ဥယျာဉ်မှူး

ဥယျာဉ်မှူး

ဥယျာဉ်သည် သရက်ဥယျာဉ်၊ ပိန္နဲဥယျာဉ်၊ ပန်းဥယျာဉ် စသည်ဖြင့် မျိုးတူတစ်မျိုး တည်း ဥယျာဉ်ရှိသလို ပိန္နဲ၊ သြဇာ၊ မာလကာ၊ သရက်၊ ဒူးရင်း၊ မင်းဂွတ် စသော သီးပင်မျိုးစုံ၊ စံပယ်၊ ကြက်ရုံး၊ ဂမုန်း၊ ခတ္တာ စသော ပန်းပင်မျိုးစုံ၊ အရိပ်ရပင် မျိုးစုံ စသည်ဖြင့် အပင်မျိုးစုံရှိသော ဥယျာဉ်လည်းရှိနိုင်သည်။

မည်သည့်ဥယျာဉ်မဆို အသီးစားသူ၊ အပွင့်သုံးသူ၊ အရိပ်ခိုသူ၊ အပင်သုံးသူ စသည့် သက်ရှိသတ္တ၀ါ ဟူသော သတ္တလောကအတွက်လည်း အကျိုးပြုသည်။ မြေဆီမြေလွှာ ထိန်းသိမ်းခြင်း၊ ရေမြေထိန်းသိမ်းခြင်း စသော သက်မဲ့သြကာသလောက အတွက် လည်း အကျိုးပြုသည်။ လောကအတွက် အသုံးဝင် အကျိုးများလှသည့် စံမီဥယျာဉ်ဖြစ်ဖို့ ဥယျာဉ်မှူးအပေါ် များစွာ မူတည်သည်။ ဥယျာဉ်မှူး အရည်အသွေးပြည့်ဝလေလေ ဥယျာဉ် စံမီလေ လေ ဖြစ်မည်။

ဥယျာဉ်မှူးသည်
၁။ စံမီသည့် ဥယျာဉ်ဖြစ်ဖို့၊
၂။ မိမိဥယျာဉ်ကြောင့် လောကအတွက် အသုံးဝင် အကျိုးများဖို့ကိုသာ ရည်ရွယ်သည်။
မိမိကိုယ်ကျိုးကိုမငဲ့၊ အပင်ဖြစ်အောင် စိုက်ပျိုးသည်၊ ရေလောင်းသည်၊ ပေါင်းသင် သည်၊ ပြုပြင်သည်၊ ရှင်သန်ကြီး ထွားနေသည့် အပင်၊ အရွက်၊ အပွင့်၊ အသီးတို့ကို ကြည့်ပြီး ပီတိဖြစ်နေသည်။
မမောနိုင် မပန်းနိုင်၊ ဥယျာဉ်ပျက်စီးမှာတော့ သူစိုးရိမ်သည်။ ဥယျာဉ်မှ ထွက်ပေါ်သည့် ဥယျာဉ်ထွက် ခြံထွက်ပစ္စည်း များများထွက်တာကိုလည်း သဘောကျသည်။ စားသုံး သူ များများ သုံးစွဲတာ ကိုလည်း ကျေနပ်သည်။ နှမြောတွန့်တိုမှု မရှိ။

သာသနာ့ဥယျာဉ်ကြီး
ပရိယတ္တိစာသင်တိုက်များသည် သာသနာ့ဥယျာဉ်ကြီးများဖြစ်သည်။ ပရိယတ္တိစာသင် တိုက်များမှ -
၁။ နိုင်ငံကျော် ကမ္ဘာကျော် ဂဏ၀ါစက စာချဆရာများ၊
၂။ နိုင်ငံကျော် ကမ္ဘာကျော် ဓမ္မကထိကများ၊
၃။ နိုင်ငံကျော် ကမ္ဘာကျော် ကမ္မဋ္ဌာန်းနည်းပြများ၊
၎။ နိုင်ငံကျော် ကမ္ဘာကျော် သာသနာ့ခေါင်းဆောင်များ၊
၅။ နိုင်ငံကျော် ကမ္ဘာကျော် သာသနာ့အာဇာနည်များ၊
စသော သာသနာ့ဥယျာဉ်ခြံထွက် ပစ္စည်းမျိုးစုံ ထုတ်လုပ်ပေးသည်၊ မွေးထုတ်ပေး သည်၊ ဖော်ထုတ်ပေးသည်။

သာသနာ့ဥယျာဉ်မှူး
စာသင်တိုက်ဦးဆောင်နာယကများ၊ စာချနာယကများသည် သာသနာ့ဥယျာဉ်မှူးများ ဖြစ်သည်၊ သူတို့သည် -
စေတနာ၊ ၀ါသနာ၊ အနစ်နာ စသော ကိုယ်ခံအင်အားများ ပြည့်ပြည့်၀၀ဖြင့် နေ့မအား ညမအား စာသင်သား သာသနာ့ပျိုးပင် များ စိုက်ပျိုးကြသည်။

အတတ်လည်းသင်၊ ပဲ့ပြင်ဆုံးမ၊ သိပ္ပမကျန်၊ ဘေးရန်ဆီးကာ၊ သင့်ရာပို့အပ်၊ ဆရာတို့၊ ကျင့်ဖို့ ၀တ်ငါးဖြာ ဟူသော သာသနာ့ ဥယျာဉ်မှူးအရည်အသွေးများဖြင့် -
၁။ စာသင်သားပျိုးပင်များကို စိုက်ပျိုးကြသည်၊
၂။ စည်းကမ်း ချမှတ်ပေးခြင်း၊ ထိန်းသိမ်းပေးခြင်းတို့ဖြင့် အန္တရာယ်များကို ကာကွယ် ပေးကြသည်၊
၃။ ပညာသင်ပေးခြင်း၊ အားတက်စရာ သြ၀ါဒပေးခြင်း စသည်ဖြင့် ရေလောင်းပေးကြ သည်၊ ဓါတ်မြေသြဇာ ကျွေးကြသည်။

ယင်းသို့ စိုက်ပျိုး၊ ထိန်းသိမ်း၊ ပြုပြင်ပေးလိုက်ခြင်းကြောင့် စာသင်သားပျိုးပင်များမှာ -
၁။ ဗဟုသုတပြည့်ဝလာခြင်း စသော အကိုင်း၊ အခက်၊ အရွက်များ ဝေဆာလာသည်။
၂။ စာမေးပွဲအောင်ခြင်း စသော အပွင့် အသီးများ ပွင့် သီးလာသည်။
၎င်းပြင် စာသင်သားပျိုးပင်များမှတစ်ဆင့် ရင့်သန်လာသည့် အပင်ကြီးများဖြစ်ကြ သော ပညာရှင်များသည် မိမိတို့ တတ်သိထားသည့် ဗဟုသုတများကို တစ်ဖန် ဟော ပြောခြင်း၊ ပို့ချခြင်း၊ ရေးသားခြင်း၊ ဖြန့်ဝေခြင်း၊ ကျင့်သုံးခြင်း စသည်ဖြင့် သာသနာ့ ဥယျာဉ်ခြံထွက်ပစ္စည်းများကို လောကသားတို့၏လက်ထဲသို့ အရောက်ပို့ပေးကြသည်၊ လောကသားတို့သည်လည်း သာသနာ့ ဥယျာဉ်ခြံထွက်ပစ္စည်းများကို စားသုံးကြရ သည်။

လောကသားတို့ သာသနာ့ဥယျာဉ်ခြံထွက်ပစ္စည်းများဖြစ်သည့် ပရိယတ္တိ၊ ပဋိပတ္တိ၊ ပဋိဝေဓ သာသနာ့အရသာများ သုံးဆောင်ခံစားရခြင်းသည် သာသနာ့ဥယျာဉ်မှူးများ ၏ ကျေးဇူးကြောင့်ပင် ဖြစ်သည်။ သာသနာ့ဥယျာဉ်မှူးများ၏ ကျေးဇူးကား ကြီးမားပါပေသည်။ ယနေ့တိုင်အောင် သာသနာတည်ရှိနေခြင်းမှာလည်း ပရိယတ္တိဝန်ဆောင် သာသနာ့ဥယျာဉ်မှူးများ၏ ကျေးဇူးပင် ဖြစ်ပါသည်။ သူတို့သာ သာသနာတော်ကို လက်ဆင့်ကမ်း မသယ်ဆောင် ခဲ့လျှင် ယနေ့ခေတ်လူသားတို့ သာသနာတော်နှင့် ကြုံရတော့မည်မဟုတ်ပေ။

မြန်မာ့ခေတ်ဦး ပျူလူမျိုးတို့ အက္ခရာစာပေများ ရွှေပြား၊ ငွေပြား၊ ကျောက်ပြား စသည်ပေါ်၌ ရှိနေသော်လည်း ယင်းအက္ခရာကို ဖော်ထုတ်ဖတ်တတ်သူ မရှိခြင်း ကြောင့် ယင်းစာပေသည် နှောင်းခေတ် လူများအတွက် အကျိုးမများတော့။ ထို့အတူ ဘုရားဟော ပိဋကတ်တော်များ ပေရွက်ပေါ်၊ ကျောက်ပြားပေါ်၊ စက္ကူပေါ် ရှိနေစေ ကာမူ လက်ဆင့်ကမ်းသယ်ယူ ပို့ချမှုမရှိလျှင် နှောင်းခေတ်လူသားများအတွက် အကျိုး မပြုနိုင်။

အနန္တကျေးဇူးရှင်
ယနေ့လူသားတို့ ဗုဒ္ဓသာသနာအကြောင်း ပြည့်ပြည့်စုံစုံသိရခြင်းမှာ သာသနာဥယျာဉ် မှူးများ၏ အနန္တကျေးဇူးကြောင့်ပင် ဖြစ်ပါသည်၊ ထို့ကြောင့် ယနေ့ခေတ် လောက သားတို့သည် -
၁။ အနန္တကျေးဇူးရှင်များ၏ ကျေးဇူးကို သိဖို့ လိုကြောင်း
၂။ သိသည့်အလျောက် ကျေးဇူးဆပ်ဖို့ လိုကြောင်း
တင်ပြရင်း ဤဆောင်းပါးကို အဆုံးသတ်အပ်ပါသတည်း။

ဆရာတော် ဦးတိလောကာဘိဝံသ (ရွာမပရိယတ္တိစာသင်တိုက်)
ဗဟန်း ညောင်တုန်းကျောင်းတိုက်၊ ရွှေရတုမဂ္ဂဇင်း၊ ၁၃၆၇ ခု