အဲဒါမှ ချိုပြုံးအစစ်ဗျ
"မချို" ဟု ခေါ်ကြသော ထပ်ဆင့်အကယ်ဒမီ ချိုပြုံးအကြောင်းကို ကျွန်တော်ရေးဖူးတာ မဂ္ဂဇင်းမှာတင် နှစ်ကြိမ်ရှိပါပြီ။ ခုဂျာနယ်မှာပါနှင့်ဆို သုံးကြိမ်မြောက်ပေါ့။ "ဟဲ့... သုမောင်... နင်က သင်းအကြောင်း ဘာကြောင့် ခဏခဏ ရေးနေရသတုန်း - နင်နဲ့ ချိုပြုံး ဟုတ်မှ ဟုတ်ကြရဲ့လား" ဟု မေးခဲ့သည်ရှိသော်... "ဟုတ်တယ်ဗျို့" ဟု ဖြေပါမည်။ ဘာဟုတ်သနည်းဆိုသော်... အပြင်လောကတွင် ကျွန်တော်နှင့် မမချိုသည် ရုပ်ရှင်ထဲကစပြီး မတွဲခင်ကတည်းက ချစ်ခဲ့ကြသောကြောင့်ပင်။ မောင်နှမခင်,မက သူငယ်ချင်းမကျ ပြောပါသည်။ ကျွန်တော်သည် မမချိုကို တကယ်ပင် ချစ်ခင်ပါသည်။ ကျွန်တော်က စာရေးဆရာတစ်ပိုင်း ဖြစ်သောကြောင့် အရိုးခံဖြင့် ဆက်ဆံသူ၊ ရိုးဂုဏ်ရှိသူများကို ချစ်ခင်တတ်ပါသည်။
ရှင်းရှင်းဝန်ခံရလျှင်တော့ ကျွန်တော်လူပျိုပေါက်အရွယ်က အဖေနှင့်အတူ ကျောက်ကုန်းရှိ စန္ဒရားတင်ဝင်းလှိုင်အိမ်သို့ သွားသောအခါ သူရို့လမ်းထိပ်ထောင့်ချိုး အိမ်တစ်အိမ်၏ ခြံစည်းရိုးနံဘေးတွင် ခြေသလုံးပေါ်လျှက် ဆောင့်ညောင့်ထိုင်ပြီး အ၀တ်လျှော်နေသော ထမီရင်လျားနှင့် မိန်းမပျိုတစ်ဦးကို တွေ့ရပါသည်။ အသားဖြူဖြူ ဘိုဆန်ဆန်ရုပ်နှင့် ချစ်စဖွယ်၊ ပြစ်မှားစဖွယ်ဖြစ်သောကြောင့် စိတ်ဖြင့်ပြစ်မှားမိပါသည်။ မနေနိုင်သောကြောင့် ကိုတင်ဝင်းလှိုင်ကို စုံစမ်းသောအခါ "ဟေ့ကောင်၊ အဲဒါ အဆိုတော်ချိုပြုံးကွ၊ ကလေးအမေကြီး" ဟု ပြောသဖြင့် ဆွေးသွားခဲ့ရပါသည်။ နှလုံးသားနုစဉ် ဆွေးရသဖြင့် အချစ်တစ်စခန်း ရပ်ရသလို ဦးနှောက်နုစဉ် မှတ်ရသဖြင့်လည်း ကာမေသုကို ကြောက်သွားရတော့သည်။ ဒါသည် နောင်အခါ မမချိုနှင့် ကျွန်တော် သန့်စင်စွာချစ်ခဲ့ရပုံ အကြောင်းရင်းပင်တည်း။
* * * * * * * * * *
ပထမအကြိမ် သူ့အကြောင်းရေးတာ ကြာလှပါပြီ။ မဂ္ဂဇင်းနာမည်လည်း မေ့ပြီ။ အကြောင်းအရာကတော့ နတ်သီချင်းဆိုပွဲတစ်ခုသွားစဉ် တစ်နေ့သောနေ့လယ်၌ တည်းခိုအိမ်တွင် သူနှင့်ကျွန်တော် နှစ်ယောက်တည်း ကျန်ရစ်ခဲ့၏။ အခြားအဆိုတော်များ ဈေးဝယ်ထွက်သွားကြသည်။ ထိုစဉ် သူသည် မဆီမဆိုင် ကျွန်တော့်အား စကားတစ်ခွန်းကို မေး၏။ "ဟဲ့ကောင် ဗလ နင့်ကိုငါ လုံးဝပြစ်မှားလို့ မရဘူး" တဲ့။ ဘာကြောင့် ဒီစကားပြောသလဲ မသိပေမယ့် ကျွန်တော့်မှာ အူအူကြောင်ကြောင် ဖြစ်ခဲ့ရ၏။ ထိုအချိန်က ကျွန်တော်သည် (နောင်တစ်ချိန် ကျော်ဟိန်းနာမည်ကြီးသွားသော) အကြွေးဝတ္ထုရှည်လုံးချင်း ရေးနေတုန်းတန်းလန်း ဆိုတာတော့ မှတ်မိ၏။ ထိုနယ်ပွဲ ညဘက်သီဆို နေ့လယ်ဘက်အားတုန်း ၀တ္ထုရေး။ဒုတိယအကြိမ် သူ့အကြောင်းရေးတာကတော့ "အရက်သမား အမှားတစ်ခါ" ပျော်စရာဆောင်းပါး (သောကြာမဂ္ဂဇင်း၊ အမှတ်-၄၅၀၊ ဖေဖော်ဝါရီ၊ ၂၀၀၁) မှာ ဖြစ်၏။ "ဒေါင့်ကြီး" ဆိုသော ရွာကြီးတွင် မင်္ဂလာဆောင်ပွဲသွားကြရာ ကျွန်တော်အရက်မူးပြီး မမချို၏ ခြေသလုံးကို ကုန်းကိုက်သည့်အကြောင်း ဖြစ်၏။ "အရက်သမား အမှားတစ်ခါ" ပေါင်းချုပ်တွင် ပြန်လည်ဖော်ပြခဲ့ရာ "နှစ်ထပ်ရှိတော့ မှတ်မိ" ဆိုသလို ဖြစ်ရသည်။
ယခုရေးချင်ပြန်လာတာက ရိုးလွန်းတော့ "အ"ဆိုသလို မမချို "ရိုးအ"လွန်းသဖြင့် သူ့အစားကြားက စိတ်တိုရသောအကြောင်း ဖြစ်ပါသည်။ သို့မဟုတ်ပါက သူ၏ သန့်ရှင်းသော စေတနာ၊ ကရုဏာတရားကို အားမလို အားမရဖြစ်ရခြင်းဟု ဆိုရပါမည်။
တစ်နေ့သောအခါ သူ့အိမ်သို့ ကျွန်တော်နှင့်အေးဘုံ အလည်ရောက်၏။ သူကား ထုံးစံအတိုင်း ပျာယာခတ်နေ၏။ ကျွန်တော်တို့ရောက်လို့ ဧည့်ခန်းမှာထိုင်နေစဉ် သူ့တယ်လီဖုန်းက မြည်နေ၏။ အိမ်ရှေ့မှာလည်း ဘုန်းကြီးတစ်ပါးက ဆွမ်းခံရပ်နေ၏။ မမချိုသည် အိမ်ခန်းထဲမှ ပြေးထွက်လာပြီး တယ်လီဖုန်းကို အရင်မကိုင်ဘဲ ဆွမ်းရပ်ကိုယ်တော်ထံ ပြေးလေ၏။ လက်အုပ်ကလေးချီတဲ့ပြီး ပါးစပ်ကမူ ဘုန်းကြီးကို "ဟဲလို" တဲ့။ မှတ်ကရောပါပဲ။ ဆွမ်းကပ်ပြီးတော့မှ တယ်လီဖုန်းကိုင်ပြီး ရေးကြီးသုတ်ပြာ စကားတွေပြောလေ၏။ တယ်လီဖုန်းချပြီးသည်နှင့် "ဟဲ့... ဗလ... အေးဘုံ နင်တို့ အလည်လာတာ မဟုတ်လား"
"ဟုတ်ကဲ့"
"ဒါဆို ငါ့မှာ အရေးတကြီးကိစ္စရှိလို့ ငါ့ကားကလည်း သားယူသွားတယ်၊ နင်တို့ကားနဲ့ ငါ့ကို ဒဂုံရဲစခန်း လိုက်ပို့ကြစမ်းပါ"
သူဘာပြဿနာတက်နေပြီကို မသိသော်လည်း ရဲမှုရဲခင်းပင်ဖြစ်မှာ သေချာသောကြောင့် ချက်ချင်းလိုက်ပို့ရလေသည်။ လမ်းမှာ သူက ဇာတ်စုံခင်း၏။
"ညက ငါ့အိမ် သူခိုးဖောက်တယ်"
"ဟင် ဘာတွေ ပါသွားသလဲ"
"ရေစုပ်စက်မော်တာ"
"ပြန်ရပြီ မနက်အစောကြီးကတည်းက ပြန်ရတာ၊ ဒါပေမယ့် သူခိုးခမြာ ခုတော့ ရီမန်နဲ့ အချုပ်ထဲ ရောက်နေလေရဲ့... အဲဒါ ခုငါသွားပြီး အမှုပြန်ပိတ်မလို့"
"ဟာ မမကလည်း အမှုဖွင့်ပြီးပြီပဲ၊ ရဲမှုဆိုတော့ ပြန်ပိတ်လို့ ဘယ်ရတော့မလဲ၊ ဒါ ရာဇ၀တ်မှုဗျ"
"မတတ်နိုင်ဘူးကွာ၊ ကြိုးစားကြည့်ရမှာပဲ၊ သူ့ခမျာ ဒီတစ်ခါတည်း မတတ်သာလို့ ခိုးမိတာပါတဲ့၊ အိမ်ကမိန်းမကလည်း ကလေးမွေးပြီးစ သွေးနုနုသားနုနုနဲ့တဲ့"
သူ၏ ရိုးအပုံ၊ သနားပိုပုံတို့ကို သိရသဖြင့် ကျွန်တော်ဘာမှ ဆက်မပြောတော့ပေ။ လိုရာခရီးသို့ လိုက်ပို့ရတော့၏။ စခန်းသို့ ရောက်လေသော် "နင်တို့ ပြန်ကြတော့ ဘေးကလူမြင်ရင် မကောင်းဘူး" ဟု ပြောရင်း စခန်းတွင်း ပြေးဝင်သွားလေတော့သည်။ သူ့မျက်နှာတော့ သူအားမနာ။
နောင်သောအခါ စုံစမ်းသိရှိရသည်မှာ ချိုပြုံး၏ ငဲ့ညှာမှုကြောင့်လည်းကောင်း၊ ဥပဒေသဘောအရ လူမှုရေးရှုထောင့်အရလည်းကောင်း ထိုသူခိုးမှာ ထောင်ဒဏ်သက်သက်သာသာ ကျသွားလေသည်တဲ့။ အဲသူခိုးအတွက် ရှေ့နေကိုပင် ချိုပြုံးက ငှားပေးသတဲ့ဗျာ။ သူကိုယ်တိုင်တော့ မဟုတ်ဘူးပေါ့လေ။ အဲဒီသူခိုးရဲ့ ဆွေမျိုးသားချင်းတွေကို တစ်ဖက်လက်လှည့်ငှားခိုင်းပြီး သူက ရှေ့နေခပေးသည့် သဘောပါ။ ဒါ့ထက်ဆန်းကျယ်တာက သူခိုးထောင်ကျစဉ်ကာလမှာ ကျန်ရစ်သူမိသားစုကို လစဉ်ထောက်ပံ့ကြေးနှင့် ကလေးနို့မှုန့်ဖိုးအစ အနှီးဖိုးအစ ပေးပါသတဲ့။ သူခိုး၏ ထောင်ဝင်စာကိုလည်း ချိုပြုံး၏ အခြားတပည့်တစ်ယောက်က မှန်မှန်ကြီး သွားတွေ့ပြီး ငါးပိကြော်လေးအစ ဘီစကွတ်လေးအစ ပေးပါသတဲ့။ ကိုင်း ယုံရမခက်ပေဘူးလား။
နောက်များမကြာမီမှာပင် ချိုပြုံးအိမ် သူခိုးဖောက်တာ ကြားရပြန်ပါသည်။ သည်တစ်ခါတော့ သူခိုးက သူ့အိပ်ခန်းခေါင်းရင်း ပြတင်းပေါက်ကို ဖွင့်ပြီးခိုးတာဟု ဆိုပါသည်။ ခုတင်ခေါင်းရင်းနှင့် ကပ်လျက်မှာက သူ့မှန်တင်ခုံရှိသတဲ့။ သူခိုးက လူတစ်ကိုယ်လုံးမ၀င်ဘဲ လက်ချည်းတစ်ဆန့်ဝင်လျက် မှန်တင်ခုံပေါ်က လက်ပတ်နာရီကို လှမ်းဆွဲတာပါ။ မအိပ်သေးဘဲ မျက်စိမှေးပြီး တရားမှတ်နေဆဲမို့ ချိုပြုံးက သိလိုက်ပါသတဲ့။ သည်မှာပင် ချိုပြုံးသည် သူခိုးလက်ကိုဆွဲပြီး "ဟဲ့ မအော်နဲ့" ဟု သူကပင် ပြောင်းပြန် ပြန်ပြီးတားသတဲ့။ သူကိုယ်တိုင်လည်း မအော်ပါတဲ့။ အကြောင်းမှာ တစ်ဖက်ခန်းတွင် သူ့သားငယ်အိပ်နေသဖြင့် လူသံသူသံကြားလျှင် သူခိုးကိုရိုက်မှာ စိုးလို့ပါတဲ့။
ဤသို့ဖြင့် ချိုပြုံးသည် "သူခိုး လက်ပတ်နာရီကမ်း" လုပ်လိုက်ပါတော့သည်တဲ့။
"တဲ့" တွေ ထပ်ခါသုံးနေရသည်မှာ ထိုအကြောင်းကို သူက ပြန်ပြောပြသောကြောင့် ဖြစ်ပါသည်။ သို့သော် ကျွန်တော့်အတွေ့အကြုံအရဆိုလျှင် မမချိုသည် သည်လိုပဲ ဒါနပြုမှာပဲဟု ယုံကြည်ပါသည်။ တကယ့်ဖြစ်ရပ်မှန်ကိုတော့ သူသာသိပါလိမ့်မည်။
မမချိုက တစ်ခါတစ်လေ နည်းနည်းပိုသည်။
- သုမောင်
ရွှေအမြုတေမဂ္ဂဇင်း၊ ၂၀၀၄ ခုနှစ်။
