လမ်းပေါ်မှာ လမ်းမချော်ရလေအောင်

လမ်းပေါ်မှာ လမ်းမချော်ရလေအောင်

နေ၏ အလင်းရောင်သည် ပူလောင်၏။

ဒေါသက ပို၍ ပူလောင်၏။
ရက်စက်မှုကတော့ အပူလောင်ဆုံးတည်း။

အကျွန်ုပ် ၁၅-နှစ်သားအရွယ် ပေါင်ချိန်၊ ကျန်ကျောင်းတို့ ခေတ်စားချိန်၊ ဖတ်မိသော ပြည်သူ့တရားရှင် ပေါင်ချိန် ၀တ္ထုတစ်ပုဒ်မှ မှတ်သားဖူးခဲ့ တာပါ။

ဒေါသက ပူလောင်တယ်တဲ့.. ဟုတ်ပါ့.. မနေ့က ဒေါသမထွက်စဖူး အတော် ဒေါသထွက်မိသည်။ နှလုံးသွင်း လွဲသွားသည်။ ကိုယ့်ကိုယ်ကိုပင် အတော် အံ့ဩမိသည်။ ပူလိုက်တဲ့ ဒေါသ။ လူးလှိမ့်နေအောင် ခံရသည်။ ဒီလို ဒေါသ မထွက်ဘူးတာ အတော်ပင် ကြာခဲ့ပြီ။ ခုမှ..။

ဒီ ဒေါသနဲ့သာ သေလို့ကတော့ မတွေးဝံ့စရာ ဆိုပြီး အကြိမ်ကြိမ် ကိုယ့်ကိုယ်ကို အားပေးလိုက်၊ ဖြေသိမ့်လိုက်၊ ဘုရားအဆုံးအမတွေ နှလုံးသွင်းလိုက်နှင့် အတော်ပင် စိတ်တည်ငြိမ်အောင် လုပ်ယူရသည်။ ယခုအချိန် မြတ်စွာဘုရားရှင်သာ သက်ရှိထင်ရှား ရှိနေလျှင် အကျွန်ုပ်ကို တရားပဲ လာဟောမည်လား၊ တရားဟောလည်း ကျွတ်မည့်သူမဟုတ်၍ သနား ကရုဏာသက်စွာ ဥပေက္ခာ ပြုလေမည်လား မပြောတတ်။ ဒေါသဖြင့် ပူလောင်နေတုန်းတော့ မြတ်စွာဘုရားကို အကျွန်ုပ် သတိရမိတာကတော့ အမှန်။

အော် ဒေါသ၊ ဒေါသ.. ဒီလို ဒေါသနဲ့ပဲ သံသရာမှာ အကျွန်ုပ်သေခဲ့ရတဲ့ ဘ၀ပေါင်း ဘယ်လောက်ပင် များခဲ့ပြီလဲ.. တော်တော့်ကို များခဲ့မှာပါ။ ဒီဒေါသကြောင့် ဒီလက်ရှိ ကျွန်ုပ်နေထိုင်သည့် နေရာမှာပဲ ကျွန်ုပ်၏ လက်ရှိ အမည်နာမနဲ့ပဲ သေဆုံးခဲ့ရသည့် အကြိမ်ပေါင်းကို ရေတွက်လျှင်ပဲ တော်တော့်ကို များခဲ့မှာ..။ ပင်ပန်းလိုက်ပါဘိ၊ ဆင်းရဲလိုက်ပါဘိ၊ စံစားရတာနဲ့ မမျှအောင် ခံစားခဲ့ရတဲ့ ဘ၀တွေ များလိုက်ပါဘိ။

ဟော ထပ်တွေးမိပြန်တယ်။ ဒီလက်ရှိ မြေကမ္ဘာမှာပဲ ဒီဒေါသနဲ့ ကျွန်ုပ်သေခဲ့ရတဲ့ ဘ၀တွေကကော.. ရေတွက်လို့ရလျှင်ဖြင့် ရေတွက်ကြည့်ချင်သေးသည်။ သံသရာနဲ့ မြေကမ္ဘာ.. အော် အသင်္ချေပေါင်း အနန္တ ရှည်ကြာခဲ့ပြီ။ ကုသိုလ်တွေများလို့ မေတ္တာအားနဲ့ ဟိုးအထက်ကို ဆန်တက်လိုက်၊ အားနဲ့ ပစ်တင်လိုက်တဲ့ ခဲပမာ.. အရှိန်ကုန်တော့ ပြန်ကျလိုက်.. ဒီလိုနဲ့ စုန်ချည် ဆန်ချည်၊ အထက်မျောလိုက်.. အောက်လျောလိုက်နဲ့ ကျင်လည်ခဲ့ရတာ.. အတော့်ကို ပင်ပန်းခဲ့တာပဲ။

အသင်္ချေပေါင်း အနန္တ ကြာခဲ့ပြီတဲ့.. အော်.. တစ်သင်္ချေ ဆိုတာကလည်း တစ်အနောက်မှာ သုည အလုံးပေါင်း တစ်ရာ့နဲ့ လေးဆယ်၊ သင်္ချာဆန်ဆန် ပြောရင်တော့ ten to the power 140.. (〖10〗^140)၊ ဒီ တစ်အနောက်က သုညအလုံးပေါင်း တစ်ရာ့လေးဆယ်ကလည်း နှစ်တွေလား ဆိုတော့ မဟုတ်ဘူးတဲ့.. ကမ္ဘာတွေတဲ့.. အဲ.. တစ်ကမ္ဘာဟာ ဘယ်လောက်ကြာသလဲ ထပ်ကြည့်ပြန်တော့.. ဘုရားက ခုလို ဥပမာပေးတယ်တဲ့..

အလျား ၁၂-မိုင်၊ အနံ ၁၂-မိုင်၊ အမြင့် ၁၂-မိုင်ရှိတဲ့ ကန်ကြီးတစ်ကန် ရှိမယ်တဲ့.. (ဘုရားလက်ထက်ကတော့ မိုင်နဲ့ မသုံးဘဲ ယူဇနာနဲ့ သုံးမယ်ထင်တယ်၊ ကျွန်တော်နာတဲ့ တရားထဲမှာတော့ မိုင်နဲ့ ဟောလို့ မိုင်နဲ့ပဲ ဖော်ပြခြင်းပါ။) အဲဒီကန်ထဲကို မုန်ညင်းစေ့ အပြည့် ဖြည့်လိုက်တဲ့.. မုန်ညင်းစေ့တွေကို နှစ် တစ်ရာနေမှ တစ်စေ့ ဖယ်ထုတ်၊ အဲလို ဖယ်ထုတ်လို့ ကန်ထဲက မုန်ညင်းစေ့ ကုန်သွားတဲ့ ကာလကို တစ်ကမ္ဘာခန့်လို့ ယူတဲ့..။

နောက် ဥပမာတစ်ခု ထပ်ပေးသေးတယ် ဘုရားက.. အလျား ၁၂-မိုင်၊ အနံ ၁၂-မိုင်၊ အမြင့် ၁၂-မိုင်ရှိတဲ့ ကုဗပုံ ကျောက်တုံးတစ်တုံး ရှိမယ်တဲ့.. အဲဒီ ကျောက်တုန်းကို ၀ါဂွမ်းစလေးနဲ့ နှစ်တစ်ရာနေမှ တစ်ကြိမ် ပွတ်.. အဲလို ပွတ်ဖန်များလို့ ဒီလောက် ကြီးမားတဲ့ ကျောက်တုန်းကြီးကနေ ကျောက်မှုန့် သေးသေးလေး ဖြစ်သွားမယ်တဲ့.. အဲလို ဖြစ်သွားတဲ့ ကာလကို တစ်ကမ္ဘာခန့်လို့ ယူတဲ့..။ အားပါးပါး.. ဒီတရား စနာမိတဲ့ အချိန်က သံသရာကို တော်တော်လေး ကြောက်သွားတာ.. တော်တော်ရှည်တဲ့ ကာလတွေပဲဆိုပြီး..။

အင်းလေ.. ဒီလို ကြောက်စိတ်ရှိမှလည်း သံဝေဂတွေဖြစ် ၀ိပဿနာအလုပ် အားထုတ်ဖြစ်တာ ဆိုတော့ ဒီလို ကြောက်တာကပဲ ခပ်ကောင်းကောင်း..။ “၀ိပဿနာ အစကလည်း သံဝေဂ” လို့ ဆိုထားပြန်တော့.. သံဝေဂ များများ ရအောင် ပွားနိုင်လေ၊ ကောင်းလေပဲပေါ့..။

ကျွန်ုပ်အပါအ၀င် လူတွေ တော်တော်များများ သံဝေဂ မရတဲ့အကြောင်း ကြည့်တော့ နှလုံးသွင်း လွဲနေကြာတာကိုး.. အသေမှ မကပ်ထားကြတာ.. တော်ကြာနေ သေရမယ် ဆိုတဲ့ အတွေးပျောက်ပြီး လက်ရှိရထားတဲ့ ဘ၀ကို သက်တမ်း အရှည်ကြီး ထင်နေကြတာကိုး.. ဒီအကြောင်း စဉ်းစားမိပြန်တော့ ပုံပြင်တစ်ပုဒ် သွားသတိရမိတယ်။

ဟိုးရှေးရှေးတုန်းကပဲ ဆိုလိုက်ပါစို့၊ ဘုရင်ကြီးတစ်ပါးက မျဉ်းကြောင်းလေး တစ်ကြောင်းဆွဲပြီး သူ့ရဲ့ ပညာရှိအမတ်တွေကို ဒီမျဉ်းကြောင်းကို မဖျက်ဘဲနဲ့ တိုအောင် လုပ်နိုင်မလား ဆိုပြီး မေးသတဲ့.. ဒီအမေးကို ပညာရှိအမတ်တွေ မဖြေနိုင်ကြဘူး ဆိုပဲ၊ နောက်မှ အမတ်ငယ်တစ်ပါးက သူ ဒီမျဉ်းကြောင်းလေးကို မဖျက်ဘဲနဲ့ တိုအောင် လုပ်နိုင်ပါတယ်ဆိုပြီး ခုန ဘုရင်ကြီး ဆွဲထားတဲ့ မျဉ်းကြောင်းလေး ဘေးမှာ ဒီ့ထက်ရှည်တဲ့ မျဉ်းတစ်ကြောင်းကို ထပ်ဆွဲလိုက်သတဲ့.. ဘယ်လောက် ကောင်းလိုက်တဲ့ အိုင်ဒီယာလဲ..။

ကျွန်ုပ်တို့လည်း လက်ညှိုးတစ်ချောင်းတည်း ထောင်ထားရင် ဒီလက်ညှိုးဟာ တိုသလား ရှည်သလား မဆုံးဖြတ်နိုင်ကြပါဘူး.. ဟော.. လက်ညှိုးဘေးမှာ လက်ခလယ်လည်း ထောင်လိုက်ကော.. ဘယ်ဟာတိုတယ်၊ ဘယ်ဟာရှည်တယ် ဆိုတာ ဆုံးဖြတ်လို့ ရသွားကော.. ခုန အမတ် လုပ်လိုက်တာကလည်း ဒီသဘောပါပဲ..

ဒီလိုပါပဲ.. ကျွန်ုပ်တို့ တစ်တွေဟာ ခုလက်ရှိ ရထားတဲ့ သက်တမ်းကို အရှည်ကြီး ထင်နေကြတယ်။ ဟော.. အခုန ပြောခဲ့တဲ့ သံသရာ သက်တမ်းနဲ့လည်း နှိုင်းယှဉ်လိုက်ကော ကျွန်ုပ်တို့ အခု ရထားတဲ့ လူ့ဘ၀သက်တမ်းဟာ ရေပွက်ပမာ ခဏတာ ဖြစ်သွားကော.. မြတ်စွာဘုရားကလည်း ဘ၀သက်တမ်းကို ပြရာမှာ ခုနစ်ရက် ခုနစ်လီ (၄၉-ရက်) ကြာ သဲသဲမဲမဲ ရွာသွန်းနေတဲ့ မိုးမှောင်ထဲမှာ လျှပ်စီး တစ်ခါလက်သလောက်ပဲ ရှိတယ်တဲ့.. ဒီလို နှိုင်းယှဉ် တွေးတောတာဟာ ကိုယ့်ကိုယ်ကို စိတ်ဓာတ်ကျအောင် လုပ်နေသလားလို့ ထင်စရာ ရှိပါတယ်။ တကယ်တော့ ဒါဟာ စိတ်ဓာတ်ကျအောင် တွေးတဲ့ အတွေးမဟုတ်ဘဲ ၀ိပဿနာအလုပ် အားထုတ်လိုသူတွေ အနေနဲ့ လက်ရှိရထားတဲ့ ဘ၀အပေါ်မှာ ငြီးငွေ့လာအောင်၊ သံဝေဂတွေ တိုးသထက်တိုးအောင် တွေးပေးသင့်တဲ့ အမှန်တရားပါပဲ.. “နေဖို့က မရေရာ၊ သေဖို့ကတော့ သေချာတဲ့ အမှန်တရား တစ်ခုပဲလေ”။

နောက်တစ်ခုက ဒီဘ၀မှာတင် ဘ၀ပြတ်ချင်တဲ့သူတွေ၊ ဒါမှမဟုတ် အပါယ်တံခါး ပိတ်လိုသူတွေ အနေနဲ့တော့ အသေကို အမြဲ ကပ်ထားရမှာပါ။ ခဏနေရင် သေရတော့မယ် ဆိုတဲ့ အတွေးကို လက်လွှတ် မခံသင့်ပါဘူး။

အိုခြင်းတစ်ဖြာ၊ နာခြင်းတစ်ထွေ၊
သေခြင်းတစ်ခြား၊ ကွဲပြားတစ်တန်၊
ကံလျှင်ဥစ္စာ၊ ဤငါးဖြာကို၊
မကွာနေ့ည၊ ဉာဏ်သက်ဝင်၍ ဆင်ခြင်ကြ..

ဆိုပြီးတော့လည်း အဘိဏှသုတ်မှာ ဘုရားက ဟောညွှန် လမ်းပြပြီးသားပါ။ အသေကို မိမိသူတစ်ပါး နှစ်ဦးနှစ်ဘက် များများ ဆင်ခြင်နိုင်မှ သံဝေဂများပြီး တရားကို ရေရှည် ကျင့်နိုင်မှာ။ သံဝေဂ ကျဲကျဲနဲ့ တရားရေရှည်ကျင့်ဖို့ ဆိုတာကတော့ နည်းနည်း အလှမ်းဝေးပါတယ်။

တကယ်တမ်းကျတော့ အဓိကက အတွေးတွေပါပဲလေ.. နောက်တစ်နည်း ပြောရင်တော့ နှလုံးသွင်းမှုပေါ့.. ဘောလုံးပွဲ စဉ်ဆက်မပြတ်ကြည့်၊ ဘောလုံးပွဲ အကြောင်းတွေး၊ ဘောလုံးပွဲအကြောင်းပဲ စဉ်ဆက်မပြတ် နှလုံးသွင်းနေတဲ့ သူတစ်ယောက် အနေနဲ့တော့ သူ့အတွေးစဉ် တစ်လျှောက်မှာ ဘောလုံးနဲ့ ပတ်သတ်တဲ့ အတွေးတွေပဲ ဗွက်ပေါက်နေပြီး သူ့ပါးစပ်က ထွက်လာရင်လည်း ဘောလုံးပွဲ အကြောင်းတွေပဲ ထွက်လာမှာပါ။

 နိုင်ငံရေး၊ စီးပွားရေး၊ လူမှုရေး၊ ပညာရေး၊ ဘာသာရေး အစရှိတဲ့ အရေးတွေမှာလည်း ဒီလိုပါပဲ.. သူ ကျင်လည်ကျက်စားရာ အတွေးတွေပဲ သူ့အာရုံမှာ စွဲငြိပြီး ဒီအတွေးတွေကိုပဲ ထပ်ကာ ထပ်ကာ ဗွက်ပေါက်အောင် တွေးလို့သူ့ပါးစပ်ကလည်း ဒီအရေးနဲ့ ပတ်သတ်တဲ့ စကားလုံးတွေပဲ ထွက်လာတော့ မှာပါ။ လူတစ်ယောက်ရဲ့ စကားလမ်းကြောင်း အချိတ်အဆက်ကို အကဲခတ်ရုံနဲ့ ဒီလူ ဘယ်လို အာရုံတွေမှာ များများစားစား ကျင်လည် ကျက်စား အတွေးပွားနေတယ် ဆိုတာ ခန့်မှန်းလို့ ရပါတယ်။ ဒီလို စကားပြောစဉ်မှာ စကားလမ်းကြောင်း အချိတ်အဆက်ကို မိအောင် ဖမ်းတဲ့နည်းကလည်း သမာဓိ အင်အားကို တိုးစေပါသတဲ့..။

ဒီလို တွေးချင်ရာတွေး ပြောချင်ရာပြောပြီး အသေ မေ့နေရင်တော့ အမြဲ သေဖို့ပဲ ရှိပါတယ်။ ဗဟုသုတ ရှာမှီးတာက ကောင်းပါတယ်။ ဒါပေမယ့် ဘုရားက “တတ်ကောင်းတတ်ရာ ဟူသမျှကို ကြားမြင်သုတ ရှိပါစေ” လို့ပဲ ဟောပါတယ်။ မတတ်ကောင်း မတတ်သင့်တဲ့ ဘုရား မကြိုက်တဲ့ အရာတွေကို ကြားမြင်သုတ ရှိနေ၊ တွေးနေ၊ အာရုံ ကျက်စားနေရင်တော့ အစုန်လမ်းပဲ သွားနေပါလိမ့်မယ်။ ဘုရား မကြိုက်ပေမယ့် တို့ကြိုက်လို့ တို့လုပ်တယ် ဆိုပြီး ပြောလိုသူတွေ အတွက်တော့ တစ်ခု သိထားသင့်တာက ဘုရားဟောတဲ့ တရားတွေဟာ ဘုရားဟောလို့ မှန်တာ မဟုတ်ဘဲ အမှန်တရားတွေကိုသာ ဘုရားက ချပြခဲ့တယ်၊ လမ်းညွန်ခဲ့တယ် ဆိုတာပါပဲ။

ကြိုက်တာလုပ်.. အကျိုးပေးမယ့် ဓမ္မသဘော တစ်ခုကတော့ အသေအချာ ရှိနေတာပါပဲ.. ဒီလို အကျိုးပေးတဲ့ ဓမ္မသဘောကလည်း လူမျိုးဘာသာ မရွေးပါဘူး၊ လူ၊ ရဟန်း ဆိုပြီးတော့လည်း ပုဂ္ဂိုလ်၊ အ၀တ်အစား မရွေးပါဘူး..။ ကြိုက်တာလုပ် ကိုယ်ဖြစ် ကိုယ်ခံ (သို့) ကိုယ်စံ ကြေးပါပဲ။ ဘုရား ညွှန်ပြတဲ့ နည်းအတိုင်း လျှောက်တဲ့သူက ရောက်ပြီး၊ မလျှောက်သူတွေ၊ မရောက်ချင်သေးတဲ့ သူတွေကတော့ နေခဲ့ရုံပါပဲ..။

ဘုရားရဲ့ ဉာဏ်တော်နဲ့ ကြည့်လိုက်တော့.. လူတစ်သိန်း၊ နတ်တစ်သိန်း သေလို့မှ တစ်ဦး တစ်ယောက်လောက်တောင် သုဂတိဘုံ ပြန်မရောက်ဘူးတဲ့။ ပုထုဇဉ် ဗြဟ္မာတွေကတော့ ခြွင်းချက်ပေါ့လေ။ ကုသိုလ်အရှိန် အားကြီးသူတွေ ဆိုတော့ သေရင် အပါယ် တိုက်ရိုက် မကျဘူးတဲ့။ ဘာပဲပြောပြော “ဗြဟ္မာ့ပြည်မှာ တစ်ဝင်းဝင်း၊ ၀က်စားကျင်းမှာ တစ်ရှုံ့ရှုံ့” ဆိုတဲ့ စကားကိုတော့ မေ့မထားသင့်ပါဘူး။

တစ်သိန်း တစ်ယောက်တဲ့.. ဒီနေ့ ကမ္ဘာ့လူဦးရေ သန်းဘယ်လောက်ရှိသလဲ.. အချိုးချကြည့်လိုက်.. သုဂတိဘုံ ရောက်မယ့် စာရင်းထဲ ကိုယ်ပါပြီလား.. ပါကော ပါနိုင်ပါ့မလား..။ ဒီလို အတွေးတွေကလည်း ကိုယ့်ကိုယ်ကို အကြိမ်ကြိမ် မေးပြီး အကြိမ်ကြိမ် သံဝေဂယူလို့၊ ကိုယ့်ရဲ့ အပြုအမူ လုပ်ဆောင်ချက်တွေကို အမြဲ ဆန်းစစ်ကာ တွေးသင့်တဲ့ အတွေးတွေပါပဲ..။ ဒါမှလည်း စိတ်အစဉ်မှာ မကောင်းတဲ့ အမိုက်ဓာတ်တွေကို များများ မောင်းထုတ်နိုင်ပြီး ကောင်းတာတွေကို ပိုလုပ်မိတော့ မပေါ့..။

မြတ်စွာဘုရားရှင်က သတိ တဲ့.. သတိဆိုတာ ပါဠိစကား..။ မြန်မာလို ဘာလဲ၊ ဘာကို ဆိုလိုသလဲ မေးလာစဉ်တုန်းက အကျွန်ုပ်လည်း ယောင်ဝါးဝါး..။ နောက်မှ သိရတာက သတိ ဆိုတာ မြန်မာလို “အောက်မေ့ခြင်း” တဲ့..။ ဆိုလိုတာက အခုနေ ကိုယ့်အိမ်အကြောင်း၊ စီးပွားအကြောင်း တွေးလိုက်တယ် ဆိုပါစို့။ ဒါသည် အိမ်အကြောင်း၊ စီးပွားအကြောင်းကို အောက်မေ့နေတဲ့ သတိပဲလေ..။ ဟော.. “အရဟံ = ကိလေသာ ကင်းစင်တော်မူသော မြတ်စွာဘုရား” ဆိုပြီး ဘုရားအကြောင်း တွေးရင်တော့ ဘုရားကို သတိရ အောက်မေ့နေခြင်းပဲပေါ့..။ နောက်ဆုံး ခန္ဓာငါးပါး သိသဘော တစ်ချက်ဟာ မမြဲပါလား၊ အကောင်အထည် မဟုတ်ပါလား လို့ တွေးလိုက်ရင်ကိုပဲ ဘုရားကို အမြတ်ဆုံး ပူဇော်ခြင်းနဲ့ ပူဇော်လိုက်တဲ့ သတိရ အောက်မေ့ခြင်းပါပဲ။

 တကယ်တော့ မှန်ကန် ကောင်းမွန်တဲ့ သတိတရား ရှိဖို့ကလည်း စိတ် အလှည့်လေးပါပဲ။ အစမှာ ကျွန်ုပ် ပြောခဲ့သလို အနုစားအဆင့်ကနေ အလတ်စား အဆင့်အထိ ကျွန်ုပ် ဒေါသထွက်သွားတယ် ဆိုတာကလည်း ဒီ စိတ်အလှည့်လေး မတတ်ခဲ့လို့ပါပဲ။ အာရုံနဲ့ စိတ် အဆင်မပြေဘူးပေါ့လေ..။ နောက် တစ်မျိုး ပြောရရင် အဆိုး လောကဓံ လာတာကို ဒီဘက်ကလည်း အဆိုးနဲ့ ပြန်ခုခံရင်း လောကဓံနဲ့ ရန်ဖြစ်သလို ဖြစ်သွားတာ..။ တကယ်တန်း စဉ်းစားရင် ကျွန်ုပ်ဘက်က အရှုံးတွေချည်းပါပဲ..။ ဒေါသထွက်ပြီ ဆိုကတည်းက စရှုံးနေပြီလေ..။ အကုသိုလ်တွေ တစ်သီကြီး ရလိုက်တာပေါ့။

ကုသိုလ် အကုသိုလ်အပေါ် အမှီပြုပြီး ကံအကျိုးပေးတွေကလည်း တအားကို ဆန်းကြယ်ပါတယ်။ အတွေးလေး တစ်ချက် ချော်လိုက်တာနဲ့ ငါးပါး မှောက်တော့တာပဲ။ အတွေးချော်လို့ ဒီနေ့ရဟန်း နက်ဖြန် သန်း ဖြစ်သွားတာတွေ၊ ဒီနေ့ သူဋ္ဌေး နက်ဖြန် ခွေး ဖြစ်သွားတာတွေ၊ နောက်ပြီး ဒီနေ့ မိဖုရား နက်ဖြန် ချေးပိုးထိုး ဖြစ်သွားတာတွေ.. အဖြစ်အပျက် သံဝေဂ ယူစရာတွေ ကတော့ အများကြီးပါပဲ..။ နောက်ပြီး အတွေး တစ်ချက်ချော်လို့ ကုသိုလ် အကုသိုလ် ရောအကျိုးပေးပြီး ဒီနေ့ ရဟန်း နက်ဖြန် နတ်နဂါး ဖြစ်သွားရတာတွေ လည်း ရှိနေတော့.. ကိုယ့် အတွေးစဉ်တွေကို ကုသိုလ် အာရုံတွေမှာပဲ အမြဲ ပျော်မွေ့နေအောင်နဲ့၊ ရင်ထဲကို ပူလောင်စေမယ့် အတွေးတွေ မထည့်ရင်တော့ အကောင်းဆုံးပါပဲ..။

အတွေးနဲ့ ပတ်သတ်လို့ “ချစ်သား ရာဟုလာ.. မတွေးခင် စဉ်းစားလိုက်ပါဦး၊ မိမိ သူတစ်ပါး အကျိုးမဲ့စေတဲ့ အတွေးဆို ဆက်မတွေးပါနဲ့၊ တွေးနေစဉ်လည်း စဉ်းစားလိုက်ပါဦး.. မိမိ သူတစ်ပါး အကျိုး ထိခိုက်စေရင် ဆက်မတွေးပါနဲ့တဲ့.. နောက်ဆုံး တွေးပြီးရင်လည်း စဉ်းစားလိုက်ပါဦး.. မိမိ သူတစ်ပါး အကျိုးမဲ့စေတဲ့ အတွေမျိုးဆို နောင် မတွေးပါနဲ့” လို့ မြတ်ဘုရားကလည်း ဆိုဆုံးမထားတာ တော်တော်များများ သိဖူးပြီးသား ဖြစ်ကြမှာပါ။

တစ်ကယ်တန်းကျတော့ ကျွန်ုပ်တို့ တစ်တွေက လူမမာသည်တွေလေ၊ မြတ်ဗုဒ္ဓကတော့ သမားတော်ကောင်း တစ်ဦးပေါ့.. မြတ်ဘုရား ဟောညွှန်တဲ့ ဓမ္မတွေကတော့ ကျွန်ုပ်တို့အတွက် တန်ဖိုး မဖြတ်နိုင်တဲ့ ဆေးဝါးတွေပါပဲ..။ ကျွန်ုပ်တို့ တစ်တွေဟာ ဒီလို လူမမာသည်ဘ၀၊ အနာရောဂါ ပျောက်ကင်းဖို့ ဆေးကုနေကြရတဲ့ ဘ၀မှာ ရောဂါ မြန်မြန် ပျောက်ချင်ရင်တော့ အရင်ဆုံး မတည့်စာတွေကို ရှောင်သင့်တယ်လေ..၊ ရှောင်လည်း ရှောင်ရမယ်..။ မတည့်စာဆိုတာ ဘုရားမကြိုက်တဲ့ အတွေးတွေ၊ ဘုရားမကြိုက်တဲ့ စကားတွေ၊ နောက်ဆုံး ဘုရားမကြိုက်တဲ့ အပြုအမူ လုပ်ဆောင် ချက်တွေပေါ့..။ ဘုရားမကြိုက်ပေမယ့် ငါ ကြိုက်လို့ ငါလုပ်တယ် ဆိုတဲ့ သူတွေကိုတော့ ချန်ထားလိုက်ပေါ့..။

ဒါပေမယ့် ရောဂါ တကယ် ပျောက်လိုသူတွေကတော့.. ဟော ခုန ပြောသလို ဘောလုံးပွဲ တစ်ပွဲ၊ ဇာတ်ကား တစ်ကား ကြည့်ချင်ပြီ ဆိုပါစို့..။ အရင်ဆုံး ဘုရားကြိုက်မကြိုက် ချင့်ချိန်လိုက်လေ.. “သတိ တမံ၊ ဉာဏ် မြေကတုတ်” ပေါ့၊ သတိနဲ့ အတွေးကို ထိန်းပြီး ဉာဏ်နဲ့ ဆင်ခြင်ကြည့်လိုက်..။ ဘုရားက နစ္စ၊ ဂီတ လုပ်တာ ကြိုက်လား..။ မကြိုက်ဘူး.. ဟုတ်ပြီ ဒါဆို ငါတို့လည်း နစ္စ၊ ဂီတ.. ဒါတွေနဲ့ ဆက်စပ်တာတွေ မလုပ်ဘူး။

နောက်တစ်ဆင့် ဘုရားအပေါ် ယုံကြည်မှု သဒ္ဓါနဲ့ ထပ်ပြီး ဆင်ခြင်ကြည့်လိုက်.. ဘာလို့ ဘုရား မကြိုက်တာလဲ.. ဒီ့နောက်ကွယ်မှာ မကောင်းကျိုးပေးမယ့် ဓမ္မသဘော တစ်ခုတော့ ရှိနေလို့ ဖြစ်မယ်.. ဒါဟာ ဘာလဲ.. အော် ဟုတ်ပြီ ဇာတ်ကားတွေကို ကြည့်လိုက်.. ဘယ်ဇာတ်ကားဖြစ်ဖြစ် မင်းသမီး မင်းသားကို ချက်ခြင်း ပေါင်းပေးတယ် ဆိုတာ ရှားတယ်.. ဒီတော့ ကိုယ်က ပေါင်းစေချင်တာက တောင့်တမှု ကာမစ္ဆန္ဒ၊ ဒါပေမယ့် ဇာတ်လမ်းလည်း ဆုံးကော ကိုယ်ပေါင်းစေချင်လို့ မင်းသမီး မင်းသားက မပေါင်းရဘဲ သေချင်သေ၊ ဒါမှမဟုတ် ကွဲချင်ကွဲတော့ ကိုယ့်အလိုကျ မဖြစ်ဘဲ ကြောင့်ကြရတာက ဗျာပါဒ.. အော် ဒီလို အကုသိုလ် ကိလေသာ တရားတွေ ရှိလို့ ဘုရားက ရှောင်ကြဉ်ခိုင်းတာ နေမှာပါဆိုပြီး.. ဆင်ခြင်ပြီး မကြည့်ဖြစ်လိုက်တော့ ဘုရားစကားလည်း နားထောင်ရာလည်းကျ.. နောက်ပြီး တရားကိုလည်း လေးစားရာ ကျသွားကော..။

ဒီလိုပဲ အခြား အရာတစ်ခုခု လုပ်တော့မယ် ဆိုရင်လည်း ဘုရားကြိုက်မကြိုက်၊ ကောင်းကျိုးရှိမရှိ ဆင်ခြင်ပေါ့..။ ဒီလို နည်းနဲ့ပဲ မတည့်စာတွေကို ရှောင်မယ်၊ ဆေးညွှန်းအတိုင်းလည်း ဆေးသောက်မယ် ဆိုရင်တော့ ရောဂါက မပျောက်စရာအကြောင်း မရှိပါဘူး..။ သို့သော်လည်း ကိုယ့်ရဲ့ လက်ရှိရောဂါ အခံဓာတ်ပေါ် မူတည်ပြီး ရောဂါ ပျောက်ချိန်ကတော့ တစ်ဦးနဲ့ တစ်ဦး တူချင်မှ တူပေမပေါ့လေ..။ အဓိက လိုရင်းကတော့ ဆေးပုံမှန်စားပြီး မတည့်စာတွေ ရှောင်ဖို့ပါပဲ။

အသိနဲ့ အကျင့် တစ်ထပ်တည်း ကျဖို့ ခက်တယ် ဆိုတဲ့ စကားကိုတော့ ကျွန်ုပ်နည်းတူ တော်တော်များများ သိပြီးသားပါ။ သိအောင်လုပ်ဖို့က အကျင့်နဲ့ စာရင် လွယ်တယ်လေ..။ ဒီလိုပြောလို့ သိတယ်ဆိုတဲ့ အဆင့်ကိုလည်း လျှော့မတွက်လိုက်ပါနဲ့။ ဒီနေ့ခေတ်လို ဘုရားတရားတွေ များများစားစား နာနိုင်ပြီး သိနိုင်တယ်ဆိုတဲ့ အဆင့်ကိုက ကိုယ့်မှာ အတော်လေးကို ပါရမီ ဓာတ်ခံအားတွေ ကောင်းနေလို့ပါ။

ထပ်ဆင့်ကြည့်လိုက်ဦးမယ်.. ဒီလို နာနိုင် ကြားနိုင် ဖတ်နိုင်၊ သိနိုင်ဖို့ ဆိုတာက ကိုယ့်မှာ နာနိုင်၊ ကြားနိုင်ဖို့ နားလည်း ကောင်းဦးမှ၊ ဖတ်နိုင်ဖို့ဆိုရင် မျက်စိလည်း ကောင်းဦးမှ၊ နောက်ပြီး တရားတော်ကို နာချင်၊ ဖတ်ချင်စိတ်လည်း ရှိဦးမှ.. သိဖို့ ဆိုရင်တောင် ဒီ ကိုယ်ဖတ်လိုက် နာလိုက်တဲ့ အသိကို လက်ခံနိုင်တဲ့ ဉာဏ်အားလည်း ရှိပါဦးမှ.. နောက်ဆုံး စဉ်းစားရင် ကိုယ့်မှာ ဉာဏ်အားတွေပြည့် ကိုယ်လက်အင်္ဂါတွေ ပြည့်စုံနေရင်တောင်မှ ဘုရား သာသနာနဲ့ ကြုံဦးမှ.. ဒါကြောင့်လည်း “မြတ်စွာဘုရားရဲ့ တရားတော်တွေကို နာကြားရသူတွေဟာ အတော့်ကို ဘုန်းကံ ကြီးမားကြပါပေတယ်” လို့ မိထွေးတော် ဂေါတမီက မိန့်ခဲ့ဟန် တူပါတယ်လေ..။

အစကို ပြန်ကောက်လိုက်ရင် သိအောင် လုပ်ဖို့က လွယ်တယ်၊ အကျင့်ထက်စာရင် လွယ်တယ်..၊ ကျွန်ုပ် ဒီလို ဆိုလိုက်လို့ အကျင့်က ခက်နေသလား ဆိုတော့လည်း မဟုတ်ပါဘူး။ အသိနဲ့ အကျင့်မထပ်ဘူး ဆိုတာက လျော့တိလျော့ရဲ ကျင့်နေလို့ပါ။ များများ မကျင့်လို့ပါ။ ကြိမ်ဖန်များစွာ မကျင့်လို့ပါ။ နောက်တစ်ခုက အသိနဲ့သာ ရောင့်ရဲပြီး ကျင့်ဖို့ကို စိတ်ကူးမရှိလို့ပါ။

မြတ်စွာဘုရားက ဘယ်လို ကျင့်ရင်တော့ဖြင့် ၇-ရက်နဲ့ တရားသိမယ်၊ ၇-လနဲ့ တရားသိမယ်၊ ၇-နှစ်နဲ့ တရားသိမယ် လို့ ဟောကြားခဲ့တာတွေဟာ အကြောင်းမဲ့တော့ ဟောခဲ့တာ မဟုတ်ပါဘူး။ နောက်ပြီး မြတ်စွာဘုရား လက်ထက်က ဇာတိကုန်ရာ ရောက်ခဲ့တဲ့ အရှင်မြတ်တွေရဲ့ နောက်ကွယ်က အကျင့်တွေကို လေ့လာကြည့်ရင်လည်း အော်.. ကိုယ်ဒီလို မကျင့်သေးလို့ တရားမသိသေးတာ ပါလား ဆိုတာကိုလည်း ခန့်မှန်းနိုင်ပါတယ်။

စက္ခုပါလ မထေရ်မြတ်တို့ရဲ့ အကျင့်စရဏတွေ၊ နောက် ရေအိုးကို ဖင်ဖောက်၊ ခေါင်းပေါ်တင်လို့ သံဝေဂဉာဏ် ပြင်းပြင်းနဲ့ အားထုတ်ခဲ့တဲ့ အရှင်မြတ်တို့ရဲ့ အကြောင်းတွေ ဒါတွေကို ဖတ်ကြည့်ရင် တအားကို ကြည်ညိုဖို့ ကောင်းသလို ကိုယ့်မှာ ဘာတွေ လိုအပ်သလဲ ဆိုတာတွေကိုလည်း တိုက်ဆိုင် စစ်ဆေးလို့ ရပါတယ်လေ။

ဘာပဲပြောပြော မြတ်ဘုရားကတော့ ဆရာစားမချန် လမ်းကြောင်းကို ထင်းနေအောင် ချပြခဲ့ပြီးပြီ။ တရားတွေကို အဆုံးစွန် မိန့်မြွက်ခဲ့ပြီးပြီ။ ကျင့်နိုင်အောင်သာ ကျင့်ကြပေရော့..။ လျှောက်တဲ့သူကား ရောက်၍ ရောက်တဲ့သူကား လျှောက်လို့သာပဲ ဆိုတာတော့… ငြင်းဖွယ်မရှိပြီ။

လမ်းမှန်ထက် လျှောက်လှမ်းနိုင်ကြပါစေ။
ဖိုးသား