မှန်ကိုယ်စီနှင့် ခရီးသွားများ (ဗုဒ္ဓရနံ့)
(၁)
“အမေ အမေရေ” မောသံစွက်နေသော ခေါ်သံကြောင့် အထိတ်တလန့် မီးဖိုမှ ထွက်လာရင်း “ ဟဲ့ ဓီတာ၊ ဘယ်လိုများ ဖြစ်လာတာလဲ၊ အထိတ် တလန့်နဲ့”
ခါးပေါ်ရှိ ခပ်အိုးထဲမှ ရေတို့ကို အိုးစရည်းထဲ သွန်လောင်းရင်း “ဓီတာ”က “ ဟိုလေ ရွာဦး အုတ်ကျောင်းမှာ အရှင်ကောင်း အာနန္ဒာတို့ ရောက်နေ သတဲ့”။
“ဘယ်လို…. ဘယ်လို အရှင်ကောင်း အာနန္ဒာတို့ ဟုတ်လား”
သီးခိုနေသော မျက်နှာပေါ်မှ ရေပေါက်တို့ကို သပ်ချရင်း၊ “ဟုတ်တယ် အမေရဲ့ ပါဝါပြည်ကို ကြွမလို့တဲ့”
“ ဟဲ့ ဒါဆို ရှင်တော်ဘုရားရော” “ပါသတဲ့ အမေ ဒါပေမဲ့ ခရီးပန်းလာလို့လားမသိဘူး ရှင်တော်ဘုရား သိပ်မခန့်ကျန်း ဘူးတဲ့” “ဟယ် ဟုတ်ရဲ့လား… ဒါဆို”
“ခိုင်လုံအောင် သမီး ဒီတစ်ခေါက် စေ့ငုခဲ့မယ်” ဓီတာက ရေအိုးကို ခါးစောင်းတင်ကာ ထွက်ခွာသွားပြီမို့ လှိုက်လဲ ဝမ်းသာမှုနှင့် ပြည့်သောရင်ဖြင့် ရပ်ငေးကျန်ခဲ့သည်။ လက်တွင် ကိုင်ထားသော ဟင်းမွှေးယောက်မကိုပင် အမှတ်မရနိုင်အား။
(၂)
ဒီနေ့ကို ငံ့မျှော်ခဲ့ရသည်မှာ ကြာမြင့်လှပြီ၊ အခု ထိုနေ့သည်… ၊ စသော အပျှော်ဖြင့် စွက်စိုသည့်အတွေးတို့ စီးကြောင်း ဖြာခဲ့ပြီ။
ဘုရားရှင် အခုလို ကြွရောက်လာမည့်နေ့ကို အမျှော်ကြီးမျှော်နေမိခဲ့သည်။ ရှင်တော်ဘုရား မကြွလာလျှင်ပင် ညီတော် အာနန္ဒာကြွလာက (ကေင်းလေစွ…၊) တောင့်တမိသည်မှာ အခါခါ၊ ဟိုး သာဝတ္ထိ သို့မဟုတ် ရာဇဂြိုဟ်မင်းနေပြည်များဆီသို့ ရောင်ရမ်းမိသည်ကလည်း အကြိမ်ကြိမ်။
ထိုချင်ခြင်းတို့ ပျောက်ပြေရတော့မည်။ ဤ “နာတိက” ရွာရဲ့ ရွာဦးအုတ်ကျောင်းမှာ အရှင်တို့ ရောက်နေကြပြီတဲ့၊ ဤဆုထက်ကြီးသော လာဘ်သည် မရှိနိုင်တော့၊ ပြင်းပြသော အလိုတို့ ပြည့်ဝတော့မည်ကော။
ရင်၌ စူးနစ်နေသော သောကညှောင့်အား ညင်သာစွာနုတ်ပေးမည့် သမားမြတ်ကို တွေ့ရတော့မည်ကော။
ဘဝကို ဖုံးလွှမ်းသော သလ္လာတိမ်တို့ဝေဒလွင့်ပေးမည့် အစွမ်းရှင်ကို တွေ့ရတော့မည်ပ၊ ပျှော်မှုအဆုံးတွင် ရွှ့င်သော အတွေးတို့ကို ထပ်ဆင့် ရာမှ စောစောက ပေါ့ပါးတက်ကြွစွာ လှမ်းထွက်သွားသော သမီးငယ်၏ ဟန်ပန်ကို ပြန်မြင်မိတော့…
အင်း သမီးလေးလည်း ငါ့လို ပျှော်ရှာမှာပေါ့.. သူလည်း….။
(၃)
“အမေ သမီးရဲ့ ဖခင်က သုဂတိဘုံ မရောက်ဘဲ ငရဲရောက်မှာဆို” “ ဟဲ့ အို မဖွယ်မရာ သမီးကို ဘယ်သူပြောသလဲ”
“အဘွားပြောတာ အမေ” ရောခက်ပေစွ၊ ခင်ပွန်းဆုံး၍ သောကဟောင်းပင် မငြိမ်းတက်သေး သောကသစ်က တိုးဆင့် လာပြန်ချေပြီ၊ ထိုသောက ပေါက်ဖွားစေရာကို ရှာလိုက်တော့၊ သွားလေသူရဲ့ မိခင် ယောက္ခမဖြစ်သူ အဘွားအို၊ ချွေးမ ဖြစ်လေ၍ ဖက်ပြိုင်မပြောသာ၊ အချင်းမများလို၊ ဒါပေမဲ့ ချွေးမကို မသက်ကြည်လျှင်တောင်၊ သားဖြစ်သူကိုတော့ ခုလို ခုလို မပြောသင့်၊ ခုတော့ မကြားဝံ့ မနာသာ၊ သူမို့….။
ပျက်သောမျက်နှာကို ပြင်လိုက်ရင်း “ အဖွားက သမီးကို ကျီစယ်တာနေမှာပါကွယ်” “မဟုတ်ဘူး အမေ့သမီးကို ဆူပူ ပြီးတော့ကို ပြောတာ အဖေ့ကို ရည်စူးပြီး ယစ်နတ်မပေးလို့တဲ့”
ဘယ်လို…. ယစ်မပူဇော်လို့ ဟုတ်လား” “ ဟုတ်တယ်အမေ အဖွားက ပြောတယ် အိမ်က ဆိတ်ကလေးဖြစ်ဖြစ် ယစ်နတ်ပေးမှ အဖေက ငရဲဘုံက လွတ်နိုင်မှာတဲ့”
သမီးက ပြောရင်း အသံတုန်လာသည်မို့ မျက်နှာကို အကဲခတ်မိတော့ လက်နေသော မျက်ရည်စက်ကလေးများ ကိုယ်တိုင်လည်း ကျလုလု မျက်ရည်ကို ဆည်ရင်း သမီးကို နှစ်သိမ့်ဖို့ စကားရှာရသည်၊ တပြိုင်နက် ယောက္ခမအဘွားအိုကိုလည်း ဒေါသဖြစ်မိသည်။
အဘွားအိုလည်း ရှင်တော်ဘုရားကို ကိုးကွယ်အားထားသည်က အမှန်၊ သို့သော် အယူဟောင်းက မစင်သေး၊ အစွဲ ဟောင်းက မပြေသေးထင့်၊ အင်း ဒါမျိုးဆိုတာ ခက်တော့ ခက်သားကလား၊ အဘွားကြီးက ရှေ့မီ နောက်မီဆိုတော့ ဟုတ်ချင်ဟုတ်…၊ နောက်ပြီး သူ့သားကို မုန်းလို့ အကျိုး ယုတ်အောင် ပြောတာတော့ မဟုတ်နိုင်၊ ဒါဆို…..
ခင်ပွန်းသည် မွေထးထားခဲ့သော ဆိတ်အုပ်ထံမှ ဝဝပြည့်ပြည့် ဆိတ်ညိုပေါက်ကလေးဆီ အာရုံရောက်တော့ ခေါင်းကို ခါရမ်းလိုက်ရင်း ပင့်သက် တစ်ချက်ကိုသာ ချလိုက်တော့သည်။
(၄)
ဟင်းကနဲ ပင့်သက်ချမိပြန်သည်၊ သို့သော် ရင်၌ လေးပင်မှုက လျော့မသွား၊ ယောက္ခမကြီး၏ စကားတို့ကို ပြန်ကြားယောင်တိုင်း ခုလို သက်ပြင်းကို အခါခါ ချမိလျက်သား ဖြစ်ချေသည်၊ အဘွားကြီးကိုလည်း မကျေမနပ်ဖြစ်မှုက ကဲလာ တတ်စမြဲ။
တပ်အပ်သိလို့ ပြောတယ်ဆို ထားပါတော့ ခုတော့ ထင်ကြေးနဲ့ ဟင်း။
အင်း သူလည်း သူ့သားဆိုတော့ စိုးရိမ်ရှာလို့ ပြောတာများလား။ ဒါပေမဲ့ အဘွားကြီးက စကားကို များလွန်းပါတယ်။ ပြောသင့် မပြောသင့် ချင့်ချိန်မှာ မဟုတ်ဘူး။
“အမေ အဘွားပြောတာ ဟုတ်လား ဟင်” သမီးက ခဏခဏမေးတိုင်း တိကျရေရာ မဖြေနိုင်၊ မဖြေတတ်ခဲ့၊ မဖြေနိုင် တိုင်း အဘွားကြီးကို မကျေနပ်၊ မကျေနပ်တော့ ဒေါသဖြစ်၊ ဒေါသနောက်က သောကဝင်၊ အင်း သူလည်း…. သူ့သားအတွက် ဟိုတလောက ယစ်ပ,သသေးတဲ့၊ ဒါဆို… သူပြောတာ ဟုတ်များနေမလား။ ဟုတ်နေခဲ့ရင်တော့ ဘုရား ဘုရား။
ငရဲ ငရဲဘုံဆိုတာ…. အို….. “ချမ်းသာမှုကင်းတဲ့ မီးတောက်မီးလျှံတွေ ဟုန်းဟုတ်ထနေတဲ့ ကြိမ်ပိုင်ချောင်းငရဲ မစင် ဘင်ပုတ်ငရဲ ငရဲအား….။ ငါ ငါ သူကို ကယ်ရမယ် ကယ်ရမယ်။ သူ့အတွက်ဆို ဆိတ်တစ်အုပ်လုံး ပူဇော်ရ ပူဇော်ရ ငါ….။
(၅)
ခင်ပွန်းသည် ဘယ်ဘဝ ရောက်နေရှာတယ်ဆိုတာ သိချင်စမ်းပါဘိ၊ အဲဒီလို ဧကန်ညွှန်ပြနိုင်တဲ့ တန်ခိုးရှင်များရှိလျှင် ဘယ်မျှ ဝေးပါစေ အပြေး ဆည်းကပ်ချင်စမ်းပါဘိ၊ အကယ်၍ ငရဲဘုံမှာ ရောက်နေခဲ့လျှင် ကယ်တင်ရန် လျှောက်ထားလိုက်ချင် စမ်းပါဘိ၊ ရှိသည့်စည်းစိမ် ကုန်အောင်နှင်း ရပါစေ၊ အင်း ခုတော့ ။
“ရင့်မှည့်နေတဲ့ အောင်သီးတစ်လုံးရဲ့ မျိုးစေ့ဟာ ဘယ်မြေမှာကျကျ အပင်ပေါက်မှာပဲ၊ ကိုယ်က အချိုစေ့၊ အခါးစေ့ ခွဲခြား စိုက်ပျိုးဖို့ပဲလိုတယ်၊ ငါဟာ အချိုမျိုးတွေသာ များသောအားဖြင့် စိုက်ခဲ့တာပဲ” စသည့် သွားလေသူ၏ စကားတို့ကို ကြားယောင် မိပြန်သည်။
အချိုမျိုးစေ့ အခါးမျိုးစေ့ မျိုးစေ့…. မျိုးစေ့… မျိုးစေ့ဆိုတာ ကိုယ့်ရဲ့လုပ်ဆောင်မှု ကမ္မ။ ဟုတ်တာပေါ့၊ သူဟာ အသက်သတ်ခြင်း၊ ခိုးယူခြင်း စတဲ့ သူတထူးကို ထိပါးစေမယ့် အမှုမျိုး၊ ပြုကျင့်တာ၊ တစ်ခါမျှ မကြံဖူးဘူး၊ နောက်ပြီး ၇ွာဦးကျောင်းက မထေရ်နဲ့လည်း သိပ်ကျွမ်းဝင်တာ၊ အဲဒီလို လူမျိုး ရဲ့ နောက်ဆုံးလားရာဟာ ငရဲ ငရဲတဲ့လား။
အဆုံးမရှိသော ချည်ခင်တစ်ခုကို အစငင်မိသူ တစ်ဦးလို အထွေးချည်မျဉ်တွေနဲ့သာ ရှုပ်ထွေးရစ်ဖွဲ့ ကျန်ရစ်ရစမြဲ။ ထို အထွေးအရှုပ်ကို ရှင်းပေးမည့် သူကို ပြင်းပြစွာ တောင်းတမိသည်။ မျှော်မောမိခဲ့သည်။
ဆိုက်ရောက်လာသမျှ အကြားဟော , အမြင်ဟော, တပ, ဗြဟ္မဏတို့ကို ချဉ်းကပ်မေးမြန်းရသည်မှာလည်း အကြိမ်ကြိမ် သို့သော် အရှုပ်ထွေးက မပြေ။
“ငါ့သမီးနှယ် ပင်ပန်းရနကော နွားရဲ့ဦးချိုမှာ သွားညှစ်နေလို့ ဘယ်နို့ထွက်မှာလည်းကွယ့်၊ ညည်းသိလိုတဲ့ အဖြေကို ပေးနိုင်သူဟာ တစ်ဦးတည်းရှိတယ်၊ အဲဒါ အဲဒါ တို့ရှင်တော်ဂေါတမပဲ သမီးရဲ့”
နောက်ဆုံး သမီးနဲ့ မြေးရဲ့ သောကလောင်မြိုက်မှုကို မရှုရက်သည့် ဖခင်ကြီးက အဲဒီလို လမ်းပြောင်းပေးလိုက်မှ ကွန်းခို ရိပ်ကို လှမ်းတွေ့လိုက်သော ခရီးပန်းသူလို နွမ်းသမျှတို့ ပြေခဲ့ရသည်။ ထိုဖခင်၏ စကားကို ကြားသည့်နေ့မှစ၍ ဒေသစာရီကို ငံမျှော်မိသည်၊ ဤဒေသသို့ ကြွပါရန် စိတ်ဖြင့် အကြိမ်ကြိမ် ပန်လျှောက်မိသည်၊ ခု ဝါကျွတ်နှင့်ဆိုလျှင် သုံးဝါကျွတ်ပင် တိုင်ခဲ့ပြီ။
“အမေရေ အမေရေ ဘုရားရှင်ကြွရောက်တာ အမှန်ပဲ၊ အရှင်ကောင်း အာနန္ဒာနဲ့လည်း ကြုံခဲ့တယ်”
“ဟယ် ဝမ်းမြူးဖွယ်သတင်းမှန်ပ” မျှော်မောရသောနေ့သည် ဧကန်ဆိုက်ေ၇ာက် ခဲ့ပြီမို့ မဆိုင်းပြေးသွားချင်မိသည်၊ ရောက်မဆိုက် ဖြစ်၍ အလျင် မလိုကောင်း၍သာ၊ နောက်ပြီး ကိုယ်တိုင်ဆို လည်ဝယ်စွာ လျှောက်ထားနိုင်အံ့မထင်၊ အရှင်ကောင်း အာနန္ဒာက တဆင့် မေးလျှောက်ရလျှင်…။
“ဒါဆို သမီး အရှင်အာနန္ဒာကို မပင့်လျှောက်ခဲ့ဘူးလား” “ပင့်ခဲ့တယ် အမေ အခု အရှေ့ပိုင်းက “ဦးသုဒတ္တ” တို့အိမ် ကြွဦးမတဲ့” “သြော် နွေဦးက ကွယ်လွန်သွားတဲ့ သူကြွယ် သုဒတ္တအိမ်ထင်တယ်”
“ဟုတ်တယ် အမေ၊ နောက်ပြီး သုဇာတာ ဥပသိကာအိမ်ကိုလည်း ဝင်ရမယ်တဲ့၊ ညနေစောင်း ကျောင်းပြန်ကြွမှပဲ သမီး တို့အိမ်ကို ကြွခဲ့မယ်တဲ့”
စကားမဆိုနိုင်၊ပီတိ ဖုံးသောကြောင့်ဖြစ်ပေမည်၊ သမီးငယ်ကို ကြည့်လိုက်တော့ ပြုံးကြည်နေလိုက်တာ ဆည်းဆာ ရောင်ထက် ပင် တောက်ေ နသေးတော့။
(၆)
“အို အရှင်ကောင်း ကြွပါလှည့်” “အိမ်း” “ ညနေက အရှင့်တူမ ပြောကတည်းက ငံ့လင့်နေတာပါ အရှင်”
“ အင်း အချိန်လေးလှပ်ခိုက်၊ ဉာတိတွေ၊ ဥပသကာတွေ ပင့်ရာကြွရသေး”
နေရာခင်းကျင်းခြင်း၊ ခရီးဦးကြိုဆိုခြင်း ဝတ်တို့ပြုအပြီးတွင် သားအမိနှစ်ဦးလုံး ဦးညွတ်မှု အဉ္ဇလီကို ပြုလိုက်ကြသည်။
“ကိစ္စထွေလာ ရှိလိုပလား” “ ရှိပါသကော အရှင်” “ ဆိုပါဦး” “ ဟိုး တပည့်တော်မရဲ့ ခင်ပွန်း၊ အရှင့်ရဲ့ နောင် တော်ဟာ ကွယ်လွန်သွားတာ သုံးမိုး ရှိပါပြီ အရှင်၊ အဲဒါ ”
“သူရဲ့ လားရာဘုံဘဝကို သိလိုတယ်ဆိုပါတော့” “ ဟုတ်ပါတယ်အရှင် အရှင်ကတဆင့်…”
“မြတ်စွာဘုရားကို မေးလျှောက်ပေးရမယ် ဆိုပါတော့၊ အိမ်း ဒီလို မေးခိုင်းတာ သင်ရို့နဲ့ပါဆိုရင် ဟောဒီ နာတိက ရွာက ငါ့ဉာတိတွေ အားလုံးလို့တောင် ဆိုရမလို ဖြစ်နေပြီ”
အလို တို့လို သိလိုသူတွေ မနည်းဘူးဆိုပါလား။ ဟုတ်မှာပေါ့လေ၊ ဘဝတစ်ပါးပြောင်းသွားသူ မရှိတဲ့ အိမ်ရယ်လို့မှာ လောကမှာ မရှိနိုင်တာ၊ အံ့အားသင်၍ မဆုံးမီပင်။
“ အဲ ဒါဆို ဘုန်းတော်ကြီးသော မြတ်စွာဘုရားကို ငါမေးလျှောက်လိုက်မယ်၊ နံနက်မိုးသောက်မှ သင်တို့သိလိုတဲ့ အဖြေ ကို ယူကြပေတော့”
ပြန်ကြွရန် မထေရ်အထတွင် ရှိခိုးလိုက်ကြသည်၊ သည်တစ်ကြိမ် ရှိခိုးလိုက်ရခြင်းကား ကျေးဇူးကြောင့်လားမသိ စေးစေး ပိုင်ပိုင် ရှိလှဘိခြင်း။
(၇)
ညာတိတို့၏ ပြဿနာတို့ကိုပိုက်ကာ မြတ်စွာဘုရား ကိန်းဝပ်ရာသို့ လာခဲ့သည်။ ရိုသေစွာ ရှိခိုး၍ သင့်လျော်ရာတွင် ညင်သာစွာ ထိုင်လိုက်သည်။ အသာမော့ကာ ရှင်တော်၏ မျက်နှာတော်အား ဖူးလိုက်စဉ်။
သက်တော်(၈၀)ဆိုတဲ့ ဇရာက သပ္ပာယ်ခြင်း အသရေကို မတိုက်စားနိုင်၊ ရှည်လျားသော ခရီးကြောင့် ဖြစ်ပေါ်သော ပင်ပန်းမှုသည်လည်း အရှင်၏ ငြိမ်းအေးသော အသရေကို မထိပါးနိုင်ပါလား၊ ကြည့်စမ်းဖူးသူ မရောင့်ရဲအောင် ငြိမ်းအေး တင့်တယ်လိုက်တာ။
မျက်နှာတော်ကို ဖူးမြော်ရင်း တိုးညင်းစွာ လျှောက်ထားလိုက်မိသည်။
“ဘုန်းတော်ကြီးသော မြတ်စွာဘုရား ဘဝအတွက် ဖြေခက်တဲ့ အထုံးအဖွဲ့တို့ကြုံတိုင်း တပည့်တော်ရဲ့ အားထားရာဟာ အရှင်မှ တစ်ပါး အခြား မရှိပါဘူးအရှင်၊ အခုလည်း အထုံးအဖွဲ့များနဲ့ ရောက်ခဲ့ပါပြီအရှင်”
မျက်လွှာတော်ကို ပင့်သည်ဆိုရုံမျှ ပင့်ကြည့်တော်မူ၍ ဆိတ်ဆိတ်နေတော်မူသည်၊ ဘုရားရှင်၏ ဆိတ်ဆိတ်နေခြင်းသည် ခွင့်ပြုတော်မူခြင်းပင်ဟု သဘောပေါက်ထားသူပီပီ။
“အရှင်ဘုရား ဟောဒီ နာတိက ရွာသားတွေ သိလိုတဲ့ ပြဿနာတွေကို တပည့်တော် ဆောင်ကြဉ်းလာခဲ့ရပါတယ်။
အဲဒါက……….၊”
“သာဠမည်တဲ့ ရဟန်းဟာ ဟောဒီ နာတိကကျောင်းမှာပဲ ကွယ်လွန်ပါတယ်၊” သူဘယ်ဘုံဘဝမှာ ရောက်ရှိနေပါသလဲ အရှင်၊ “အဲလို ကွယ်လွန်သွားတဲ့ နန္ဒာဘိက္ခူနီမရဲ့ လားရာကိုလည်း သိပါရစေ အရှင်၊”
“သုဒတ္တ ဥပသကာဟာလည်း ဒီရွာမှာပဲ ကွယ်လွန်သွားပါတယ်၊ သူကော ဘယ်ဘုံဘဝမှာ ရောက်၇ှိနေပါသလဲ ဘုရား” နောက်ပြီး သုဇာတာ ဥပသိကာဟာလည်း ဒီနာတိက ရွာမှာပဲ အနိစ္စရောက်ခဲ့ပါတယ်၊ သူကော ဘုရား”။
ဒါတင်မက ကုက္ကုရ၊ နိကဋ၊ ကဋိဿဟ၊ တုဋ္ဌတို့ဟာလည်း ဒီရွာမှာပဲ ကွယ်လွန်ခဲ့ကြတယ်၊ သူတို့တစ်တွေကော ဘယ်မှာလားကုန်ကြသလဲဘုရား”
သိလိုသော မေးခွန်းတွေ ဆက်တိုက်မေးမိသည်ကို သတိရမှ ဆက်လုလုနှုတ်ကို ထိန်းလိုက်ကာ အဖြေကို ငံ့လိုက်တော့။
အသံအင်္ဂါရှစ်ပါးနဲ့ ပြည့်စုံဆဲရှိတဲ့ အသံတော်နဲ့ “အို အာနန္ဒာ၊ သဠမည်တဲ့ ရဟန်းဟာ အာသဝေါကင်းကွာ မဂ်ပညာ ဖြင့် အရဟတ္တဖိုလ်သို့ ဆိုက်ရောက်သွားလေပြီ”
“အို အာနန္ဒ၊ နန္ဒာမည်တဲ့ ဘိက္ခုနီမကတော့ သံယောဇဉ်ငါးပါးရဲ့ ကုန်ခြင်းကြောင့် ဗြဟ္မဘုံမှာပင် ပြန်မဆုတ်နစ်တော့ဘဲ ပရိနိဗ္ဗာန်ပြုပေလိမ့်”
အို အာနန္ဒာ၊ သုဒတ္တ ဥပသကာကတော့ တပ်မက်ခြင်း၊ အမျက်ထွတ်ခြင်း၊ တွေဝေခြင်းတွေ ကင်းပြီမို့ သကဒါဂါမ်ဖြစ်ပြီး လူ့ဘဝသို့ တစ်ကြိမ်လာကာ ဆင်းရဲကုန်ခြင်းကို ပြုပေလိမ့်မည်”
“သုဇာတာ သတင်းသည်ကတော့ သံယောဇဉ်သုံးပါး ကုန်ခြင်းကြောင့်၊ သောတာပန်ဖြစ်ခဲ့ပြီး အပယ်သို့ မလားနိုင်တော့၊ သုဂတိဆိုတဲ့ ဂတိမြဲလေပြီ”
တစ်ဦးခြင်းမေးသမျှကို ဖြေကြားပေးနေတော်မူသည်ကို လိုက်နာမှတ်သားရင်း၊ ဆက်မေးမြန်းရမည့် ပုဂ္ဂိုလ်တို့၏ အမည် နာမများကို အပြေးအလွှား စဉ်းစားနေရသည်၊ ဒါမှ သိလိုသူ စာရင်းမကျန် ပြည့်စုံမည် မဟုတ်လား”
(၈)
“ဘုန်းတော်ကြီးသော မြတ်စွာဘုရား ငါးရာကုန်သော ဥပသကာတို့ဟာ ဟောဒီ နာတိကရွာမှာ ကွယ်လွန်ခဲ့ကြပါသေး တယ်၊ သူတို့ရဲ့ လားရာက ရော ဘုရား”
“ အာနန္ဒာ အဲဒီသတင်းသည် ငါးရာတို့ဟာ သံယောဇဉ်တွေ ကုန်ခြင်းကြောင့် အပယ်သို့မကျ၊ သုဂတိဆိုတဲ့ လားရာမြဲ ကုန်ပြီ”
အဖြေတွေက မေးလိုက်သည့် ဉာတိတွေအတွက် နှစ်ထောင်းဖွယ် ကောင်းလှတော့သည်။ ဝမ်းမြောက်သော ပီတိဖြင့် ပုဂ္ဂိုလ်မကြွင်းရအောင် မေးဖို့ စဉ်းစားနေခိုက်.
“ အို အာနန္ဒာ” ဖျက်ကနဲ မော်ဖူးလိုက်တော့ ပြုံးခြင်းလျှင် ရှေ့သွားရှိသည့် စကားဆိုခြင်းဖြင့် ခွန်းစတော်မူလိုက်သည်မို့
“အကြောင်းတစ်ခုခုကြောင့် လူဟာ စုတေ သေဆုံးရစမြဲ၊ အဲဒီလို သေဆုံးတိုင်း ငါဘုရားကိုချဉ်းကပ်ပြီး ယခုလို မေးမြန်းနေမယ် ဆိုရင် အဲဒီ မေးမြန်းမငတွေဟာ ဖြေသူအတွက် ပင်ပန်းစေရုံမျှသာ ဖြစ်တော့မှာပေါ့ကွယ်”
အင်း ဟုတ်ပါလား၊ ဒါတောင် ဟောဒီရွာက ငါ့ဉာတိတွေပဲ ရှိသေးတာ၊ ဟိုး ရာဇဂြိုဟ်တို့ သာဝတ္ထိတို့စတဲ့ တိုင်းကြီး ပြည်ကြီးတွေက လူတွေကို မေးမယ်ဆိုရင် အား… မဆုံးနိုင်တဲ့ မတန့်နိုင်တဲ့…
“ အဲဒါကြောင့် အာနန္ဒာ ကြေးမုံမှန်တရားကို ဟောကြားပေးအံ့၊ အဲဒီ ကြေးမုံတရားနဲ့ ပြည့်စုံသူဟာ မိမိရဲ့ ငရဲဘေး စသည်မရှိ၊ သုဂတိဆိုတဲ့ လားရာမြဲသည်ကို ပြောလိုက ပြောနိုင်ကြပေတယ်”
“မှန်ကြေးမုံမှာ ပြုံးပြီးကြည့်လျှင် ပြုံးရိပ်ထင်ပြီး မဲ့ကြည့်တော့ မဲ့ရိပ်ထင်သလိုပေါ့ အာနန္ဒာ၊ အဲဒီအခါ မိမိရဲ့ အကျည်းတန် ခြင်း မတန်ခြင်းကို ပြက်ထင်စွာ ပြောနိုင်သလို၊ ဟောဒီ ကြေးမုံတရားနှင့် ပြည့်စုံလျှင် မိမိရဲ့ လားရာကို မိမိပြောလိုက ပြောနိုင် တယ်”
“ဆိုပါတော့ အာနန္ဒာ၊ လူတစ်ဦးဟာ ညစ်ကြူမှု ကိလေ ကင်းဝေးပြီး၊ တရားတွေကို ကိုယ်တိုင်လည်းသိ မယဉ်ကျေး သူကို ယဉ်ကျေးအောင် ဆုံးမတော်မူတတ်တဲ့ ဂုဏ်တွေနဲ့ ပြည့်စုံတဲ့ ဘုရားရှင်ကို စူးစိုက်ယုံကြည် အားထားရမယ်၊ ဘုရားရှင် ဟောကြားထားတဲ့ မျက်မှောက်ထင်ထင် အခါမရွေး ကိုယ်ကျင့်လျှင် ကျင့်သလိုရတဲ့ ဂုဏ်တွေနဲ့ ပြည့်ဝတဲ့ တရားဓမ္မတွေကို လည်း လိုက်နာကျင့်ကြံ အားထားမယ်၊ အဲဒီတရားတွေ ဆောင်ကြဉ်းပေးတတ်တဲ့ ဖြောင့်မတ်ကောင်းမြတ်တဲ့ အကျင့်ရှင် သံဃာ တွေကိုလည်း ဆည်းကပ်ကိုးကွယ်မယ်၊ ညွှန်ပြတဲ့အတိုင်း ကိုယ်ကျင့်သီလမြဲအောင်၊ စိတ်တည်ကြည်အောင်၊ ပညာပွားအောင် ကျင့်မယ်ဆိုရင် အဲဒီလူဟာ မှန်ကြေးမုံမှာ ပြုံးကြည့်တာနဲ့ တူတဲ့အတွက် ကိုယ့်ကိုကိုယ် ငရဲဘေး၊ တိရစ္ဆာန်ဘေးစတဲ့ မကောင်း တဲ့ လားရာ မရှိတော့ဘူး၊ သုဂတိဘုံဆိုတဲ့ လားရာ မြဲတယ်လို့ ပြောလိုက ပြောနိုင်ပေတယ် အာနန္ဒာ”
“အဲဒီက ဖီလာဆန့်ကျင်ဆိုရင်လည်း ကြေးမုံမှာ မဲ့ကြည့်တာနဲ့ တူတဲ့အတွက်…. သူဟာ…..”
(၉)
ရင်သည် လင်းမြတ်သွားလိုက်တာ၊
ဘုရားရှင်ညွှန်ပြတဲ့ ကြေးမုံဟာ ငါ့ရင်ထဲမှာလည်း ရှိနေနှင့်ပါပေါ့လား။
[B]ထိုမှန်ကို အပြန်ပြန်အလှန်ှန် ကြည့်ရှုသုံးသပ်လိုက်မိသည်၊ ကိုယ့်လားရာ ပုံရိပ်ပြတ်ထင် လာသလိုလို၊ လူတိုင်းလူတိုင်းရဲ့ မနသီမှာ မှန်ကိုယ်စီ နဲ့ပါလား၊ အဲဒီ ကြေးမုံကိုရှုပြီး ကိုယ်, နှုတ်, နှလုံးကို အလှပြင်ကြမယ်ဆိုရင်….၊[/B]
မနက်လင်းလျှင် နာတိကရွာက ဉာတိတွေကို ကြေးမုံကြည့်နည်း သင်ပေးရဦးမည်၊ သို့မှ သူတို့၏ ဘဝထင်ဟပ်မှုကို ရှုတတ်ကြပေမည်၊ ထိုအခါ နေမှု သေမှု၌ စိတ်ခွန်အားတို့ တိုးကာ…..
မဝသော ရှိခိုးခြင်းဖြင့် ရှိခိုး၍ ထံတော်ပါးမှ အသာယို့ကာ ထွက်ခဲ့ပြီး၊ နာတိကရွာဆီ လှမ်းမျှော်လိုက်မိတော့ “ဓီတာ” တို့ သားအမိကို ဦးဆုံးမြင်ယောင်လိုက်သည်။
“ အင်း ခများတို့ သားအမိကိုတော့ ကြေးမုံကြည့်တတ်အောင် အချိန်လေးယူပြီး သင်ပြပေးရမှာပေါ့လေ” ။
ကျမ်းကိုး။ ။ မဟာပရိနိဗ္ဗာနသုတ်။
လူတိုင်းလူတိုင်း ဓမ္မကြေးမုံကိုကြည့်ပြီး ကိုယ်,နှုတ်, နှလုံးသုံးပါးကို အလှပြင်နိုင်ကြပါစေ..
ကံထွန်းသစ်
