စေတနာကောင်းနှင့် ခရီးသွားခြင်း

 စေတနာကောင်းနှင့် ခရီးသွားခြင်း

ကျောင်းတုန်းက စာသင်ခန်းထဲမှာ သင်ခဲ့ရသော ''ကောင်းမှု တစ်ခု နေ့စဉ်ပြု'' ဖတ်စာလေးကို ကျွန်တော် ပြန်လည် အမှတ်ရ နေပါသည်။ ကျောင်းတွင်း စာမေးပွဲတွေမှာ မင်္ဂလသုတ်ကို မဖြေရပေမယ့် ဤဖတ်စာ လေးသည် မင်္ဂလာတစ်ခု ဖြစ်နေပါလားလို့ တွေးရင်း တွေးရင်းဖြင့် သတိ ထားမိသည်။ ကောင်းမှုသည် ပါဠိလို ကုသိုလ်ဟု အမည်ရ၏။

လူသားတွေ ဘာကြောင့် အသက် ရှင်ရပါသလဲဟု အဖြေကို ရှာကြည့်လျှင် ဘုရားဟော ဒေသနာအရ ကံ၊ စိတ်၊ ဥတု၊ အာဟာရကြောင့် ဖြစ်သည်ဟု ပြောရမည်ပင်။ ထိုအကြောင်း တရား လေးပါးတွင် ကံ စေတနာသည် ပဓာန အကြောင်းရင်း ဖြစ်ပါ၏။ ကျန်တာ တွေက အခြံအရံ အကြောင်း အရင်းများ ဖြစ်၏။ အတိတ် ဘဝက ကုသိုလ်ကံ ပါမလာလျှင် လူဟူ၍ပင် ဖြစ်လာစရာ အကြောင်း မရှိပါ။ လူဖြစ်ကြောင်း ကုသိုလ်ကံတွေ လုပ်ခဲ့လို့သာ လူ ဖြစ်လာ ရ လေသည်။ ပါလာသော ကုသိုလ် ကံတွေကုန် ထပ်၍ ပြုလုပ်သော ကုသိုလ် ကံတွေကို နေ့စဉ် မပြုလျှင် ကံကုန်မည်။ ကံကုန်လျှင် သေတာပါပဲ။

မိမိမှာ စေတနာကောင်း၊ ဥာဏ်ကောင်း၊ ဝီရိယကောင်းတွေ ရှိနေမှ မင်္ဂလာ ရှိပါ၏။ ကြီးပွားဖို့ အကြောင်း ဖြစ်ပါ၏။ လူတိုင်း ကိုယ်စီ တစ်နေ့တစ်နေ့ ဘယ်အာရုံဖြင့် အသက်ရှင် နေပါသလဲ။ ကုသိုလ် အာရုံလား၊ အကုသိုလ် အာရုံတွေ လား။ အကုသိုလ်တွေ မဖြစ်အောင်၊ မတိုးပွားအောင်၊ ကုသိုလ်ကံတွေ ဖြစ်လာအောင်၊ တိုးပွားလာအောင် နေ့စဉ်အသိ၊ သတိဖြင့် အားထုတ် ဖြစ်ရဲ့လား။ 

သည်လို မလုပ်လျှင် ဘဝ ရေယာဉ်ကြော မှာ မျောသွားမည်၊  မြုပ်သွားမည်။ ဖူးပွင့်စ ဖြစ်လာသည့် အပင်လေးလို ခြံခတ် မထားပါမူ ကြက်၊ ငှက် တိရ စ္ဆာန်တွေက ဝင်ရောက် ဖျက်ဆီးမည်။ မိုးကုတ် ဆရာတော် ဘုရားကြီးက ဘယ်အချိန် ဘယ်ကိစ္စ ကြုံရမည် ဆိုတာ မသိနိုင်လို့ တရားကို အမြဲ ရှုမှတ်ပါလို့ ဆုံးမပါ သည်။ လူ့ သဘာဝသည် မကောင်းမှု၌သာ မွေ့လျော် နေတတ်ပါ၍ အမှိုက်ပုံနှင့် တူ၏။ ခြံခတ်မထားသော အပင်နှင့် တူ၏။ အကုသိုလ် ကံတွေက ထင်သလို ခြယ်လှယ်မည် ဖြစ်သည်။

လူ့ဘဝ ဆိုသည် ရေဆန် လေဆန် လှိုင်းထန်ထန် ခရီးကို လှေငယ်နှင့် ခရီး သွားရသလိုမျိုး ဖြစ်နေသည်မို့ စေတနာကံက လှေ၊ ဥာဏ်က ပဲ့ကိုင်၊ ဝီရိယက လှော်တက်နှင့် တူလေ၏။ ဘဝလှေငယ်က လှေကွဲကြီး ဖြစ်နေ ပဲ့ကိုင်သူလည်း မရှိပြန်လျှင် မည်သို့ပင် လှော်လှော် လိုရာခရီး အပြီး မရောက်နိုင်တော့။ အဓိပ္ပာယ်က စေတနာ ဆိုးနှင့် ဘဝခရီး မလျှောက်လှမ်း စေချင်ပါကြောင်း၊ စေတနာ ကောင်းဖြင့်သာ ခရီး သွားလေမှ အဆင်ပြေမည် ဖြစ်ပါကြောင်း ပြောလို ရင်း ဖြစ်ပေသည်။

ပို၍ ရှင်းစိမ့်သောငှာ သစ်တစ်ပင်နှင့် တင်စားရသော် စေတနာ ကံသည် မျိုးစေ့သဘော ချက်ချင်း အကျိုး မပေးနိုင်သည် ဖြစ်၍ သတ္တိ အနေဖြင့်သာ ကိန်းအောင်း ပါသည်။ ဤဘဝမှာ ထိုမျိုးစေ့ကို ဥာဏ်နှင့်တူသော လယ်ယာမြေ ကောင်းမှာ စိုက်ပျိုးပြီး ဝီရိယနှင့် တူသော ရေကို မကြာမကြာ လောင်းပေးရန် လိုပါ၏။ သို့သော် မျိုးစေ့ ဘယ်လောက် ကောင်းကောင်း သည်အတိုင်း ထားလျှင် အပင်မပေါက်၊ မြေကြီးနှင့် ထိမှ သာလျှင် အပင် ပေါက်မည်။ ဒါပေမဲ့ ရေလောင်း မပေးလျှင် ရှင်သန် ကြီးထွားလာမည် မဟုတ်ပေ။ အကြောင်း ပြည့်စုံမှ အကျိုး ထင်ပါသည်။

ယခုအထိ တရုတ် လူမျိုးတို့သည် မြေကြီးနှင့် မိုးကောင်းကင်ကို အလေးအမြတ် ပြု၏။ မိုး နတ်မင်းကြီးကို တိုင်တည်၏။ မြေနှင့် ရေမရှိလျှင် လူဟူ၍ပင် ဖြစ်မလာ နိုင်ဟု သူတို့ ယုံကြည်သည်။ မြေကြီးကို ကျေးဇူး တင်သည်။ ပြောကြစ တမ်း ဆိုလျှင် အစ္စရေး နိုင်ငံမှာ မြေ ကောင်းကောင်းမရှိ၊ သဲ ကန္တာရတွေ များ၍  မြေ အငှားဖြင့် နည်းပညာတွေ သုံး၊ မျိုးရိုး ပညာလေ့လာ သစ်ခွပန်းတွေ စိုက်ပျိုး လိုက်သည်မှာ ကမ္ဘာမှာ သစ်ခွ မျိုးပေါင်းစုံ ရနိုင်သော နိုင်ငံ ဖြစ်လာ သည်။ သစ်ခွပန်းကို အနက်ရောင် ဖြစ်အောင်လည်း လုပ်နိုင်စွမ်းသည်။

ထိုအချိန်က အစ္စရေးကို အားကျ၍ မြန်မာပြည်မှာ သစ်ခွ အပါအဝင် ဈေးကွက်ဝင် အပင်များ စိုက်ပျိုးနိုင်ရန် (Soiltest) ပညာရှင် များကို ငှားရမ်း ခေါ်ယူခဲ့သည်။ စာချုပ်သက်တမ်း မပြည့်ခင် ပညာရှင်များ ပြန်မည်လုပ် တော့ ''ဘာဖြစ်လို့ ပြန်မှာလဲ'' မေးသောအခါ ''မင်းတို့ တိုင်းပြည်က ဘာပင်စိုက်စိုက် ပေါက်နိုင်တဲ့ မြေကောင်းတွေ ရှိနေတာ ငါတို့က ဘာ စမ်းသပ်စရာ လိုတော့လဲ'' တဲ့ ကဲဘယ်လောက် ဂုဏ်ယူစရ ကောင်းသလဲ။ မြေရှိသည်၊ ရေရှိသည်။ ပညာပဲ လိုသည် မဟုတ်ပါလား။

ယခင် အချိန်ကာလများ ဆီက အစ္စရေး ဝန်ကြီးချုပ် မြန်မာပြည်ကို အလည် တစ်ခေါက် ရောက်လာရာ အိမ်ရှင် မြန်မာက ပုပ္ပားတောင်ကို ရဟတ်ယာဉ်ဖြင့် ပြရာ တောင်ကျရေများ မြင်ရသည့်အခါ ''ဟာ ရေတွေ ပါလား ဒီရေတွေ ဘာလုပ်သလဲ'' မေးတော့ မြန်မာတွေက ''စီးသွား ပါတယ်'' ပေါ့။ ထိုအခါ ဝန်ကြီးချုပ်က ''ဟ ရေဆိုတာ စီး မသွားရဘူး ဆည် တားရတယ်။ တို့နိုင်ငံမှာ ဒီလိုရေမျိုး ရရင် ကမ္ဘာကို လွှမ်းပစ်လိုက်မယ်'' ကိုင်း အဲ့ဒါပါပဲ။ 

ခုတော့ ကြက်မောက်တောင် ဆည်တွေ ဖြစ်လာပြီပေါ့။ ''ဒါတွေ တကယ်လား''လို့ အမေး ရှိသော် ကျွန်တော် ဖြေပါမည်။ ပို၍ သိလိုလျှင် ဆရာကြီး ဦးအောင်သင်းကို မေးကြည့်ပါတော့။ သူဟော ပြောတာကို နားထောင်ပြီး ကျွန်တော်က အလှူ လက်ဖက်နှင့် ဧည့်ခံ လိုက်တာပါ။ သို့အတွက် ဆရာကြီး ကျန်းမာ ပါစေကြောင်း ဆုတောင်း အပ်ပါ၏။

သည်တော့ မြေကောင်း ရေကောင်း မျိုးစေ့တွေလည်း ကောင်းနေသော ကျွန်တော်တို့ တိုင်းပြည်သည် မင်္ဂလာ ရှိသော တိုင်းပြည်ပါ။ ထို့ကြောင့် မျိုးစေ့၊ မြေ၊ ရေနှင့် တူသော ကံ၊ ဥာဏ်၊ ဝီရိယ တို့ဖြင့် ကြိုးစားကြကာ မျိုးစေ့မှန်၍ ရှင်သန်သော အသီး အပွင့်များကို ခံစား နိုင်ပါကြောင်း တိုက်တွန်း ရေးသား အပ်ပါသည်။   ။

ဆာယာလှမြင့်