ပြင်ဆင်ခြင်း အနုပညာ

ပြင်ဆင်ခြင်း အနုပညာ 

 

ရုပ်ကုိုသာပြင် စိတ်မပြင်
ရုပ်သွင်သာလှ စိတ်မလှ

စိတ်ကုိုလည်းပြင် ရုပ်လည်းပြင်
ပြင်ဆင်တုိုင်းရ ပြုတုိုင်းလှ
သုခနိဗ္ဗာန် တုိုင်လိမ့်ယ်

Three stages of life

1.    Children and teenagers
Have energy
Have time
But no money

2.    Adults
Have energy
Have money
But no time

3.    Elderly people
Have money
Have time
But no energy

ကလေးအရွယ်နဲ့ ဆယ်ကျော်သက်တုို့မှာ ခွန်အားတွေရှိတယ်၊ အချိန်လည်းရှိတယ်၊ ဒါပေမယ့် ငွေတော့ မရှိဘူး။

သက်လတ်များမှာတော့ ခွန်အားရှိတယ်၊ ငွေရှိတယ်၊ ဒါပေမယ့် အချိန်မရှိဘူး။ (နှစ်ဆယ်ကျော်စ လုပ်ငန်းခွင် ဝင်ချိန်ကစပြီး ပင်စင်စား ချိန် ခြောက်ဆယ့်ငါးဝန်းကျင်လောက် အရွယ်များလုို့ အကြမ်းစား သတ်မှတ်နုိုင်မယ် ထင်ပါတယ်)

သက်ကြီးရွယ်အုိုများမှာတော့ ငွေရှိတယ်၊ အချိန်ရှိတယ်၊ ဒါပေမယ့် အားအင်တော့ မရှိကြတော့ဘူး-တဲ့။

အီးမေးကနေ ရောက်လာတဲ့ ဒီစာလေးက အများစုသောသူတွေရဲ့ဘဝနဲ့ ထပ်တူဖြစ်မယ့်စာလေးပဲဆုိုပြီး နှစ် သက် သဘောကျမိတယ်။ နောက်ပြီး ဘဝဆုိုတာ ပြည့်စုံတယ်ရယ်လုို့ မရှိဘူး။ လုိုအပ်ချက်တခုတော့ အမြဲ ရှိနေတာပဲလုို့ ပြောလုိုတာများ ဖြစ်လေမလားလုို့လည်း တွေးမိတယ်။

ခွန်အားတွေ အချိန်တွေရှိပေမယ့်လည်း ငွေမရှိလျင်ဖြင့် ဘာမှလုပ်လုို့ မဖြစ်နုိုင်ဘူးဆုိုတဲ့ ကလေးငယ်ဘဝကုို ညွှန်းပြီး ငွေရဲ့တန်ဖုိုးကြီးမှုကုို မီးမောင်းထုိုးပြလုိုိတာလား။ ခွန်အားတွေ ငွေကြေးတွေ ရှိပေမယ့်လည်း များပြား လွန်းလှတဲ့ အလုပ်တာဝန်တွေကြားမှာ ရှားပါးလွန်းလှတဲ့ အချိန်ပြဿနာကြောင့် ရှိတဲ့ခွန်အားနဲ့ ငွေကြေးကုို တောင် စနစ်တကျ မသုံးနုိုင်လောက်အောင် ဖြစ်နေတဲ့ ခေတ်ကာလရဲ့ လူမှုဘဝ သရုပ်သဏ္ဌာန် ကုို ညွန်ပြလုို တာလား။ အချိန်တွေ ငွေတွေရှိပေမယ့်လည်း ကုိုယ့်ခြေကုိုယ့်လက်ကုိုမှ မသယ်နုိုင်လောက်အောင် အားအင် ချည့်နဲ့နေတဲ့ သက်ကြီးရွယ်အုိုဘဝကုို မီးမောင်ထုိုးပြပြီး သတိသံဝေ ယူစေချင်လုို့များ ဒီစာလေးကုို ရေးပြလုိုက် တာလေလား။ တကယ့်အဖြေမှန်ကုိုတော့ ဒီစာလေးကုို ရေးလုိုက်တဲ့သူကုိုယ်တုိုင်မှသာလျင်ပဲ သိပေလိမ့်မယ်။

စာလေးကုိုဖတ်မိပြီး  ဒီစာလေးကပြောပြတဲ့အကြောင်းနဲ့ ကုိုယ့်ဘဝကုို နှိုင်းယှဉ်ကြည့်မိတယ်။ လက်ရှိ ပျမ်းမျှ လူ့သက်တမ်းအရဆုိုလျင် ကုိုယ့်အသက်က နံပတ် ၂ အဆင့်မှာပါတယ်လုို့ ပြောရမယ့်အရွယ်။ ခွန်အားရှိတယ်၊ ငွေရှိတယ်၊ အချိန်မရှိဘူးဆုိုတဲ့ အရွယ်ထဲမှာပေါ့။ သုို့ပေမယ့် ကုိုယ့်ဘဝရဲ့ပုံစံကုိုက သာမန်လူသားတွေလုို လော ကီဘဝထဲမှာ နေထုိုင်ပြီး လောကလူမှုတာဝန်တွေနဲ့ လုံးထွေးနေတဲ့ ပုံစံမဟုတ်လုို့ အထက်က စာထဲကလုို အရွယ်သုံးပါးရဲ့ ဒုတိယအဆင့်းမျိုးနဲ့ ထပ်တူအကျကြီးတော့လည်း မဟုတ်ပါဘူး။ တကယ်တမ်း ထပ်တူကျလုို့ လည်း သင့်တော်မယ် မဟုတ်ပါဘူး။

ကုိုယ်က စာထဲကလုို Have energy- အင်အားအပြည့်အဝရှိတဲ့ အားကောင်းမောင်းသန်တစ်ဦးလုို့  မဆုိုနုိုင်လျင် တောင် လုပ်နုိုင်ကုိုင်နုိုင်တဲ့ ခွန်အားတော့ အတော်အတန်ရှိတယ်။ ဒီတော့ ဒီအချက် ရာနှုန်းပြည့်မဟုတ်တောင် ရာခုိုင်နှုန်း ရှစ်ဆယ်ကျော် ကုိုးဆယ်လောက် မှန်တယ်လုို့ ပြောနုိုင်တယ်။ ဒုတိယအရွယ်မှာ Have money-တဲ့။ သီးသန့်ဝင်ငွေရအောင် ရှာဖွေနေသူတစ်ဦး မဟုတ်လုို့ ငွေကြေး ချမ်းသာတဲ့သူတစ်ဦးတော့ မဟုတ်ဘူး။ သုို့ပေမယ့် အားပေးထောက်ပံ့သူများရဲ့ စေတနာစွမ်းအားကြောင့် ကုိုယ်လုပ်ချင်တဲ့အရာ၊ ဝါသနာပါတဲ့အရာ နည်းနည်း ပါးပါးကုို လုပ်နိုင်လောက်အောင်တော့ ပြေလည်သူတစ်ဦးလုို့ ဆုိုနုိုင်ပါတယ်။ ဒီတော့ ဒီအချက်လည်း ခုနစ်ဆယ့် ငါးရာနှုန်းလောက် မှန်တယ်လုို့ ပြောနုိုင်မယ်ထင်တယ်။

But no time – အချိန်မရှိဘူးလုို့ ဆုိုရအောင်တော့ busy-နေသူ၊ အလုပ်ရှုပ်နေသူတစ်ဦးတော့ မဟုတ်ပါဘူး။ တခါတလေ ကြုံတောင့်ကြုံခဲ တစ်ချိန်တည်းမှာ လုပ်ကုိုင်ရမည့် အလုပ်နှစ်မျိုးသုံးမျိုးရှိတတ်တာကလွဲလုို့ အလုပ် ရှုပ်နေတယ်ဆုိုတာမျိုး မရှိတတ်ပါဘူး။ အလုပ် မရှုပ်သလုို အရှုပ် မလုပ်ဖြစ်အောင်လည်း ဆင်ဆင်ခြင်ခြင် ကြိုး စားနေတတ်တာကြောင့်လည်း ဖြစ်ကောင်းဖြစ်နုိုင်ပါတယ်။ ဒါကြောင့် But no time-ဆုိုတဲ့ ဒီအချက်ကတော့ ကုိုယ်နဲ့ကုိုက်တယ်လုို့ ဆုိုနုိုင်မယ် မထင်ပါဘူး။ ပြောရလျင် တစ်ခုခုကုို လုပ်လုိုလျင်ဖြင့် လုပ်ခွင့်သာလောက် အောင် အချိန်လုံ လုံလောက်လောက်ရှိတယ်လုို့ ပြောနုိုင်ပါတယ်။

Have energy-ခွန်အားရှိတဲ့အရွယ် ။ ကျန်းမာရေးကလည်း စင်းလုံးချော အကောင်းချည်း မဆုိုသာတောင် နာ မကျန်းဖြစ်နေသုတစ်ဦးတော့ မဟုတ်ပါဘူး။ ဒီတော့ ရှိနေတဲ့ကာယခွန်အား၊ ဥာဏခွန်အား၊ ဒီခွန်အားတွေကုို ကုိုယ့်အတွက် အများအတွက် အကျိုးဖြစ်မည့်အရာတွေမှာ အသုံးချတတ်ဖုို့ လုိုပေလိမ့်မယ်။ ခွန်အားတွေရှိပါ လျက်ကယ်နဲ့ ရှိနေတဲ့ခွန်အားကုို အသုံးမချပါပဲ ဘဝရဲ့တတိယအရွယ်လုို့ပြောရမယ့် ခွန်အားမဲ့အရွယ် ရောက် သွားမယ်ဆုိုလျင် အတော်ပင်ဝမ်းနည်းဖွယ်ကောင်းပေလိမ့်မယ်။ ရှိနေတဲ့ ကုိုယ်ပုိုင်ခွန်အားတွေဆုိုတာက ကုိုယ် အသုံးချသည်ဖြစ်စေ၊ အသုံးမချပဲ နေသည်ပဲဖြစ်စေ၊ သက်ကြီးရွယ်အုိုဖြစ်တဲ့ တတိယအရွယ်ထိ ပါလာနုိုင်မှာမျိုး မှ မဟုတ်တာ။ ပါလာနုိုင်တယ်ဆုိုစေဦး။ တတိယအရွယ်အထိ ကုိုယ့်သက်တမ်းက ရှည်ချင်မှလည်း ရှည်နုိုင်မှာ။ ကုိုယ့်ပတ်ဝန်းကျင်မှာ၊ ကုိုယ့်အသိထဲမှာ ကုိုယ့်အောက်ငယ်ရွယ်သူတွေ၊ ကုိုယ်နဲ့တန်းတူရွယ်တူတွေ၊ ကုိုယ့်ထက် အနည်းငယ်မျှလောက်သာပဲ ကြီးရင့်သူတွေ သေဆုံးသွားခဲ့ကြတာ နည်းတာမှ မဟုတ်တော့တာ။ ကုိုယ့် အလှည့် ဘယ်တော့ရောက်လာမယ်ဆုိုတာ ကုိုယ်ကုိုယ်တုိုင် ကြိုတင်သိနုိုင်တာမျိုးမှလည်း မဟုတ်တာ။

ခွန်အားဆုိုတာမျိုးက ကုိုယ်စိတ်နှစ်ပါး ကျန်းမာရေးကောင်းမွန်မှုကုို အခြေခံပြီးမှ ရလာနုိုင်တဲ့ ကောင်းကျိုးရလဒ်မျိုး မဟုတ်လား။ ကုိုယ်ကျန်း မာရေး ဖောက်ပြန်လုို့ပဲဖြစ်ဖြစ်၊ စိတ်ကျန်းမာရေး မဟန်လုို့ပြဲဖစ်ဖြစ်၊ တစ်ခုခုက ပုံမှန်မဟုတ်တော့ဘူးဆုိုလျင်ဖြင့် ဘယ်မှာလာလုို့ ခွန်အားပြည့်သူ၊ ခွန်အားရှိသူတစ်ဦးလုို့ ဆုိုနုိုင်ပါတော့မလဲ။ ဒါကြောင့် ကုိုယ်ခွန်အား စိတ်ဓာတ်ခွန်အား ပြည့်ဝကောင်းမွန်သူတစ်ဦးဖြစ်စေဖုို့ ခွန်အားပြည့်မည့် အရာတွေကုို လုပ်ဖုို့လုိုပေလိမ့်မယ်။ ကုိုယ်စိတ်နှစ်ပါးကျန်းမာရေးကောင်းမွန်ဖုို့ ပြုပြင်ရမည့်အရာတွေ ပြုပြင်ဖုို့လုိုပေလိမ့်မယ်။ အကျိုးရ လဒ်တွေကောင်းစေဖုို့ အကြောင်းတရားတွေကုို ကောင်းအောင်လုပ်ပေးဖုို့ လုိုပေလိမ့်မယ်။

    ကုိုယ်စိတ်နှစ်ပါးဆုိုတာ ကံရယ်၊ စိတ်ရယ်၊ ရာသီဥတုရယ်၊ အစာအဟာရရယ်ကုို အကြောင်းခံပြီး ဖြစ်ပေါ်လေ့ ရှိတယ်။ အကျိုးရလဒ်ဖြစ်တဲ့ တရားတွေ ကောင်းလာစေဖုို့၊ ရုပ်ကောင်းနာမ်ကောင်းတွေဖြစ်စေဖုို့၊ ကုိုယ်လည်း ကျန်းမာ၊ စိတ်လည်းချမ်းသာဖြစ်နုိုင်စေဖုို့ ကံတွေကောင်းအောင်၊ စိတ်ဓာတ်တွေကောင်းအောင် လုပ်ဆောင်ဖုို့ ရာသီဥတုအညီ သင့်တင့်မျှတအောင်နေထုိုင်ဖုို့၊ ကျန်းမာရေးအတွက် အထောက် အပံ့ကောင်းကောင်းဖြစ်စေ မယ့် အစာအဟာရတွေကုို ရွေးချယ်ကာ စားသောက်ဖုို့ လုိုပေလိမ့်မယ်။

ဘာပဲဖြစ်ဖြစ်ပါ။ အရွယ်သုံးပါးထဲမှာ ဒုတိယအရွယ်မှာက အချိန်မရှိဘူးဆုိုပေမယ့် ရွေးချယ်နုိုင်ခွင့် များတဲ့ အရွယ်၊ လုပ်နုိုင်စွမ်းအားတွေ အကောင်းဆုံးအရွယ်ပဲ မဟုတ်လား။ ကလေးနဲ့ဆယ်ကျော်သက်တွေမှာက သူ တုို့မှာ မရှိတဲ့ငွေကြေးကုို ရှိလာအောင် ဖန်တီးဖုို့ အခွင့်အလမ်းက အလွန်နည်းပါးပါတယ်။ သက်ကြီးရွယ်အုိုတွေ မှာလည်း သူတုို့မှာ မရှိနုိုင်တော့တဲ့ ခွန်အားကုို ခွန်အားပြည့်ဝသူတစ်ဦးဖြစ်လာနုိုင်စေဖုို့ ဖန်တီးလုို့ မရနုိုင်တော့ ပါဘူး။ သက်လတ်တွေမှာက အချိန်မရှိဘူးဆုိုပေမယ့် အဲဒီအချိန်ကုို စနစ်တကျ စီမံဖန်တီးကာ အရယူမယ်ဆုိုလျင် ရနုိုင်တဲ့ အခွင့်အလမ်း ရှိပါတယ်။

ပထမအရွယ်ဖြစ်တဲ့ ကလေးငယ်တွေ၊ ဆယ်ကျော်သက်တွေ ငွေကြေးမရှိလုို့၊ ချို့တဲ့နွမ်းပါးလုို့ သူတုို့ဘဝတက် လမ်းပိတ်ဆုို့နေတယ်ဆုိုလျင် အဲဒီအပိတ်အဆုို့ အတားအဆီးကုို ဖယ်ရှားနုိုင်အောင်၊ သူုတုို့တွေ လျှောက်လှန်း ကြတဲ့ လမ်းကြမ်းကြမ်းတွေ ချောမွေ့သာယာဖြစ်လာစေအောင် အားပေးထောက်ပံ့ လုပ်ကြရမယ် မဟုတ်လား။ အလားတူပါပဲ၊ ခွန်အားမရှိတဲ့ သက်ကြီးရွယ်အုိုတွေ၊ ကုိုယ့်ခြေကုိုမှ ကုိုယ် မ,မနုိုင်၊ ကုိုယ့်လက် ကုိုယ်မှ ကုိုယ် မချီနုိုင်ကြတဲ့ အနေမျိုးမှာ ကုိုယ့်မှာရှိနေတဲ့ ခွန်အားအချို့ကုို သူတုို့တွေအတွက် မျှတခွဲဝေပြီး ဇရာအုိုများရဲ့ နေ ညိုချိန်ကုို ထိန်လင်းဝင်းပသာယာအောင်၊ ငြိမ်းအေးချမ်းမြေ့ လှပအောင် လုပ်ဆောင်ပေးဖုို့ လုိုတယ်မဟုတ် လား။

မရောက်တာကြာတဲ့ မွေးရပ်မြေကုို အလည်ပြန်တော့ ငယ်ဆရာတော်က ရွာပြန်လာတဲ့ သူ့တပည့်ကုို မြိုင်မြိုင် ဆုိုင်ဆုိုင် ကြိုဆုိုပွဲလုပ်ပါတယ်။ ဆုိုင်ကယ်နဲ့ ရွာသားလေးငါးဆယ်လောက်က ငါးမုိုင်ခန့်ဝေးကွာတဲ့ မြို့ငယ်လေး အထိ အရောက်လာပြီး ကြိုဆိုကြတယ်။  လမ်းလျှောက်နုိုင်တဲ့ ကလေးငယ်များနဲ့ သက်လတ်အရွယ် တစ်ရာ ကျော်ခန့်ကတော့ တစ်မုိုင်လောက်ဝေးတဲ့ လမ်းဆုံတစ်ခုအထိ အရောက်လာပြီး ရွာပြန် ကုိုယ်တော်ကြီးကုို လာကြိုကြတယ်။

ကုိုယ်တော်ကြီးလုို့ ကုိုယ့်ကုိုယ်ကုို ညွန်းရတာက လာရောက်ကြိုဆုိုကြတဲ့ ဒီရာကျော်မျှလောက်သူတွေထဲမှာ ကုိုယ့်ကုိုယ်တစ်ခါမှ မတွေ့မမြင်ဘူးတဲ့ လူငယ်တွေက ပုိုများမှာမုို့ နာမည်လောက်သာ သူတုို့တွေကြားဖူးနေတဲ့ အမေရိကန်ပြန် ကုိုယ်တော်ကြီးဆုိုတာ ဘယ်လုိုများနေလေမလဲလုို့ ဦးဦးဖျားဖျား စူးစမ်းလုိုလုို့ အကြိုရောက် လာကြတာဖြစ်မယ်လုို့ ခန့်မှန်းမိလုို့ပါ။

ရွာဦးထိပ်မှာတော့ တစ်ရွာလုံးမှာရှိတဲ့ လူစုံတက်စုံထွက်လုို့ ပြည်တော်ပြန်ရွာသားကုို ဒုိုးပတ်ဝုိုင်းတွေ ဆင်အက တွေနဲ့ မြိုင်မြိုင်ဆုိုင်ဆုိုင် ကြိုဆုိုကြတယ်။ ဒီအထဲမှာ အသက်ကုိုးဆယ်ပြည့်ပြီဖြစ်တဲ့ ကုိုယ့်အမေရဲ့ အမေ၊ ကုိုယ့် အဖွား(ကုိုယ့်အရပ်ခေါ် အမေကြီး) လည်းပါပါတယ်။ ကုိုယ့်အဖွားက သာမန်အချိန်များမှာဆုို သူ့အိမ်ထဲကနေ ဘယ်ကုိုမှ မထွက်တော့ဘူးတဲ့။ သုို့ပေမယ့် အဝေးကနေ သူ့မြေးပြန်လာတယ်ဆုိုတော့ ရွာဦးထိပ်အထိ မမော ပမ်းနုိုင်စွာ ကြိုးစားပြီး လာရောက်ကြိုဆုိုရှာတယ်။

သူတုို့မသေမီမှာ ကုိုယ့်ကုိုယ် တစ်ခါလောက်တော့ တွေ့ချင်ပါ သေးတယ်လုို့ ပြောခဲ့ကြတဲ့ ကုိုယ့်ရဲ့ငယ်ဆရာ ဘုန်းတော်ကြီးနဲ့ ကုိုယ့်ရဲ့အဘုိုးဖြစ်သူ ဦးဇင်းကြီးတုို့လည်း သက်တော်ကုိုးဆယ်အရွယ်များမှာ ပျံလွန်တော်မူခဲ့ ကြတယ်။ သူတုို့ဆန္ဒပြည့်ဝသွားအောင်တော့ ကုိုယ်က မဖြည့်ဆည်းနုိုင် ခဲ့ပါဘူး။

သူတုို့လုိုပဲ မသေမီကုိုယ့်ကုိုယ် တစ်ခါလောက်တော့ တွေ့လုိုပါသေးတယ်ဆုိုတော့ ကုိုယ့်အမေကြီးရဲ့ဆန္ဒကုို တော့ ကုိုယ်ကဖြည့်ဆည်းပေးနုိုင်ခဲ့ပြီ။ အမေကြီး ခုပုံဆုို ဇာတာထဲကလုိုပဲ အသက်တစ်ရာ့နှစ်ဆယ်ရှည်ဦးမှာလုို့ ကုိုယ်ကပြောတော့ မြေးသိကြားမင်းရှိနေမှတော့ ရှည်ဦးမှာပေါ့လုို့ အဖွားက ပြန်ပြောတယ်။ အဖွားရည်ရွယ် တဲ့စကားကုို ကုိုယ်ကကောင်းကောင်းနားလည်ခဲ့တော့ သူ့အတွက် ခွန်အားဖြစ်စေမည့် အရာအချို့ ကုို ပြုလုပ် ပေးနုိုင်ခဲ့တဲ့ ကုိုယ့်လုပ်ရပ်အတွက် ကျေနပ်မိကာ ကြည်နူးဝမ်းသာဖြစ်မိပါတယ်။ အဖွားရဲ့နားနဲ့မျက်စိက သူ့သမီး ဖြစ်တဲ့ ကုိုယ့်အမေ ထက်တောင် ပုိုကောင်းနေပါသေးတယ်။ လူတစ်ဦးချင်းစီရဲ့ ကုသုိုလ်ကံတရားက မတူကွဲပြား တတ်ကြတာ သဘာဝ ပဲလေ။

ဒီစာလေးကို အသက်ကုိုးဆယ်အရွယ် ရွာက အမေကြီးအတွက် အမှတ်တရ ရည်ရွယ်ကာ ရေးလုိုက်တာပါ။ ကုိုယ့်အမေကြီးလုိုပဲ အသက်အရွယ်ကြီးရင့်တဲ့ သင့်မိဘနဲ့ သင့်အဖုိုးအဖွားတွေ၊ သင့်ဆွေမျိုး သက်ကြီးရွယ်အုို တွေ၊ ဆွေမျိုးမဟုတ်သော်လည်း သင့်အကူအညီကုို လုိုနေမယ့်သူတွေ သင့်ပတ်ဝန်းကျင်မှာလည်း ရှိကောင်း ရှိနုိုင်မှာပါ။ သင့်ရဲ့ခွန်အား၊ သင့်ရဲ့ငွေကြေး၊ သင့်ရဲ့ရှားရှားပါးပါး အချိန်ထဲက အနည်းငယ်မျှလောက်ပင်ဖြစ်စေဦး သူတုို့အတွက် မျှတခွဲဝေပေးခဲ့မယ်ဆုိုလျင် သူတုို့လုိုနေတဲ့ခွန်အားကုို  ဖြည့်ဆည်းပေးလုိုက်သလုို ဖြစ်သွားနုိုင် မှာပါ။ ဒါဟာ သင့်ကံကုို ကောင်းအောင်ပြုပြင်ခြင်း၊ သင့်စိတ်ကုို ကောင်းအောင်ပြုပြင်ခြင်းရဲ့ အစိတ်အပုိုင်းတစ်ခု လည်းပဲ ဖြစ်သွားမှာပါ။ ။

အရှင်ဥာဏိကာဘိဝံသ

မေတ္တာများဖြင့်