ကောင်းမှု့ပြုတိုင်း တောင်းဆုချွေပါ
ဗုဒ္ဓဘာသာဝင်များသည် နေ့စဉ်နဲ့အမျှ
ဒါန ကောင်းမှု့ (အာမိသဒါန-ပစ္စည်းလေးပါးလှူဒါန်းခြင်း၊ ဓမ္မဒါန-တရားစာပေများ လှူဒါန်းခြင်း၊
ရေးသားပူဇော်ခြင်း၊ ဖတ်ရှုခြင်း၊ ဖြန့်ဝေခြင်း၊ ဟောပြခြင်း၊ ညွှန်ုပြခြင်း) သီလကောင်းမှု့၊
ဘာဝနာကောင်းမှု့ အစုစုတို့ကို ပြုလုပ်ကြပါတယ်။ ထိုိသို့သော ကုသိုလ်ကောင်းမှု့များကို
ပြုလုပ်ပြီး မိမိတို့၏ စိတ်ဆန္ဒအရ လက်ရှိပစ္စက္ခဘ၀ ကောင်းကျိူိး အတွက်ရော နောင် တမလွန်
ကောင်းကျိူိးများအတွက်ပါ တစ်စုံတစ်ခုသော တောင်းဆုများကိုိ ပြုလုပ်ကြတာလည်း အသေအချာပါပဲ။
တစ်ခုတော့ နားလည်ထားစေချင်ပါသည်။
တစ်ခြားဘာသာဝင်များလည်းပဲ Just only Praying- ဆုတောင်းခြင်းသက်သက်မျှတွေသာ ပြုလုပ်ကြပါတယ်။
ဒါပေမယ့် သူတို့ ဆုတောင်းတာက ဘာမှ မလုပ်ဘဲနဲ့ သူတိုကိုးကွယ်ရာ အနန္တပုဂ္ဂိုလ်ရဲ့ရှေမှောက်မှာ
မျက်စိမှိတ်ယုံကြည်ပြီးတော့ ဆုတောင်း မယ်ဆိုရင် ပြည့်စုံတယ်လို့ ယူဆပြီးတော့ လက်ဖြန့်တောင်းတဲ့
ဆုတောင်းနည်းပါပဲ။ ဗုဒ္ဓဘာသာ ၀င်များသည် ကောင်းမှု့ပြီး တောင်းတဲ့ဆုဟာ ပြည့်စုံတယ်ဆိုတဲ့
ကံ ကံ၏အကျိူးကို ယုံကြည်သူ တစ်ယောက်ရဲ့ ဆုတောင်းနည်းဖြင့် ဆုတောင်းမှု့ပြုကြပါတယ်။
ကောင်းမှု့ပြုတိုင်း တောင်းဆုချွေစေချင်ပါသည်
စိန္တိတံ ပတ္တသင်္ချေယံ န၀သင်္ချေယျ
ဝါစကံ- ဗုဒ္ဓမြတ်စွာအလောင်းတော်ဘ၀က ဘုရားဖြစ်ချင်လိုိ့ ကြံစည်တွေးတောနေခဲ့ရတာက ခုနှစ်သင်္ချေကြာခဲ့တယ်။
ဘုရားဖြစ်ချင်လို့ နှုတ်တော်က မြွက်ဆို ဆုတောင်းခဲ့တာက ကိုးသင်္ချေကြာခဲ့တယ်။ ဘုရားဖြစ်ချင်လို့
ကိုယ် နှုတ် စိတ် တို့ဖြင့် ကျင့်ကြံ အားထုတ်ပြီး ဆုတောင်းခဲ့တာက လေးအသင်္ချေနဲ့ ကမ္ဘာတစ်သိန်းကာလကြာတယ်။
စုစုပေါင်း အသင်္ချေ နှစ်ဆယ်နဲ့ ကမ္ဘာတစ်သိန်းကာလတိုင်တိုင် ဆုတောင်းမှု့တွေကို ကောင်းမှု့တွေပြုလုပ်တိုင်း
သဗ္ဗညုတဥာဏ်တော်ရရှိဖို့ရန်အတွက် ဆုတောင်းခဲ့ပါတယ်။
ကောင်းမှု့ပြုပြီးတိုင်း
ဆုတောင်းဖို့ သိပ်ကို လိုအပ်ပါတယ်။ ဘာဖြစ်လို့လဲဆိုတော့……………..
၁။ ယဿ ပဉ္စဓမ္မာ အတ္ထိ န
ပတ္ထနာ၊ တဿ ဂတိ အနိဗ္ဗဒ္ဓါ။
သဒ္ဓါ သီလ သုတ စာဂ ပညာ
ဟူသော တရားငါးပါးရှိ၏။ ကောင်းမှု့ ကုသိုလ်များလည်း ပြုလုပ်ပါ၏။ ဒါပေမယ့်လို့ ဆုတောင်းမှု့ကို
မပြုလုပ်ဘူးဆိုရင် အဲဒီသူရဲ့ လားရောက်ရမယ့် ဂတိဟာ မတည်မြဲဘူး လို့ ဆိုပါတယ်။ ငရဲ တိရစ္ဆာန်
ပြိတ္တာ အသူရကာယ်လို့ခေါ်တဲ့ မကောင်းတဲ့ လားရာဂတိကိုတော့ မလားရောက်ဘူးပေ့ါ။ ထိုဂတိတိုမှ
တစ်ခြား ဘ၀တွေကို ကောင်းမှုတွေပြုပေမယ့်လို့ ဆုတောင်းမှု့ မပြုဘူးဆိုရင် လားချင်ရာ လားရောက်မှာသေချာပါတယ်။
ဒါကြောင့် တောင်းဆုတွေကို ကောင်းမှု ပြုပြီးတိုင်း ချွေစေချင်ပါသည်။ ဂတိမြဲတော့ အပါယ်မလားရောက်တော့ဘူးပေ့ါ။
၂။ ယဿ ပတ္ထနာ အတ္ထိ န ပဉ္စဓမ္မာ၊
တဿပိ ဂတိ အနိဗ္ဗဒ္ဓါ။
ကိုယ်ဖြစ်ချင်တဲ့ ဆန္ဒအရ
တောင်းဆုတွေတော့ ပြုပါ၏။ သဒ္ဓါ သီလ သုတ စာဂ ပညာ ဟူသော တရား ငါးမျိူး မရှိဘူးဆိုရင်လည်း
အဲဒီသူရဲ့ လားရောက်ရမယ့် ဂတိဟာလည်း မမြဲပါဘူး။ မိမိက ဘာမှမလုပ်ဘဲနဲ့တော့ လိုချင်တဲ့ဆု
တောင်းနေလိုတော့ ဘယ်ရမလဲ။ တစ်ခုခုကို လိုချင်ရင်တော့ ရင်းနှီးမှု့ တစ်ခုခုတော့ ပေးဆပ်ရမှာပါ။
ဒါကြောင့် သဒ္ဓါ သီလ သုတ စာဂ ပညာ ဟူသော တရား ငါးပါးနဲ့ ပြည့်စုံပြီး ကောင်းမှုကုသိုလ်များ
ပြုလုပ်ကာ တောင်းဆုချွေစေဖို့ လိုအပ်ပါတယ်။
ဆုတောင်းမှု့မပြုရင် ကိုယ်ပြုတဲ့
ကောင်းမှု့ကုသိုလ်က အကျိူးမပေးတော့ဘူးလားဆိုတဲ့ အမေး အတွက်တော့ သံသယတွေ မထားစေချင်ပါဘူး။
ဆုမတောင်းပေမယ့်လည်း ကောင်းမှုအကျိူးက ပေးမြဲတိုင်းပဲ ပေးနေမှာပါ။ ဒါပေမယ့်လို့ မိမိရဲ့
စိတ်ကို ကိုယ်ဖြစ်ချင်ရာကို စိတ်ညွှတ်ပြီး တောင်းဆု ပြုလိုက်တဲ့အခါမှာ မိမိရဲ့ စိတ်ဦးတည်ချက်က ပိုပြီးတော့
ပီပြင်သွားပါတယ်။ ဥပမာ မြစ်ဘက်ကို ယိုင်လဲနေတဲ့ သစ်ပင်ကြီးဟာ လဲကျတော့မယ်ဆိုရင် အဲဒီယိုင်လဲနေတဲ့
မြစ်ဘက်ကိုပဲ မလွဲမသွေ လဲကျမှာပါ။ ဒါဟာ ဦးတည်ချက် တိကျတာပေ့ါ။ ဦးတည်ချက်မရှိရင် မြစ်ဘက်လည်း
ယိုင်ကျ နိုင်သလို ကုန်းပေါ်ဘက်ကိုလည်း ယိုင်ကျသွားနိုင်ပါတယ်။ လိုရင်းကတော့ ဦးတည်ချက်ရှိပြီးသား
လမ်းဟာ ပိုပြီးတော့ သာယာဖြောင့်ဖြူးတာပေ့ါ့။ ပိုပြီးတော့ ရောက်ရှိဖို သေချာတာပေ့ါ။
ဒါကြောင့် တောင်းဆုပြုစေချင်တာပါ။
ဆုတောင်းပြည့်ချင်သူတို့
ပြည့်စုံရမည့်အရာများ
၃။ ယေသံ ဥဘယ မတ္ထိ တေသံ
ဂတိ နိဗ္ဗဒ္ဓါ။
သဒ္ဓါ သီလ သုတ စာဂ ပညာ
ဟူသောတရားငါးပါးနဲ့လည်း ပြည့်စုံမယ်။ ကောင်းမှုကုသိုလ်များ ကိုလည်း ပြုလုပ်မယ်။ တောင်းဆုများကိုလည်း
ပြုမယ်ဆိုရင်တော့ အဲဒီသူရဲ့ ဂတိဟာ တည်မြဲ ပါတယ်။ တောင်းတိုင်းဆု ပြည့်စုံစေဖို့အတွက်
ပြည့်စုံထားရမယ့် သိထားစရာအချက်တွေပါ။
“ဣဇ္ဈတိ ဘိက္ခဝေ သီလ၀တော
စေတောပဏိဓိ ၀ိသုဒ္ဓတ္တာ-သီလတရားနှင့်လည်း ပြည့်စုံနေမယ်၊ စိတ်ထားကလည်း အင်မတန် ဖြူစင်
မြင့်မြတ်နေမယ်ဆိုရင် မိမိစိတ်တောင့်တတိုင်း အကုန် ပြည့်စုံတယ်……….။” ဆိုတဲ့ ဗုဒ္ဓရဲ့
ဒေသနာကို မမေ့သောအားဖြင့်ပေ့ါ စိတ်ဆန္ဒတစ်ခု ပြည့်ဝဖို့ တောင်းတမှုမပြုခင်မှာ အနည်းဆုံး
ငါးပါးသီလတရားလောက်တော့ အမြဲတမ်း ပြည့်စုံနေရမယ်ပေ့ါ။ စိတ်ထားလေးကလည်း ဖြူစင်ပြီး မြင့်မြတ်နေရမယ်ပေ့ါ။
ဆိုပါစို့။ ကောင်းကင်ပေါ်ကို
ပစ်တင်လိုက်တဲ့ တုတ်ချောင်းဟာ ပြန်ကျလာတဲ့အခါ အရင်းပိုင်းကနေ ပြန်ကျမှာလား၊ ဒါမှမဟုတ်
အဖျားပိုင်းကနေ ပြန်ကျလာမှလား၊ သို့မဟုတ် အလယ်ပိုင်းကနေ ပြန်ကျလာမှလားဆိုတာ သတ်မှတ်ကာ
မသိနိုင်သလိုပါပဲ သတ္တ၀ါတစ်ဦးတစ်ယောက်ရဲ့ ပဋိသန္ဓေ ယူခြင်းဆိုတာဟာလည်းပဲ ဘယ်ဘ၀ ဘယ်ဂတိမှာ
တည်ပြီးမွေးဖွားလာမယ် ဆိုတာကို သေသေ ချာချာ သတ်မှတ်လို့မရတာကြောင့် မသိနိုင်သလို မသေချာပါဘူး။
ဒါကြောင့် ဂတိ လားရောက်ရာ တည်မြဲဖို့ အတွက် သဒ္ဓါ သီလ သုတ စာဂ ပညာ ဟူသောတရားငါးပါးကို
ပြည့်စုံအောင် ဖြည့်ကျင့် ကာ ကောင်းမှုကုသိုလ်များ ပြုလုပ်ပြီး ဆုတောင်းမှု့ကို ပြုလုပ်သင့်ပါတယ်။
ဆုတောင်းမှု ပြုလုပ် ရပါမယ်။ (မ-ဌ၊ ၄၊ ၁၀၇)
အလှူဒါနပြုလုပ်ခြင်း၊
သီလဆောက်တည်ခြင်း၊ ကိုယ် နှုတ် စိတ် သုံးပါးကို ကောင်းစွာထားခြင်း ဣနြေ္ဒတို့ကို ကောင်းစွာစောင့်စည်းခြင်းဟူသော
ရွှေအိုးကို မြှပ်နှံ၍လည်းကောင်း၊ စေတီ၊ သံဃာ၊ ပုဂ္ဂိုလ်၊ ဧည့်သည်၊ အစ်ကိုကြီး၊ အစ်မကြီးတို့အား
ပေးလှူခြင်း ကိစ္စကြီးငယ်ကို ပြုလုပ်ပေးခြင်း ဟူသော ရွှေအိုးကို မြှပ်နှံ၍လည်းကောင်း
အလိုရှိသော ချမ်းသာသုခကို တောင့်တခြင်း ( ဆုတောင်းပတ္ထနာပြုခြင်း) ပြုလုပ်မယ်ဆိုရင်
မိမိတောင့်တတဲ့ ဆုအတိုင်း ပြည့်စုံနိုင်တယ်၊ ရရှိနိုင်တယ်လို့ ဗုဒ္ဓမြတ်စွာက (ခု၊ ၁၊
၉၊) မှာ ဟောကြားထားတာလည်း ရှိပါတယ်။
ဆုတောင်းကောင်းကို တောင်းစေချင်ပါသည်
သီလတရားနှင့်လည်း ပြည့်စုံပါရဲ့၊
စိတ်ထားကလည်း ဖြူစင်နေပါရဲ့ လိုချင်လို့ တောင်းတဲ့ဆုက သူတစ်ပါးကို ဒုက္ခပေးလိုတဲ့သဘော
လက်စားချေလိုတဲ့ သဘောကြောင့် နောက်ဘ၀ သူမွေးတဲ့ သားသမီးတွေကို စားနိုင်ရပါလို၏ဆိုတဲ့
ကာလယက္ခိနိဘီလူးမရဲ့ ဆုတောင်းမျိူးကိုတော့ မတောင်း သင့်ဘူးပေ့ါ။ စူဠသုဘဒ္ဒါလို ဆုတောင်းမျိူး
မတောင်းသင့်ဘူးပေ့ါ။ လုပ်ရပ်က မြင့်မြတ်ပြီး တောင်းတ တဲ့ ဆုက ယုတ်ညံ့နေမယ်ဆိုရင် မိမိရော
တစ်ပါးသူအတွက်ပါ ဘ၀သံသရာမှာ ၀မ်းနည်းစရာ သောကများစရာဖြစ်မှာသေချာပါတယ်။ မိမိကောင်းကျိူး
သူတစ်ပါး ကောင်းကျိူးကိုိ အထောက်အပံ့ ပေးနိုင်မယ့် ကောင်းသော ဆုတောင်းမျိူးကိုပဲ တောင်းဆိုသင့်ပါတယ်။
တကယ်တော့ ဗုဒ္ဓဘာသာရဲ့
ပန်းတိုင်ဖြစ်တဲ့ စစ်မှန်တဲ့ ငြိမ်းချမ်းရာ နိဗ္ဗာန်ဆုကိုပဲ တောင်းဆု ပြုသင့်ပါတယ်။
“နိဗ္ဗာန်ကိုသာ ဆုတောင်းရင် ၀ဋ်ကင်းရာကို ဆုတောင်းခြင်းဖြစ်လို့ အကောင်းဆုံး ဖြစ်ပါတယ်။
ဒါပေမယ့် နိဗ္ဗာန်ကို မျက်မှောက်ပြုတဲ့အခါ မည်သို့မည်ပုံ ပြုလိုတယ်။ နိဗ္ဗာန်မရမီ မည်သို့မည်ပုံ
ဖြစ်လိုတယ်လို့ တောင့်တနိုင်ပါတယ်……။” လို့လည်း ထေရ၀ါဒစွယ်စုံကျမ်း စာ၊ ၈၆၀ မှာ ဖော်ပြထားပါတယ်။
ဥပမာအားဖြင့်ပေ့ါ အရှင်ကောဏ္ဍညလို တရားဦးကို အရင်ဦးဆုံးနာယူပြီး နိဗ္ဗာန်ပြုရပါ၏။
ကောင်းမှု့ပြုပြီးတိုင်း
လောကုတ္တရာ နိဗ္ဗာန်ချမ်းသာကို ဆုတောင်းတာဟာ အမွန်မြတ်ဆုံးပါပဲ။ ဣဒံ မေ ပုညံ နိဗ္ဗာနဿ
ပစ္စယော ဟောတု-အကျွန်ုပ်ပြုလုပ်သော ဤကောင်းမှု့ကုသိုလ်ကံသည် ဒုက္ခ ဆင်းရဲများချူပ်ငြိမ်းရာအမှန်ဖြစ်တဲ့
နိဗ္ဗာန်သို ရောက်ရာရောက်ကြောင်း အထောက်အပံ့ကောင်း ဖြစ်ပါစေ……..လို့ပေ့ါ။
ဥပမာအားဖြင့်ပေ့ါ……….။
အိမ်အပေါ်ထပ်ကို တက်ရောက်ဖို့အတွက် အနည်းဆုံး လှေခါးသုံးဆင့် လောက်တော့ ရှိမှာပါ။ ဒါကို
ခွဲခြားနားလည်ကြည့်ရအောင်ပါ။ နိဗ္ဗာန်ဆိုတာကို အိမ်အပေါ်ဆုံး အထပ်လို့ သတ်မှတ်လိုက်ပါ။
အဲဒီ နိဗ္ဗာန်ကို ရောက်အောင် တက်ရောက်ဖို့ သွားရာလမ်းမှာ မဖြစ်မနေ ပထမအဆင့် လှေကားနဲတူတဲ့
လူချမ်းသာ၊ ဒုတိယအဆင့် လှေကားနဲတူတဲ့ နတ်ချမ်းသာ၊ တတိယအဆင့် လှေကားနဲ့တူတဲ့ ဗြဟ္မာချမ်းသာ
ဆိုတဲ့ ဒီလှေကားသုံးဆင်ကို မလွဲမသွေ ရောက်ရှိပြီးမှ ဖြတ်သန်းပြီးမှ ကျော်လွှားပြီးမှ
နိဗ္ဗာန်ဆိုတဲ့ အမြင့်ဆုံး ချမ်းသာနေရာကို ရောက်ရှိမှာပါ။
ဒီတော့ မိမိက နိဗ္ဗာန်ဆိုတဲ့
ချမ်းသာကို တောင့်တထားတဲ့အခါ နိဗ္ဗာန်မရောက်မီစပ်ကြား နိဗ္ဗာန်သို့ သွားရာလမ်းတစ်လျှောက်မှာ
ဒီ လူချမ်းသာ၊ နတ်ချမ်းသာ၊ ဗြဟ္မာချမ်းသာဆိုတာတွေကို အထူး တောင့်တနေစရာ မလိုပါဘူး။ အလိုလို
ရရှိခံစား သုံးဆောင်ရမှာပါ။ ရရှိမှာပါ။ ဒါကြောင့် ဒီ ဥပမာလေးကို နားလည်သဘောပေါက်ထားပြီး
ဘယ်လိုကောင်းမှုကုသိုလ်ပဲ လုပ်လုပ် နိဗ္ဗာန် ချမ်းသာကိုသာ တောင်းဆုပြုစေချင်ပါတယ်။
“လောကီချမ်းသာတွေဖြစ်တဲ့
လူချမ်းသာ၊ နတ်ချမ်းသာ၊ ဗြဟ္မာချမ်းသာဆိုတာတွေကို တောင့်တမယ်၊ ဆုတောင်းမယ်ဆိုရင် ဘ၀သမ္ပတ္တိ၊
ဘောဂသမ္ပတ္တိများဖြစ်တဲ့ လောကီချမ်းသာ သက်သက်ကိုပဲ ပေးစွမ်းနိုင်ပါတယ်။ လောကုတ္တရာ ချမ်းသာများဖြစ်တဲ့
မဂ်ချမ်းသာ ဖိုလ်ချမ်းသာ နိဗ္ဗာန် ချမ်းသာဆိုတာတွေကို မရရှိနိုင်ပါဘူး။ ကုသိုလ်ပြုလုပ်ပြီးတိုင်း
လောကီ၊ လောကုတ္တရာ ချမ်းသာ နှစ်ပါးစုံကိုတောင့်တမယ်၊ ဆုတောင်းမယ်ဆိုရင် အဟောသိကံ အဖြစ်သို့
မရောက်ပါမူကား လောကီ လောကုတ္တရာချမ်းသာ နှစ်ပါကိုပင် ပေးနိုင်၏။ အဟောသိကံ အဖြစ်သို့
ရောက်ပါက လောကုတ္တရာ ချမ်းသာကိုသာ ပေးနိုင်ပါတယ်။ လောကီချမ်းသာဆိုတာက အဟောသိကံ ဖြစ်သွား
နိုင်ပါတယ်။ လောကုတ္တရာချမ်းသာ အကျိူးပေးရမှာတော့ အဟောသိကံ ဖြစ်သွားတယ်ဆိုတာ မရှိပါဘူး။”
လို့ လယ်တီဆရာတော်ဘုရားကြီးက ပါရမီဒီပနီ မှာ ရှင်းလင်းပြထားပါတယ်။
အတုယူဖို့ကောင်းသော ဆုတောင်းပုံ
အမျိူးမျိူး
ဒီနေရာမှာ ပညာရှိသူတော်ကောင်းကြီးများရဲ့
ကောင်းမြတ်တဲ့ ဆုတောင်းပုံတစ်ချိူ့ကို စာချစ်သူတို့ အတုယူ ဆုတောင်းတတ်ဖို့အတွက် ဓမ္မဒါန
ပြုလိုက်ပါတယ်။
အလောင်းတော် သုမေဓာ၏ ဆုတောင်း………။
ဓမ္မနာဝံ သမာရုယှ၊ သန္တာရေဿံ
သဒေ၀ကံ၊
လူမျိူးပုံယင်၊ လှေပြည့်တင်၍၊
သင်္သရာကျယ်၊မြစ်ပင်လယ်မှ၊ ဆယ်ကယ်အားသွန်၊ ပြည်နိဗ္ဗာန်သို့၊ မကျန်ပို့ရလို၏တည်း။ (ဆုတောင်းခန်းပျိူ့၊
စာပိုဒ်-၁၈၅)
အလောင်းတော် အကိတ္တိရသေ့
ဆုတောင်း……..။
ဤသည့်ပုံည၊ ကုသလကြောင့်၊
လောဘ ဒေါသ မောဟ ကွင်းကွာ၊ သံသရာဝယ် ကျင်ပါရဘိ၊ ပညာရှိနှင့် ယှဉ်မိပေါင်းသင်း၊ ဥာဏ်မဲ့ကင်း၍၊
ပြည့်လင်းလှူဖွယ်၊ လှူစဉ်ဝယ်လည်း၊ သုံးသွယ် စေတနာ၊ ဖြောင့်ညီညာသည်၊ ခေမာအထွတ်၊ တိုင်လိုသောဝ်…………။
အလောင်းတော် ကဏှရသေ့ ဆုတောင်း…………..။
၁။ သူတစ်ပါးတို့၏ အပေါ်မှာ
အမျက်ထွက်ခြင်း ကင်းသူဖြစ်ရပါလို၏။
၂။ သူတစ်ပါးတို့၏ အပေါ်မှာ
ပြစ်မှားခြင်း အလျင်းကင်းသူဖြစ်ရပါလို၏။
၃။ သူတစ်ပါးတို့၏ စည်းစိမ်ဥစ္စာတို့အပေါ်မှာ
အဘိဇ္ဈာရှေရှု၍လိုလားမှု့အလျင်းကင်းသူဖြစ်ရပါလို၏။
၎။ မိမိစည်းစိမ်ဥစ္စာတို့မှ
တွယ်တာငြိကပ်ခြင်း သိနေဟဓာတ်မှ အလျင်းကင်းသူ ဖြစ်ရပါလို၏။
၅။ အနာရောဂါ ကင်းရှင်းသူ
ဖြစ်ရပါလို၏။
၆။ ငါဟူသော အကြောင်းကြောင့်
ဘယ်သောအခါမျှ တစ်ပါးသူအား ကာယဒွါရသည်လည်းကောင်း၊ ၀စီဒွါရသည်လည်းကောင်း၊ မနောဒွါရသည်လည်ကောင်း
ကာယဒုစရိုက်၊ ၀စီဒုစရိုက်၊ မနော ဒုစရိုက်တို့ဖြင့် မပျက်ပြားပါစေလင့်။ မဖြစ်ပွားပါစေလင့်၊
ကံသုံးပါးမှာ ကာယသုစရိုက်၊ ၀စီသုစရိုက်၊ မနောသုစရိုက်အမှု့တွေ ဖြစ်ပွားကြပါစေ။
ကျမ်းပြုအကျော် အရှင်မဟာဗုဒ္ဓဃောသ၏
ဆုတောင်း………….။
ဒေဝေါ ၀ဿတု ကာလေန၊ သဿ
သမ္ပတ္တိ ဟေတု စ၊ ဖိတော ဘ၀တု လောကော စ၊ ရာဇာ ဘ၀တု ဓမ္မိကော။
သဒ္ဓမ္မသုံးဖြာ သာသနာ အဓွန့်ရှည်ပါစေ၊
သတ္တ၀ါအားလုံး ဓမ္မကို ရိုသေလေးစားစွာ လိုက်နာ ကျင့်သုံးနိုင်ကြပါစေ။ လိုက်နာကျင့်သုံး၍
ဝိမုတ္တိရသ (နိဗ္ဗာန်ချမ်းသာ)ကိုခံစားနိုင်ကြပါစေ။ မိုးမင်းသည် ရွာသင့်သည့်အခါ၌ ကောင်းစွာ
ရွာသွန်းပါစေ။ ပြည့်ရှင်မင်းသည် ရှေးမင်းကောင်း မင်းမြတ်များကဲ့သို့ ပြည်သူများကို
မိမိ၏သား သမီးရင်းများပမာ ကရုဏာဖြင့် စောင့်ရှောက်နိုင်ကြပါစေ။
ဒီပဲယင်း ဆရာတော်ဘုရားကြီး၏
ဆုတောင်း……………။
ပရေသံ ဟိတ မိစ္ဆေယျံ၊ ဟိတံ
မေ ဣစ္ဆိတံ ပရော၊ နာညဿ ဒုက္ခမိစ္ဆေယျံ၊ မာ မေ ဒုက္ခံ ဣစ္ဆိတံ ပရော။
၁။ ငါသည် သူတစ်ပါးတို့၏
အကျိူးစီးပွားကို လိုလားနှစ်သက် ဆောင်ရွက်နိုင်ရပါလို၏။
၂။ သူတစ်ပါးကလည်း ငါ၏
အကျိူးစီးပွားကို လိုလားနှစ်သက် ဆောင်ရွက်နိုင်ကြပါစေ။
၃။ ငါသည် အခြားတစ်ယောက်သောသူ၏
ကိုယ်စိတ်နှစ်ပါး ဆင်းရဲပင်ပန်းခြင်းကို မလိုလား မနှစ်သက် မဆောင်ရွက်ရပါစေနှင့်။
၎။ သူတစ်ပါးကလည်း ငါ၏
ကိုယ်စိတ်နှစ်ပါး ဆင်းရဲပင်ပန်းခြင်းကို မလိုလား မနှစ်သက် မဆောင်ရွက်နိုင်ပါစေနှင့်။
နဟိံသေယျံ ပရံ ပါဏံ၊
မာ မံ ၀ိဟေသတံ ပရော၊ န စ ဘဝေ အဟံ ဝေရီ၊ မာဝေရီ ဟောတု မေ ပရော။
၅။ ငါသည် တစ်ပါးသော သတ္တ၀ါကို
မညှင်းဆဲ မနှိပ်စက်ရပါစေလင့်။
၆။ သူတစ်ပါးကလည်း င့ါကို
မညှင်းဆဲ မနှိပ်စက်ပါစေနှင့်။
၇။ ငါသည် သူတစ်ပါးတို့၏
ရန်သူ ဘယ်လိုနည်းနှင့်မျှ မဖြစ်ပါရပါစေလင့်။
၈။ သူတစ်ပါးကလည်း ငါ၏
ရန်သူ ဘယ်လိုနည်းနှင့်မျှ မဖြစ်ပါစေနှင့်။
ကုမ္မဂ္ဂဉ္စ ၀ိဝေဇ္ဇေတွာ၊
သုမဂ္ဂံ ယန္တု ပါဏိနော။ဝင်္ကဉ္စာဟံ ၀ိဝေဇ္ဇေတွာ၊ ဥဇုံ သုမဂ္ဂကော ဘဝေ။
၉။ လူအပေါင်းသည် လမ်းဆိုးလမ်းကောက်ကို
ရှောင်ရှား၍ လမ်းကောင်း လမ်းဖြောင့်ကို လိုက်နိုင်ကြပါစေ။
၁၀။ ငါသည်လည်း လမ်းဆိုး
လမ်းကောင်းကို ဖယ်ကြဉ်၍ လမ်းကောင်းလမ်းဖြောင့်ကို လိုက်နိုင်သည့်ကို ဖြစ်ရပါလို၏။
သီတဂူဆရာတော်၏ ဆုတောင်း…………..။
ဤသို့ပြုရ မြတ်ပုညကြောင့်၊
ဘ၀ထိုထို နောက်အဟိုဝယ်၊ င့ါကိုယ်ကြောင့်သာ၊ သူတို့မှာလျှင်၊ နှစ်ဖြာ ကိုယ်စိတ် တစ်စိတ်စိတ်မျှ၊
ဆင်းရဲဒုက္ခ၊ မဖြစ်ကြပါစေနှင့်။
ငါတို့ဖြစ်ရ၊ ဤလောက၀ယ်၊
ဘ၀သမိုင်း၊ မရိုင်းစေရန်၊ စိတ်မာန်မချ၊ မာနမပါ၊ တို့စွမ်းရာဖြင့်၊ တို့သာသနာ၊ တို့ပြည်ရွာကို၊
သာယာစေမှု၊ လုံ့လပြုအံ့…….။
ဒါကြောင့်.........စာချစ်သူ...........။ကောင်းမှု့တွေပြုလုပ်ပြီး
မှန်ကန် မြင့်မြတ်တဲ့ တောင်းဆုတွေကို တောင်းဆုချွေဖို့ မမေ့ပါနဲ့။
(ဥယျာဉ်မှူးလေး)
ကျမ်းကိုး။ ။
လယ်တီဆရာတော်ဘုရားကြီး၏
ပါရမီဒီပနီ
မင်းကွန်းဆရာတော်ဘုရားကြီး၏
ဆဌသံဂါယနာတင် အမေးအဖြေ (ကဏှဇာတ်)
မင်းကွန်းဆရာတော်ဘုရားကြီး၏
ဟောစဉ်တရားတော် (ပဉ္စမတွဲ)
အရှင်ကေလာသာ၏ ဓမ္မအမေးအဖြေများ
မောင်လွမ်းနွယ်( အောင်လံ)၊
ဒီပဲယင်းဆရာတော်ဘုရားကြီး၏ ဆုတောင်းမေတ္တာ ၁၀ ပါး
.jpg)
