ပီယဆေး

ပီယဆေး

ရဟန္တာကို ဖူးချင်ရင် အရှင်ဘုရားကို သွားဖူးလို့ တပည့်တော်ရဲ့ ကိုယ်စောင့်နတ်က ညကအိပ်မက်ပေးလို့ အရှင်ဘုရားကို လာဖူးတာပါဘုရား။
ဒကာ၊ ဘုန်းကြီးက ရဟန္တာမဟုတ်သေးပါဘူး။ ပုထုဇဉ်ပဲ ရှိပါသေးတယ်။
လောဘဖြစ်စရာနဲ့တွေ့ရင် လောဘဖြစ်ပါသေးတယ်။ ဒေါသဖြစ်စရာနဲ့တွေ့ရင် ဒေါသဖြစ်ပါသေးတယ်။

ဒကာက ပုလိပ်မြို့က ဖြစ်ပါ၏။ အမရပူရမြို့ မဟာဂန္ဓာရုံ ဆရာတော်ကြီး အရှင်ဇနကာဘိဝံသအား ထိုဒကာက မဟာဂန္ဓာရုံ ကျောင်းတိုက်သို့ လာရောက် လျှောက်ထားသဖြင့် ဆရာတော်ကြီးက အထက်ပါအတိုင်း မိန့်ကြားခြင်း ဖြစ်ပါ၏။
ဆရာတော်ကြီး၏ ထိုစကားကို ကြားရသည့်အခါ ဆရာတော်ကြီး ဟောထားသည့်တရား တိပ်ခွေတခွေထဲမှ စကားလေးတခွန်းကို သတိရလာမိပါ၏။ ထိုစကားလေးကား-
ဖြောင့်ဖြောင့်သွားရင် မြန်မြန် ရောက်တယ်-ဟူ၍ ဖြစ်ပါ၏။

ဆရာတော်ကြီးသည် သံဃာ့ဂုဏ်တော် ကိုးပါး ထဲမှ ဥဇုပ္ပဋိပန္နဂုဏ်တော်၏ အဓိပ္ပါယ်ကို ရှင်းပြရင်း ထိုစကားလေးကို မိန့်ကြားခဲ့ပါ၏။ ဘုရားတပည့် အရိယာ သံဃာတော်တို့သည် ကိုယ် နှုတ် စိတ်ထားတို့၌ အကောက်အကွေ့ ကင်းအောင် ဖြောင့်မှန်စွာကျင့်တော်မူကြပါပေ၏။ ဤဂုဏ်သည် ဥဇုပ္ပဋိပန္နဂုဏ် ဖြစ်ပါ၏။ နိဗ္ဗာန်ခရီးကို သွားကြသူတို့သည် ဖြောင့်ဖြောင့်သွားမှသာ မြန်မြန် ရောက်နိုင်ကြပါ၏။ ကွေ့ကွေ့ ကောက်ကောက် သွားလျှင် နိဗ္ဗာန်နှင့် ဝေးလျက်သာ ရှိနေကြပါ၏။

မဟာဂန္ဓာရုံ ဆရာတော်ကြီးသည် ပုထုဇဉ်သာဖြစ်ပါသေး၏။ အရိယာ မဟုတ်သေးပါ။ အရိယာ မဟုတ်သေးသော ဆရာတော်ကြီးသည်ပင် ရိုးသားဖြောင့်မှန်မှုဂုဏ်နှင့် ပြည့်စုံနေပါ၏. ရိုးသားဖြောင့်မှန်မှုဂုဏ်သည် အလွန်ကြည်ညို လေးစားစရာကောင်းသော ဂုဏ်ဖြစ်ပါ၏။ ရိုးသားဖြောင့်မှန်မှု ဂုဏ်သည် မြင့်မြတ်သူတို့၏ နှလုံးသား၌သာ တည်ရှိပါ၏။ ယုတ်နိမ့်သူတို့၏ နှလုံးသား၌ မတည်ရှိပါ။

ရိုးသားဖြောင့်မှန်မှုသည် ဘ၀ကို ထွန်းလင်းစေနိုင်ပါ၏။ တောက်ပစေနိုင်ပါ၏။ တင့်တယ်စေနိုင်ပါ၏။ အသရေ ရှိစေနိုင်ပါပေ၏။ လှပစေနိုင်ပါ၏။
ကွေ့ကောက်မှုသည်ကား ဘ၀ကို မှောင်စေနိုင်ပါ၏။ မှေးမှိန်စေနိုင်ပါ၏။ သိက္ခာကျစေနိုင်ပါ၏။ အသရေ ပျက်စေနိုင်ပါ၏။ အကျည်းတန်စေနိုင်ပါ၏။

ရိုးသားဖြောင့်မှန်မှုကို လူတိုင်း မြတ်နိုး၏။ တန်ဖိုးထား၏။ ကွေ့ကောက်မှုကိုကား လူတိုင်း ရွံ၏။ မုန်း၏။ အလိုမရှိပါ။
ရိုးသားဖြောင့်မှန်မှုသည် လောကအတွက် ဆေးဖြစ်၏။ ကွေ့ကောက်မှုသည် လောကအတွက် အဆိပ်ဖြစ်၏။ လူသားတို့သည် အဆိပ်ကို ကြောက်ကြ၏။ ဆေးကိုကား ကြိုက်ကြ၏။

ရိုးသားဖြောင့်မတ်မှုကင်းသော ရုပ်အလှသည် ဆွဲဆောင်အား မရှိ။
ရိုးသားဖြောင့်မတ်မှုကင်းသော ပစ္စည်းကြွယ်ဝမှုသည် စိတ်ချမ်းသာမှု မကြွယ်ဝ။
ရိုးသားဖြောင့်မတ်မှုကင်းသော ပညာတတ်မှုသည် အဆိပ်လူးသော မြားနှင့်တူ၏။
ရိုးသားဖြောင့်မတ်မှုကင်းသော အောင်မြင်မှုသည် အခြေခံအုတ်မြစ် မကောင်းသော အဆောက်အအုံသဖွယ် ဖြစ်၏။

ရုပ်လည်း မလှ၊ ပစ္စည်းလည်း မရှိ၊ ပညာလည်း မတတ်၊ သို့သော် ရိုးသားဖြောင့်မှန်၏။ ထိုကဲ့သို့သော လူမျိုးကို လူတို့အလိုရှိကြ၏။
ရုပ်လည်း လှ၏၊ ပစ္စည်းလည်း ချမ်းသာ၏၊ ပညာလည်း တတ်၏၊ သို့သော် ကောက်ကျစ်၏။ ကောက်ကွေ့၏။ ထိုကဲ့သို့သော လူမျိုးကို လူတို့ အလိုမရှိကြပါ။

ရုပ်ရည် ပစ္စည်းဥစ္စာ ပညာတတ်မှုတို့ထက် ရိုးသားဖြောင့်မှန်မှုသည် ပို၍တန်ဖိုးရှိ၏။
ကောက်သော် မစားလောက်၊ ဖြောင့်သော် စားမကုန်-ဟူသော မြန်မာစကားပုံသည် ရိုးသားဖြောင့်မှန်မှုဂုဏ်ကို ဖော်ကျူးထားဖြင်း ဖြစ်ပါ၏။ ရိုးသားဖြောင့်မှန်မှု၏ တန်ဖိုးကို ထုတ်ပြထားပါ၏။

မရိုးသား မဖြောင့်မှန်သူတို့သည် ကိုယ်မရှိသောဂုဏ်တို့ကို ရှိဟန်ဆောင်၍ ပြကြ၏။ ကိုယ့်မှာရှိသောအပြစ်တို့ကို ဖုံးကွယ်ကြ၏။
ရိုးသားဖြောင့်မှန်သူတို့ကား ကိုယ့်မှာ မရှိသောဂုဏ်တို့ကို ရှိဟန်ဆောင်၍ မပြကြပါ။ ကိုယ့်မှာရှိသော အပြစ်တို့ကို မဖုံးကွယ်ကြပါ။

မဟာဂန္ဓာရုံ ဆရာတော်ကြီးသည် သူ့မှာမရှိသောဂုဏ်ကို ရှိဟန်ဆောင်၍ မပြော။ သူ့မှာရှိသော အပြစ်ကိုလည်း မဖုံးကွယ်ပါ။ ရိုးသားပါ၏။ ဖြောင့်မတ်ပါ၏။ ဖြောင့်စင်းပါ၏။ မဟာဂန္ဓာရုံ ဆရာတော်ကြီး၏ ရိုးသားမှု၊ ဖြောင့်မှန်မှု၊ ဖြောင့်မတ်မှု၊ ဖြောင့်စင်းမှု တို့သည် သူ့ဘ၀ကို ထွန်းလင်းစေကြပါ၏။ တောက်ပစေကြပါ၏။ တင့်တယ်စေကြပါ၏။ အသရေ ရှိစေကြပါ၏။ လှပစေကြပါ၏။

ကိုယ့်ဘ၀ကို ထွန်းလင်းစေလိုသူတိုင်း တောင်ပစေလိုသူတိုင်း တင့်တယ်စေလိုသူတိုင်း အသရေရှိစေလိုသူတိုင်း လှပစေလိုသူတိုင်း ရိုးသားကြရပါမည်။ ဖြောင့်မှန်ကြရပါမည်။ ဖြောင့်မတ်ကြရပါမည်။ ဖြောင့်စင်းကြရပါမည်။
ရိုးသားသူ ဖြောင့်မှန်သူ ဖြောင့်မတ်သူ ဖြောင့်စင်းသူကို လူတို့အားကိုးကြ၏။ လေးစားကြ၏။ ချစ်ခင်ကြ၏။
ကောက်ကွေ့သူကိုကား ဘယ်သူမှ အားမကိုးချင်၊ မလေးစားချင်ကြပါ။ ရိုးသားဖြောင့်မှန်မှုသည် အစွမ်းထက်သော ပီယဆေး တလက် ဖြစ်ပါ၏။

ရိုးသားဖြောင့်မှန်မှုဖြင့် ကိုယ့်ဘ၀ကိုလည်း အလှဆင်ကြရပါမည်။ လောကကြီးကိုလည်း အလှဆင်ကြရပါမည်။ ရိုးသားဖြောင့်မှန်မှုဖြင့် အလှဆင်အပ်သောဘ၀သည် ထာဝရ လှပနေပါလိမ့်မည်။ လောကကြီးသည်လည်း ထာဝရ လှပနေပါလိမ့်မည်။ မိမိဘ၀ကိုရော လောကကြီးကိုပါ အလှဆင်နိုင်သော လူသားတဦး ဖြစ်အောင် ကိုယ်စီကိုယ်စီ ကြိုးစားသင့်ကြပါသည်။

( သာမဏေကျော် ) ရေးသားသည်။

http://mawluu.blogspot.com/ မှကူးယူဖော်ပြပါသည်။