လူသစ် စိတ်သစ် နှစ်သစ်

လူသစ် စိတ်သစ် နှစ်သစ်

အတွေးမှားနေသူသည်

အနှစ်မဲ့ကို အနှစ်ရှိဟုထင်၏။
အနှစ်ရှိကို အနှစ်မဲ့ဟုထင်၏။
ထို့ကြောင့် အစစ်အမှန်
အနှစ်သာရကို မတွေ့ရှိနိုင်ပေ။
အတွေးမှန်သူသည်
အနှစ်ရှိသည်ကို
အနှစ်ရှိသည်ဟု သိ၏။
အနှစ်မဲ့သည်ကို
အနှစ်မဲ့ဟု သိ၏။
ထို့ကြောင့် အစစ်အမှန်
အနှစ်သာရ တွေ့ရှိနိုင်လေ၏။
(ဓမ္မပဒ)

နှစ်စဉ် ဇန်န၀ါရီလ ၁ ရက် နေ့သည် ခရစ်နှစ် နှစ်သစ်ကူး ဖြစ်၍ ဧပြီလ ၁၇ ရက်၊ သို့မဟုတ် ၁၈ရက် သည် မြန်မာနှစ်သစ်ကူး ဖြစ်သည်။ သင်္ကြန်အကြတ်နေ့က တစ်ရက်တည်း ဆိုလျှင် ဧပြီလ ၁၇ ရက်သည် ပုံမှန် နှစ်ဆန်းတစ်ရက်နေ့ကျသည်။ တစ် ခါတစ်ရံ သင်္ကြန်အကြတ်က နှစ်ရက်ဖြစ်သွားလျှင် နှစ်ဆန်းတစ်ရက်က ၁၈ ရက်နေ့ ဖြစ်သွားသည်။ မြန်မာနှစ်ကူးသည် အဘယ်ကြောင့် မြန်မာရက်နှင့် မသတ်မှတ်ပါသနည်း။

၁၂ လကို တစ်နှစ်ဟု သတ်မှတ်ထားရာ ၁၂ လ ကုန်တိုင်း ကုန်တိုင်း နှစ်ကူးလျှင် နှစ်သစ်ကူးဟု ခေါ်ကြသည်။ ကျန်ခဲ့သော နှစ်ကို နှစ်ဟောင်း၊ ပြောင်းရမည့် နှစ်ကို နှစ်သစ်၊ ထိုသို့ သတ်မှတ်ကြသည်။ ထို နှစ်သစ်ကူးပွဲတော်ကိုလည်း သူ့လူမျိုး၊ သူ့နိုင်ငံ၊ သူ့ဘာသာ၊ သူ့ဓလေ့အရ ပျော်ပွဲရွှင်ပွဲများ ဆင်နွှဲ၍ နှစ်သစ်ကို ကြိုဆိုကြသည်။ နှစ်တွေက နှစ်ကူးတိုင်းကူးတိုင်း သစ်ခဲ့သည်။ လူကကောလိုက်၍ သစ်ပါရဲ့လား။ စိတ်ကကောလိုက်၍ သစ်ပါရဲ့လား။

လူအများစု အသစ်ကို နှစ်သက်ကြသည်။ အပြင်ထွက်လျှင် အ၀တ်အစား အသစ်တွေ ၀တ်ဆင်၍ ထွက်ကြသည်။ဖိနပ်အသစ်လေးကို ချ၍စီးသည်။ အခြား အသုံးအဆောင် ပစ္စည်းလေးတွေကိုလည်း အသစ်ကိုပဲ သုံးစွဲကြသည်။ငွေကြေးတတ်နိုင်သူများက အိမ်သစ်၊ တိုက်သစ်နှင့် နေကြသည်။ မော်ဒယ်လ်မြင့် ကားအသစ်ကို ၀ယ်စီးကြသည်။ ပစ္စည်းဟူသမျှ အားလုံး အသစ်ကျပ်ချွတ်ကို သုံးစွဲကြသည်။ လူကသာ မသစ်ချင်နေမည်။ စိတ်ကသာ မသစ်ချင်နေမည်။ ပစ္စည်းကို တော့ အသစ်မှသုံးကြသည်။

အသစ်တွေ ဘယ်လိုကောင်းသော်လည်း အဟောင်းကို တလည်လည် ဟူသော ဆိုစကားကလည်း ရှိသေးသည်။ ဆန်ဟောင်းနှင့်ဆန်သစ်၊ ဆန်ဟောင်းက ဈေးပိုသည်။ ရှေးဟောင်းပစ္စည်းတွေ တော်တော် တန်ဖိုးကြီးသည်၊ မကြာမီက ဂျာနယ် တစ်စောင်မှာ ဖတ်လိုက်ရသည်၊ အင်္ဂလန်မှာ အိမ်ရှင်းရင်း အမှိုက်ပုံထဲကနေ ထွက်လာသည့် ၁၈ ရာစုလောက်က တရုတ်ပန်းအိုးတစ်လုံး လေလံတင်၍ ရောင်းချရာ ပေါင် ၂၄ သန်း ရသတဲ့။ နားတောင် မလည်နိုင်အောင်ပင်။ ထို ပစ္စည်းက ဘယ်လောက်များ အသုံးကျ၍ ဤမျှတန်ဖိုးရှိနေပါသနည်း။ ရှေးဟောင်းဘုရားဆင်းတုတွေ အလွန်တန်ဖိုးကြီးသည်။ ရှေးဟောင်းပန်းချီကားတွေ အလွန်တန်ဖိုးကြီးသည်။ ထို့ကြောင့် ကြာလေကောင်းလေ၊ ဟောင်းလေသစ်လေ ဟူသော ဆိုရိုးစကား ပေါ်လာလေသလား။

'နိစ္စံ န၀ါဝ သင်္ခါရာ' ဟူသော ဒေသနာပါဠိအရ ဥပါဒ် ဌီ ဘင်ဟူ သော ခဏသုံးပါးနှင့်ကြည့်က အားလုံး ဖြစ်တည်ပျက်၊ ဖြစ်တည်ပျက်မို့ အဟောင်းဟူ၍ဘာတစ်ခုမျှမရှိ၊ အားလုံး အသစ်ချည်းသာတည်း။ ထိုပါဠိကို တောင်မြို့ဆရာတော်က အနက် ပြန်ရာတွင် 'သင်္ခါရာ-ရုပ်နာမ် သင်္ခါရတရားတို့သည်၊ နိစ္စံန၀ါဝ- အမြဲ ဖြစ်လျက် အသစ်စက်စက်တို့ချည်းသာတည်း'ဟု အနက် မြန်မာပြန်ခဲ့သည်။ ဖြစ်တည် ပျက်ပျောက်၊ ဖြစ်တည်ပျက်ပျောက်မို့ ဖြစ်သမျ ရုပ်တွေနာမ်တွေသည် အဟောင်း အဟောင်းဟူ၍ ဘာတစ်ခုမျှ မရှိ။ အားလုံး အသစ်အသစ်တွေချည်းပင် ဖြစ်သည်။ အတွေးအမြင်၌ ဆရာ တစ်ယောက်က 'အတွေးသစ်ဆိုတာ မရှိ' ဟူ၍ ရေးထားရာ ဤဒေသနာ ပါဠိကို သတိပြုဖို့သင့်သည်။

ရက်ကွက်တစ်ခု၌ မျက်နှာစိမ်းတွေ ပြောင်းရွှေ့လာလျှင် လူသစ်တွေဟု ပြောကြသည်။ လုပ်ငန်းခွင် တစ်ခုခုမှာလည်း နောက်မှ နောက်မှ ရောက်လာသူတွေကို လူသစ်တွေဟု ပြောကြသည်။ တချို့ လူသစ်တန်းဟု ခေါ်သည်လည်း ရှိသည်။ တချို့ သိပ်မမြင်ဖူးသော မျက်နှာစိမ်းများကိုလည်း မျက်နှာသစ်ဟု ခေါ်ကြသည်။ နေရာအသစ်ကြောင့် လူသစ် ဖြစ်ရလေသလော၊ အလုပ်အသစ်ကြောင့် လူသစ် ဖြစ်ရလေသလော၊ တချို့ ပြီးခဲ့သော အကောင်းအဆိုး အခြေအနေတွေကို ထားခဲ့ပြီး အလုပ်သစ်တစ်ခု စလုပ်လျှင် ဘ၀သစ် ပြန်စသည်ဟု ဆိုကြသည်။ အမိဝမ်းက ကျွတ်ကျွတ်ချင်း အနေအထားကိုတော့ ဘ၀သစ်ဟု မခေါ်ဝေါ်၊ အမှန်က အမိဝမ်းက ကျွတ်ကျွတ်ချင်း ထိုအခိုက်အတန့်က ဘ၀သစ်စခဲ့သည် မဟုတ်လော။

အဟောင်းအဟောင်းတွေ၌ အကောင်းအကောင်းတွေ ရှိသည် မှန်သော်လည်း အများစုကတော့ အသစ်မှ ကြိုက်ကြသည်ကား အမှန်ပင်။ အသစ် အသစ်မှ ကြိုက်သူတွေ မိမိတို့ ကိုယ်တိုင်ကော ဘာတွေများ သစ်ပါသနည်း။ လူကောသစ်ပါ၏လော။ စိတ်ကောသစ်ပါ၏လော။ နှစ်သစ်တွေ၊ နှစ်သစ်တွေ နှစ်တိုင်း ကျော်ဖြတ်ခဲ့ကြသည်။ လူကား သစ် မသစ် စိတ်ကား သစ် မသစ်၊ ပြန်လည်ဆန်းစစ်ဖြစ် ပါ၏လော။

ကာလာချိန်းတိုင်း၊ ကာလာချိန်းတိုင်း သစ်နေပေလိမ့်မည်။ နှစ်သစ်ချင် သစ်၊ မသစ်ချင်နေ၊ လူသစ်ချင်သစ်၊ မသစ်ချင်နေ စိတ်ကတော့ သစ်နေဖို့ လိုအပ်သည်။ စိတ်သာရှင်စော ဘုရားဟော။ အရာရာ စိတ်သာပဓာနမို့ စိတ်သစ်ဖို့သာ အရေးကြီးသည်။

'အာရမ္မဏံ စိန္တေတီတိ စိတံ္တ' ဟူသော ၀ိဂြိုဟ်အရ အာရုံကို ကြံစည်တတ်၊ တွေးတော တတ်သောကြောင့် 'စိတ်'ဟု ခေါ်ရသည်။ စိတ်ကို အတွေးများနှင့် တည်ဆောက်ထားသည်။ 'လူကြံရင်းသေ၊ ငှက်ပျံရင်းသေ'ဟူသော ဆိုရိုးစကားကို ကြည့် လျင်လည်း လူဟူသည်မှာ အတွေးသမား၊ အကြံသမားတွေသာ ဖြစ်သည်။ တစ်ခုခုတော့ သူကြံနေသည်။ တစ်ခုခုတော့ သူတွေးနေသည်။ ထိုသို့ တွေးရင်းကြံရင်းနှင့်ပဲ လူသည် အသက်ထွက်ရသည်။ ထို့ကြောင့် 'လူကြံရင်း သေ'ဟု ဆိုရိုးစကား ထားခဲ့ကြသည်။

နှစ်သစ်၊ လူသစ် ဘာတွေ ဘယ်လိုသစ်သစ်၊ အရေးကြီးတာကတော့ စိတ်သစ်ဖို့သာ လိုရင်း ဖြစ်သည်။ စိတ်သစ်မှသာ လောကသစ်ကို တွေ့ရှိလိမ့်မည်။ စိတ်ဟောင်းချည်းနှင့်သာ တလည်လည် ဆိုလျှင်တော့ ခေတ်ဟောင်းကိုပဲ ပြန်ရောက်ဦးမည်။ လောကဟောင်းကိုပဲ ပြန်ရောက်ဦးမည်။ စိတ်ကိုအတွေးက ပြဋ္ဌာန်းတာဆိုတော့ စိတ်သစ်ဖို့အတွက် အတွေးသစ်ရပါလိမ့်မည်။ အတွေးသစ်မှသာ စိတ်ကလည်း သစ်ပါလိမ့်မည်။

အတွေးကို ပါဠိလို သင်္ကပ္ပဟုလည်း ခေါ်၏။ ၀ိတက်ဟုလည်း သုံး၏။ ၀ိတက်ကိုတော့ အများသိကြပါသည်။ ထိုအတွေးသည် သမ္မာနှင့် မိစ္ဆာ နှစ်မျိုးသာရှိ၏။ အတွေးက သမ္မာ ဖြစ်လျှင် မှန်ကန်၏။ သမ္မာဖြစ်လျှင် သစ်၏။ အတွေးက မိစ္ဆာဖြစ်လျှင် မှားယွင်း၏။ မိစ္ဆာဖြစ်လျှင် ဟောင်းနွမ်း၏။ ကာမ၀ိတက်၊ ဗျာပါဒ၀ိတက်၊ ၀ိဟိံသာဝိတက် သုံးမျိုးတို့သည် မိစ္ဆာဝိတက်များ ဖြစ်ကြ၏။ သူတို့နှင့် ဆန့်ကျင်ဘက် နေက္ခမ္မ၀ိတက်၊ အဗျာပါဒ၀ိတက်၊ အ၀ိဟိံသာဝိတက် သုံးမျိုးတို့သည် သမ္မာဝိတက်များ ဖြစ်ကြ၏။

သတ္တ၀ါတွေ (မိမိတို့တစ်တွေ) သံသရာတစ်လျှောက်လုံး အဘယ်အတွေးတွေများ တွေးခဲ့ကြ ပါသနည်း။ ကာမ၀ိတက်၊ ဗျာပါဒ၀ိတက်၊ ၀ိဟိံသာဝိတက် တို့သာ အတွေးများခဲ့ကြ၏။ ထို့ကြောင့် ထိုဝိတက် သုံးမျိုးတို့သည် သံသရာအဆက် ဘ၀အဆက် ဆက် တွေးလာခဲ့ကြသဖြင့် ဟောင်းနေ၊ ဆွေးနေ၊ မြည့်နေသော အတွေးဟောင်းများသာ ဖြစ်ကြလေ၏။ ရှေးဟောင်းပစ္စည်းတွေ အဘယ်မျှပင် ဟောင်းနေပါစေ ဤအတွေးဟောင်းများ လောက်တော့ ဟောင်းလိမ့်မည် မဟုတ်ပေ။ ရှေးဟောင်းပစ္စည်းတွေက နှစ်ပရိစ္ဆေဒ ခန့်မှန်းတွက်ချက်၍ ရသေး၏။ ဤအတွေးဟောင်းတွေက  နှစ်ပရိစ္ဆေဒ မည်သို့မျှ ခန့်မှန်းတွက်ချက်၍ မရပေ။

ကာမ၀ိတက်ဟူသည် ကာမကို တွေးခြင်း ဖြစ်၏။ ကာမဟူသည် လိုချင်စရာ တပ်မက်စရာ ဆွဲဆောင်မှု အပြင်းစား၊ သက်ရှိသက်မဲ့ အာရုံငါးမျိုးလုံးကို ခေါ်၏။ ရဖို့တွေးခြင်း၊ ယူဖို့တွေးခြင်း၊ သာယာခံစားဖို့တွေးခြင်း၊ ငါ့ဖို့တွေးခြင်း၊ ငါ့မိသားစု၊ ငါ့အသိုင်းအ၀ိုင်း၊ ငါနီးစပ်ရာ၊ ငါ့အုပ်စုအတွက် တွေးခြင်း စသော အတ္တနယ်နိမိတ်အတွင်းမှ တွေးခြင်း ဟူသမျှသည် ကာမ၀ိတက်များပင် ဖြစ်ကြ၏။

ဂုဏ်ရဖို့တွေးခြင်း၊ လာဘ်ရဖို့တွေးခြင်း၊ ထင်ပေါ်ကျော်ကြားဖို့တွေးခြင်း တို့သည်လည်း ကာမ၀ိ တက်များပင် ဖြစ်သည်။ အချီးကျူးခံရဖို့၊ ဂုဏ်ပြုခံရဖို့၊ အပူဇော်ခံရဖို့၊ အပသခံရဖို့၊ အလေးအမြတ်ပြုခံရဖို့၊ ကျော်ကြားအောင်မြင်ဖို့ တွေးခြင်းများသည်လည်း ကာမ၀ိတက်၏ အနွယ်များပင် ဖြစ်ကြ၏။ ကာမ၀ိတက်ဟူသည် နယ်ကျယ်လှ၏။ ကာမဘုံ သား အများစုကလည်း ကာမကိုသာ စိတ်ဝင်စားကြလေတော့ ကာမ၀ိတက်နှင့်ပဲ အချိန်ကုန်ကာ အတွေးဟောင်းထဲမှ ရုန်းမထွက်နိုင်ဘဲ ရှိကြလေ၏။

ဗျာပါဒ၀ိတက်ဟူသည် သတ်ဖြတ်ဖို့၊ ဖျက်ဆီးဖို့၊ သူတစ်ပါး ပျက်စီးရာပျက်စီးကြောင်းကို တွေးတောခြင်း ဖြစ်၏။ ၀ိဟိံသာဝိတက်ဟူသည် ညှဉ်းပန်းနှိပ်စက်ဖို့၊ ဒုက္ခပေးဖို့၊ ချောက်တွန်းဖို့ တွေးတောခြင်း ဖြစ်၏။ ဤ၀ိတက်နှစ်ခုကတော့ အဖြစ် နည်းနိုင်ပါ၏။ အဖြစ်များတာကတော့ ကာမ၀ိတက်သာဖြစ်၏။ ကာမဘုံသားသည် ကာမကိုသာ သူ အဓိက စိတ်ဝင်စား၏။

အတွေးသစ်ဟူသည် နေက္ခမ္မ၀ိတက်၊ အဗျာပါဒ၀ိတက်၊ အ၀ိဟိံသာဝိတက်ဟူသော သမ္မာသင်္ကပ္ပ၊ သမ္မာဝိတက် သုံးမျိုးဖြစ်၏။ ကာမ၀ိတက်က လောဘနှင့်တွေးခြင်း ဖြစ်၏။ ရဖို့၊ ယူဖို့၊ ပိုင်ဆိုင်ဖို့သာ တွေး၏။ နေက္ခမ္မ၀ိတက်က အလောဘနှင့် တွေးခြင်း ဖြစ်၏။ စွန့်လွှတ် အနစ်နာခံဖို့၊ ကူညီ ရိုင်းပင်းဖို့သာ တွေး၏။ ကာမ၀ိတက်က ငါ့ဖို့သာတွေး၏။ နေက္ခမ္မ၀ိတက်က သူဖို့ပါထည့်၍တွေး၏။ ကာမ၀ိတက်က အသာစံဖို့တွေး၏။ နေက္ခမ္မ၀ိတက်က အနာခံဖို့ တွေး၏။ ကာမ၀ိတက်က အတ္တဟိတ ကို တွေး၏။ နေက္ခမ္မ၀ိတက်က ပရဟိတကိုတွေး၏။ အဗျာပါဒ၀ိတက်က မေတ္တာနှင့် ယှဉ်၍ တွေး၏ အ၀ိဟိံသာဝိတက်က ကရုဏာနှင့်ယှဉ်၍ တွေး၏။

ဤနေက္ခမ္မ၊ အဗျာပါဒ၊ အ၀ိဟိံသာဟူသော သမ္မာဝိတက် သုံးမျိုးသည် အမြဲတမ်း တွေးနေနိုင်သည် မဟုတ်၊ တစ်ခါတစ်ခါမှသာ တွေးဖြစ်၏။ ထို့ကြောင့် သူတို့သည် ဟောင်းသွား၊ နွမ်းသွားသည် ဟူ၍ မရှိ။ အမြဲတမ်း သစ်လွင်တောက်ပြောင်နေ၏။ ဥပမာ-အပြင်ထွက်မှ သို့မဟုတ် ပွဲလမ်းရှိမှ ထုတ်၍၀တ်သော ၀တ်ကောင်း စားကောင်းများနှင့် တူ၏။ ကာမ၊ ဗျာပါဒ၊ ၀ိဟိံသာဟူသော မိစ္ဆာဝိတက် သုံးမျိုးကတော့ အိမ်မှာ အမြဲဝတ်နေသော အ၀တ်အစားအဟောင်းများနှင့် တူကြ၏။

စိတ်ဟူသည်မှာ သူချည်း သက်သက် အသစ်လည်းမဟုတ်၊ အဟောင်းလည်း မဟုတ်။ စိတ်ကို အတွေးများကသာ ချယ်လှယ်လေတော့ လောဘဒေါသတို့ မောင်းနှင်ရာနောက်လိုက်ကာ လောဘနှင့်ပေါင်းတွေး၊ ဒေါသနှင့်ပေါင်းတွေးဆိုလျှင်တော့ အတွေးဟောင်းတွေကိုသာ ထပ်ချည်း တလဲလဲ တွေးနေသဖြင့် စိတ်ကလည်း မည်သို့မျှ သစ်၍မလာနိုင်ပေ။ သစ်လွင် တောက်ပ၍ မလာနိုင်ပေ။ စိတ်ဟောင်း၊ စိတ်နွမ်း၊ စိတ်ဆွေးတို့သာ ဖြစ်နေကြပေလိမ့်မည်။

စိတ်သစ်ဖို့ဆိုလျှင် လောဘ၊ ဒေါသတွေနှင့်သာ အမြဲ ပေါင်းသင်းမနေဘဲ တစ်ခါတစ်လေ လောဘနှင့် ခွဲ၊ ဒေါသနှင့်ခွဲကာ အလောဘနှင့်တွဲ၊ အဒေါသနှင့် ပေါင်းပေးရမည်။ ငါ့ဖို့မှ သူ့ဖို့သို့၊ ငါ့အကျိုးစီးပွားမှ သူ့အကျိုးစီးပွားသို့ အတ္တမှ အနတ္တသို့၊ အတ္တမှ ပရသို့ အတ္တဟိတမှ ပရဟိတသို့ အနည်းစုမှ အများစုသို့၊ အကျဉ်းမှအကျယ်သို့၊ အတိုမှအရှည်သို့၊ အပူမှအအေးသို့၊ မငြိမ်းချမ်းရာမှ ငြိမ်းချမ်းရာသို့၊ မကျေမနပ်မှ ကျေကျေနပ်နပ်သို့၊ မစုမစည်းမှ စုစုစည်းစည်းသို့၊ စိတ်အေးအေးထားကာ ခေါင်းအေးအေးထားကာ စဉ်းစား၍၊ ဆင်ခြင်၍၊ မြော်မြင်၍ တွေးပေးမည် ဆိုပါက အတွေးများသစ်၍ စိတ်ပါသစ်ပါလိမ့်မည်။

ထိုအခါ နှစ်သစ်နှင့် လိုက်ဖက်ညီစွာ လူသစ်၊ စိတ်သစ် ဖြစ်လာပါလိမ့်မည်။ လူသစ်၊ စိတ်သစ်နှင့်သာ ခေတ်သစ်ကို ထူထောင်နိုင်ပါလိမ့်မည်။

အရှင်သံဝရာလင်္ကာရ (ဓမ္မပိယဆရာတော်) 
Eleven Media Group

နှစ်သစ်မှာ ဘဝတွေသစ်လွင်ကြပါစေ

မကြာမီသောရက်တွင် အတာသင်္ကြန်ကုိုရောက်တော့မည်။ အတာ သင်္ကြန်တွင် မြန်မာတုို့ရုိုးရာ ဓလေ့အတုိုင်း နှစ်သစ်ကူးပွဲတော်ကုို ပျော်ရွှင်စွာကျင်းပကြတော့မည်။ အတာသင်္ကြန်သည်

 မြန်မာတုို့ အဖုို့ သမုိုင်းစဉ်ဆက်ကျင်းပခဲ့၍ စွဲလမ်းရသော နှစ်သစ်ကူးပွဲတော်ပင်ဖြစ်သည်။ လူမျိူးအသီးသီးနုိုင်ငံအသီးသီးသည် မိမိတုို့၏သတ်မှတ်ချက်အရ နှစ်သစ်ကုိုကြိူဆုိုကြသည်။ ပျော်ပွဲရွှင်ပွဲများကျင်းပကြသည်။ ထုိုသုို့ နှစ်သစ်ကုို ကူးကြ ကြိူဆုိုကြသည်အခါ လူတစ်ဦးနှင့် တစ်ဦးမတူကြချေ။

အချို့က ဘာသာရေးအရ ဒါန သီလ ဘာဝနာများဖြင့်ကူးကြသလုို အချို့ကပျော်ပွဲရွှင်ပွဲများဖြင့် ကြိူဆုိုကြသည်။ အချို့က အပန်းဖြေခရီးထွက်ခြင်းနှင့်အချို့က ဘုရားဖူးခရီးထွက်ခြင်းတုို့ဖြင့် နှစ်သစ်ကုို ကူးကြပြန်သည်။ အချို့က ဘာမှမလုပ်ဘဲ အိမ်တွင်အေးအေးဆေးဆေး နေထုိုင်ကြသည် များလည်းရှိကြသည်။ မည်သုို့ဖြစ်စေ သတ်မှတ်ချက်အရ နှစ်ကာလ အသစ်တစ်ခု ဆီသုို့ 

ပြောင်းသွားရသည်မှာတော့အမှန်ပင်ဖြစ်သည်။ အမှန်စင်စစ် သူ့အလုိုလုိုလည်ပတ်နေသော ကမ္ဘာ့ဖြစ်စဉ် ဥတုနိယာမဖြစ်စဉ် စကြာဝဠာဖြစ်စဉ်သဘာဝနိယာမကုို လူသားများက နှစ်များ လများ ရက်များသတ်မှတ်၍ဘဝခရီးကုို ဆက်နေကြသည်ဟု မြင်မိသည်။ 

  ထုို့ပြင် လူသားအများစု၏သဘာဝသည် အသစ်ဆုိုလျှင်တမ်းတတတ်ကြသည်။ လုိုချင်မက်မောတတ်ကြသည်။ ပစ္စည်းကုိုလည်း အသစ်လုိုချင်သည်။ အိမ်ထောင်ဖက်ကုိုလည်း အသစ်လုိုချင်သည်။ နှစ်သစ်ကုိုလည်း သဘောကျကြသည်။ အနုပညာတွင်လည်း ဆန်းသစ်မှုကုို ကြိုက်နှစ်သက်ကြသည်ပင်။ အစုိုးရများတွင်လည်း သစ်လွင်တောက်ပသော ထက်မြက်သော အစုိုးရကုိုသာလုိုချင်ကြသည်။ ဤသုို့စသည်ဖြင့် အသစ်မှန်သမျှကုို အများစုက တမ်းတကြ လေသည်။ အကြောင်းမှာ အသစ်ဟူသောသဘောတွင် သစ်လွင်သန့်စင်ခြင်း သဘော ပါဝင်နေသောကြောင့်ပင်ဖြစ်သည်ဟု ကောက်ချက်စွဲမိသည်။

 မှန်၏။ အဟောင်းဆုိုလျှင် ညစ်နွမ်းပြီးဖြစ်သည်၊ သုံးစွဲပြီးဖြစ်သည်၊ သန့်စင်သစ်လွင်သော သဘောမရှိဟု အများစုက သတ်မှတ်ထားကြလေသည်။ လူသား၏သဘာဝသည် သန့်စင်ခြင်း သစ်လွင်ခြင်း တောက်ပခြင်း ထက်မြက်ခြင်းကုို ဗီဇအရလုိုလားကြသောကြောင့် ဤသို့ အသစ် အသစ်များကုို တမ်းတကြသည်ဟု ယူဆမိသည်။ လူသား၏မူလဗီဇသဘာဝအရ သစ်လွင် သန့်စင် မှုကုို လုိုလားကြသော်လည်း မိမိတုို့၏နေ့စဉ်ဘဝများတွင် အမြဲလုိုလုိုညစ်နွမ်းနေကြသည်က များနေမည်ထင်သည်။ 

  မြတ်ဗုဒ္ဓ၏ဓမ္မအရဆုိုလျှင် စိတ်သစ်နေဘုို့သာ ပဓာနဖြစ်သည်။ မှန်၏။ စိတ်သစ်လျှင် စကားလည်းသစ်မည်။ အလုပ်လည်းသစ်မည်။ သုို့ဆုိုလျှင် ဘဝလည်းသစ်နေမည်သာဖြစ်သည်။ ဘဝသစ်နေလျှင် အမြဲတန်းနေ့တွေသစ်နေပေတော့မည်။ လတွေလည်းသစ်နေပေတော့မည်။ လတွေသစ်နေလျှင် ကမ္ဘာတည်သရွေ့  နှစ်သစ်တွေသာဖြစ်နေပေတော့မည်။ သုို့ဖြစ်လျှင် ဤကမ္ဘာ ဤလောကသည်အစဉ်အမြဲသစ်လွင်၍တုိုးတက်နေမည်သာဖြစ်သည်။

 ထုို့ကြောင့် မိမိတုို့ရွှေမြန်မာများနှစ်သစ်ကူးကြသောအခါ မြတ်ဗုဒ္ဓ၏ဓမ္မနည်းလမ်းအရ ပြည့်ပြည့်ဝဝကူးနုိုင်ကြလျှင် ကမ္ဘာတွင်စံပြနှစ်သစ်ကူးပွဲတော်ဖြစ်မည်ဟု ယုံကြည်မိသည်။ အမှန်စင်စစ် မြတ်ဗုဒ္ဓသည် နှစ်သစ်ကူးတရားဟူ၍ သီးသန့်ဟောကြားတော်မမူခဲ့ပေ။ စိတ်ထားသစ်ရေး စကားသစ်ရေး အလုပ်သစ်ရေး ဘဝသစ်ရေးကုိုသာ လမ်းညွှန်တော် မူခဲ့လေသည်။ အထူးသဖြင့် နှစ်သစ်ကူးကောင်းဖုို့ထက် ဘဝသစ်ကူးကောင်းဖုို့နှင့် လက်ရှိဘဝသစ်လွင်ဖုို့တုို့ကုိုသာဟောကြားတော်မူခဲ့ပါသည်။ 

   မြတ်ဗုဒ္ဓ၏ဓမ္မအရ ဤစကြာဝဠာတွင် လူသားသည်သာ တန်ဘုိုး အကြီးမားဆုံး ဖြစ်သည့်ပြင် လူသားသည်သာပဓာနဖြစ်သောကြောင့် လူများသစ်လွင်နေဖုို့သာပဓာနဖြစ်လေသည်။ လူသားများသာသစ်လွင်နေပါလျှင် ဤကမ္ဘာသည်တာဝတိံသာဘုံနှယ် တင့်တယ်နေပေလိမ့်မည်။ မှန်၏။ လူသား၏စိတ်ထားများသာ သစ်လွင်သန့်စင်နေပါက သဘာဝတောတောင်တုို့သည်လည်း ညုို့ညုို့မှိုင်းမှိုင်းဖြင့် အုံ့ဆုိုင်းကာသာယာနေပေမည်။ သဘာဝမြစ်ချောင်းအင်းအုိုင်တုို့သည်လည်း လူသားတုို့၏ရက်စက်မှု ကန့်သတ်မှု မတရားအဆင်ခြင်မဲ့စွာအသုံးပြုမှုတုို့မရှိဘဲ သဘာဝအတုိုင်းပင် လွတ်လပ်စွာစီးဆင်းခွင့်ကုိုရကြပေမည်။

သဘာဝပတ်ဝန်းကျင်လည်း ပျက်စီးဆုံးရှုံးမှုမဖြစ်နုိုင်တော့ ပေ။ သုို့ဆုိုလျှင် မပျက်စီးသော သဘာဝ ပတ်ဝန်းကျင်တွင် လူသားသည် သက်ရှည်ကျမ္မာ သာယာစွာ နေထုိုင်နုိုင်ပေလိမ့်မည်။ အထူးသဖြင့် လှပသောသဘာဝတောတောင် အင်းအုိုင် မြစ်ချောင်းများနှင့် အနီးကပ်နေထုိုင်ကြရသော လူများသည် ဖြူစင်ရုိုးသားကြသည်ကိုတွေ့ရသည်။ မှန်၏။ သဘာဝတောတောင်ကုို မဖျက်ဆီးဘဲ ချစ်ခင်တန်ဘုိုးထားသောသူသည် သဘာဝဖြူစင်သောစိတ်အခံရှိလေသည်။ သဘာဝ ပတ်ဝန်းကျင်ကုို တန်ဘုိုးမထားဘဲ ဝိသမလောဘဇောတုိုက်၍ ဖျက်ဆီးသူသည် ဖြူစင် ရုိုးဖြောင့်သောစိတ် နည်းပါးပေမည် သုို့မဟုတ် ဖြူစင်မှုမရှိဟုထင်သည်။
 

    ဓမ္မပဒပါဠိတော်တွင် မနောပုဗ္ဗင်္ဂမာ ဓမ္မာ၊ မနောသေဋ္ဌာ မနောမယာ။ မနသာစေ ပသန္နေ၊ ဘာသတိဝါ ကရောတိဝါ။ တတော နံ သုခမနွေတိ၊ ဆာယာဝ အနုပါယိနီ။ Mind precedes all mental states. Mind is their chief; they are all mind-wrought. If with a pure mind a person speaks or acts, happiness follows him like his never-departing shadow. ဟူ၍ဟောတော်မူပါသည်။

ဤဒေသနာတော်ကုို ကောက်ချက်စွဲကြည့်လျှင် လူသားများ၏စိတ်ထားသည်သာ ပဓာနဖြစ်သောကြောင့်လူသားများ၏စိတ်ထားသာဖြူစင်နေပါက နေ့ရက်တွေဖြူစင်ကြပေ တော့မည်။ လတွေလည်းသစ်လွင်နေကြပေတော့မည်။ နှစ်တွေလည်း အစဉ်အမြဲဖြူစင် တောက်ပ၍သာနေပေတော့မည်။ ဘဝတွေလည်း ဖြူစင်သစ်လွင်တောက်ပနေမည်သာ ဖြစ်တော့သည်။ ထုို့ပြင် နုိုင်ငံတော်ကြီးသည်လည်း တောက်ပနေမည်ဖြစ်သလုို ဒီမိုကရေစီ သည်လည်း လင်းလက်နေမည်သာဖြစ်ပါတော့သည်။

သုို့ဖြစ်၍ နုိုင်ငံသူ နုိုင်ငံသားအားလုံး မြတ်ဗုဒ္ဓ၏ဓမ္မနည်းလမ်းဖြင့် ဓမ္မနှစ်သစ်ကို ကူးမြောက် နုိုင်ကြပါစေ၊ စစ်မှန်သောဒီမုိုကရေစီသုို့ ဦးတည်သော နှစ်သစ်ဖြစ်ပါစေသားဟု။

By Wisdom of Dhamma

Happy Chinese New Year 新年快樂

နှစ်သစ်မင်္ဂလာမှာ ကျန်းမာရွှင်လန်း ချမ်းမြေ့ပါစေ