တကယ်ဆိုရင် . . .

တကယ်ဆိုရင် . . .

သုဿုသံ လဘတေ ပညံ-ပညာရဖို့အတွက် နားထောင်ရမည်၊ (၀ါ) နားထောင်တတ်လျှင် ပညာရ၏။ (ဗုဒ္ဓ)
လွန်ခဲ့သော အနှစ်နှစ်ဆယ်ကျော် ခပ်ငယ်ငယ်တုန်းကတော့ ရပ်ထဲရွာထဲ ဟိုနေရာသည်နေရာ မြန်ပြည်တစ်နံတစ်လျား ဒေသ အနှံ့အပြား ကြားခဲ့ရသည့် ဂီတ တစ်ပိုင်းတစ်စကား ''ကိုယ့်အချစ်နဲ့ အရာရာကို အကောင်းအတိုင်း ဖြစ်စေမည်'' ဆိုသည့် ဂီတ တစ်ပိုင်းတစ်စ ဖြစ်သည်။ ယနေ့လည်း နှစ်ဆယ်ကျော် လူလတ်ပိုင်း အများစု၏ နှုတ်ထဲ၌ ရှိနေပါလိမ့်ဦးမည်။

ယခုနှစ်ပိုင်းမှာတော့ ရပ်ထဲရွာထဲသွားလျှင် နေရာ အနှံ့အပြား အမြဲလိုလို ကြားနေရသည့် ဂီတ တစ်ပိုင်းတစ်စကား ''တကယ်ဆိုရင် အချစ်ပဲလိုတယ်'' ဆိုသည့် ဂီတ တစ်ပိုင်းတစ်စပင် ဖြစ်သည်။ ထင်းခွေသော မိန်းကလေး၊
ထမင်းချက်သော မိန်းကလေး၊ တောထဲက ကောက်စိုက် ကောက်ရိတ်နေသည့် မိန်းကလေး၊ မြို့က မိန်းကလေး၊ တောကမိန်းကလေး စသည် စသည် ''တကယ်ဆိုရင် အချစ်ပဲလိုတယ်'' ဆိုသည့် အပိုဒ်ကလေးကို ညည်း၍ နေနိုင်သည်။ မိန်းကလေးမှမဟုတ် စာသားက ထိမိလှသည့် အဓိပ္ပာယ် ရှိလှသည့် စာသား၊ နှလုံးသားထဲမှာ စူးနစ်ဝင်သွားနိုင်သော စာသား ဖြစ်သဖြင့် ယောက်ျားလေးအချို့လည်း ညည်းကောင်းညည်းနေနိုင်သည်။ (အနုပညာ ဓာတ်ခံရှိသူများ၌သာ)

အဆိုတော်အများစုက ပညာသည် ဖြစ်သည်။ တေးပြုစာဆိုတွေကမှ ပညာရှင်အစစ် ဖြစ်သည်။ (ပညာရှင်ကတော့ ပိုက်ဆံသိပ်မရ၊ ပညာသည်ကသာ အရပ်တကာ လည်ရောင်းသူ ဖြစ်သဖြင့် ပိုက်ဆံ ပို၍ရသည်)၊ ကျော်တာက အဆိုတော်၊ တကယ် တော်တာက ဂီတစာဆို ဖြစ်သည်။ အများစုက အဆိုတော်ကိုပဲ သိကြသည်။ တေးရေးတေးပြုကို သိပ်ပြီး သိကြတာမဟုတ်။ အများစုက အဆိုတော်ကိုပဲ စိတ်ဝင်စားကြသည်။ တေးပြုစာဆိုကို သိပ်ပြီး စိတ်ဝင်စားကြတာ မဟုတ်။တကယ်တော့ အဆိုတော်က နှုတ်ဖျားလေးနှင့်ပဲ ဆိုသွားသည်။ ရင်ထဲ အသည်းထဲက စိုက်ထုတ်စရာမလို၊ တေးပြုစာဆိုက ရင်ထဲ အသည်းထဲက ယိုစိမ့်ထွက်လာသော ဂီတသံစဉ်များဖြင့် ဖွဲ့ကြရ၊ နွဲ့ကြရသည်။

ပွဲဆိုတာ ''ကြည့်တတ်ရင် ဘာဝနာ'' ဟု ဆိုစကားရှိ၏။ ဂီတ ဆိုတာလည်း တချို့ အပိုင်းအစလေးတွေက နားဆင်တတ်ပါက 'ပညာ' ဖြစ်နိုင်စရာ အကြောင်းရှိသည်။ အဘယ်ကြောင့် ဆိုသော် ဂီတစာဆို အများစုသည် ဘ၀သမားတွေ ဖြစ်ကြ၏။ ဒဿန သမားတွေ ဖြစ်ကြ၏။(အနုပညာ ဟူသည်မှာလည်း ဒဿနပါမှသာ အနုပညာမြောက်သည်)စာပေသမား စစ်စစ်၊ အနုပညာသမားစစ်စစ် တို့သည် သစ္စာတရားကို ရှာဖွေသူတွေ ဖြစ်ကြ၏။ သစ္စာတရားကို ကိုးကွယ်သူတွေ ဖြစ်ကြ၏။ ရပ်ထဲရွာထဲက ဘ၀တွေကို ကြည့်ပြီး ခံစားပြီး သစ္စာတရားတွေရင်ထဲက ပွင့်အန်ကျလာကြ၏။ ထို့ကြောင့် ဂီတမှာလည်း တချို့ အပိုင်းအစတွေက နားဆင်တတ်လျင် 'ပညာ'ဟု ခြွင်းချက်နှင့်ဆိုနိုင်သည်။

အချစ်ဟူသည်
အထက်၌ဆိုခဲ့သော ဂီတနှစ်ပုဒ်လုံးတွင် ပါရှိသည့် အချစ် ဟူသည်မှာ သိင်္ဂါရရသ အချစ်မျှသာမဟုတ်၊ သန္တရသ အချစ်တိုင်အောင် အဓိပ္ပာယ် သက်ရောက်သည်။ အများစုက အချစ်ဆိုလျှင် သိင်္ဂါရရသ အချစ်လောက်ပဲ သိကြသည်။ တေးပြုစာဆိုသည် ထိုမျှသာ ရည်ရွယ်သည် ဟုတ်ဟန်မတူ၊ သန္တရသ အချစ်တိုင်အောင် ရည်ရွယ်ပြီး တေးပြုခြင်း ဖြစ်လိမ့်မည်ဟု ယူဆမိ၏။
အချစ်ဟူသည်မှာ နက်နဲ၏၊ ခက်ခဲ၏၊ ရောထွေးမှု ရှိ၏၊ အချစ်ဆိုသည့် ဝေါဟာရထဲ၌ စိတ်စေတနာ အမျိုးမျိုး ပါဝင်နေ၏။ စာနာမှု၊ ထောက်ထားမှု၊ ညှာတာမှု၊ ဂရုစိုက်မှု၊ အလေးထားမှု၊ အလိုက်တသိရှိမှု၊ စိတ်ဝင်စားမှု၊ ခင်မင်မှု၊ ကြည်ဖြူမှု၊ ကြင်နာမှု၊ မြတ်နိုးမှု၊ ကြည်ညိုမှု၊ ကိုးကွယ်မှု၊ လေးစားမှု၊ တန်ဖိုးထားမှု၊ ရက်ရောမှု၊ လိုက်လျောမှု၊ သည်းခံမှု၊ ခွင့်လွှတ်မှု၊ အနစ်နာခံမှု၊ စွန့်လွှတ်မှု တို့သည် အချစ်ဟူသော ဝေါဟာရထဲ၌ ရောနှော ပါဝင်လျက် ရှိကြ၏။

အချစ်ကို အကြမ်းဖျင်းခွဲလိုက်လျှင် 'မီးနှင့်တူသောအချစ်၊ နေနှင့်တူသောအချစ်၊ လနှင့်တူသော အချစ်' ဟူ၍ သုံးမျိုးရှိကြောင်း ဆရာကြီးဦးတက်တိုးက သူ၏ 'အချစ်နှင့်စိတ်ပညာ' စာအုပ်၌ ဆိုခဲ့၏။ မိမိတို့ ပါဠိစာပေနှင့်
တိုက်ဆိုင်ကြည့်သော် မီးနှင့်တူသော အချစ်ဟူသည် 'တဏှာပေမ-တဏှာရာဂ အချစ်'ဖြစ်၏။ နေနှင့်တူ၍ နွေးထွေးသောအချစ် ဟူသည် 'ဂေဟသိတပေမ-သံယောဇဉ်ချစ်' ဖြစ်၏။ လနှင့်တူသောအချစ် ဟူသည် 'မေတ္တာပေမ-အေးမြသော အချစ်' အချစ်စစ် အချစ်မှန် ဖြစ်၏။ ယင်းတို့ သုံးမျိုးခွဲသော်လည်း သူတို့သည် သီးသန့်အခါမျိုး ရှိသလို ရောထွေး၍ နေသောအခါလည်း ရှိ၏။

'အခြားသူတို့၏ ပျော်ရွှင်မှု၊ စိတ်ချမ်းသာ ကိုယ်ချမ်းသာရှိမှု တို့သည် မိမိ၏ ပျော်ရွှင်မှု၊ ချမ်းသာမှုကဲ့သို့ပင် အရေးကြီးတာပါလား'ဟု နားလည် ခံစားတတ်သူ၏ နှလုံးသား၌သာ အချစ်စစ် အချစ်မှန်တရားက ပေါက်ဖွားရှင်သန် နားခိုနိုင်လေ၏  . .

အချစ်ဟူသည် ယဉ်ကျေးမှု မြင့်မားလာသောအခါမှသာ ပေါ်ပေါက်၍ လာရသဖြင့် ယဉ်ကျေးမှုကို နားလည်သူ၊ ယဉ်ကျေးသူတို့ နှလုံးသား၌သာ အချစ် ဟူ၍ ရှိနိုင်သည်။ ဘုရားကလည်း 'စိတ္တံ ဒန္တံ သုခါဝဟံ-ယဉ်ကျေးသော စိတ်ကသာ ချမ်းသာကို ဆောင်နိုင်သည်' ဟု မိန့်သဖြင့် ယဉ်ကျေးမှု ဟူသည် အထူးသဖြင့် စိတ်ယဉ်ကျေးမှု ဖြစ်၏။ စိတ်ယဉ်ကျေးမှု ဟူသည် မိမိ၏လောဘ၊ ဒေါသ၊ မောဟ၊ မာန်မာန ဣဿာမစ္ဆရိယ စသည်တို့ကို နှိမ်နင်းနိုင်သဖြင့် ယင်း တရားဆိုးတို့ အစွန်းမထွက်သော ယင်းတရားဆိုးတို့နှင့် သူတစ်ပါးအပေါ် ထိခိုက်နစ်နာအောင် ကြံစည်မှုမရှိသောစိတ်မျိုး ဖြစ်၏။
တစ်ကိုယ်ကောင်းစိတ် ရှိသူတို့၌ အချစ်ဟူ၍ မရှိနိုင်။ တစ်ကိုယ်ကောင်းစိတ် မရှိသူတို့၌သာ အချစ်ဟူ၍ ရှိနိုင်သည်။ ''အခြားသူတို့၏ ပျော်ရွှင်မှု၊ စိတ်ချမ်းသာ ကိုယ်ချမ်းသာရှိမှု တို့သည် မိမိ၏ပျော်ရွှင်မှု၊ ချမ်းသာမှု ကဲ့သို့ပင်
အရေးကြီးတာပါလား''ဟု နားလည်ခံစားတတ်သူ၏ နှလုံးသား၌သာ အချစ်စစ် အချစ်မှန်တရားက ပေါက်ဖွားရှင်သန် နားခိုနိုင်လေ၏။ အများစုက စားစရာမရှိအောင် ဆင်းရဲနေသည့် အခါကာလ၌ တစ်စုံတစ်ဦးက
ထားစရာမရှိအောင် ချမ်းသာနေသည် ဆိုလျှင် ထိုပုဂ္ဂိုလ်မျိုး၏ နှလုံးသား၌အချစ် ဟူ၍ မရှိနိုင်။ ဘာရှိမလဲဆိုလျှင် အတ္တသာ ရှိနိုင်၏။

မေတ္တာဟူသည်
'မိဇ္ဇတိ သိနိယှတီတိမေတ္တာ'ဟု သဒ္ဒါဆရာတို့ ၀ိဂြိုဟ်ပြုကြ၏။ သူတစ်ပါးတို့အပေါ် အစိုဓာတ်၊ အစေးဓာတ်၊ အအေးဓာတ်ဖြင့် မြေးယှက်ခြင်း ဖြစ်၏။ တစ်ဦးနှင့်တစ်ဦး အစေးကူးဖို့ အချင်းချင်း စည်းစည်းလုံးလုံးရှိဖို့ မေတ္တာ
အစေးဓာတ်က ဂဟေဆက်၍ ပေးခြင်း ဖြစ်၏။ အားလုံး အေးအေးချမ်းချမ်းရှိဖို့ မေတ္တာ အအေးဓာတ်က ဖျန်းပက်ပေးခြင်း ဖြစ်၏။အသက်အိုးအိမ်စည်းစိမ် စသည် အားလုံး လုံလုံခြုံခြုံရှိဖို့ မေတ္တာကွန်ရက်က လွှမ်းခြုံပေးခြင်း ဖြစ်၏။

မေတ္တာဟူသည် ပါဠိ ဝေါဟာရ ဖြစ်၏။ မြန်မာက မွေးစားယူထားခြင်း ဖြစ်၏။ မေတ္တာဟူသည် ရေတွင်းထဲက ရေကန်သို့ ဖြစ်၏။ အယူမရှိ၊ အရကိုမမျှော်၊ အပေးသက်သက်သာ ရှိ၏။ ဗုဒ္ဓဟူသည် မေတ္တာနှင့်ကရုဏာ တို့၏ 'အမတေ' ဖြစ်၏။ သတ္တ၀ါ အများ ကောင်းကျိုးကို လိုလားသော မေတ္တာ၊ သတ္တ၀ါအများကို ကြင်နာသနားသော ကရုဏာတို့၏ တွန်းအားကြောင့် ဗုဒ္ဓဟူ၍ ဖြစ်လာရ၏။
မေတ္တာကို ပါဠိစာပေက ဤသို့ ဖွင့်ဆို၏။ 'မေတ္တာသည် သူတစ်ပါးတို့၏ ကောင်းကျိုးစီးပွားကို လိုလားသော အချင်းအရာအားဖြင့် ဖြစ်ခြင်း လက္ခဏာရှိ၏။ သူတစ်ပါးတို့၏ ကောင်းကျိုးစီးပွားကို ဆောင်ကြဉ်း၍ ပေး၏။ အာဃာတကို ပယ်ဖျောက်၍ ပေး၏။ မေတ္တာဖြစ်ဖို့အတွက် လိုအပ်သော အကြောင်းနှစ်ချက် ရှိ၏။ သူတစ်ပါး အကျိုးစီးပွားကို အာရုံပြုခြင်းနှင့် သူတစ်ပါးတို့၏ မြတ်နိုးဖွယ် အဖြစ်၊ မြတ်နိုးဖွယ် အနေအထားကို မြင်လိုကြည့်လိုခြင်း ဖြစ်၏။

ကိုယ့်အချစ်နဲ့ အရာရာကို အကောင်းအတိုင်း ဖြစ်စေမည် . . .
'မိခင်လုပ်သူသည် တစ်ဦးတည်းသောသားကို အသက်နှင့်ထပ်တူ စောင့်ရှောက်သကဲ့သို့ သတ္တ၀ါအားလုံး အပေါ်၌ ထိုမိခင်မေတ္တာမျိုး ပွားများရမည်၊ ထားရှိရမည်'ဟု မေတ္တသုတ်၌ ဘုရားမိန့်ခဲ့၏။ မိမိတို့မေတ္တာကို အကန့်အသတ်နှင့် ဘောင်ခတ်မထားဖို့၊ မကျဉ်းမြောင်းဖို့၊ ဒေါသရန်သူ မရှိဖို့လည်း ထပ်ဆင့်၍ မှာတော်မူခဲ့၏။
မိဘတို့သည် သူတို့၏အချစ် နှင့် သားသမီး တို့ကို အရာရာ၌ အကောင်းဆုံးဖြစ်အောင် ဖန်တီး၍ ပေးကြ၏။ ကျန်းမာရေးကောင်းဖို့၊ ပညာကောင်းကောင်းတတ်ဖို့၊ အလုပ်ကောင်းကောင်းရဖို့၊ ၀င်ငွေကောင်းကောင်းရှိဖို့၊
ကောင်းကောင်းစားနိုင်ဖို့၊ ကောင်းကောင်းဝတ်နိုင်ဖို့၊ ကောင်းကောင်းနေနိုင်ဖို့၊ အကောင်း ဟူသမျှ သားတို့ သမီးတို့ ပိုင်ဆိုင်ဖို့ မိဘမေတ္တာနှင့် ဖြည့်ဆည်း၍ ပေးကြ၏။
မိဘဟူသည် များရာကိုလိုက်၍ ဆိုခြင်း ဖြစ်သည်။ မိဘစိတ်ရှိသူတိုင်း မိမိနှင့် သက်ဆိုင်လာသူတို့အပေါ် မိဘမေတ္တာမျိုးနှင့် အရာရာကို အကောင်းဆုံးဖြစ်အောင် ဆောင်ရွက်၍ ပေးကြသည်။ ဤအချက်ကို ဧက ကနိပါတ်တော်၊ ကုရုင်္ဂ၀ဂ်၊ ကုက္ကုရ ဇာတ်တော်ကို ထောက်ဆ၍ သိရ၏။

ဘုရားရှင်သည် လေးအသင်္ချေနှင့် ကမ္ဘာတစ်သိန်းအတွင်း ပါရမီဖြည့်ခဲ့ရာ ဘ၀တစ်စိတ်တစ်ဒေသလို စပ်မိစပ်ရာ ပြန်ပြောင်းပြောပြသော ငါးရာငါးဆယ် ဇာတ်နိပါတ်တော် ဟူ၍ ရှိသည်။ ငါးရာငါးဆယ်ဟု ဆိုသော်လည်း စင်စစ် ငါးရာလေးဆယ့်ခုနစ် ဇာတ်တော်သာ ဖြစ်သည်။ ထိုဇာတ်တော် ငါးရာလေးဆယ့်ခုနစ်မျိုးကို တူရာပေါင်းလိုက်တော့ ဘ၀ အမျိုးအစား ခြောက်ဆယ့်ခုနစ်မျိုးသာ ရှိသည်။ ထိုအထဲတွင် ခွေးဖြစ်ရသည့် ဘ၀က တစ်ဘ၀ ပါဝင်၏။
ဘုရားအလောင်းတော်သည် ပါရမီနုစဉ် ဘ၀ တစ်ခု၌ ခွေးအပေါင်းတို့၏ ခေါင်းဆောင် ခွေးမင်း ဖြစ်ရ၏။ သုသာန်ကြီးတစ်ခု၌ နေကြ၏။ တစ်နေ့သောအခါ ဗာရဏသီမင်းသည် မင်းဥယျာဉ်တော်၌ အပန်းဖြေပြီး
နေ၀င်ချိန်ရောက်သော် နန်းတော်သို့ ပြန်ခဲ့၏။ ရထားထိန်းတွေက ရထားတွေကို အမှတ်တမဲ့ မင်းရင်ပြင်မှာပဲ ထားမိကြ၏။

ညအခါ မိုးရွာတော့ သားရေတွေ စိုပြီး အနံ့ထွက်သောအခါ နန်းတွင်းခွေးတွေ ထွက်၍ စားကြ၏။ နံနက်မိုးသောက် မင်းကြီး သိသဖြင့် အမေးတော်ရှိရာ အရပ်ထဲကခွေးတွေ လာစားကြောင်း လျှောက်တင်ကြ၏။ မင်းကြီးလည်း အမျက်ထွက်ကာ ''လမ်းပေါ်မှာတွေ့တဲ့ ခွေးအားလုံး သတ်စေ''ဟု အမိန့် ချမှတ်၏။
လမ်းပေါ်က လမ်းသလားနေသောခွေးတွေ အသတ်ခံကြရ၏။ ကျန်ရှိသည့် ခွေးတွေလည်း ထွက်ပြေးကြပြီး သုသာန်က အလောင်းတော်ခွေးမင်းထံ ခိုလှုံကြလေ၏။ အလောင်းတော်က ''ငါ့ဆွေတော်မျိုးတော်တွေတော့ ဒုက္ခရောက်ပြီ။ ငါ့အသက်ပေးပြီး ကယ်ဆယ်မည်'' ဟု ဆုံးဖြတ်ချက် ချပြီး ပါရမီတော် တို့ကို ဆင်ခြင်သည်။ မေတ္တာဘာဝနာကို ပွားများသည်။ ငါ့ကို မည်သူမျှ မနှောင့်ယှက်နိုင်ဘဲ ရှိစေဟု အဓိဋ္ဌာန် ပြုလိုက်သည်။ ထို့နောက် . . .။

အချစ်အတွက်နဲ့ အသက်ပင်သေသေ
အလောင်းတော်သည် သူ့အမျိုးအနွယ်ကိုချစ်သော မျိုးချစ်စိတ်ကြောင့် အချစ်အတွက်နှင့် အသက်ပင်သေသေ နန်းတော်သို့ အသက်စွန့်၍ ၀င်လေ၏။ အလောင်းတော်၏ အဓိဋ္ဌာန်ကြောင့် ခဲနှင့်ထုသူ၊ တုတ်နှင့်ရိုက်သူ၊
နှုတ်နှင့်ခြောက်လှန့်သူ မည်သူမျှ မရှိပေ။ အလောင်းတော်သည် အဟန့်အတားမရှိ နန်းတွင်းသို့ ရောက်သွားလေ၏။ နန်းတော်ထဲ မင်းကြီး တရားစီရင်ဆုံးဖြတ်ရာ ပလ္လင်ရှေ့တည့်တည့်၌ ၀ပ်နေလိုက်၏။
မင်းချင်းတို့က တအံ့တသြနှင့် ခွေးကို မောင်းထုတ်ဖို့ လုပ်သောအခါ မင်းကြီးက တားမြစ်လိုက်၏။ အလောင်းတော်သည် မင်းကြီးအား အရိုအသေပေးပြီး ''အရှင်မင်းကြီး ခွေးတွေကို ဘာလို့ သတ်ရတာပါလဲ''ဟု မေးလျှောက်လေ၏။ (တိရစ္ဆာန်က လူစကားပြောသည် ဆိုရာ၌ အလောင်းတော်တို့သာများသည်။ ပါရမီတော် အနန္တကြောင့် အထူးသဖြင့် ပညာပါရမီ ကြီးမားသောကြောင့် ပြောခြင်း ဖြစ်သတဲ့။)

မင်းကြီးက ''ရထားက သားရေတွေကိုစားလို့ သတ်ရတာ''ဟု ဖြေ၏။ ထိုအခါ အလောင်းတော်က ''အရှင်မင်းကြီး သားရေတွေကို ဘယ်ခွေးစားတာရယ်လို့ အတိကျ သိပါရဲ့လား'' ဟုမေး၏။ မင်းကြီးက ''အတိအကျတော့
ဘယ်သိနိုင်ပါ့မလဲ'' ဟု ဖြေသော် အလောင်းတော်က ''အရှင်မင်းကြီး အတိအကျ မသိပါဘဲနှင့် မြင်မြင်သမျှခွေးကို သတ်တာဟာ လျော်ကန်ပါရဲ့လား'' ဟုမေးလေ၏။
ထို့နောက် ဆက်၍ ''အရှင်မင်းကြီး အရပ်ထဲကခွေးတွေကို သတ်စေ၊ နန်းတွင်းထဲကခွေးတွေတော့ လွတ်စေ ဆိုတာ တရားနည်းလမ်း ကျပါရဲ့လား။ အကြီးအကဲဆိုတာ အဂတိလေးပါး ရှောင်ရှားရပါတယ်။ ချိန်ခွင်လို ကျင့်ရပါတယ်။ တရားမျှတရပါတယ်''ဟု လျှောက်လေ၏။
မင်းကြီးက ''ပညာရှိခွေးမင်း သားရေတွေကို ဘယ်ခွေးတွေစားတယ်ဆိုတာ သင်ကသိလို့လား''ဟု မေးတော့ ဘုရားအလောင်းတော်က သူသိကြောင်း ဖြေကြား၏။ မင်းကြီးက''လက်တွေ့ပြပါ''ဟု တောင်းဆိုသောအခါ
အလောင်းတော်က နန်းတွင်းခွေးတွေကိုခေါ်ပြီး နို့ရည် ရက်တက်ရည်နှင့် မြေဇာမြက် ရောထောင်း၍ တိုက်သောအခါ သားရေဖတ်တွေ အန်ထုတ်ကြလေ၏။ ထိုအခါကျမှ မင်းကြီးလည်း ယုံကြည်သွားလေ၏။

မင်းကြီးက ''သဗ္ဗညုတဘုရားရှင်၏ အဖြေတော်နှင့်တူလှစွာပါတကား'' ဟု ဥဒါန်းကျူးပြီး အလောင်းတော်ကို ထီးဖြူဆောင်းပေး၍ ပူဇော်လေသည်။ အလောင်းတော်က မင်းကြီးကို ''တရားသဖြင့် မင်းလုပ်ဖို့၊ မင်းကျင့်တရားနဲ့အညီ အုပ်ချုပ်ဖို့၊ တိုင်းသူပြည်သားတို့အား ရင်ဝယ်သားသို့ စောင့်ရှောက်ဖို့၊ ကျောသားရင်သား မခွဲခြားဖို့၊ အဂတိတရား ကင်းဖို့၊ အနိစ္စ ဒုက္ခ အနတ္တတရား ဆင်ခြင်နှလုံးသွင်းဖို့'' မှာကြားပြီး သူ၏ မူလနေရာ သုသာန်သို့ ပြန်သွားလေသည်။
လူမျိုးကိုချစ်သော ခေါင်းဆောင် တို့သည် မိမိတို့လူမျိုးကို အကောင်းဆုံး အနေအထား၌ ရှိအောင် (ပြည့်စုံချမ်းသာအောင်)၊ တိုင်းပြည်ကိုချစ်သော ခေါင်းဆောင် တို့သည် မိမိတိုင်းပြည်ကို အကောင်းဆုံး အနေအထား၌ ရှိအောင် အစွမ်းနိုင်ဆုံး စီမံဖန်တီး၍ ပေးကြလေသည်။ သာသနာတော်ကို ချစ်သော ဆရာတော်ဘုရားကြီးတို့သည်လည်း သာသနာတော်ကို အကောင်းဆုံး အနေအထား၌ရှိအောင် အစွမ်းကုန် ပြုစုသွားတော်မူကြ၏။

လောက၌ သက်ရှိ ဖြစ်စေ၊ သက်မဲ့ ဖြစ်စေ အကောင်းဆုံးသောအရာ တို့သည် များသောအားဖြင့် ချစ်မေတ္တာကြောင့်သာ ဖြစ်တည် ပေါ်ပေါက်ရလေ၏။ မေတ္တာကြောင့် ခန္တီအားကောင်း၏။ ခန္တီကြောင့် ကျန်းမာ၏။ အသက်ရှည်၏။
 ရုပ်ချော၏။ ရုပ်လှ ၏။ မေတ္တာကြောင့် ဒါနအားကောင်း၏။ ဒါနကြောင့် စည်းစိမ်ဥစ္စာ ကြွယ်ဝ၏။ အခြား သက်မဲ့အရာဝတ္ထု အကောင်းဟူသမျှလည်း မေတ္တာသမားတို့က တည်ဆောက်၍ ထားခဲ့ကြသည်က များသည်။ အချစ်သည် အရာရာကို အကောင်းဆုံး ဖြစ်စေသည်။

တကယ်ဆိုရင် အချစ်ပဲလိုတယ်
အချစ်စစ် အချစ်မှန်သည် အနန္တတန်ခိုး ရှိ၏။ အနန္တဣဒ္ဓိပါဒ်နှင့် ပြည့်စုံ၏။ အနန္တစွမ်းအားကို ပိုင်ဆိုင်၏။ မိသားစုအကျိုး၊ ရပ်ရွာ၊ မြို့နယ်၊ တိုင်း နိုင်ငံ စသည် လူမှုအဖွဲ့အစည်း အသီးသီးတို့ အကျိုးကို ဆောင်ရွက်ကြရာ၌
''ဘယ်အရာသည် အဓိက အလိုအပ်ဆုံးလဲ''ဟု ကြည့်လိုက်တော့ ''တကယ်ဆိုရင် အချစ်ပဲလိုတယ်''ဆိုသည့် စာသားကို သွား၍တွေ့ရ၏။ တကယ်ဖြစ်ချင် တကယ်လုပ် အဟုတ် ဖြစ်ရမည်။ တကယ်လုပ်လျှင် တကယ်ဖြစ်ပါသည်။

အဟုတ်လုပ်လျှင် အဟုတ်ဖြစ်ပါသည်။ တကယ် မဖြစ်ခြင်း၊ အဟုတ် မဖြစ်ခြင်းသည် တကယ်မလုပ်ခြင်း၊ အဟုတ်မလုပ်ခြင်းကြောင့် ဖြစ်သည်။ ထို့အတူပင် တကယ်ချစ်လျှင် တကယ်လုပ် အဟုတ် ဖြစ်ပါသည်။
မှန်ပါသည်။ လူ့အဖွဲ့အစည်း အသီးသီးအတွင်း လူ့ဝန်းကျင်တစ်ခွင် မငြိုမငြင် လွယ်ကူချောမွေ့စွာ အသက်မွေးနိုင်ဖို့၊ ငြိမ်းချမ်းဖို့၊ သာယာဖို့၊ အားလုံး ပြေပြေလည်လည်၊ ပြည့်ပြည့်စုံစုံရှိဖို့၊ ကိုယ်ချမ်းသာ၊ စိတ်ချမ်းသာရှိဖို့ ဆိုရာ၌ မေတ္တာပဲလိုပါသည်။ မေတ္တာချစ်ပဲ လိုပါသည်။ မေတ္တာဟူသော အချစ်နှင့် အရာရာကို အကောင်းတိုင်း ဖြစ်စေမည်။
 by
http://www.news-eleven.com/index.php?option=com_content&view=article&id=9885:2011-08-22-06-06-46&catid=78:2009-11-13-06-25-17&Itemid=135