“ ဗုဒ္ဓနှင့် ဂျီးဇက်” (သို့) “အမြင့်မြတ်ဆုံး လူသားနှစ်ယောက်၏ ကတ္တီပါရောင်သဲလွန်စများ”

“ ဗုဒ္ဓနှင့် ဂျီးဇက်” (သို့) “အမြင့်မြတ်ဆုံး လူသားနှစ်ယောက်၏ ကတ္တီပါရောင်သဲလွန်စများ”

ဗုဒ္ဓနဲ့ ဂျီးဇက်တို့ဟာ လူသားသမိုင်းရဲ့ အထင်ရှားဆုံးပြယုဂ်နှစ်ခုသာ ဖြစ်ကြပါတယ်။ သူတို့အဆုံးအမတွေက လေးနက်သလို ဒီအဆုံးအမတွေကို လက်ခံကျင့်သုံးနေကြတဲ့ လူ့အဖွဲ့အစည်းတွေမှာ သူတို့ရဲ့လွှမ်းမိုးမှုတွေကလည်း လိုက်ကာထူထူချတာတောင် မလုံပါဘူး။

       သူတို့ဆီမှာ မျှဝေတူညီတဲ့ အချက်တွေအများကြီးပါ။

သူတို့နှစ်ယောက်စလုံးဟာ အိမ်ယာမဲ့အဓိပတိ ဆရာကြီးတွေဖြစ်ကြသလို သူတို့ပြောလိုတဲ့ အကြောင်းအရာတွေကို ခိုင်းနှိုင်းတင်စားမှုတွေ၊ ပုံပြင်သာဓကတွေနဲ့ လူတွေရဲ့နားထဲရောက်အောင် ရိုက်သွင်းနိုင်တဲ့ အရည်အသွေးတွေကလည်း လက်ခုပ်တီးအားပေးလို့ မဝလောက်အောင်ပါပဲ။

ဗုဒ္ဓက အရှင်မြတ်ကိုယ်တော်တိုင် ဗုဒ္ဓဂျန်နရေးရှင်းကြီးရဲ့ ပစ္စုပ္ပန်ပြယုဂ်တစ်ခုလို့ ယုံကြည်တော်မူခဲ့သလို (S II, 106) ဂျီးဇက်ကိုယ်တိုင်ကတော့ ရှိရှိသမျှ ဂျူးသူတော်စင်ကြီတွေရဲ့ ကိုယ်စားလှယ်လို့ ယုံကြည်ထားပြန်တယ်။

       ဒီမှာ - ဒီလူသားနှစ်ယောက်အတူလျှောက်ခဲ့တဲ့ ကတ္တီပါရောင်လမ်းစတစ်ချို့နဲ့ သူတို့ရဲ့ (လူတွေ) ခပ်ဝါးဝါးသာမြင်ရတဲ့ ခြေရာတွေပါ။

ဗုဒ္ဓ ။       ။ သူများတွေ ပြုမူခဲ့တာတွေ၊ ပြုမူဖို့ လွဲခဲ့တာတွေကို အပြစ်ရှာ၊ အပြစ်တင်နေမဲ့အစား ကိုပြုမူခဲ့တာတွေ၊ ကိုယ်ပြုမူဖို့ ပျက်ကွက်ခဲ့တာတွေကိုသာ မြင်အောင်ကြည့်ပါ။ ( Dhp 50) ဂျီးဇက် ။        ။ သူများကို မဝေဖန်နဲ့၊ သင်ဟာဝေဖန်ခံရမှုကနေ လွတ်မြောက်တယ်။ သူမျာကို ဝေဖန်သလို သူတို့က သင့်ကိုဝေဖန်လိမ့်မယ်။ သင်တိုင်းတာတဲ့ အရှည်အဝေးအတိုင်းပဲ သူတို့ကသင့်ကို ပြန်တိုင်းတာလိမ့်မယ်။ ( Matthew-7, 1-2 )

ဗုဒ္ဓ ။       ။ သူရူး၊ သင့်ဆံထုံးနဲ့ ဆိတ်သားရေလည်ဆွဲက ဘာလုပ်လို့ရမတုန်း။ အထဲမှာ ရှုပ်ထွေးပွေလီပြီး အပြင်ပန်းသာလှနေလို့ကတော့-( Dhp-394 ) ဂျီးဇက် ။       ။ ကြည့်စမ်း၊ ဟင်းပေနေတဲ့ခွက်ကိုတော့ ဆေးကြောရဲ့။ ခွက်ထဲမှာကျတော့ အလိုကြီးမှု၊ ကောက်ကျစ်မှုတွေနဲ့ ဖြည့်တင်းလို့။ သင်တို့ အရူးတွေ။( Luke II, 39-40)

ဗုဒ္ဓ ။       ။ နာကျင်အောင်လုပ်၊ အသက်ကိုနှုတ်၊ ခြေလက်တွေကိုဖြတ်ချိုး၊ ခိုး၊ လိမ်၊ မသမာမှုမျိုးစုံ၊ ကျမ်းစားတွေကို ကြိုက်သလိုဖွင့်ဆို၊ ကာမေသုကို အလိုရှိသလောက်ကျင့်သုံး။ ဒါတွေ ကြောင့် သင်ဟာ မသန့်ရှင်းသူဖြစ်နေတာ။ အသားတွေ စားနေလို့ မဟုတ်ဘူး။( Sn- 242) ဂျီးဇက် ။       ။သတ်ဖြတ်၊ ကာမေသုလွန်ကျူး၊ ကိုယ်ကျင့်မလုံ၊ ခိုးယူစားသောက်၊ မှားယွင်းတဲ့ သက်သေတွေထုတ်ပြ၊ ဒါတွေက လူကို မသန့်ရှင်းအောင် ညစ်ထွေးစေတာ။ လက်မဆေးပဲ ထမင်းစားနေလို့ မဟုတ်ဘူး။ (Matthew-15, 19-20)

ဗုဒ္ဓ ။       ။ ငါဘုရားကို ပြုစုမလို့လား။ ဟို ဂီလာနရဟန်းကို ပြုစုလိုက်ပါ။( Vin IV , 301) ဂျီးဇက် ။       ။သစ္စာစကားဆိုမယ်။ အသေးမွှားဆုံးကိစ္စလေးတစ်ခု ငါ့ဘရားသားအတွက် လုပ်ပေးလိုက်။ အဲဒါ ငါ့ကို လုပ်ပေးနေတာ။ (Matthew 25-40)

ဗုဒ္ဓ ။       ။ အတိတ်က နောင်တတွေကိုမသယ်၊ အနာဂတ်ကို တွေးပြီးလည်း မပူပန်၊ ပစ္စုပ္ပန်တည့်တည့်မှာ ရှုမှတ်နေလို့ သူတို့ အသားအရေတွေကလည်း စိုပြေဝင်းလက်နေလေရဲ့။ ( S -15) ဂျီးဇက် ။       ။သင်တို့ မနက်ဖြန်ကို တွေးမပူနဲ့။ မနက်ဖြန် ကိုယ်တိုင်က မနက်ဖြန်အတွက် ပူပင်ပေးလိမ့်မယ်။ (Matthew 6, 34)

ဒါတင်မကဘူး။ ခန္ဓာဝန်ချ ဘဝဇာတ်သိမ်းကြတဲ့နောက်မှာတောင် သူတို့ဟာ ဝတ်တွားမှု အလီလီကို ကိုယ်စီခံယူထိုက်ကြပေရဲ့။ အခါတစ်ပါး ဘုရားရှင်ရဲ့ ရှုချင်စဖွယ် ရူပကာယကို တရှိုက်မောမောဖြစ်နေတဲ့ ရဟန်းတစ်ပါးကိုတွေ့လို့ ဗုဒ္ဓက-

       “အညစ်အကြေးဗရဗွ ဒီခန္ဓာကို ကြည့်နေလို့ သင်ဘာရမတုံး၊ ဓမ္မကို မြင်အောင်ကြည့်။ ဒီတော့မှ သင်ငါဘုရားကို ရှာတွေ့လိမ့်မယ်” (S III, 120)

ဒါတောင် တတိယသင်္ဂါယနာကျတော့ “ဘုရားရှင်ရဲ့ ရူပကာယတော်ဟာ လှပသပ္ပါယ်လွန်းလို့ မျက်နှာတော်ကတောင် နံ့သာနံ့ရတယ်” လို့ ဆိုသူက ဆိုလိုက်သေးရဲ့။ အေဒီတစ်ရာစုမှ ထွန်းကားခဲ့တဲ့ သဒ္ဓမ္ပပုဏ္ဍရိကသုတ်ကဆို ဘုရားရှင်ဟာ အချိန်ရဲ့ အစကတည်းက တည်ရှိလာခဲ့တာ-တဲ့။ (ဘုရားဟောနဲ့ကတော့ လားလားလေးမှ မဆိုင်)

တစ်ခါက ဂျီးဇက်ကို လူတစ်ယောက်က “Good Teacher ” လို့ဆိုတော့ ဂျီးဇက်က ဘယ်သူမှ မဂွတ်၊ ထာဝရဘုရားသခင်သာ ဂွတ်တယ်တဲ့( Luke 18-19)။ ဒီအထောက်အထားကို ဂရုမပြုပဲ ဂျီးဇက်လွန်လို့ နှစ်ပေါင်း(၂၀) အတွင်းပဲရှိသေးတယ် စိန့်ပေါက ဂျီးဇက်ဟာ ထာဝရဘုရား God ကို ဝင်စားသူတဲ့။ လုပ်ချလိုက်သေး။

       ( သူတို့ ရိုးသားမှုတွေကို နောက်လူတွေက ကပျက်ယပျက်လုပ်နေတာတွေလည်း တူညီနေကြလေရဲ့- ဘာသာပြန်သူ)

✰✰✰✰✰✰✰

ဗုဒ္ဓနဲ့ ဂျီးဇက်တို့ကြားမှာ ကတ္တီပါရောင်လမ်းဆုံတွေရှိနေလို့ ကတ္တီပါရောင်လမ်းခွဲမရှိဘူးဆိုရင်တော့ အကြီးမားဆုံး မှားယွင်းမှုပဲ။ ဗုဒ္ဓက ခတ္တိယဆိုတဲ့ ရေပေါ်ဆီလူတန်းစားမှာ မွေးဖွားခဲ့ပြီး၊ ဂျီးဇက်မှာတော့ အောက်ခြေသိမ်း လူတန်းစားဘဝမှာ မွေးဖွားခဲ့ရတယ်။

ဂျီးဇက်ဟာ တသက်လုံးတစ်ကိုယ်တည်းနေခဲ့ပေမယ့် ဗုဒ္ဓကတော့ ဇနီးရဲ့လင်၊ သားရဲ့ ဖခင် ဖြစ်ဖူးလေရဲ့။

ဗုဒ္ဓဟာ ဒေသနာတွေ လူတိုင်းကိုဟောခဲ့တာတော့ မှန်ရဲ့။ ဒါပေမယ့် အရှင့်ရဲ့ဒေသနာတွေက ပညာရှင်တွေဆီ ပိုပြီးဦးတည်နေပြီး ဂျီးဇက်အရှင်ရဲ့ မက်ဆေ့တွေကတော့ သာမန်လူတန်းစားတွေဆီ ပိုပြီးပျံသန်းနေလေရဲ့။ ဗုဒ္ဓဟာ အေးချမ်းတဲ့ နိုင်ငံရေးဝါဒတွေကြားမှာ သာသနာပြုခဲ့ရပေမယ့် ဂျီးဇက်ခမျာမှာတော့ နိုင်ငံရေးကသောင်းကနင်းတွေကြား ကျီးလန့်စာစား သာသနာဖြန့်ခဲ့ရပြန်တယ်။

ဗုဒ္ဓက (၄၅) နှစ်ကြာ ဒေသနာတော် တာဝန်ထမ်းခဲ့သလို ဂျီးဇက်ကလည်း ကျော်လှ (၂) နှစ်ပဲပေါ့။

✰✰✰✰✰✰✰

သဘာဝကို ရှုမြင်လိုကြပုံမှာတော့ ဒီအမြင့်မြတ်ဆုံးလူသားနှစ်ယောက်မှာ တူတာဆိုလို့ မရှိသလောက် ဖြစ်ခဲ့ရတော့တယ်။

ဗုဒ္ဓက ဖန်ဆင်းရှင် God ကို အယုံအကြည် မရှိခဲ့ပေမယ့် ဂျီးဇက်ကတော့ God မှ God ပါပဲ။

ဗုဒ္ဓရဲ့အမြင်က “အဇာတ၊ အဘူတ၊ အကတ၊ အသင်္ခတ (Unborn, Un-become, Unmade, Unconstructed)” (Ud-80) ဖြစ်ပြီး ဂျီးဇက်ကတော့ God ဟာ ထာဝရ၊ တစ်ခါတစ်ခါ “Daddy” နဲ့ အဓိပ္ပါယ်တူတဲ့ “Abba” လို့တောင်မှ ညွှန်းဆိုလေတယ်။

ဗုဒ္ဓက ဓမ္မကို သံသရာထွက်မြောက်ကြောင်းလို့ ရှုမြင်ခဲ့ပေမယ့် ဂျီးဇက်အဆုံးအမတွေကတော့ ငရဲကနေ ကယ်တင်ဖို့။

တရားရှုမှတ်ရာမှာ ဗုဒ္ဓက အရှင်ရဲ့ အဇ္ဈတ္တကို စူးစိုက်ခဲ့ပေမယ့် ဂျီးဇက်ကတော့ ဗာဟိရ ထာဝရဘုရားရှင်ထံ ဆုတွေအထပ်ထပ် ပန်ချွေနေလေရဲ့။

ဂျီးဇက်အတွက် လူသားရဲ့ အဆုံးစွန်ပန်းတိုင်ဟာ ထာဝရဘုရားရှင်ထံ ခိုလှုံခွင့်ရရန်ဖြစ်ပြီး ဗုဒ္ဓကတော့ ဒါတွေဟာ နိဗ္ဗာန်နဲ့စာရင် ဘာမှသိပ်မဟုတ်သေးဘူးတဲ့။

ဒေသနာဖြန့်ဝေရာမှာ ဗုဒ္ဓက သူ့လူမျိုးအတွက်ဆိုပြီး ဘာမှထွေထွေထူးထူး မရှိလှပေမယ့် ဂျီးဇက်ကတော့ သူဟာဘုရားရှင်ရဲ့ အရွေးခံ အစ္စရေးတွေအတွက် စေလွှတ်ခြင်းခံရသူပါတဲ့။ (Matthew 10, 5-6, 15, 24)

ဂျီးဇက်က ထာဝရဘုရားရှင်ဟာ ကမ္ဘာကြီးကို မီးလျှံတွေနဲ့ ဖျက်ဆီးလိမ့်မယ်လို့ ဟောကိန်းထုတ်ခဲ့ပေမယ့် ဗုဒ္ဓကတော့ ဒီကမ္ဘာရဲ့အနာဂတ်ဟောစာတမ်းနဲ့ ပတ်သက်လို့ စိတ်ဝင်စားမှုအတော်နည်ပါးခဲ့ပါတယ်။

ဂျီးဇက်ဟာ သူ့ရဲ့ဒေသနာကို မယုံကြည်သူ၊ သံသယရှိသူတွေအပေါ် ကရုဏာဒေါသော စောခဲ့ပေမယ့်၊ ဂေါတမဆိုတဲ့ ဗုဒ္ဓကို ကောင်းကောင်းသိထားသူတွေအတွက်တော့ ဒါကနည်းနည်းအံသြစရာပါ။

အမြတ်ဆုံးလူသားနှစ်ယောက်ကို ဒီလိုဖြန့်ဖြေကြည့်လိုက်တော့ တူတာတွေရော၊ မတူတာတွေရော၊ မျဉ်းပြိုင်တွေရော၊ မျဉ်းဖြတ်တွေပါ တွေ့လာရပြန်ပါတယ်။ အရှင်တွေပြုစုခဲ့တဲ့ ဘာသာတရားတွေကိုကြည့်ရင် ဒီအရှင်တွေရဲ့ ကျေးဇူးတရားတွေ၊ ကွဲလွဲမှုတွေကို တလေးတစား နားလည်ထားကြရမှာ ဖြစ်ပါတယ်။

တကယ့်ကို ခရစ်ယာန်နဲ့ ဗုဒ္ဓဘာသာမိတ်ဆွေတွေ အတူတကွများ တွေ့ဆုံပေါင်းသင်းရမယ်ဆိုရင် ဗုဒ္ဓရဲ့အောက်ပါစကားလေးကို အလေးထားဆက်ဆံတယ်ဆိုပြီး ပိုပြီးဟာမိုနီဖြစ်တဲ့ အဖွဲ့အစည်းလေးဖြစ်အောင် ဖန်တည်းထားလိုက်နိုင်ပါတယ်။

“Those things about which there is no agreement, Let us put aside. Those things about which there is agreement, let the wise bring up, discuss and examine” (D. I, 164)

ခရစ်ယာန်၊ ဗုဒ္ဓဘာသာ ဘရားသား စစ္စတားတို့-

စကားလုံးအထားအသို၊ အဓိပ္ပါယ်ပြန်ဆိုမှုတွေများ လွဲချော်ခဲ့ရင် တောင်းပန်ပါတယ်။ အကောင်းဆုံးတော့ ကြိုးစားမိပါတယ်။ ဒီထက်ပိုပြီး ဒီလူသားတွေကို ကြည်ညိုချင်သပဆိုရင်တော့-

1) Two Masters One Message, Roy Amore, 1978.
2) A Guide to Buddhism A to Z, S. Dhammika.

ကို ဖတ်ရှုကြပါ။ ကျွန်တော်က ခံစားရသလို ပြန်ဆိုသူမျှသာပါ။

ဇင်ဝေသော်