ရဟန်းနှင့် ကြာ

ရဟန်းနှင့် ကြာ

စိတ်နှလုံးကို ဆွဲဆောင်နိုင်သော ရသေ့ကို ဖူးမြင်ရ၍ ထိုအခါ ငါ၏ အသက်ရှင်ခြင်းသည် အကျိုး ရှိလေစွဟု အောက်မေ့ မှတ်ထင်ခဲ့၏။

‘အရှင်ရသေ့ … အရှင့်အား အခြားပေးလှူရန် လှူဖွယ် မရှိပါ..။ အရှင့်အား ဤကြာပန်း တို့ကို လှူပါ၏။ အရှင်ရသေ့ ၏ သမ္မာသမ္ပောဓိဥာဏ် အကျိုးငှာ အရှင်နှင့် အတူ ပေါင်းဆုံ ရခြင်းဖြစ်ပါ စေကုန်’

(ယသောဓရာထေရီအပါဒါန်)

(၁)
အနန္တကျေးဇူးရှင် ဖခင်ကြီး ရုတ်တရက် ကွယ်လွန် သွားသည့်အတွက် သူ ရွာသို့ အရေးပေါ် ပြန်သွားရသည်။ ဧပြီလ (၈)ရက် အရုဏ် မတက်မီ ဟောင်ကောင် သွားရန် အားလုံး စီစဉ်ထားပြီးကာမှ ထိုခရီးစဉ်ကို အကြောင်းပြချက် မရှိဘဲ သူဖျက် သိမ်းလိုက်သည်။ ထိုနေ့ မွန်းလွဲချိန်တွင် ဖခင် ကွယ်လွန်ကြောင်း ဖုန်းဝင် လာခြင်းဖြစ် သည်။ အဖေက သားရဟန်းကို အလှမ်းမဝေးအောင် တားထား လိုက်လေသလား …။ ခမည်းတော် ကြီးဟူသော အခေါ် အဝေါ်ထက် အဖေဟု အာလုပ်ပြုတာ ကို နှစ် ခြိုက်သော အဖေ..။

ရွာဦး ဘုန်းတော်ကြီး ကျောင်းအဝင် မုခ်ဦးဝ ရေကန်သာရိုးပေါ် ရှိ အိမ်အမှတ် (၁) တွင် သူ့မိဘနှစ်ပါး နေထိုင်သည်။ အဖေ ဆောက် ထား သော ကျေးလက် အိမ်ငယ် တွင် အဖေ မရှိတော့ပြီ။ အမေက မျက်ရည် စမ်းစမ်းဖြင့် သူ့ကို ကြိုရှာ သည်။ ကိုယ်တော့် အဖေ မရှိတော့ဘူးတဲ့။ အဖေ့ မျက်နှာကို လှစ်ဟပြတော့ ပြုံးရိပ်လေး ရှိနေ သည်။ ထိုင်နေရင်း စကားပြောရင်း သံသရာ ခရီးဝေးကို ထွက်သွားခြင်း ဖြစ်သည်။ မကွယ်လွန်မီ ညက အဖေက သား ရဟန်းဟောသော တရားကို နာသည်။ သားကို အလွန်အမင်း ဂုဏ်ယူတတ် လေသည့် ဖခင်တို့၏ လေယူလေသိမ်း အတိုင်းပင် ”ငါ့သား စာတွေ တတ်လိုက်တာ”တဲ့..။

အဖေက တရား အဆုံးတွင် သာဓု အကြိမ် ကြိမ် ခေါ် သွားခဲ့ သည်ဟု ကြားရသောအခါ ရဟန်း ဆိုသည့်တိုင် စိတ်မခိုင်…။ နှမငယ် များ အဖေ့ကို တတမ်း တတ မြည်တမ်း ငိုယိုတိုင် တည်ကြသည့် အခါမှာ တော့ မျက်ရည်ဝဲ သွားရသည်။ ”ကိုယ်တော့်အဖေ က လူစိတ်ကောင်းကြီးမို့ ကောင်းရာ မွန်ရာ ရောက်မှာပါ”ဟု ပါရမီဖြည့်ဖက်ကြီး အပေါ် စိတ်ဖြေ တွေးဖြင့် စကားအေးအေး ဆိုနိုင်သည့် အမေ့ကိုသူ ကျေနပ်သွားသည်။ အဖေရှိစဉ် ကတော့ နီး တကျက်ကျက်..။ ဝေးနေကြသည့် အချိန်များ မှာတော့ အဖေက အမေ့ အကောင်း၊ အမေက အဖေ့ အကောင်း အကြောင်းစုံ ခင်းတတ်ကြသည်။ ”ဒီလောက်မြန်မြန်ကြီး ခွဲသွားမယ် မထင်လို့ ပြောမိ ဆိုမိတာပါ ကိုကျော်သန်းရယ်” တဲ့..။

ဥပုသ်စောင့်လိုက်၊ အရက်သောက်လိုက် အဖေ့အား အမေက ကရုဏာဒေါသော တတ်ခြင်း ကို ရည်ညွှန်းသည့် စကားတွင် ချိန်းဆိုမှု မရှိသော သေခြင်း တရား ၏ ခြေလှမ်းကိုပါ သံဝေဂ ယူလိုက် သေးသည်။ အမေ့မျက်နှာ မှုန်မှုန်လေးကို စာနာမိစွာ အမေ့ ပခုံးသားပျော့ အိအိလေးကို ဖွဖွ ဖိဖိ ထိကိုင်နှစ်သိမ့် ပေးမိသည်။ အမေပြောပြသော အဖေ့ အကြောင်းကို နားထောင်ရင်း အဖေ့ အချစ် တော်ရွာဦးရေကန် ကို မျှော်ငေးနေမိသည်။ အဖေက ရေကန်ထဲမှ မိုးရေစစ်စစ် ကိုမှ ရေနွေး ကျိုသောက်လေ့ ရှိသည်.။ ထိုစဉ်မှာပင် ရေကန် မျက်နှာပြင်ပေါ်ရှိ အဖြူရောင် ကြာပန်းများ လင်းလင်း ပွင့်လာသည်ကို မြင်လိုက်ရသည်။

(၂)
သာမန်ပုထုဇဉ် ဇနီးမောင်နှံ မျှသာ ဖြစ်ကြလေသော သူ့မိခင်ဖခင် တို့၏ ပေါင်းဆုံမှု တွင်ပင် အကျိုးလိုလားမှု စမ်းရေများ ဤမျှလောက် ရေစီးရေ လာ ကောင်းနေသေး လျှင် ဟူသော အတွေးကြောင့် အနှိုင်းမဲ့ ပါရမီဖြည့်ဖက် ကြီးများ ဖြစ်ခဲ့ကြဖူးလေသည့် ဗုဒ္ဓ အရှင်နှင့် ယသောဓရာ ထေရီ တို့၏ အဦးအစ တွေ့ဆုံခန်းကို စိတ်ဖြင့် ကလစ် မိသွားသည်။ ထိုပါရမီရေကန် သာတွင် ကြာပန်းဖြူဖြူများ ပွင့်နေခြင်းဖြစ်သည်။ ဒီပင်္ကရာ ဘုရားမြတ်၏ ခြေတော်ရင်း နွံဗွက် အိုင်ထဲ ဝမ်းလျား ထိုးမှောက်ကာ ခန္ဓာကိုယ် တံတား ဆောက် လှူဒါန်းနေသည့် လူချောလူလှ သုမေဓာ ရသေ့ငယ်အား ကြာငါးခိုင် ပေးဆက်နေသော သတို့သမီး သုမိတ္တာ၏ ပုံရိပ်က ဘုရားတန်ဆောင်း တိုင်း၏ နံရံဆေးရေး ပန်းချီကား များအတွက် နူးညံ့သိမ်မွေ့မှု အရှိဆုံး အနုပညာ ဘာသာရပ် တစ်ခုဖြစ်သည်။ 

 ”ဤသတို့သမီးသည် သင့် အကျိုးငှာ တူမျှသော စိတ်ရှိ သည်၊ တူမျှသော ကောင်းမှု ကံရှိသည်၊ တူမျှသော အမှုကိစ္စကို ပြုလေ့ ရှိသူဖြစ်လတ္တံ့၊ ကာယကံ၊ ဝစီကံအားဖြင့် ချစ်အပ်သူ ဖြစ်လတ္တံ့၊ ဤသတို့သမီး သည် ရှုချင် ဖွယ် ရှိသူ၊ ချစ်ဖွယ်ရှိသူ၊ စိတ်နှလုံးကို ပွားစေ တတ်သူ၊ ချစ်ဖွယ်သော စကားကို ပြောဆိုလေ့ ရှိသူဖြစ်၍ ထိုမြတ်စွာ ဘုရား၏တရားတို့၌ အမွေခံသူ တန်ခိုး ကြီးသူဖြစ်လတ္တံ့၊ အရှင်၏ ဘဏ္ဍာကြုတ် ကို အစဉ်စောင့်ရှောက် သကဲ့သို့ ဤအတူ ကုသိုလ်ကောင်းမှု တို့ကို အစဉ်စောင့် ရှောက်လတ္တံ့၊ ”ဒီပင်္ကရာ ဘုရားရှင်၏ ဗျာဒိတ် တော် စကား လုံးတိုင်းတွင် မိန်းမ တစ်ယောက်၏ တန်ဖိုးက ထင်းထင်း ပေါ်လွင်နေသည်။

ယောက်ျားမြတ်နှင့် အတူ လက်ချင်း ချိတ်ကာ လောက အတွက် ဆောင်ရွက်နိုင်စွမ်း ရှိသည့် မိန်းမမြတ်ဖြစ် ထိုက်သော အခွင့်အလမ်း ကို ညွှန်းတော်မူသည်။ ယနေ့တောင်းဆို နေသော အမျိုးသမီး အခွင့်အရေး ဟူသည် သံသရာနှင့် ကံကြမ္မာကို ယုံကြည် လက်ခံထားသော ဗုဒ္ဓဝါဒီ တို့အတွက် လေးသင်္ချေနှင့် ကမ္ဘာ တစ်သိန်း ကာလက နွံတောတစ်ခု တွင်ပွင့်ခဲ့ပြီးသော ကြာဖြူ ဖြစ်သည်။ တူမျှသော စိတ်၊ တူမျှသော ကံ၊ တူမျှ သော အမှု ရှိသော မိန်းမ..။

ကာယကံ၊ ဝစီကံ အားဖြင့် ချစ်အပ်သော မိန်းမ..။ စိတ်အလှ ရုပ်အလှ တို့ဖြင့် စွယ်စုံ ဝင်းပနေသော စံမိန်းမ …။ ယောက်ျား တစ်ယောက် ၏ ပါရမီဖြည့်ဖက် အဖြစ် ကုသိုလ်ကောင်းမှု ကို စောင့်ရှောက်နိုင်သော မိန်းမ…။ အမှန် တကယ်တော့ လေးသင်္ချေနှင့် ကမ္ဘာတစ်သိန်း ကာလ အတိုင်းအတာသည် ဘုရား ဆုပန် သုမေဓာရသေ့ငယ် လျှောက်ရမည့် သံသရာ ခရီးပေါ် က နှလုံးသွေး စွန်းသော ပါရမီလမ်းသာ ဖြစ်သည်။

သတို့သမီး သုမိတ္တာက မိန်းမသား အချစ် သက်သက်ဖြင့် အရဲကိုးကာ ပံ့ပိုးဖြည့်ဆည်း လိုခြင်း ဖြစ်သည်။ ကမ္ဘာ အသင်္ချေ စွဲမြဲ အကဲပိုလွန်းသော ပါရမီ အချစ် က လောကသားတို့ အကျိုးစီးပွား၊ လောကသားတို့ ချမ်းသာ ဟူသော ရည်သန်ချက် ကြီးမားလှသည့် ယောက်ျားမြတ် အတွက် ကူသော လက်၊ ကမ်းသော ပဝါဖြစ် လာလေသည်။ ချစ်မြတ် ကြည်ညိုသော ရှင်သုမေဓာကို မြင်နေရလျှင်ပင် သူမက အသက်ရှင်ရ ကျိုးနပ်ပါသည်တဲ့။

 သို့နှင့် သူမက ကြာငါးခိုင်ကို လှူသည်။ ကြာငါးခိုင် သည် သူမ၏ သံသရာ တစ်ခုလုံးကို ကိုယ်စားပြုလေ သည်။ ဗုဒ္ဓဘာသာဝင် တို့အတွက် ကမ္ဘာ တစ်သိန်း ဟူသော ကာလသည် မိမိတစ်ဦး တစ်ယောက် မြတ်သော သာဝက အဖြစ် ရောက်ဖို့ ပါရမီဖြည့်ရန် လုံလောက်သော အချိန်ဖြစ်သည်။ ခုတော့ သုမိတ္တာလေးက မောင့်ဘက် လိုက်ကာ လေးသင်္ချေ နှင့် ကမ္ဘာတစ်သိန်း ကြာအောင် အမိုက်တွေ ကို ဝိုင်းကူ ရှင်းပေးချင်လှပြီ..။

(၃)
ကြာပန်း ဆိုသည်က နွံမှ ရုန်းထွက်ကာ နေကို ဦးတည်ရန် ကောင်းကင်ကို မျက်နှာမူရ မြဲဖြစ်သည်။ သန့်ရှင်းသော၊ ကြည်လင်သော လွတ်မြောက်သော၊ အပြစ် မရှိသော နှစ်လိုဖွယ် သော ဝိသေသန များစွာ ရနံ့ထွက်နေသည်။ သုမေဓာသည် ကြာဖြူ တစ်ပွင့်ဖြစ်သည်။ သုမိတ္တာ သည်လည်း ကြာဖြူ တစ်ပွင့်ပင် ဖြစ်သည်။။ ခုတော့ လည်း ထိုကြာဖြူဖြူ များက သံသရာနွံမှ အတူတူ ရုန်းထွက်သွားခဲ့ကြပြီ၊ သစ္စာနေဝန်း အတွက် အသက်အသွေး ပေးအပ်ခဲ့ ကြပြီ။ နိဗ္ဗာန် မိုးသားအောက်တွင် အမြိုက်ရေ ကို သောက်ခဲ့ကြ ပြီ။ ကြာဖြူ မျိုးစေ့များစွာ လောက ရေကန်ပြင်ပေါ် ကြဲပက်လိုက်သည်။ ယသောဓရာထေရီ က မိန်းမ တစ်ယောက် ၏ ခိုင်ခံ့လှသော ရဲဘော် ရဲဘက်စိတ် အမာထည်ကို ဂါထာဖွဲ့သီကာ ဗုဒ္ဓ အရှင်အား နောက်ဆုံးစကား လျှောက်ကြားခဲ့သည်။

”သုခပ္ပတ္တာနုမောဒါမိ၊ န စ ဒုက္ခေသု ဒုမ္မနာ။ သဗ္ဗတ္ထ တုလိတာ ဟောမိ၊ တုယှတ္ထာယ မဟာဝီရ။ သခင် လန်းတော့ ကျွန်မပျော်၊ ဆင်းရဲ သော်လည်း ဝမ်းမနည်း။ အရာ အားလုံးမှာ အတူတူပဲ ဖြစ်ခဲ့။ အရှင့် အတွက်သာပ သခင် ဘုရား။”  ဗုဒ္ဓအရှင် ကိုယ်တိုင်က ချီးကျူးစကား ထုတ်ဖော်ခဲ့ ရ၏။ ”ဥပကာရာစ ယာ နာရီ၊ ယာ နာရီ စ သုခေ ဒုခေ။ အတ္ထက္ခာယီ စ ယာ နာရီ၊ ယာ စ နာရီ နုကမ္ပိကာ။ (ယသောဓရာသည်) ကျေးဇူးလည်းပြုတတ်ပေ သော မိန်းမမြတ်၊ ချမ်းသာ ဆင်းရဲ သံသရာဝဲမှာ လက်တွဲ မဖြုတ် ခဲ့သော မိန်းမမြတ်၊ အကျိုးဖြစ်ရန် မှန်သာစကားကို သာဆိုပေသော မိန်းမမြတ်၊ အမြဲအစဉ်သာ စောင့်ရှောက် ရှာသော မိန်းမမြတ် ပေတည်း။”

အမှန် တကယ်တော့ သုမိတ္တာ၏ ဇွဲက သုမေဓာကို ရင်ပေါင်တန်း လိုက်သည်။ ကာလ အတိုင်းအတာ စွန့်လွှတ်နိုင်မှုကိုသာ စံချိန်ယူ ရလျှင် သုမိတ္တာ သည်ပင် ဘုရားဖြစ် ထိုက်သော သတ္တိမျိုး ရှိနေသည်။ အမျိုးသား ဘဝကို ယူ၍ ဘုရား ဆုပန်ကာ သီးခြားတစ်ဆူ ပွင့်နိုင်လောက် သော ပါရမီ လက်မျိုးကို ပိုင်ဆိုင်သူ ဖြစ်သည်။ သို့သော် မိန်းမ တစ်ယောက် သည်လည်း လောက ကို ပေးဆပ်နိုင်သည် ပဲမဟုတ်လား…။

အမေရိကန် ရင်းနှီးမြှုပ်နှံမှု သူဌေးကြီး မစ္စတာ ဝါရင်းဘတ်ဖက်က  သီးခြားဖောင်ဒေးရှင်း ထူထောင်နိုင်သော်လည်း မစ္စတာ ဘီလ်ဂိတ်တို့ ဇနီးမောင်နှံ၏ ဂိတ်ဖောင်ဒေး ရှင်း တွင် အလှူငွေ များစွာ ပူးပေါင်း ပါဝင်လိုက်သော သတင်းကို ဖတ်ရသည့်အခါ သုမိတ္တာကို သတိရမိသည်။ ဘယ်လောက်များ အတ္တနည်း လိုက်ပါသ လဲ။ လောက အကျိုး သယ်ပိုးရန်အတွက်ဆို ဖောင်ဒေး ရှင်းတွေ အများကြီး မလို…။ မေတ္တာတရားဖြင့် ခွန်အား ရှိသူချင်း ပေါင်းစည်း လိုက်ရုံ…။ လောက ချမ်းသာရေး သက် သက် ဆောင်ရွက်ဖို့ အတွက် ကတော့ ယောက်ျားဘဝကို တခုတ်တရ ဆုတောင်းနေရန် မလို…။ ချစ်ခြင်း တရားဖြင့် ပါရမီတူ သူချင်း ကုသိုလ် ဝတ်မှုန် ကူးလိုက်ရုံ …။

(၄)
အမေက အဖေ့ ရုပ်အလောင်း ဘေးတွင် ငြိမ်ဆိတ်စွာ ထိုင်နေဆဲ…။ သူကတော့ ကန်ရေပြင်ထဲမှာ ကြာပန်းတွေ ခူးယူလို့မကုန် …။ ကြာပန်းတွေ ပွင့်လိုက်တာ….။

ဓမ္မဂင်္ဂါ