မိဘစကား

မိဘစကား

လောက၌ မိဘစကားကို နားထောင်သော သူများ ကြီးပွားတိုးတက် ကြသကဲ့သို့ မိဘစကား နားမထောင် မိကြ၍ နောင်တတစ်ဖန် ပူပန်ခြင်း များစွာဖြင့် ဒုက္ခပင်လယ် ဝေရသူများလည်း ရှိ၏။ မည်သည့် မိဘမဆို မိမိတို့ သားသမီးများ အပေါ် ဆိုးစေလိုသော ဆန္ဒမရှိ၊ ကောင်းစေလိုသော ဆန္ဒသာ ရှိ၏။ ကောင်းစေလိုသော သဘောဖြင့်သာ ပြောဆိုဆုံးမ တတ်ကြပါသည်။

သို့သော် အချို့သော သားသမီး တို့က ''အဖေက ဘာသိလို့လဲ။ အမေ မသိဘဲနဲ့ ပြောနေပြန်ပြီ၊ အဖေ နားမလည်ပါဘူး၊ အမေ မသိပါဘူး ... '' ဟု ဆိုကာ ကိုယ်ထင်ရာ ကိုယ်စိုင်း တတ်ကြသဖြင့် ဒုက္ခနှင့် ရင်ဆိုင်ရသူ ဒုနှင့်ဒေး ရှိ၏။

မြန်မာ ဆိုရိုးစကား၌ ''မိဘစကား၊ နားထောင်ငြား၊ သံပြား ကျောက်စောင်း၊ ကြိုသော်ပျောင်း'' မိဘစကား၊ နားထောင်လျှင် မိမိ သွားရမည့် လမ်းခရီးတွင် သံပြားကျောက်စောင်းများ ကြိုဆီးနေစေကာမူ မိဘ၏ ဂုဏ်ကျေးဇူး ကြောင့် ပျော့ပျောင်း သွားကြရသည်ဟု လည်းကောင်း၊ ''မိဘစကား နားမထောင်၊ သားတစ်ကောင် နှင့် တိုးလိုးတွဲလဲ '' မိဘစကား နားမထောင်သော သမီးသည် အိမ်ထောင်ရေး၌ ဒုက္ခ ရောက်တတ်သည် ဟု လည်းကောင်း ပြဆိုထား ပါသည်။

မိဘစကား နားမထောင်မိ၍ ခိုးသားဓားပြ တို့၏ ရိုက်ပုတ်ခြင်း ခံရပြီး ပစ္စည်းများလုယူ ခံရသူ တစ်ဦးအကြောင်း ကို စာပေကျမ်းဂန် မှ ထုတ်နုတ် တင်ပြလို ပါသည်။

ရှေးအခါ ဗာရာဏသီပြည် ဗြဟ္မဒတ် မင်းကြီး လက်ထက်တွင် အလှူ မင်္ဂလာပွဲ၊ နတ်ပွဲများ၌ စည်တီး၍ အသက်မွေး ဝမ်းကျောင်း ပြုသော သားအဖရှိ၏။ တစ်နေ့သော အခါ သူတို့ သားအဖသည် နတ်ပွဲ တစ်ခုသို့ သွားရောက် တီးရသဖြင့် ခိုးသား ဓားပြတို့ ခိုအောင်းရာ တောအုပ်ကြီး အတွင်း ဖြတ်သန်း ရလေသည်။

သားဖြစ်သူသည် တောအုပ်တွင်း ဖြတ်သန်းစဉ် ပြည့်ရှင် မင်းကြီး၏ စည်တီးသံဟု မှတ်ယူပြီး ခိုးသားဓားပြတို့ ထွက်ပြေး စေရန် လမ်းတစ်လျှောက် စည်ကို အဆက်မပြတ် ကျယ်လောင်စွာ တီး၍ လိုက်လာ လေသည်။ ထိုအခါ ဖခင်ဖြစ်သူက မင်းကြီး၏ စည်သည် ရံဖန်ရံခါမှ တီးသည် ဖြစ်၍ စည်ကို အဆက်မပြတ် မတီးရန် သားဖြစ်သူကို သတိပေး ဆုံးမ၏။ သို့သော် သားဖြစ်သူက ဖခင်၏ သတိပေး ဆုံးမမှုကို မနာယူဘဲ စည်ကို အဆက်မပြတ် တီးခတ် လိုက်ပါ လာလေသည်။

ထိုစဉ်တွင် တောအုပ် အတွင်းရှိ ခိုးသားဓားပြ တို့စုရုံး ရောက်ရှိလာပြီး ထိုသားအဖကို ရိုက်ပုတ်၍ စည်တီး ဖျော်ဖြေရာမှ ရရှိလာသော ငွေအသပြာ များကို လုယက် ထွက်ပြေးကြ လေသည်။ ဤကား ငါးရာ့ငါးဆယ် နိပါတ်တော် လာ ဇာတ်တော် ဖြစ်ပါသည်။ အလားတူ သာဓကများ၊ အဖြစ်အပျက်များ လောက၌ များစွာ ရှိလေသည်။

ပစ္စုပ္ပန် မျက်မှောက်ခေတ် တွင်လည်း မိမိတုိ့ ပတ်ဝန်းကျင်ကို လေ့လာကြည့် ပါလျှင် မိဘစကား နားထောင်သူ များနှင့် နားမထောင် သူများ ဘဝ အနေအထား ခြားနားပုံကို တွေ့မြင်ရမည် ဖြစ်၏။ မိဘတို့ မည်သည် လမ်းကောင်း ကိုသာ ညွှန်ပြ တတ်၏။ လမ်းမှားကို ပြလေ့ မရှိပေ။ ကောင်းသောလမ်း၊ ကောင်းသော အဆုံးအမ စကားတို့ဖြင့် သားသမီးတို့ အပေါ် ပြောဆိုဆုံးမ တတ်ကြ ပါသည်။ မိဘစကား မြေဝယ်မကျ နားထောင် တတ်သော သားသမီး တို့သည် ဘဝ အဆင့်ဆင့် တက်လှမ်း နိုင်ကြကုန်၏။

သို့ပါ၍ လူငယ်လူရွယ် တို့သည် မိဘ၊ ဆရာသမား တို့၏ ဆိုဆုံးမမှုများ အပေါ် ရိုသေ လေးစားစွာ နာခံ ဆောင်ရွက် ခြင်းဖြင့် ဘဝလမ်းကြောင်း ဖြောင့်ကာ တစ်ဆင့်ထက် တစ်ဆင့် တက်လှမ်းလျက် ဘဝတွင် တိုးတက် အောင်မြင် ကြမည်သာ ဖြစ်ပါသည်။

ဦးကျော်စိန် (မန္တလေး)

#ရတနာပုံနေ့စဉ်