် ကြည့်၍ မြတ်နိုးသည်ပင် ဖြစ်ပါ၏။ သို့ရာတွင် ကတညုတ မျက်စိဖြင့် ကြည့်သောအခါ ပဋ္ဌာန်း ပါဠိတော် ဥပနိဿယ ပစ္စည်းအရ ကျွန်တော်တို့ အပေါ်၌ ကျွန်တော်တို့ ဘာသာက ပို၍ ကျေးဖူးကြီး၏။ ထို့ကြောင့် အခြားသော ဘာသာများထက် ကျွန်တော်တို့ ဘာသာ အပေါ် ပို၍ ကျေးဇူးဆပ်ရမည် ဖြစ်ပါ၏။ ဤသို့ ကျေးဇူးဆပ်ခြင်းကို စရဏကျမ်း များကလည်း “ဗြဟ္မ ယည” ဟုဆို၏။ “ဗြဟ္မ ယည” ဟူသည်မှာ မိမိတို့၏ ဘာသာ စပေများကို ကြီးမြတ်စွာ ပူဇော်ခြင်း ဟု အဓိပ္ပါယ်ရ၏။

ထိုနည်းတူပင် ကျွန်တော်တို့သည် မိမိတို့၏ သာသနာတော်ကို မြတ်နိုးကြ၏။ ကမ္ဘာ ပေါ်ရှိ အခြားသော သာသနာများကိုလည်း ဗြဟ္မစိုရ် မျက်စိဖြင့် ကြည့်၍ မြတ်နိုးသည်ပင် ဖြစ်ပါ၏။ သို့ရာတွင် ကတညုတ မျက်စိဖြင့် ကြည့်သောအခါ ပဋ္ဌာန်း ပါဠိတော် ဥပနိဿယ ပစ္စည်းအရ ကျွန်တော်တို့ အပေါ်၌ ကျွန်တော်တို့ သာသနာတော်က ပို၍ ကျေးဖူးကြီး၏။ ထို့ကြောင့် အခြားသော သာသနာများထက် ကျွန်တော်တို့ သာသနာတော် အပေါ် ပို၍ ကျေးဇူးဆပ်ရမည် ဖြစ်ပါ၏။ ဤသို့ ကျေးဇူးဆပ်ခြင်းကို စရဏကျမ်း များကလည်း “ဒေ၀ ယည” ဟုဆို၏။ “ဒေ၀ ယည” ဟူသည်မှာ မိမိတို့၏ ဘုရား နှင့် သာသနာတော်ကို ကြီးမြတ်စွာ ပူဇော်ခြင်း ဟု အဓိပ္ပါယ်ရ၏။

သို့ရာတွင် ကျွန်တော်တို့၏ ဘုရားကား အခြားသူများ၏ ဘုရားနှင့် မတူ။ ထို့ကြောင့် ကျွန်တော်တို့၏ သာသနာတော်မှာလည်း အခြာူသူများ၏ သာသနာနှင့် မတူပါချေ။ ဤသည်မှာ ကတညုတ မျက်စိဖြင့် လောကကို ကြည့်သောအခါ မြင်ရသော အမြင်များ ဖြစ်ပါ၏။ ဤအမြင်မျိုးဖြင့်သာ ကျွန်တော်တို့သည် မိမိတို့၏ အမျိုး၊ ဘာသာ၊ သာသနာတော်ကို တိုးတက်သည်ထက် တိုးတတ်အောင်၊ သန့်ရှင်းသည်ထက် သန့်ရှင်းအောင်၊ ပြန့်ပွါးသည်ထက် ပြန့်ပွါးအောင် အားထုတ်အပ်ပါ၏။

အမှန်အားဖြင့် အရေအတွက်ထက် အရည်အချင်းသည် ပြဋ္ဌာန်း၏။ အရေအတွက်သည် အားသစ်ကို မဖြစ်ပေါ်စေနိုင်ဘဲ၊ အရည်အချင်းသည်သာ အားသစ်ကို ဖြစ်ပေါ်စေနိုင်ပါ၏။ ဒဿန ကျမ်းများ၌ အရေအတွက်အရ ဖွဲ့စည်းခြင်းကို “သံယောဟ သမ္ဗန္ဓ” ဟုခေါ်၏။ အရည်အချင်း အရ ဖွဲ့စည်းခြင်းကို “သမ၀ါယ သမ္ဗန္ဓ” ဟုခေါ်၏။ ထိုတွင် အရည်အချင်း အရ ဖွဲ့စည်းနိုင်ပါမှသညလျှင် ကျွန်တော်တို့၏ အမျိုး ဘာသာ သာသနာတော်သည် အမှန်တကယ် တိုးတတ်နိုင်မည် ဖြစ်ပါသည်။

ထို့ကြောင့် ကျွန်တော်တို့သည် မိမိတို့၏ အမျိုး ဘာသာ သာသနာတော်ကို အမှန်တကယ် တိုးတတ်စေလိုပါလျှင် လောကကို ကတညုတ မျက်စိဖြင့် ကြည့်ပြီး၊ အရေအတွက် အရ ဖွဲ့စည်မှို “သံယောဟ သမ္ဗန္ဓ” နည်းထက် အရည်အချင်း အရ ဖွဲ့စည်းမှု “သမ၀ါယ သမ္ဗန္ဓ” နည်းလမ်းဖြင့်သာ လပ်ဆောင်သင့်ပါ၏။ ဤနည်းမှာ ဗုဒ္ဓ အလိုကျ နည်းလမ်းလည်း ဖြစ်ပါ၏။

ကျွန်တော်တို့နှင့် (၃၁) ဘုံသည် သံယောဇဉ်ကြိုးများဖြင့် နှောင်ဖွဲ့ထားခြင်း ဖြစ်လေရာ၊ ကျွန်တော်တို့က လှုပ်သလို (၃၁)ဘုံကလည်း လိုက်၍ လှုပ်မည်သာ ဖြစ်ပါ၏။ ကျွန်တော်တို့က “ဓမ္မ” အရ လှုပ်လျှင် (၃၁) ဘုံကလည်း “ဓမ္မ” အရ လိုက်၍ လှုပ်မည်ပင် ဖြစ်ပါ၏။ ကျွန်တော်တို့က “အဓမ္မ” အရ လှုပ်လျှင် (၃၁) ဘုံကလည်း “အဓမ္မ” အရ လိုက်၍ လှုပ်မည်ပင် ဖြစ်ပါ၏။ ထို့ကြောင့် ကျွန်တော်တို့၏ အမျိုး ဘာသာ သာသနာတော် တိုးတတ် ပြန့်ပွါးရေး လုပ်ငန်းများ၌ “ကတညုတ မျက်စိ” အမြင်ဖြင့် ကြည့်၍ “ဓမ္မ” အရ လှုပ်နိုင်အောင် ကြိုးပမ်း အားထုတ်သင့်ပါသည်။

ဦးရွှေအောင်

[ဓမ္မဂီရိ စာစောင်၊ ဖေဖေါ်ဝါရီလ ၁၉၉၃]