ခွဲထားလို့ မဖြစ်နိုင်ပါ

ခွဲထားလို့ မဖြစ်နိုင်ပါ

၁

ပရိယတ်နှင့်၊ ပဋိပတ်မကူ၊

ပဋိဝေဓ၊ မရထိုလူ၊

မဂ်ဖိုလ်တရား၊ ငြင်းငြားထိုသူ၊

အကန်းချင်း၊ လမ်းငြင်းတာနှင့်တူ၊

မန္တလေးမြို့၊ နိုင်ငံတော် ပရိယတ္တိ သာသနာ့တက္ကသိုလ်တက်ရောက်ရစဉ်က မှတ်မှတ်ရရ ‘ဗုဒ္ဓဒေသနာပြန့်ပွာရေးဌာန’က ကထိက ဆရာတော်တစ်ပါး ပြောပြဖူးတာလေးပါ၊ ဘုရား သာသနာတော်မှာက လေ့လာမှတ်သားမှု အပိုင်း၊ ကျင့်ကြံ အားထုတ်မှု အပိုင်း ဆိုပြီး နှစ်ပိုင်း ခွဲထားပါတယ်၊

ဗုဒ္ဓသာသနာတော်သို့ ရောက်လာသော မည်သူမဆို ပထမအဦးဆုံး-

‘ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ’

ရွတ်ဆိုကြရသည်မှာ ထုံးစံတစ်ခုပါ၊ အသံထွက်မှန်မှန် ရွတ်တတ်အောင် ပထမဆုံး သင်ပေးရပါတယ်၊ အဖြတ် အတောက် အချီအချများကို ပြောပြရပါတယ်၊ ကလေးငယ်လေးများဆိုလျှင် ဘုရား ဆိုတာကို လက်ညှိုးထိုးပြပြီး တောင်မှပြောရပါတယ်၊ သူတို့လေးတွေ စိတ်ထဲ လေးစားထိုက်သော အရာအဖြစ် သိအောင် ပြရပါတယ်၊ ကိုယ်ကိုယ်တိုင်ကလဲ စံပြဖြစ်အောင် ပြုလုပ်ပြပြန်ပါတယ်၊ အပြောနှင့်သာ မဟုတ်ပဲ အလုပ်နဲ့လဲ သင်ရပါတယ်၊

နောက်မှ ဘုရားဆိုတာ ဘယ်လို ဖြစ်တယ်၊ ဘာကြောင့် ဘုရားဖြစ်တယ်၊ ဘယ်လိုလက် အုပ်ချီ စသည်ဖြင့် ပြောရပါတယ်၊ ပုံစံ မကျလျှင် ကိုယ်တိုင်ပင် လက်ထပ်ပြီး သင်ပေးရပါတယ်၊ ထပ်ခါထပ်ခါ ပြောပြပါများတော့ ငယ်ရွယ်သော ကလေးများ လူကြီးများ ဘုရားကြည်ညိုသည့်ဟန်ကို အတုလိုက်လာတတ်ပါတယ်၊

ကလေးငယ်များသည် စာဖြင့် သင်ယူရသည်ထက် အမြင်ဖြင့် သင်ယူကြသည်က များပါတယ်၊ တချို့ကလေးငယ်များ ရဟန်းတော်များကို လက်အုပ်ချီပြီး ရှိခိုးတတ်သည်ကို တွေ့ရပါတယ်၊

သီရိလင်္ကာနိုင်ငံ၏ ချစ်စရာမြင်ကွင်းများတွင်လေးစားထိုက်သော အလေ့တစ်ခုမှာ ကလေးငယ်များကို ဘာသာရေး အခမ်းအနားများတွင် ခေါ်ဆောင်လာတတ်ခြင်းဖြစ်ပါတယ်၊ ပြီးတော့ ကလေးငယ်များကို ပရိသတ်များ ရှေ့ထားပြီး နေရာပေးကြတယ်၊ လက်အုပ်ချီထားသော အမေအဖေတို့ကို ကြည့်ပြီး ကလေးများလဲ လက်အုပ် ချီကြပါတယ်၊ အဲဒီမြင်ကွင်းလေးကို မြင်တိုင်း ကြည်နူးရပါတယ်၊

တစ်ချို့ကလေးငယ်များ အရွယ်နှင့် မလိုက်အောင်ပင် ဘုရားရှိခိုးကို လူကြီးများနှင့် အတူလိုက်ပြီး ရွတ်ဆိုနိုင်ကြပါတယ်၊ ရေစက်ချပြီဆိုလျှင် မိဘ ကလေးလူကြီး မကျန် ရေစက်ခွက်ကို ကိုင်ကြရပါတယ်၊ ပြီးတော့ ညီညီညာညာလိုက်ပြီး ရွတ်ဆိုကြပါတယ်၊ အဲလို သင်ယူထားကြသော ကလေးများသည် ဘယ်နေရာမှာ တွေ့တွေ့ ရဟန်းတော်များကို လက်အုပ်ချီပြီး ရှိခိုးတတ်ကြသည်၊ မြင်ရတိုင်း ၀မ်းသာ ကြည်နူးမိပါတယ်၊

သင်ကြားပေးသော မိဘများနှင့် ဆရာသမားများကိုလဲ လေးစားမိပြန်ပါတယ်၊ သိအောင် အားထုတ်ကြတယ်၊ ပြီးတော့လိုက်နာ ကျင့်သုံးကြတယ်၊ အဖိုးအဖွားတို့ လက်ခံ ယုံကြည်ကိုးကွယ်ခဲ့တဲ့ အစဉ် အလာကို ဆက်လက် ထိမ်းသိမ်းခြင်းကြောင့် ငြိမ်းချမ်း တည်ငြိမ်ကြပါတယ်၊ သူတို့ လေးများ၏ အသွင် အပြင်က မြင်ရသူတွေကိုလဲ အေးချမ်းမှု ပေးနိုင်စွမ်းပါတယ်၊

၂

သာသနာ့တက္ကသိုလ်မတက်မီ အနောက်ပြင်နေရစဉ်က နေ့လည်တစ်နာရီအချိန်တွင် မိုးကောင်းတိုက်သို့ သွားပြီး ရူပသိဒ္ဓိ စာဝါလိုက်ပါသည်၊

ထမင်းလုံးစီချိန်မရပါ၊ ကျောခင်းချိန်မရပါ၊

‘တစ်ရေးနိုးသော် အကြံပေါ် ၊
ပေါ်သည့်အကြံ တစ်သိန်းတန်တဲ့၊
တစ်သိန်းတန် အကြံပေါ်ရေး၊
ထိုတစ်မှေး ကွေးလိုက်ဦးမှ ကွေးလိုက်ဦးမှ”

ဆိုသော စာချိုးဖျက်တော့သည်၊

နွေနေသည် ပူပြင်းလှသည်၊ နေ့ခင်းနေရှိန်သည် မြေပြင်သို့ ထိုးစိုက်ကျပြီး ပြန်လည် အပူရှိန်ဟပ်သောကြောင့် တငွေ့ငွေ့ ခံစားရသည်၊ မျက်စိများ ကျိန်းစပ်သည်၊ နေ့ခင်းဆွမ်းစာပြီးစ အချိန်ဖြစ်၍လဲ စိတ်များလေးလံထိုင်းမှိုင်းနေတတ်သည်၊

သို့သော် စာဝါမီဖို့အရေး အပြေးအလွှား သွားရပြန်သည်၊

‘များများသင်၊ မြန်မြန်သင်၊ မမေ့စေနဲ့၊ မမှားအောင် လုပ်’ စသည်ဖြင့် စာဝါလိုက်ဖို့ အရေး တိုက်တွန်းအားပေးတတ်သော ဆရာသည် စာဝါမှန် မမှန် လိုက်လံ ကြည့်ရှုတတ်သည်၊ ‘သင်ထား မှမောင်ရင်တို့ရေ၊ နောက်တော့ ကျင့်ကြံတတ်တယ်၊ ဘာမှ မသင်ရင် သူများ ပြောသမျှ ခေါင်းညိတ်ရတတ်တယ်”

လေ့လာခြင်းက ကျင့်ကြံခြင်းကို အထောက်ကူပြုပုံအား အမြဲတမ်းပြောနေသော်လည်း စိတ်ထဲ ကဲကဲလွန်းတယ် ထင်မိပါသည်၊

ဆရာတော်သည် စာဝါလိုက်လျှင် သဘောကျသည်၊ အိမ်တော်ရာဘုရားခြင်းဝိုင်းတွင် သောတုဇန များရောက်နေသည့် အဖြစ်မျိုးများတွေ့ရင် ဘယ်သို့ပြောမည်မသိနိုင်ပါ၊

နောက်တော့ မန်းတောင်ခြေက သာသနာ့ တက္ကသိုလ်ကြီးကို ရောက်ရသည်၊ တက္ကသိုလ်ဆရာများသည် သူ့နည်း သူဟန်ဖြင့် စာသင်ကောင်းကြသော ပုဂ္ဂိုလ်များချည်းဖြစ်သော်လည်း ဗုဒ္ဓဒေသနာပြန့်ပွားရေးဌာနသည် စာသင်သားများကို အဆွဲဆောင်နိုင်ဆုံးဟု ပြောနိုင်ပါသည်၊

ဗုဒ္ဓသာသနာ့ သမိုင်း၊ ကမ္ဘာ့သမိုင်း၊ အတွေး အခေါ်ရှင်ကြီးများ သမိုင်း စသည်ဖြင့် စုံလှသည်၊ အနောက်တိုင်းက အတွေး အခေါ်ပညာရှင်ကြီးများ အကြောင်းသင်ကြားပေးရင်ဖြင့် လက်တွေ့ပါသော သဘော တရားများကသာ ရေရှည်ခိုင်မြဲကြောင်း စာချ ဆရာတော်မှ ရှင်းပြသည်၊ ခန့်မှန်းသဘော တရားဆိုသော အယူဝါဒမျိုး ဗုဒ္ဓတရားတော်များတွင် မရှိကြောင်းရှင်းပြသည်၊

၁၊ သိအောင်လုပ်ပါ၊

၂၊ သိလျှင်ကျင့်ပါ၊

၃၊ အသိမှန် အကျင့်မှန်တို့က- ရလာဘ်အမှန်ကို ပို့ဆောင်ပေးနိုင်သည်၊

ဟုနှုတ်တိုက်ပြောပြီး-

‘ ပရိယတ်နှင့် ပဋိပတ် မကူ၊

ပဋိဝေဓ ၊မရထိုလူ၊

မဂ်ဖိုလ်တရား၊ ငြင်းငြားထိုသူ၊

အကန်းချင်း၊ လမ်းငြင်းတာနဲ့တူ’

Blackboard အနက်ရောင် အောက်ခံတွင် အဖြူရောင် စာသားသည် ရင်တွင်း၌ ယခုထိတိုင် စွဲထင်နေတော့သည်၊

၃

မန်း-နေပြည်တော်ခေတ်က-

ကိုရင်တစ်ပါးမြို့တက်လာသည်၊ မန်း-နေပြည်တော်တစ်ဝန်း ခြေတိုလုလု ကိုယ့် ဆွမ်းကိုယ်ခံစားပြီး စာသင်ရသည်၊ ကိုရင်ဘ၀နှင့် စာမေးပွဲများ အောင်မြင်သည်၊ နောက် ရဟန်းတော်တစ်ပါးဖြစ်လာသည်၊ သာသနာ့သမိုင်းများကို လေ့လာရင်းဖြင့် စာတတ်နေရုံဖြင့် ဆုံးခန်းမတိုင်သေးကြောင်းတွေးတောမိပြန်သည်၊ အကျင့်နှင့် တွဲပြီး စာသင်ပြန်သည်၊

မြို့ရပ်ရှောင်ခွာပြီးတောကျောင်း၊ တောင်ကျောင်း ခိုအောင်းတော်မူကြသော သူတော်စင်ကြီးများကို အားကျမိပြန်သည်၊ မန်း-တောင်တော်ပေါ်သို့ ရာက်တိုင်း သူတော်ကောင်းများ စံပျော်ရာ စစ်ကိုင်းတောင်တော်ကြီးကို ဦးညွတ်မိသည်၊

တဖြည်းဖြည်း နေက္ခမ္မဓာတ်များတိုးပွားလာပြီး မန်းနေပြည်တော်ကြီးကို စွန့်ခွာကာ စစ်ကိုင်း တောင်စောင်းရှိ ချောင်၊ တောကျောင်း၊ ဂူကျောင်းများသို့ ၀င်တော့သည်၊

တရားရှာနေသော ‘ဓမ္မဂဝေသီ’မထေရ်မြတ်ကြီးသည် မိမိနေထိုင်သီတင်းသုံးသည့် ‘ ကမ္မဌာန်းဂူ၊ စမ်းအငူမှ’ လသာသော ညများတွင် မြစ်မင်း ဧရာ အရှေ့ဘက်ဆီက မန်း-နေပြည်တော်ကြီးကို ပြန်ကြည့်မိသည်၊

စာသင်ပျိုနု၊ အခြေပြုတို့နှင့် စာချစာသင် ထေရ်ရှင်များကို အကြိမ်ကြိမ် ဦးညွတ်မိပြန်သည်၊ ကိုယ်တိုင်သင်ကြား လေ့လာခဲ့ရသော အဖြစ်တွေကိုလည်း တရေးရေး မြင်ယောင်ပြန်သည်၊ စာသင်သား ဘ၀ဖြင့် ပဋိပတ်ဖြင့် ပျော်ကြသော တောကျောင်းပျော် မထေရ်မော်တို့ကို ဦးညွတ်ခဲ့ရဖူးသည်၊

မိမိကိုယ်တိုင် တောကျောင်းရောက်ပြီး တရားရှာသော အခါ သင်ထားခဲ့သမျှ အသိတို့ရှိလို့သာဟု အကြိမ်ကြိမ် တွေးတောရင်း -

မန်း-နေပြည်တော်ကြီးကို ဦးညွတ်ရပြန်သည်၊ ပရိယတ်နှင့် ပဋိပတ်သည် ခွဲ မရနိုင်သလို၊

မန်း-နေပြည်တော်နှင့် စစ်ကိုင်းချောင်များသည်လည်း မြစ်မင်း ဧရာ တစ်ဖက်ဆီက သာသနာ့မြို့တော်ကြီးများပင် ဖြစ်တော့သည်၊

'..............

.............. '

မြန်မာနိုင်ငံ သာသနာ့ သမိုင်းကို ပြောခွင့်ကြုံတိုင်း ဤမြို့နှစ်မြို့သည် ခွဲခြားပြီး ပြောလို့ မရသော နေရာ
’ ရာဇဌာနီ’ ကြီးများပင် ဖြစ်တော့သည်၊

Posted by အရှင်ဉေယျဓမ္မ