သူတော်ကောင်းနဲ့လူကြီးလူကောင်း

သူတော်ကောင်းနဲ့လူကြီးလူကောင်း
 

လူကြီးလူကောင်း စိတ်ဓါတ်အကြောင်း မကြာခဏ ရေးဖြစ်ပါတယ်။ ဘာကြောင့်လဲဆိုတော့ နေရာတကာမှာ ဒီစိတ်ဓာတ် တစ်နေ့တခြား ခေါင်းလာပါတယ်ကို မြင်တွေ့နေရလို့ ဖြစ်ပါတယ်။

 ဘောလုံးပွဲတွေ မပြတ်ကြည့်သူဆိုတော့ အားကစား စိတ်ဓာတ်ဆိုတာ မမြင်မတွေ့ရသလောက်ဖြစ်ပြီး တစ်ဖက်သားကို ထိခိုက်နာကျင်အောင် နင်းလိုက်မဟဲ့ ကန်လိုက်မဟဲ့ တွက်လိုက်မဟဲ့ ထိုးလိုက်မဟဲ့ဆိုတဲ့ အပြုအမူမျိုးတွေပဲ တွေ့နေရလေတော့ စိတ်မကောင်းဖြစ်ရတယ်။အဒီဘာယောရဲ့လုပ်ရပ်တစ်လောက အာဆင်နယ်နဲ့ မန်ချက်စတာ စီးတီး ကစားတဲ့ပွဲမှာ လဲကျသွားတဲ့ ဗန်ပါစီရဲ့မျက်နှာကို အဒီဘာယောက တမင်တကာခြေထောက်နဲ့ ကန်လိုက်တာကို အနီးကပ်ရိုက်ချက်နဲ့မြင်တွေ့လိုက်ရတော့ သိပ်ကို အံ့သြတုန်လှုပ်သွားပါတယ်။ 

လူစိတ် ကင်းမဲ့လိုက်တာလို့တောင် အောက်မေ့လိုက်တယ်။

ကံကောင်းထောက်မစွာနဲ့ ပါးရိုးကျိုးမသွားဘဲ မျက်စိအောက်နား မှာပဲ ပွန်းပဲ့သွားတာ တွေ့လိုက်ရတယ်။ အံ့သြမိတာကပြီးခဲ့တဲ့ ရာသီကပဲ သူတို့နှစ်ယောက်ဟာ အာဆင်နယ်မှာ အတူတူ ကစားနေကြတာလေ။ လဲကျနေသူရဲ့ခြေဖောက်တက်နင်းသွားတာ၊တင်ပါးဖြတ်ကန်သွားတာမျိုးတွေက မြင်ဖန်များလို့ရိုးနေပါပြီ။ ဒါပေမဲ့ မျက်နှာကို ကန်တာကိုတော့ ဒီတစ်ခါပဲတွေ့ဖူးလို့ အံ့သြသွားတာပါ။ 

 အားကစားစိတ်ဓာတ်ဆိုတာ ဘယ်ရောက်သွားပြီလဲ။ ငွေက အားကစားစိတ်ဓာတ်ကို လုံးဝ ဖျက်ဆီးပစ်လိုက်ပြီလား၊စိတ်မကောင်း လိုက်တာ။ငတေမာ ပြီးရော စိတ်ဓာတ်နောက်တစ်ပွဲဖြစ်တဲ့ မန်းစီးတီးနဲ့ မန်ယူ ကစားပွဲအပြီးမှာ မန်ယူက အက်ဗရာက မန်စီးတီးက ကားလို့တေဗက်စ်ရဲ့ ပခုံးကိုဖက်ပြီး နှစ်ယောက်စလုံး ပြုံးပြုံးရယ်ရယ်ထွက်လာကြတာ တွေ့ရတော့ အားကစား စိတ်ဓာတ်ဆိုတာ ကျန်သင့်သလောက် တော့ ကျန်ပါသေးလားလို့တွေးပြီး စိတ်သက်သာရာ ရသွားရတယ်။ တေဗက်စ်ကလည်း ပြီးခဲ့တဲ့ ရာသီက မန်ယူကစားသမား ဖြစ်ခဲ့တယ်လေ။ အားကစားပြိုင်ပွဲတွေမှာ အားကစားစိတ်ဓာတ်ဆိတ်သုဉ်းပြီး လူကြီးလူကောင်း စိတ်ဓာတ်ဆိုတာ ဆိတ်သုဉ်းပြီး “ဘယ်သူသေသေ ငတေမာပြီးရော” ဆိုတဲ့ စိတ်ဓာတ်တွေ လွှမ်းမိုးနေတာကြောင့် ဒီအကြောင်း မကြာမကြာ ရေးဖြစ်နေတာ ဖြစ်တယ်။

သူတော်ကောင်းနဲ့ လူကြီးလူကောင်းမကြာခဏရေးတတ်တော့ တစ်ခါတစ်ရံမှာ လူကြီးလူကောင်း စိတ်ဓာတ်နဲ့ သူတော်ကောင်းစိတ်ဓာတ် အတူတူပဲလားလို့ အမေးခံရတတ်တယ်။ အမှတ်တမဲ့ဆို အတူတူလို့ထင်ရပေမယ့် သေသေချာချာ စဉ်းစားကြည့်တော့ အတူဘူးဆိုတာ တွေ့ရတယ်။ မြန်မာတွေ နားလည်တဲ့ သူတော်ကောင်းဆိုတာက အနိမ့်ဆုံးအားဖြင့် ကံငါးပါးလုံခြုံပြီး မေတ္တာ ၊ ကရုဏာ ၊ မုဒိတာ ၊ ဥပေက္ခာတရားများ လက်ကိုင်ထားနိုင်သူ ၊ ခန္တီပါရမီကြီးရင့်သူ ဖြစ်တယ်။ လူထဲမှာတော့ အမြင့်မြတ်ဆုံးပုဂ္ဂိုလ် ဖြစ်တယ်။ 

 လူကြီးလူကောင်းစိတ်(Gentlemanship)ဆိုတာကျတော့ သူတော်ကောင်းစိတ်လောက် အမြင့်မြတ်ကြီး မဟုတ်ပါဘူး။ လူမှု ဆက်ဆံရေး အရ အရက်သောက်ချင် သောက်မှာပါ။ ကိုယ်လာကိုက်တဲ့ ခြင်ကို ရိုက်သတ်ချင်လည်း သတ်မှာပါ။ အိမ်မှာ သောင်းကျန်းနေတဲ့ ပိုးဟပ်တို့ ၊ ကြွက်တို့ကို ပိုးသတ်ဆေး ၊ ကြွက်သတ်ဆေးသုံးပြီး သတ်ချင်သတ်မှာပါ။ ဒါပေမဲ့ “ဘယ်သူသေသေ ငတေမာ ပြီးရော” ဆိုတဲ့ စိတ်နဲ့ မတရားစီးပွားရှာတာမျိုး မလုပ်ပါဘူး။ လူတစ်ဖက်သား မျက်ရည်ပေါက် ကြီးငယ်ကျအောင် နိုင့်ထက်စီးနင်း မပြုပါဘူး။ ရန်သူနဲ့ ဓားချင်းယှဉ်ပြိုင်ပြီး သူသေငါသေ ခုတ်ရာမှာတောင် ဓားလွတ်ကျသွားတဲ့ ရန်သူကို ငါ့အတွက် အခွင့်ကောင်းပဲဆိုပြီး ဇွတ်ဝင်မခုတ်ပါဘူး။ ဓားပြန်ကောက်ခွင့်ပေးပြီးမှ ဆက်လက်ယှဉ်ပြိုင်ပြီး တရားသဖြင့် အနိုင်ရအောင် လုပ်ပါတယ်။

ငတေမှန်သမျှ ရန်သူနောက်ပြီး သူတော်ကောင်းနဲ့ လူကြီးလူကောင်း ခြားနားချက်တစ်ခုက သူတော်ကောင်းက မေတ္တာစိတ်ကြီးမားသူ ၊ သည်းခံခွင့်လွှတ်စိတ်ကြီးမားသူဖြစ်တာကြောင့် မုန်းသူ ၊ ရန်သူရယ် လို့ မရှိဘူး။ လူကြီးလူကောင်းမှာ မုန်းသူလည်းရှိ ၊ ရန်သူလည်း ရှိနိုင်ပါတယ်။ “ဘယ်သူသေသေ ငတေမာ ပြီးရော” စိတ်မျိုးဟာ “လူယုတ်မာစိတ်” ၊ “မသူတော်စိတ်”လို့ သဘောထားသူဖြစ်တာကြောင့် “ငတေ”မှန်သမျှဟာ လူကြီးလူကောင်းတိုင်း မုန်းတီးရွံ့ရှာတဲ့ ရန်သူဖြစ်တယ်။ နိုင်တိုင်း ဖိထောင်းတတ်တဲ့ နိုင်လို မင်းထက် စိတ်ဓာတ်မျိုးကို စက်ဆုပ်သူဖြစ်တာကြောင့် နိုင်လိုမင်းထက် ပြုတတ်သူများဟာလည်း လူကြီးလူကောင်းတို့ အတွက် ရန်သူဖြစ်တယ်။လက်ပိုက်ကြည့်မနေပါဘူးကိုယ့်အိမ်ဘေး က ကလေးတစ်ယောက်ကို သူ့မိဘက မညှာမတာ ကလေးနဲ့မလိုက်အောင် ရိုက်နှက်ဆုံးမနေတာကို မြင်တွေ့ရင် လူကြီးလူကောင်းစိတ် ရှိသူဟာ မျက်နှာလွဲ ခဲပစ်၊ ငါနဲ့မှ မဆိုင်ဘဲ ဆိုပြီး လက်ပိုက်ကြည့်မနေပါဘူး။ အမုန်းခံချင် ခံရစေဆိုပြီး ၀င်ရောက်တားဆီးမှာပါပဲ။

အလားတူပဲ လူတစ်ယောက် လူတစ်ယောက်ကို ကြိုးတုပ်၊တိုင်မှာချည်ပြီး ကြိမ်နဲ့ တရွှမ်းရွှမ်းရိုက် နေတာ မြင်တွေ့ရင်လည်း “ဘာမှ ပြန်မလုပ်နိုင်သူကို ဒီလို တစ်ဖက်သတ်ကြီး အနိုင်မကျင့်နဲ့” ဆို တာမျိုးတော့ ၀င်ပြောမှာပါပဲ။ ဒီအတွက် မျက်စောင်းထိုးခံရနိုင်သလို ကိုယ်ပါရောပြီး အရိုက်ခံရ တာလည်း ရှိနိုင်ပါတယ်။ လက်ကိုရိုက်ချိုးပစ်မှာသူတော်ကောင်းစိတ်ရှိသူက “ ဒီဘက်ပါးကို ရိုက်ရင် ဟိုဘက်ပါးကိုထိုးပေးပါ” ဆိုတဲ့ စိတ်မျိုး ထားရှိနိုင်ပေမယ့်။ လူကြီးလူကောင်းစိတ် ရှိသူကတော့ ပါးထိုးပေးမှာ မဟုတ်တာ သေချာပါတယ်။ ပါးပြန်ရိုက်ရင် ရိုက် ၊ မရိုက်ရင်လည်း ပါးရိုက်တဲ့ လက်ကို ရိုက်ချိုးပစ်လိုက်မှာပါ။

သူတော်ကောင်းဆိုတာ အင်မတန်မှ မြင့်မြတ်ပါတယ်။ ကြည်ညိုထိုက်သူ ဖြစ်တယ်။ သူတော်ကောင်း စစ်စစ်ဖြစ်ဖို့ရာလည်း အင်မတန်ခက်ပါတယ်။ သူတော်ကောင်းဖြစ်အောင် လူတိုင်းကြိုးစားသင့်တယ်။ ဒါပေမဲ့ လူတိုင်း မဖြစ်နိုင်ပါဘူး။ သူတော်ကောင်း မဖြစ်နိုင်ပေမယ့် လူယုတ်မာ မဖြစ်အောင်တော့ ကြိုးစားနိုင်ပါတယ်။ သူတစ်ပါး မျက်ရည်ပေါက် ကြီးငယ်ကျအောင် မလုပ်ဘူး။ “တစ်ယောက်ချမ်းသာ ကိုယ်ကျိုးရှာ ” မလုပ်ဘူး။ တတ်တိုင်း ဖိမပြောဘူး။ နိုင်တိုင်း ၊ ဖိမထောင်းဘူး ဆိုတဲ့ လူကြီးလူကောင်း စိတ်ဓာတ်မျိုး မွေးမြူနိုင်ရင် လူယုတ်မာ မဖြစ်ပါဘူး။ စစ်မဖြစ်တော့ဘူးလူကြီးလူကောင်းဆိုတာ သူတော်ကောင်း မဟုတ်တဲ့အတွက် နိဗာန်ရောက်ချင်မှတော့ ရောက်မှာပါ။ ဒါပေမဲ့ အပါယ်မလားဘူးလို့တော့ ယုံကြည်တယ်။ 

အဲဒါကြောင့် လူကြီးလူကောင်း စိတ်ရှိသူတွေ များလာရင် ကမ္ဘာပေါ်မှာ ဘယ်တော့မှ စစ်မဖြစ်တော့ပါဘူး။ လူလောကကြီး တစ်ခုလုံးလည်း အေးချမ်းသာယာရှိပြီး နေချင့်စဖွယ်ကောင်းတဲ့ ကမ္ဘာကြီး ဖြစ်လာမှာ အသေအချာပါ။ 

လူထုစိန်ဝင်း 

၂၀၀၉ ခုနှစ် ၊ စက်တင်ဘာ ၂၉