ကြောက်စရာ့ အကြွေး
မိုးဦးကျရာသီ၏ တခုသော နံနက်အစောတွင်ဖြစ်သည်။ မလှလူသည် ရွာဦးဘုန်းတော်ကြီးကျောင်းက အုန်းမောင်းခေါက်သံကြားသည်နှင့် အိပ်ရာမှထခဲ့သည်။
ခင်ပွန်းဖြစ်သူ ကိုသာလှ ယာတောမသွားမီ ထမင်းထုပ်ပေးရန် မီးဖိုချောင်ဝင်၍ ချက်ပြုတ်နေစဉ်-
လှလူရေ-ဟေ လှလူ၊ ခွေးကြည့်ပါဦး။
ခြံတံခါးဆီက ခေါ်သံကြား၍ မလှလူ မီးဖိုချောင်ထဲမှ ထွက်လာခဲ့သည်။
ဟဲ့--စောစောစီးစီး ဘယ်သူများလဲလို့ အေးဘုံကိုး၊ ဘာအရေးကြီးကိစ္စရှိလို့တုန်း။
ဒီမနက် နှမ်းကြဲချင်လို့ နှမ်းနှစ်ပြည်လောက် ချေးပါဦး၊ နောင်ခါ နှမ်းပေါ်ရင် ထုံးစံအတိုင်း ပြန်ပေးပါ့မယ်။
နှစ်စဉ် မျိုးစေ့ထုတ်ပေးနေကျလည်းဖြစ်ပြီး သီးနှံပေးချိန်တွင် သုံးဆတိုးပြန်ပေးရာမှာလည်း ကတိတည်သူ ဖြစ်သောကြောင့် မအေးဘုံကို နှမ်းနှစ်ပြည်ချိန်ပေးလိုက်သည်။
မအေးဘုံသည် ယောင်ပေယောင်ပေ ဖြစ်နေသော သားဖြစ်သူ ဖိုးလုံးကို နှမ်းပေါ်လျင် ရှင်ပြုပေးချင် နေသည်။
သည်နှစ် နှမ်းက မိုးလေညီညွတ်သဖြင့် အတော်ကလေးကောင်းသည်။ တချို့နေရာများတွင် အ၀ါရောင်ဖက် သန်းနေပြီ၊ မကြာမီ ရိတ်သိမ်းရတော့မည်။ မအေးဘုံ စိတ်ကူးယဉ်ထားသည့်အတိုင်း သားတော်မောင် ရှင်ပြုပွဲ နွှဲရတော့မည် ထင်ပါသည်။
ခုတလော မအေးဘုံတယောက် နေ့စဉ်လိုလို နှမ်းခင်းသွားကြည့်သည်။
ဒီနေ့နံနက် နှမ်းခင်းမှ စိတ်ကူးယဉ်ပြီး ပြန်လာခဲ့စဉ်-
အမယ်လေး၊ ဘာကောင်ကိုက်မှန်းမသိဘူး။
မအေးဘုံ၏နှုတ်မှ အလန့်တကြား အော်လိုက်သည်။ ၀ဲဘက်ခြေဖမိုးပေါ်မှ မျက်ခနဲ ဖြစ်သွားခဲ့သည်။ အနီးပတ်ဝန်းကျင်ကို ကြည့်လိုက်တော့ မြွေပွေးတကောင်ကို တွေ့ရသည်။
မအေးဘုံ မျက်လုံးအိမ်တခုလုံး ပြာဝေသွားခဲ့သည်။ မြင်ကွင်းအားလုံး ပတ်ချာလည်သွားသလားထင်ရသည်။ ခန္ဓာကိုယ် ယိမ်းထိုးလာသဖြင့် အံကြိတ်၍ ထိန်းထားစဉ် ရုတ်ချည်းခွေလဲကျသွားခဲ့လေသည်။
သည်နေ့ည ဘယ်လိုဖြစ်နေသည် မသိ။ မလှလူတယောက် အိပ်၍ မပျော်ဘဲဖြစ်နေသည်။ ညလုံး နီးပါး မျက်စိများက ကြောင်နေသည်။ လင်းခါနီးလောက်မှ မှေးခနဲ အိပ်ပျော်သွားခဲ့သည်။
လှလူ၊ ငါ ညည်းတို့နဲ့ လာနေမယ်နော်၊ ညည်းကြိုက်သလို ခိုင်းပါအေ၊ ငါချေးထားခဲ့တဲ့ နှမ်းနှစ်ပြည်အတွက် အကြွေးလာဆပ်တာပါ။
အသံက မအေးဘုံအသံ၊ မြင်ရသည့် မြင်ကွင်းက အေးဘုံမဟုတ် ချိုနှစ်ဖက်ထောင်ပြီး ထိပ်၌ အဖြူအမည်း ရောစွက်ထားသည့် နွားမကြီးတကောင် ဖြစ်နေသည်။
နံနက်မိုးလင်းပြီဖြစ်၍ မလှလူ အိပ်ရာမှထခဲ့သည်။ ရေဆာနေသဖြင့် ရေအိုးစင်မှရေကို တ၀ကြီး သောက်အပြီး-
အေးဘုံရယ်၊ နှမ်းနှစ်ပြည်အတွက်နဲ့တော့ နွားအဖြစ်လာပြီး အကြွေးမဆပ်ပါနဲ့။ ငါ ကျေနပ်ပါတယ်။
အို-ဘုရား၊ ဘုရားတပည့်တော်မ အိပ်မက်မဟုတ်ပါစေနဲ့ လွဲပါစေ ဖယ်ပါစေ။
မကြာမီ မလှလူတို့အိမ်က နွားမကြီး မွေးပြီး သားတင်သွားခဲ့သည်။ တိုက်ဆိုင်မှုဟု ဆိုရမည်လားမသိ။ ထိုနွားမကြီးမွေးသော နွားကလေးမှာ အိပ်မက်ထဲက နွားမလေးအတိုင်း ပုံတူမွေးလာခဲ့လေသည်။
မလှလူသည် မအေးဘုံတဖြစ်လဲ နွားမလေးကို ဘာမှ မခိုင်းဘဲ ဘေးမဲ့ပေးထားခဲ့သည်။ သို့သော် နွားမလေးက အလကားမနေဘဲ အိမ်ရှိ ပစ္စည်းများကို စောင့်ရှောက်သည်။ ညညဆို အိပ်သည် မရှိ၊ ချွတ်ချွတ်သံကြားတိုင်း ခေါင်းထောင်ကြည့်ခဲ့သည်။
နွားမလေးသည် မလှလူတို့ မိသားစုအပေါ် လူတဦးတယောက်ပမာ အလိုက်သိစွာဖြင့် သံသရာကြွေး ပြန်လည်ပေးဆပ်နေခဲ့သည်။ ပုဂ္ဂိုလ်ရေးအရ တင်ရှိနေသော အကြွေးကား ကြောက်စရာပင်ဖြစ်ပါတော့ သတည်း။
ခင်မောင်တင် (၀ဲလောင်)
(မြတ်မင်္ဂလာ ၂၀၁၀-သြဂုတ်လ)
ခင်ပွန်းဖြစ်သူ ကိုသာလှ ယာတောမသွားမီ ထမင်းထုပ်ပေးရန် မီးဖိုချောင်ဝင်၍ ချက်ပြုတ်နေစဉ်-
လှလူရေ-ဟေ လှလူ၊ ခွေးကြည့်ပါဦး။
ခြံတံခါးဆီက ခေါ်သံကြား၍ မလှလူ မီးဖိုချောင်ထဲမှ ထွက်လာခဲ့သည်။
ဟဲ့--စောစောစီးစီး ဘယ်သူများလဲလို့ အေးဘုံကိုး၊ ဘာအရေးကြီးကိစ္စရှိလို့တုန်း။
ဒီမနက် နှမ်းကြဲချင်လို့ နှမ်းနှစ်ပြည်လောက် ချေးပါဦး၊ နောင်ခါ နှမ်းပေါ်ရင် ထုံးစံအတိုင်း ပြန်ပေးပါ့မယ်။
နှစ်စဉ် မျိုးစေ့ထုတ်ပေးနေကျလည်းဖြစ်ပြီး သီးနှံပေးချိန်တွင် သုံးဆတိုးပြန်ပေးရာမှာလည်း ကတိတည်သူ ဖြစ်သောကြောင့် မအေးဘုံကို နှမ်းနှစ်ပြည်ချိန်ပေးလိုက်သည်။
မအေးဘုံသည် ယောင်ပေယောင်ပေ ဖြစ်နေသော သားဖြစ်သူ ဖိုးလုံးကို နှမ်းပေါ်လျင် ရှင်ပြုပေးချင် နေသည်။
သည်နှစ် နှမ်းက မိုးလေညီညွတ်သဖြင့် အတော်ကလေးကောင်းသည်။ တချို့နေရာများတွင် အ၀ါရောင်ဖက် သန်းနေပြီ၊ မကြာမီ ရိတ်သိမ်းရတော့မည်။ မအေးဘုံ စိတ်ကူးယဉ်ထားသည့်အတိုင်း သားတော်မောင် ရှင်ပြုပွဲ နွှဲရတော့မည် ထင်ပါသည်။
ခုတလော မအေးဘုံတယောက် နေ့စဉ်လိုလို နှမ်းခင်းသွားကြည့်သည်။
ဒီနေ့နံနက် နှမ်းခင်းမှ စိတ်ကူးယဉ်ပြီး ပြန်လာခဲ့စဉ်-
အမယ်လေး၊ ဘာကောင်ကိုက်မှန်းမသိဘူး။
မအေးဘုံ၏နှုတ်မှ အလန့်တကြား အော်လိုက်သည်။ ၀ဲဘက်ခြေဖမိုးပေါ်မှ မျက်ခနဲ ဖြစ်သွားခဲ့သည်။ အနီးပတ်ဝန်းကျင်ကို ကြည့်လိုက်တော့ မြွေပွေးတကောင်ကို တွေ့ရသည်။
မအေးဘုံ မျက်လုံးအိမ်တခုလုံး ပြာဝေသွားခဲ့သည်။ မြင်ကွင်းအားလုံး ပတ်ချာလည်သွားသလားထင်ရသည်။ ခန္ဓာကိုယ် ယိမ်းထိုးလာသဖြင့် အံကြိတ်၍ ထိန်းထားစဉ် ရုတ်ချည်းခွေလဲကျသွားခဲ့လေသည်။
မကြာမီ မြွေဆိပ်ကြောင့် မအေးဘုံတယောက် အသက်ပျောက်သွားခဲ့ပါတော့သည်။
သည်နေ့ည ဘယ်လိုဖြစ်နေသည် မသိ။ မလှလူတယောက် အိပ်၍ မပျော်ဘဲဖြစ်နေသည်။ ညလုံး နီးပါး မျက်စိများက ကြောင်နေသည်။ လင်းခါနီးလောက်မှ မှေးခနဲ အိပ်ပျော်သွားခဲ့သည်။
လှလူ၊ ငါ ညည်းတို့နဲ့ လာနေမယ်နော်၊ ညည်းကြိုက်သလို ခိုင်းပါအေ၊ ငါချေးထားခဲ့တဲ့ နှမ်းနှစ်ပြည်အတွက် အကြွေးလာဆပ်တာပါ။
အသံက မအေးဘုံအသံ၊ မြင်ရသည့် မြင်ကွင်းက အေးဘုံမဟုတ် ချိုနှစ်ဖက်ထောင်ပြီး ထိပ်၌ အဖြူအမည်း ရောစွက်ထားသည့် နွားမကြီးတကောင် ဖြစ်နေသည်။
နံနက်မိုးလင်းပြီဖြစ်၍ မလှလူ အိပ်ရာမှထခဲ့သည်။ ရေဆာနေသဖြင့် ရေအိုးစင်မှရေကို တ၀ကြီး သောက်အပြီး-
အေးဘုံရယ်၊ နှမ်းနှစ်ပြည်အတွက်နဲ့တော့ နွားအဖြစ်လာပြီး အကြွေးမဆပ်ပါနဲ့။ ငါ ကျေနပ်ပါတယ်။
အို-ဘုရား၊ ဘုရားတပည့်တော်မ အိပ်မက်မဟုတ်ပါစေနဲ့ လွဲပါစေ ဖယ်ပါစေ။
မကြာမီ မလှလူတို့အိမ်က နွားမကြီး မွေးပြီး သားတင်သွားခဲ့သည်။ တိုက်ဆိုင်မှုဟု ဆိုရမည်လားမသိ။ ထိုနွားမကြီးမွေးသော နွားကလေးမှာ အိပ်မက်ထဲက နွားမလေးအတိုင်း ပုံတူမွေးလာခဲ့လေသည်။
မလှလူသည် မအေးဘုံတဖြစ်လဲ နွားမလေးကို ဘာမှ မခိုင်းဘဲ ဘေးမဲ့ပေးထားခဲ့သည်။ သို့သော် နွားမလေးက အလကားမနေဘဲ အိမ်ရှိ ပစ္စည်းများကို စောင့်ရှောက်သည်။ ညညဆို အိပ်သည် မရှိ၊ ချွတ်ချွတ်သံကြားတိုင်း ခေါင်းထောင်ကြည့်ခဲ့သည်။
နွားမလေးသည် မလှလူတို့ မိသားစုအပေါ် လူတဦးတယောက်ပမာ အလိုက်သိစွာဖြင့် သံသရာကြွေး ပြန်လည်ပေးဆပ်နေခဲ့သည်။ ပုဂ္ဂိုလ်ရေးအရ တင်ရှိနေသော အကြွေးကား ကြောက်စရာပင်ဖြစ်ပါတော့ သတည်း။
ခင်မောင်တင် (၀ဲလောင်)
(မြတ်မင်္ဂလာ ၂၀၁၀-သြဂုတ်လ)
