လူငယ်နှင့် ဓမ္မ

 လူငယ်နှင့် ဓမ္မ

မေး။ ။ တရားဓမ္မက ကလေးတွေကို အကူအညီ အထောက်ပံ့ ပေးနိုင်ပါသလား။ ကလေးတွေကို ဘယ်လိုနည်းမျိုးနဲ့ တရားဓမ္မ သင်ပေးနိုင်ပါသလဲ။

ဖြေ။ ။ ကလေးတွေဟာ ဖြူစင်ကြတယ်ဆိုတာကို ဘယ်သူ ငြင်းချက်ထုတ်နိုင်ပါသလဲ။ တရားဓမ္မရဲ့ မြင့်မြတ်မှုကိုရော ဘယ်သူ ကန့်ကွက်နိုင်ပါသလဲ။ ရိုးရိုးသားသားနဲ့ ဖြေကြည့်ပါ။ တရားဓမ္မက ကလေးတွေကို အကူအညီ အထောက်ပံ့ ပေးနိုင်ပါသလားဆိုတဲ့ မေးခွန်းကိုလည်း ကိုယ့်ဟာကိုယ်ပဲ ဆက်ပြီး ဖြေကြည့်လိုက်ပါဦး။

သူတစ်ပါးကို အနှောင့်အယှက် မပေးတာနဲ့ သူတစ်ပါးကို အတတ်နိုင်ဆုံး ကူညီပံ့ပိုးပေးတာတို့ဟာ ဘုရားရှင် ဟောကြားတော်မူခဲ့တဲ့ တရားဓမ္မတွေရဲ့ အနှစ်သာရ ဖြစ်ပါတယ်။ ဒါကို တစ်ခြားဘာသာတွေကလည်း တန်ဖိုးထားကြပါတယ်။ ဘယ်ဘာသာဝင် မိဘတွေပဲဖြစ်ဖြစ် သူတို့ ကလေးတွေကို ဒီတရားတွေ ကျင့်သုံးကြစေချင်ပါတယ်။ ဘာသာဝင်တွေ အချင်းချင်း အပြန်အလှန် နားလည်ပြီး ညီညီညွတ်ညွတ် နေနိုင်တဲ့ လူ့အဖွဲ့အစည်း ဖြစ်လာဖို့ပေါ့။ 

ကလေးတွေကို ကျင့်သုံးစေချင်တယ်ဆိုရင် လူကြီးတွေက လက်တွေ့ ကျင့်သုံးပြတာ အကောင်းဆုံး ဖြစ်ပါတယ်။ လူကြီးတွေ တကယ် ကျင့်သုံးနိုင်ရင် ကလေးတွေအပေါ်မှာ တိုက်ရိုက် သက်ရောက်ပါလိမ့်မယ်။ ကလေးတွေရဲ့ ရင်ထဲမှာ ဗုဒ္ဓဘာသာ သန္ဓေတည်လာအောင် အိမ်မှာ စပြီး လုပ်ပေးသင့်ပါတယ်။ 

အိမ်မှာ ဘုရားစင် ရှိတယ်ဆိုရင် ကလေးတွေ ဘုရားစင်နဲ့ ပတ်သက်တဲ့ ဝေယျာဝစ္စ ဆောင်ရွက်ခွင့် ရတာပေါ့။ ဘုရားဦးချပုံ၊ ဆွမ်းကပ်ပုံ၊ ပန်းကပ်ပုံ၊ ရေချမ်းကပ်ပုံတွေ သင်ပေးနိုင်တာပေါ့။ ကလေးတွေနဲ့အတူ ဘုရားဝေယျာဝစ္စ ဆောင်ရွက်သင့်ပါတယ်။ ကလေးတွေ ငယ်ငယ်ကတည်းက မိဘနဲ့ သားသမီး ဘာသာရေးအရ ဆက်စပ်နေသင့်ပါတယ်။ ငယ်ငယ်ကတည်းက အလေ့အကျင့် ရထားရင် အရွယ်ရောက်တဲ့ အခါမှာ အလားအလာ ကောင်းတာပေါ့။

ကလေးတွေဟာ ဂီတကို မြတ်နိုးတတ်ကြပါတယ်။ ဂီတသံနဲ့ ရွတ်တာဖတ်တာကို ကလေးတွေ သဘောကျတတ်ပါတယ်။ ခံစားမှုသီချင်းတွေနဲ့ သားချော့တေးတွေအပြင် ဓမ္မဂီတကိုပါ ကလေးတွေနဲ့ မိတ်ဆက်ပေးသင့်ပါတယ်။ ရင်ခွင်ပိုက်အရွယ် ကလေးငယ် ပင်ပန်းနေတာ၊ အလိုမကျ ဖြစ်နေတာ သတိထားမိရင် ကလေးအတွက် ဂါထာမန္တာန် ရွတ်ပေးကြည့်ပါ။ ကလေးရဲ့ အပြုသဘော တုံ့ပြန်မှုကို တွေ့ရပါလိမ့်မယ်။

အသိမိတ်ဆွေ မိသားစု တစ်ခုမှာ ထမင်းမစားခင် မိသားစုလိုက် ဆွမ်းတော်ကပ်ကြတာ တွေ့ဖူးပါတယ်။ ဒီထက် ပိုပြီး ထူးခြားတာက ဆွမ်းတော်ကပ် ၀တ်ရွတ်စဉ်ကို ငါးနှစ်သား ကလေးက ရှေ့ကတိုင်ပေးသွားပါတယ်။ ဒါဟာ ရိုးတယ်ထင်ရပေမယ့် ကလေးနဲ့ မိဘကြားက လေးနက်တဲ့ ဓမ္မဆက်ထုံးတစ်ခု ဖြစ်ပါတယ်။

တစ်ပတ်တစ်ခါ တစ်လတစ်ခါ နီးစပ်ရာ မိသားစုတွေ စုဆုံပြီး ဘာသာရေးကိစ္စ ဆောင်ရွက်ကြတာတွေလည်း တော်တော်များများ တွေ့ဖူးပါတယ်။ ဒီလို ပုံမှန်လုပ်နေတာဟာ ကလေးတွေကို ဓမ္မသင်တန်း အတက်ခိုင်းပြီး သင်တန်းပြီးတာနဲ့ ကိစ္စပြီးသွားတာထက် အများကြီး သာပါတယ်။ မိသားစုကို ပစ်ထားခဲ့ပြီး၊ မိတ်ဆွေတွေကိုလည်း သတိမရနိုင်ဘဲ အချိန်လု စီးပွားရှာကြရတဲ့ ခေတ်ကြီးထဲမှာ ဒီလို ပုံမှန်လေး လုပ်သွားနိုင်ရင် မိသားစုတွေ စုစည်းပျော်ရွှင်မှု လောကီအကျိုးလည်း ရရှိသလို ဘာသာရေးကို ကျင့်သုံးပြီးလည်း ဖြစ်သွားပါတယ်။ မိတ်ဆွေမိသားစုတွေ အချင်းချင်းလည်း အပြန်အလှန် ကူညီခွင့်တွေ ရလာတာပေါ့။ 

ကလေးငယ်တွေအနဲ့အတူ ဘာသာရေးကိစ္စ တစ်ခုခု သဘောလောက် ခပ်ကျဉ်းကျဉ်း လုပ်လိုက်ပြီး ပျော်ပွဲစားကြတယ်၊ ကစားကြတယ် ဆိုရင်ကိုပဲ တော်တော်လေး ထိရောက်ပါတယ်။ ပျော်ပွဲစာထွက်ရင်း၊ ကစားခုန်စားလုပ်ရင်း ဘာသာရေးကိစ္စ ဆောင်ရွက်သင့်သလားလို့ မေးချင် မေးနိုင်ပါတယ်။ ဘာဖြစ်လို့ မလုပ်သင့်ရမှာလဲ။ လုပ်ရမှာ ကြောင်တယ်လို့ ထင်မိသလား။ မထင်ပါနဲ့။ သူတစ်ပါးက ငကြောင်လို့ အထင်ခံရမှာ ကြောက်သလား။ ထင်ချင်သလို ထင်ကြပါစေ။ 

ကိုယ့်ဘာသာရေး ကိုယ်လုပ်တာပဲ။ မိဘနဲ့ သားသမီး အတူတူ တရားထိုင်နိုင်ပါတယ်။ ကလေးတွေအတွက် အချိန် သိပ်ကြာစရာ မလိုပါဘူး။ ကလေးတွေကို အားစိုက်သတိထားပြီး အသက်ရှူဖို့ သင်ပေးပါ။ ဘယ်လိုခံစားလိုက်ရတယ် ဆိုတာကို သတိထားမိအောင် အသက်ရှူခိုင်းပါ။ တရားထိုင်တာကို ကြီးလေးမွန်မြတ်တဲ့ ကိစ္စကြီး၊ ကလေးတွေနဲ့ မဆိုင်တဲ့ ဘာသာရေး လုပ်ငန်းကြီးလို့ မသတ်မှတ်ပါနဲ့။ မွန်မြတ်တဲ့ ကိစ္စတိုင်း ကြီးလေးစရာ မလိုပါဘူး။ လွယ်လွယ်လေးနဲ့လည်း မွန်မြတ်လို့ ရပါတယ်။ 

အာနာပါန ကမ္မဋ္ဌာန်းက ကလေးတွေအတွက် ခက်နေရင် ဗုဒ္ဓါနုဿတိ ကမ္မဋ္ဌာန်း အပွားခိုင်းပါ။ ကမ္မဋ္ဌာန်းဆိုပြီး စကားလုံးကသာ ကြီးနေတာ လုပ်ရတာက ရိုးရိုးလေးပါ။ ဘုရားဂုဏ်ကို အာရုံပြုလိုက်ရုံပဲ မဟုတ်လား။ ဘုရားရှင်ရဲ့ ပုံတော်ကို စိတ်ထဲမှာ ပုံဖော်ကြည့်ခိုင်းနိုင်ပါတယ်။ ဒီလောက်တော့ ကလေးတွေအတွက် မခက်ပါဘူး။ မေတ္တာပွားတာလည်း ကလေးတွေ လုပ်နိုင်တာပေါ့။ 

တည်တည်ငြိမ်ငြိမ် အေးအေးချမ်းချမ်း နေတတ်တာဟာ ဘ၀မှာ အရေးကြီးတဲ့ စွမ်းရည်တစ်ခုပါ။ ဒီစွမ်းရည်ကို မေတ္တာပွားခြင်းအားဖြင့် တည်ဆောက်နိုင်ပါတယ်။

မိဘတွေနဲ့ သားငယ်သမီးငယ်တွေ စုပေါင်းတိုင်ပင်ပြီး ဇာတ်လမ်းဇာတ်ကွက်လေးတွေ ကစားနိုင်ပါတယ်။ ဆိုပါစို့ ဇာတ်ကောင်တွေ အားလုံးက အတ္တစိတ်နဲ့ သူတစ်ပါးကို မငဲ့ဘဲ ကိုယ်ချမ်းသာဖို့ ကိုယ်ပျော်ဖို့ပဲ ဦးစားပေးကြတဲ့ ဇာတ်လမ်းမျိုး။

 နောက်တစ်ခါ ဒီဇာတ်ကောင်တွေကပဲ သူတစ်ပါးကို ငဲ့ညှာပြီး ကိုယ်ကျိုးစီးပွားထက် သူတစ်ပါးရဲ့ အကျိုးစီးပွားကို ငဲ့ကွက်ပြီး သူတစ်ပါး ချမ်းသာပျော်ရွှင်အောင် လုပ်ပေးတဲ့ ဇာတ်လမ်းမျိုး။ ဒီလို ကစားတာဟာ ကလေးတွေကို ပြဿနာ ဖြေရှင်းနည်း သင်ပေးတာပါပဲ။ ကလေးတွေဟာ မတူကွဲပြားတဲ့ အပြုအမူတွေကနေ ဖြစ်ပေါ်လာမယ့် အကျိုးရလဒ်တွေကိုလည်း သိမြင်နိုင်ကြမှာပါ။

 

မိသားစုလိုက် ကျောင်းကန်ဘုရား စေတီပုထိုးတွေ သွားရောက် လည်ပတ်နိုင်ပါတယ်။ ဘိုးဘွားရိပ်သာလို လူမှုရေး ဆောင်ရွက်တဲ့ နေရာဌာနတွေလည်း သွားရောက် လည်ပတ်နိုင်ပါတယ်။ လည်ပတ်ရာက ပြန်လာရင် ဘာတွေ မြင်တွေခဲ့ရတယ်၊ ဘယ်လိုတွေ ခံစားခဲ့ရတယ်၊ ဘာတွေ လုပ်ကိုင်ဆောင်ရွက်ချင်စိတ် ဖြစ်ပေါ်ခဲ့တယ် ဆိုတာကို ဆွေးနွေးသင့်ပါတယ်။

ကလေးတွေအတွက် ထုတ်ဝေထားတဲ့ ဗုဒ္ဓ၀င်စာအုပ်တွေကို ကလေးနဲ့မိဘ အတူဖတ်သင့်ပါတယ်။ ဗုဒ္ဓ၀င် ဗီဒီယိုတွေ အတူ ကြည့်သင့်ကြပါတယ်။ မိဘက ကလေးတွေကို လမ်းပြသွန်သင်နိုင်တာပေါ့။ ကလေးတွေအတွက် ထုတ်ဝေတဲ့ ဓမ္မစာအုပ်တွေ အများကြီး ရှိပါတယ်။ 

ဗုဒ္ဓ၀င် ကာတွန်းဇာတ်လမ်းတွေလည်း ပေါပါတယ်။ စာတွေဖတ်၊ ဗီဒီယိုတွေကြည့်ပြီး ကလေးတွေနဲ့ မသိမသာ ဆွေးနွေးကြည့်ပါ။ ကလေးတွေ ပျော်အောင် ပေါ့ပေါ့ပါးပါး ဆွေးနွေးပါ။ လမ်းညွှန်မှုနဲ့ ဆွဲဆောင်ပြီး ဆွေးနွေးပါ။ ကလေးတွေဟာ နက်နဲတဲ့ ကံတရား၊ ဘ၀သံသရာ သဘောတရားတွေကို လက်ခံဖို့ အဆင်သင့် ဖြစ်နေတယ်ဆိုတာ တွေ့ရပါလိမ့်မယ်။ ကလေးတွေဟာ တိရစ္ဆာန်တွေ၊ နိမ့်ကျသူတွေကို သနားတတ်လာတာကိုလည်း တအံ့တသြ တွေ့ရပါလိမ့်မယ်။

ဗုဒ္ဓဘာသာ ကျောင်းကန်ဘုရားတွေမှာ ကာယိနြေ္ဒကို တည်တည်ငြိမ်ငြိမ် အေးအေးဆေးဆေး စောင့်ထိန်းထားတတ်ကြပါတယ်။ ရဟန်းသံဃာတွေ လူကြီးမိဘတွေရှေ့မှာ ငြိမ်ငြိမ်သက်သက် နေတာဟာလည်း ဗုဒ္ဓဘာသာရဲ့ အလေ့အထ တစ်ခုပါပဲ။ ဗုဒ္ဓဘာသာမှာမှ မဟုတ်ပါဘူး။ ကာယိနြေ္ဒ ထိန်သိမ်းခြင်းကို တော်တော်များများက လိုလားကြပါတယ်။ ဒီအလေ့အထနဲ့ ပတ်သက်လို့ “ကလေးတွေ အငြိမ်ကို မနေနိုင်ကြဘူး”လို့ ညည်းညည်းညူညူ ပြောကြတဲ့ မိဘတွေ အများကြီး တွေ့ဖူးပါတယ်။ ကလေးတွေ ဂနာမငြိမ်တာဟာ မိဘတွေဆီက သင်ယူခဲ့တာ ထင်ပါတယ်။ 

အဲဒီလို မိဘတွေ ငြိမ်ငြိမ်သက်သက် ထိုင်နေတာကို သူတို့ကလေးတွေ တွေ့ရခဲ မြင်ရခဲမယ် ထင်ပါတယ်။ လူကြီးတွေ ဣနြေ္ဒရရ ထိုင်နေတာကို မြင်ရတဲ့ ကလေးတွေဟာ ဣနြေ္ဒရရ ငြိမ်ငြိမ်သက်သက် ထိုင်နေချင်စိတ် ဖြစ်ပေါ်လာတတ်ပါတယ်။ တိတ်ဆိတ်အေးချမ်းမှုကို ကလေးနဲ့မိဘ အတူတူ အလျဉ်းသင့်သလို မျှဝေခံစားသင့်ပါတယ်။ ဥပမာ ကလေးက မိဘရင်ခွင်မှာ ထိုင်နေမယ်၊ မိဘက ဘုရားစာ တရားစာ ရွတ်ဖတ်နေမယ်ပေါ့။ 

တစ်ချို့ မိဘတွေက တရားထိုင်တဲ့ အခါမှာ ကလေးတွေ လာနှောင့်တာ မခံချင်ကြပါဘူး။ မိဘဆန္ဒကို ကလေးတော်တော်များများက လေးလေးစားစား နားလည်တတ်ကြပါတယ်။ ကလေးက နားမလည်နိုင်လို့ တရားထိုင်နေတုန်း ရင်ခွင်ထဲ လာထိုင်တယ် ဆိုရင်လည်း ပြဿနာလို့ မယူဆသင့်ပါဘူး။ ကလေးကို ရင်ခွင်မှာထားပြီး တရားအားထုတ်လို့လည်း ရတာပါပဲ။

ဆယ်ကျော်သက်တွေနဲ့ စုဖွဲ့ပြီး ဆွေးနွေးတဲ့ နည်းကလည်း ထိရောက်ပါတယ်။ ဖော်ရွေရင်းနှီးမှုအကြောင်း၊ အတင်းအဖျင်း စကားတွေအကြောင်း၊ ချိန်းဆိုတွေဆုံတဲ့အကြောင်း စသည်ဖြင့် ဆယ်ကျော်သက်တွေနဲ့ သက်ဆိုင်တဲ့ ခေါင်းစဉ်တစ်ခုခုကို ယူပြီး လူကြီးက ဦးဆောင်ဆွေးနွေးပေါ့။ အဲဒီလို ဆွေးနွေးတဲ့ နေရာမှာ အကြောင်းအရာ အဖြစ်အပျက်နဲ့ ကိုက်ညီအောင် ဗုဒ္ဓဘာသာကို ဘယ်လို အသုံးချလို့ ရတယ်ဆိုတာ ပေါ်လွင်အောင် ဆွဲယူပြပေါ့။ 

အကြမ်းမဖက်ခြင်း မေတ္တာ၊ အရေးကိစ္စ ကြုံရတဲ့အခါ ထည့်ဝင်လှူဒါန်းခြင်း ရက်ရောမှု ဒါန အစရှိတဲ့ ဗုဒ္ဓဘာသာ အလေ့အကျင့်တွေကို နေ့စဉ်ဘ၀မှာ အသုံးချလို့ ရတယ်ဆိုတာ ပေါ်လွင်အောင် ပြောပြပေါ့။ ကမ္ဘာကြီးအကြောင်း၊ တစ်ခြားနိုင်ငံက လူသားတွေအကြောင်း လူငယ်တွေ သိနားလည်ခွင့် ရရှိမယ့် နည်းလမ်းလည်း ဖြစ်ပါတယ်။ 

တရားတော်ကို နေ့စဉ်ဘ၀မှာ အသုံးချလို့ ရခြင်းဟာ ဗုဒ္ဓဘာသာရဲ့ အလှတစ်ပါး ဖြစ်ပါတယ်။ ဗုဒ္ဓဘာသာမှာ ကိုယ်ကျင့်တရား တန်ဖိုးတွေ၊ အကြင်နာ မေတ္တာတွေ ရှိနေတယ်၊ ဗုဒ္ဓဘာသာဟာ ဘ၀အတွက် အသုံးဝင်တယ်လို့ လူငယ်တွေ သိနိုင်ကြလေလေ သူတို့ရဲ့ ဘာသာတရားကို သူတို့ ပြန်ပြီး လေးစားနိုင်ကြလေလေ ဖြစ်ပါလိမ့်မယ်။

တစ်ခါတုန်းက အသက်နှစ်ဆယ်အရွယ် ကလေးတွေ “ယောက်ျားလေးနဲ့ မိန်းကလေး ဆက်ဆံရေး”ဆိုတဲ့ ခေါင်းစဉ်နဲ့ ဟောပြောဆွေးနွေးကြတာကို ဦးဆောင်ပေးခဲ့ဖူးပါတယ်။ တစ်ယောက်ပြီးတစ်ယောက် အပြန်အလှန် ပြောကြတယ်။ သူတို့ဘ၀၊ သူတို့ခံစားချက်တွေအကြောင်း ပြောကြတာ ဖြစ်ပေမယ့် တရားဓမ္မနဲ့ သက်ဆိုင်တဲ့ သဘောတရားတွေ အများကြီး ပါနေပါတယ်။

 ဗုဒ္ဓဘာသာ တရားတော်ကိုက သဘာဝတရားကို ဖော်ထုတ်ပြထားတာကိုး။ ဆိုပါစို့ ကိုယ်ကျင့်သိက္ခာ ပြည့်ပြည့်၀၀နဲ့ နေထိုင်ရှင်သန်ဖို့ အရေးကြီးတယ်၊ အမှန်ကိုသာ ပြောကြဖို့ အရေးကြီးတယ်၊ ဘယ်လိုအချိန်မှာ ဘယ်လို ယုံကြည်မှု ရှိသင့်တယ်ဆိုတာ လေ့လာရမယ် ဆိုတာတွေကို ကလေးတွေ ပြောကြဆွေးနွေးကြပါတယ်။ သူတို့ ပြောဆိုဆွေးနွေးတာကို ဦးဆောင်ပေးသူ တစ်ယောက်အနေနဲ့ ဘာမှ ၀င်မပြောခဲ့ပါဘူး။ သူတို့ ပြောကြတာတွေကို လေးလေးစားစား နားထောင်ပေးခဲ့တာပါပဲ။

 ဆွေးနွေးပွဲပြီးတော့ တစ်ချို့ ကောင်လေးတွေ ကောင်မလေးတွေ လာပြောကြတယ်။ “အံ့သြစရာပဲ။ ဘာသာရေး ခေါင်းဆောင်တစ်ယောက်ရှေ့မှာ ဒီလို ပြောရတာ ဒါ ပထမဆုံးပဲ”တဲ့။ ကလေးတွေဟာ အထိအခိုက် အတိမ်းအစောင်း မခံနိုင်တဲ့ အကြောင်းအရာ တစ်ခုကို လူကြီးတစ်ယောက်ရဲ့ ရှေ့မှာ ပွင့်ပွင့်လင်းလင်း ဆွေးနွေးနိုင်ခဲ့ကြပါတယ်။ နောက်ပြီး ဘာသာရေး ခေါင်းဆောင်တွေဟာ လူငယ်တွေရဲ့ အရေးကိစ္စကို စိတ်ဝင်စားကြပါလား၊ စာနာတတ်ကြပါလားလို့လည်း သတိထားသွားမိကြပါတယ်။ သူတို့ဘ၀နဲ့ တရားဓမ္မ ဆက်စပ်မှု ရှိနေပါလားလို့လည်း သဘောပေါက်သွားကြပါတယ်။

တရားဓမ္မက ကလေးတွေရဲ့ ဘ၀ကို ထောက်ပံ့ပေးနိုင်တယ်၊ ကလေးတွေကို နည်းမျိုးစုံနဲ့ တိုက်ရိုက်တစ်မျိုး သွယ်ဝိုက်ပြီးတော့တစ်မျိုး နည်းအမျိုးမျိုးနဲ့ တရားဓမ္မတွေ သင်ပေးနိုင်တယ်လို့ ပြောချင်ပါတယ်။

:)
ရှင်အာစာရ

ထေရ၀ါဒ သာသနာမှာ ဘိက္ခုနီတွေ ရှိသေးလား...?

ဘိက္ခုနီသာသနာ၊ ယခုခါ၊ သေချာ ရှိနိုင်ပါသလော?

ဒါယကာကြီး သန်းထွန်း၊ လပွတ္တလုပ်မြောက်ဖက်ရွာ (လပွတ္တာမြို့နယ်) လျှောက်ထားသော မေးခွန်းမှာ---

မေး။ ။ မေးမြန်းလျှောက်ထားစာပါဘုရား---

ဆရာတော်အရှင်မြတ်ဘုရား--- သာသနာတော်တွင် ဘိက္ခု, ဘိက္ခုနီ- ရဟန်း ၂-မျိုး ရှိရာတွင် ဘိက္ခုနီမများ သာသနာတွင် ယခုအချိန်မှာ ရှိနိုင်ပါသလားဘုရား? (ယိုးဒယား) ထိုင်းနိုင်ငံတွင် ဘိက္ခုနီမများ ပေါ်ပေါက်နေသည်-ဟု သိရပါသည်ဘုရား၊ ဖြေကြားပေးတော်မူပါဘုရား။

ဖြေ။ ။ ဒါယကာ ဦးသန်းထွန်းရဲ့မေးခွန်းနှင့် ပတ်သက်၍---

ဘိက္ခုနီမများ သာသနာတွင် ယခုအခါမှာ ရှိနိုင်, မရှိနိုင်-ကျမ်းဂန်အထောက်အထား ကြည့်ရှုရာဝယ် ပါရာဇိကကဏ္ဍအဋ္ဌကထာ (ဝိ၊ ဋ္ဌ၊ ၁၊ ၂ဝ၆), ကင်္ခါဝိတရဏီအဋ္ဌကထာ (၁ဝ၄), အင်္ဂုတ္တရနိကာယ် ဒုကနိပါတ် အဋ္ဌကထာ (အံ၊ ဋ္ဌ၊ ၂၊ ၆၆), သမ္မောဟဝိနောဒနီအဋ္ဌကထာ (အဘိ၊ ဋ္ဌ၊ ၂၊ ၃၁၆), သာရတ္ထဒီပနီဋီကာ (သာရတ္ထ၊ ဋီ၊ ၂၊ ၅၇)တို့အရ

(၁) ဧဟိဘိက္ခူပသမ္ပဒါ- ဧဟိဘိက္ခု (ရဟန်း လာလော့) လို့ ဘုရားရှင် ခေါ်တော်မူတဲ့ စကားတော်ကြောင့် ရဟန်းဖြစ်ခြင်း၊

(၂) သရဏဂမနူပသမ္ပဒါ- သရဏဂုံဖြင့် ရဟန်းဖြစ်ခြင်း၊

(၃) သြဝါဒပဋိဂ္ဂဟဏူပသမ္ပဒါ- သြဝါဒခံယူခြင်းကြောင့် (အရှင်မဟာကဿပ) ရဟန်းဖြစ်ခြင်း၊

(၄) ပဥှဗျာကရဏူပသမ္ပဒါ- ပြဿနာဖြေဆိုခြင်းကြောင့် (သောပါကသာမဏေ) ရဟန်းဖြစ်ခြင်း၊

(၅) ဂရုဓမ္မပဋိဂ္ဂဟဏူပသမ္ပဒါ- ဂရုဓမ်ကို ခံယူဝန်ခံခြင်းကြောင့် (မိထွေးတော် ဂေါတမီ) ရဟန်းဖြစ်ခြင်း၊

(၆) ဒူတေနူပသမ္ပဒါ- (အဍ္ဎကာသီပြည့်တန်ဆာမ) တမန်ဖြင့် ခွင့်ပြုအပ်သော ရဟန်းဖြစ်ခြင်း ၊

(၇) အဋ္ဌဝါစီကူပသမ္ပဒါ- ကမ္မဝါစာရှစ်ကြိမ်ဖတ်ခြင်းဖြင့် ရဟန်းဖြစ်ခြင်း၊ (=ဘိက္ခုနီသံဃာမှ ဉတ္တိစတုတ္ထကမ္မဝါစာ တစ်ကြိမ်, ဘိက္ခုသံဃာမှ ဉတ္တိစတုတ္ထကမ္မဝါစာတစ်ကြိမ်- ဤသို့ ဉတ္တိစတုတ္ထကမ္မဝါစာ နှစ်ကြိမ်ဖတ်ခြင်းဖြင့် ရဟန်းဖြစ်ခြင်း)၊

(၈) ဉတ္တိစတုတ္ထကမ္မူပသမ္ပဒါ- ဉတ်လျှင် လေးကြိမ်မြောက်ရှိသော ကမ္မဝါစာဖတ်ခြင်းဖြင့် ရဟန်းဖြစ်ခြင်း။ (ကမ္မဝါစာ ၃-ကြိမ်+ ဉတ် ၁-ကြိမ် ရွတ်ဆိုမှုကို ဉတ်လျှင် လေးကြိမ်မြောက် ကမ္မဝါစာဖတ်ခြင်း-ဟု ဆိုလို၏။) ဟူသော ရဟန်းဖြစ်ခြင်း ဥပသမ္ပဒါ ၈-မျိုးတွင် ဘိက္ခုနီဆိုင်ရာ ဥပသမ္ပဒါများမှာ---

၁။ ဂရုဓမ္မပဋိဂ္ဂဟဏူပသမ္ပဒါ၊

၂။ ဒူတေနူပသမ္ပဒါ၊

၃။ အဋ္ဌဝါစိကူပသမ္ပဒါ၊

၎။ ဉတ္တိစတုတ္ထကမ္မူပသမ္ပဒါ- လေးမျိုးတို့သာ ဖြစ်၏၊

   ကျန် ၄-မျိုးတို့ကား ဘိက္ခုနီတို့နှင့် မသက်ဆိုင်ပါ။

ဘိက္ခုနီတို့နှင့် သက်ဆိုင်သော ဥပသမ္ပဒါ ၄-မျိုးတို့တွင်---

၁။ ဂရုဓမ္မပရိဂ္ဂဟဏူပသမ္ပဒါသည် မိထွေးတော် ဂေါတမီတစ်ဦးတည်းအတွက်သာ ခွင့်ပြုအပ်တဲ့ ဥပသမ္ပဒါ ဖြစ်တယ်။

၂။ ဒူတေနူပသမ္ပဒါသည် အဍ္ဎကာသီတစ်ဦးတည်းအတွက်သာ ခွင့်ပြုအပ်တဲ့ ဥပသမ္ပဒါဖြစ်တယ်။

၃။ အဋ္ဌဝါစိကူပသမ္ပဒါသည် ဂရုဓမ္မပဋိဂ္ဂဟဏူပသမ္ပန္နဖြစ်တဲ့ မိထွေးတော် ဂေါတမီ, ဘိက္ခုဧကတောဥပသမ္ပန္န ဖြစ်တဲ့ မိထွေးတော် ဂေါတမီရဲ့ နောက်ပါ သာကီဝင်မင်းသမီး ရဟန်းမငါးရာ, အဍ္ဎကာသီ ရဟန်းမတို့မှ တပါးသော ကျန် ဘိက္ခုနီအားလုံးတို့အတွက် ခွင့်ပြုအပ်တဲ့ ဥပသမ္ပဒါဖြစ်တယ်။

၎။ ဉတ္တိစတုတ္ထကမ္မူပသမ္ပဒါသည်ကား ရဟန်းယောက်ျားတို့ရဲ့ ဉတ္တိစတုတ္ထကမ္မူပသမ္ပဒါ, ရဟန်းမတို့ရဲ့ ဉတ္တိစတုတ္ထကမ္မူပသမ္ပဒါ-ဟူ၍ ၂-မျိုး ကွဲပြားပါတယ်။

ထို ၂-မျိုးတွင် ရဟန်းမတို့ရဲ့ ဉတ္တိစတုတ္ထကမ္မူပသမ္ပဒါကိုသာ ဤနေရာ၌ ရည်ရွယ်ပါတယ်၊ အဲဒီရဟန်းမတို့ရဲ့ ဉတ္တိစတုတ္ထကမ္မူပသမ္ပဒါ- ဟူသည် မိထွေးတော်ဂေါတမီရဲ့ နောက်ပါ သာကီဝင်မင်းသမီး (ဘိက္ခု ဧကတောဥပသမ္ပန္နာ) ငါးရာတို့အတွက် ခွင့်ပြုအပ်တဲ့ ဥပသမ္ပဒါဖြစ်တယ်။

သမ္မောဟဝိနောဒနီအဋ္ဌကထာ (အဘိ၊ ဋ္ဌ၊ ၂၊ ၃၁၆)၌---

“ယာ ဣမာ ဧဟိဘိက္ခူပသမ္ပဒါ သရဏဂမနူပသမ္ပဒါ သြဝါဒပဋိဂ္ဂဟဏူပသမ္ပဒါ ပဥှာဗျာကရဏူပ သမ္ပဒါ ဂရုဓမ္မပဋိဂ္ဂဟဏူပသမ္ပဒါ ဒူတေနူပသမ္ပဒါ အဋ္ဌဝါစိကူပသမ္ပဒါ ဉတ္တိစတုတ္ထ ကမ္မူပသမ္ပဒါတိ အဋ္ဌ ဥပသမ္ပဒါ ဝုတ္တာ၊ တာသံ ဉတ္တိစတုတ္ထကမ္မူပသမ္ပဒါ, ဒူတေနူပသမ္ပဒါ, အဋ္ဌဝါစိကူပသမ္ပဒါတိ ဣမာ တိေဿာဝ ထာဝရာ၊ သေသာ ဗုဒ္ဓေ ဓရမာနေယေဝ အဟေသုံ”

ဧဟိဘိက္ခူပသမ္ပဒါ- ဧဟိဘိက္ခူပသမ္ပဒါလည်းကောင်း၊ သရဏဂမနူပသမ္ပဒါ- သရဏဂမနူပသမ္ပဒါ လည်းကောင်း၊ သြဝါဒပဋိဂ္ဂဟဏူပသမ္ပဒါ-သြဝါဒပဋိဂ္ဂဟဏူပသမ္ပဒါ လည်းကောင်း၊ ပဥှာဗျာကဏူပ သမ္ပဒါ- ပဥှာဗျာကဏူပသမ္ပဒါ လည်းကောင်း၊ ဂရုဓမ္မပဋိဂ္ဂဟဏူပသမ္ပဒါ- ဂရုဓမ္မပဋိဂ္ဂဟဏူပသမ္ပဒါ လည်းကောင်း၊ ဒူတေနူပသမ္ပဒါ- ဒူတေနူပသမ္ပဒါ လည်းကောင်း၊ အဋ္ဌဝါစိကူပသမ္ပဒါ- အဋ္ဌဝါစိကူပ သမ္ပဒါ လည်းကောင်း၊ ဉတ္တိစတုတ္ထကမ္မူပသမ္ပဒါ- ဉတ္တိစတုတ္ထကမ္မူပသမ္ပဒါ လည်းကောင်း၊ ဣတိ- ဤသို့၊ အဋ္ဌ-ရှစ်ပါးကုန်သော၊

 ယာ ဣမာ ဥပသမ္ပဒါ- အကြင် ဥပသမ္ပဒါတို့ကို၊ ဝုတ္တာ- ဟောတော်မူအပ်ကုန်ပြီ၊ တာသံ- ထိုဥပ သမ္ပဒါတို့တွင်၊ ဉတ္တိစတုတ္ထကမ္မူပသမ္ပဒါ- ဉတ္တိစတုတ္ထ ကမ္မူပသမ္ပဒါလည်းကောင်း၊ ဒူတေနူပသမ္ပဒါ- ဒူတေနူပသမ္ပဒါ လည်းကောင်း၊ အဋ္ဌဝါစိကူပသမ္ပဒါ- အဋ္ဌဝါစိကူပသမ္ပဒါ လည်းကောင်း၊ ဣတိ- ဤသို့၊ ဣမာ တိေဿာဝ- ဤသုံးပါးတို့သည်သာလျှင်၊ ထာဝရာ-ခိုင်မြဲကုန်၏၊ သေသာ- ကြွင်းသော ဥပသမ္ပဒါတို့သည်၊ ဗုဒ္ဓေ- မြတ်စွာဘုရားသည်၊ ဓရမာနေဝ-သက်တော်ထင်ရှား ရှိတော်မူစဉ်သာ လျှင်၊ အဟေသုံ-ဖြစ်ကုန်ပြီ။ [ဘုရားရှင် ပရိနိဗ္ဗာန်စံလျှင်ကား ထိုဥပသမ္ပဒါများ မရှိနိုင်တော့ပါ။]

ဥပသမ္ပဒါ ၈-မျိုးတို့တွင် ဉတ္တိစတုတ္ထကမ္မူပသမ္ပဒါ, ဒူတေနူပသမ္ပဒါ, အဋ္ဌဝါစိကူပသမ္ပဒါ-ဤ ၃-မျိုးတို့သည် ခိုင်မြဲကုန်၏၊ ကြွင်းသော ဥပသမ္ပဒါ ၅-မျိုးတို့သည် ဘုရားရှင် ပရိနိဗ္ဗာန် စံတော်ပြီးနောက် မရှိနိုင်တော့ပါ-ဟု မိန့်ဆိုအပ် သောကြောင့် အကြောင်းအတ္ထုပ္ပတ္တိ မပေါ်ပေါက်ခဲ့၍ အဍ္ဎကာသီမှတပါး အခြား ဒူတေနူပသမ္ပဒါ ရဟန်းမများ မရှိခဲ့ကြသော်လည်း အကြောင်းအတ္ထုပ္ပတ္တိ ပေါ်ပေါက်ပါက အခြား ဒူတေနူပသမ္ပဒါ ရဟန်းမများ ဖြစ်နိုင်ဖွယ်ရှိသည်။

ဘိက္ခုနီသံဃာ၌ ရဟန်းမခံရသေးသော  မာတုဂါမကို ဘိက္ခုသံဃာက ရဟန်းခံပေးခြင်းငှါ မအပ်

သာကီဝင်မင်းသမီးငါးရာတို့ ရဟန်းမ ပြုပြီးရာအခါမှနောက် ဘိက္ခုနီ(ရဟန်းမ) ပြုလိုတဲ့ မာတုဂါမ များကို ဥဘတောဥပသမ္ပန္နပညတ်တော်အတိုင်း ရှေးဦးစွာ ဘိက္ခုနီသံဃာ၌ ရဟန်းခံပြီးမှသာ ဘိက္ခုသံဃာ၌ ရဟန်းခံရိုး အစဉ်အလာရှိခဲ့ပါတယ်၊ သာကီဝင်မင်းသမီး ငါးရာတို့မှတပါး ဘုရားရှင် လက်ထက်တော်မှစ၍ သာသနာတော်နှစ် ၂၅ဝဝ-ကျော်သည့်တိုင်အောင် ဘိက္ခုသံဃာ တစ်ဖက်၌သာ ရဟန်းခံရိုး အစဉ်အလာ ထေရဝါဒဗုဒ္ဓြွသာသနာတော်၌ ‘လုံးဝ’မရှိတော့ပါ။

သီဟိုဠ်ကျွန်းဝယ် ဘုရင်က သူရဲ့မိဖုရား အနုဠာဒေဝီကို ရဟန်းပြုပေးရန် လျှောက်ထားရာ မဟိန္ဒမထေရ်က “ငါတို့ အား မာတုဂါမကို ရဟန်းမ ပြုပေးခြင်းငှါ မအပ်၊ ပါဋလိပုတ်ပြည်၌ ငါရဲ့နှမ သံဃမိတ္တာထေရီ ရှိတယ်၊ အဲဒီထေရီကို ပင့်ခေါ်ချေလော့”လို့ ပါရာဇိကကဏ္ဍအဋ္ဌကထာ (ဝိ၊ ဋ္ဌ၊ ၁၊ ၆၇)၌ လာရှိပါတယ်။

တသ္မိံ ခေါ ပန သမယေ အနုဠာ ဒေဝီ ပဗ္ဗဇိတုကာမာ ဟုတွာ ရညော အာရောစေသိ။ ရာဇာ တဿာ ဝစနံ သုတွာ ထေရံ ဧတဒဝေါစ “အနုဠာ ဘန္တေ ဒေဝီ ပဗ္ဗဇိတုကာမာ၊ ပဗ္ဗာဇေထ န"န္တိ။ န မဟာရာဇ အမှာကံ မာတုဂါမံ ပဗ္ဗာဇေတုံ ကပ္ပတိ၊ ပါဋလိပုတ္တေ ပန မယှံ ဘဂိနီ သံဃမိတ္တတ္ထေရီ နာမ အတ္ထိ၊ တံ ပက္ကောသာပေဟိ။

တသ္မိံ ခေါ ပန သမယေ-ထိုအခါ၌၊ အနုဠာ ဒေဝီ-အနုဠာ မိဖုရားသည်၊ ပဗ္ဗဇိတုကာမာ- ရှင်ရဟန်းပြုလိုသည်၊ ဟုတွာ- ဖြစ်၍၊ ရညော- မင်းအား၊ အာရောစေသိ-သံတော်ဦးတင်ပြီ၊ ရာဇာ- မင်းသည်၊ တဿာ- ထိုအနုဠာဒေဝီ၏၊ ဝစနံ သုတွာ-စကားကို ကြား၍၊ ထေရံ-မဟိန္ဒမထေရ်ကို၊ “ဘန္တေ- အရှင်ဘုရား၊ အနုဠာဒေဝီ-အနုဠာဒေဝီသည်၊ ပဗ္ဗဇိတုကာမာ- ရှင်ရဟန်းပြုလိုပါ၏၊ နံ- ထိုအနုဠာဒေဝီကို၊ ပဗ္ဗာဇေထ- ရှင်ရဟန်းပြုပေးတော်မူပါကုန်၊" ဣတိ- ဤသို့၊ ဧတံ ဝစနံ- ဤစကား ကို၊ အဝေါစ-လျှောက်ထားပြီ၊ “မဟာရာဇ-မင်းမြတ်၊ အမှာကံ-ငါတို့အား၊ မာတုဂါမံ- မာတုဂါမကို၊ ပဗ္ဗာဇေတုံ-ရှင်ရဟန်းပြုပေးခြင်းငှါ၊ န ကပ္ပတိ-မအပ်၊ ပါဋလိပုတ္တေ ပန- ပါဋလိပုတ်ပြည်၌ကား၊ မယှံ- ငါ၏၊ ဘဂိနီ- နှမ ဖြစ်သော၊ သံဃမိတ္တတ္ထေရီ နာမ-သံဃမိတ္တထေရီ မည်သည်၊ အတ္ထိ- ရှိ၏၊ တံ- ထိုသံဃမိတ္တထေရီကို၊ ပက္ကောသာပေဟိ-ပင့်ခေါ်စေလော့။

“ငါတို့အား မာတုဂါမကို ရဟန်းမ ပြုပေးခြင်းငှါ မအပ်- ဆိုတဲ့စကားက ဘိက္ခုနီသံဃာ၌ ရဟန်းမ မပြုရသေးတဲ့ မာတုဂါမကို ရှေးဦးစွာ ရဟန်းမ ပြုပေးခြင်းငှါ မအပ်သည်ကို ရည်ရွယ်၍ မိန့်တော်မူ သည်၊ ဘိက္ခုနီသံဃာ၌ ရဟန်းမ ပြုပြီးတဲ့ ဧကတောဥပသမ္ပန္န ဘိက္ခုနီကိုမူ ဘိက္ခုသံဃာက ထပ်မံ၍ ရဟန်းမ ပြုပေးရမည်၊ ဒါ့ကြောင့် ပါဋလိပုတ်ပြည်၌ ငါရဲ့နှမတော် သံဃမိတ္တာထေရီရှိသည်၊ သူမကို ပင့်ခေါ်စေလော့”လို့ မိန့်တော်မူခြင်းဖြစ်တယ်။

“ဘိက္ခုသံဃာတစ်ဖက်၌ ရဟန်းမ ပြုခွင့်ရတဲ့ ဧကတောဥပသမ္ပန္နပညတ်ကို ဘုရားရှင် ပယ်မြစ်တော် မမူခြင်းကြောင့် ထိုပညတ်ချက်သည် မပျက်”ဟု အချို့ပုဂ္ဂိုလ်တို့ ထင်မြင်ယူဆကြသော်လည်း ယင်း ဧကတောဥပသမ္ပန္န ပညတ်ချက်ကို ပယ်မြစ်ပြီးဖြစ်ကြောင်းကို ဝဇိရဗုဒ္ဓိဋီကာအရ သိအပ်ပါတယ်။

ဥဘတောသံဃေ ဥပသမ္ပန္နာတိ ဘိက္ခူနံ သန္တိကေ ဥပသမ္ပဒါယ ပဋိက္ခိတ္တတ္တာ တဒနုပ္ပသင်္ဂဘယာ ဧဝံ ဝုတ္တန္တိ ဝေဒိတဗ္ဗံ။ (ဝဇိရဗုဒ္ဓိဋီကာ၊ ၂၇၃။)

ဥဘတောသံဃေ ဥပသမ္ပန္နာတိ - ဥဘတောသံဃေ ဥပသမ္ပန္နာ ဟူသည်ကား၊ ဘိက္ခူနံ-ရဟန်းတို့၏၊ သန္တိကေ-အထံ၌၊ ဥပသမ္ပဒါယ-ပဉ္စင်းခံခြင်းကို၊ ပဋိက္ခိတ္တတ္တာ-ပယ်မြစ်အပ်ပြီးသည်၏အဖြစ်ကြောင့်၊ တဒနုပ္ပသင်္ဂဘယာ- ထိုဘိက္ခု သံဃာတစ်ဖက်၌ ပဉ္စင်းခံခြင်းဝယ် လျဉ်းပါးဖွယ်မှ စိုးရိမ်ခြင်းကြောင့်၊ ဧဝံ-ဤသို့ “ဥဘတောသံဃေ ဥပသမ္ပန္နာ" ဟူ၍၊ ဝုတ္တံ-ဘုရားရှင် ဟောတော်မူအပ်ပြီ၊ ဣတိ- ဤသို့၊ ဝေဒိတဗ္ဗံ-သိအပ်၏။

ဘိက္ခုဧကတောဥပသမ္ပန္နဘိက္ခုနီကို ဖွင့်ပြရာဝယ် ပါရာဇိကကဏ္ဍအဋ္ဌကထာလာ--

“ဘိက္ခူနံ သန္တိကေ ဥပသမ္ပန္နာ နာမ ပဉ္စသတာ သာကိယာနိယော” (ဝိ၊ ဋ္ဌ၊ ၂၊ ၂၄၂) အရလည်းကောင်း,

သာရတ္ထဒီပနီဋီကာနှင့် ဝိမတိဝိနောဒနီဋီကာတို့လာ---

“ဘိက္ခူနံ သန္တိကေ ဥပသမ္ပန္နာ နာမ ပရိဝတ္တလိင်္ဂါ ဝါ ပဉ္စသတသာကိယာနိယော ဝါ” (သာရတ္ထ၊ ဋီ၊ ၃၊ ၄၃။ ဝိမတိ၊ ဋီ၊ ၂၊ ၂၁)အရ လည်းကောင်း,

သာရတ္ထဒီပနီဋီကာလာ---

“ယာ တာ မဟာပဇာပတိဂေါတမိယာ သဒ္ဓိံ နိက္ခန္တာ ပဉ္စသတာ သာကိယာနိယော၊ တာ ဧကတော ဥပသမ္ပန္နာ ဘိက္ခုသံဃတော ဧဝ လဒ္ဓူပသမ္ပဒတ္တာ၊ ဣတရာ ဥဘတောဥပသမ္ပန္နာ ဥဘတောသံဃေ ဥပသမ္ပန္နတ္တာ” (သာရတ္ထ၊ ဋီ၊ ၃၊ ၁၁၁။)အရ လည်းကောင်း---

“မိထွေးတော်ဂေါတမီနှင့်အတူတကွ ထွက်လာကြသော သာကီဝင်မင်းသမီး ရဟန်းမငါးရာနှင့် ရဟန်းယောက်ျား အဖြစ်မှ ဣတ္ထိလိင်ပြန်သော ရဟန်းမတို့ကိုသာ ဘိက္ခုဧကတော ဥပသမ္ပန္န ဖြစ်သည်”ဟု ဖွင့်ပြကြသောကြောင့် သာကီဝင် မင်းသမီး ရဟန်းမငါးရာနှင့် ရဟန်းယောက်ျား အဖြစ်မှ ဣတ္ထိလိင်ပြန်သော ရဟန်းမတို့မှတပါး ဘိက္ခုဧကတောဥပသမ္ပန္န ဘိက္ခုနီ မရှိ, အခြားရဟန်းမများသည် ဥဘတောဥပသမ္ပန္နဘိက္ခုနီတို့သာ ရှိသည်၏အဖြစ်ကို သန္နိဋ္ဌာန်ကျ မှတ်သား အပ်ပါသည်။

ရဟန်းယောက်ျားများသည် မာတုဂါမကို ရဟန်းမ ပြုပေးဖို့မဆိုထားနှင့်  ရှင်ပင် ပြုမပေးကောင်း

ရဟန်းယောက်ျားများက ဘိက္ခုနီသံဃာ၌ ရှေးဦးစွာ ရဟန်းမခံရသေးတဲ့ မာတုဂါမကို ရဟန်းခံပေးခြင်းငှါ မအပ်ရုံသာမကသေး, ရှင်ပြုပေးခြင်းငှါပင် မအပ်ကြောင်းကို ဝိနည်းမဟာဝါ အဋ္ဌကထာ, မဟာခန္ဓက, ပဗ္ဗဇ္ဇကထာ၌---

“ဧဝံ ဘိက္ခုနာဝ ပဗ္ဗဇိတော ဟောတိ၊ ပုရိသံ ဟိ ဘိက္ခုတော အညော ပဗ္ဗာဇေတုံ န လဘတိ၊ မာတုဂါမံ ဘိက္ခုနိတော အညော” (ဝိ၊ ဋ္ဌ၊ ၃၊ ၂၄ဂ)၌ မိန့်အပ်သည်။ ဧဝံ- ဤသို့၊ ဘိက္ခုနာဝ- ရဟန်းသည်သာ၊ ပဗ္ဗဇိတော- ရှင်ပြုပေးအပ်သည်၊ ဟောတိ- ဖြစ်၏၊ ဟိ- မှန်၏၊ ပုရိသံ- ယောက်ျားကို၊ ဝါ-ယောက်ျားဖြစ်သော ရှင်လောင်းကို၊ ဘိက္ခုတော- ရဟန်းမှ၊ အညော- တပါးအခြား သူသည်၊ ပဗ္ဗာဇေတုံ-ရှင်ဖြစ်စေခြင်းငှါ၊ ဝါ-ရှင်ပြုပေးခြင်းငှါ၊ န လဘတိ-မရ။ မာတုဂါမံ-မာတုဂါမကို၊ ဝါ-မာတုဂါမဖြစ်သော ရှင်လောင်းကို၊ ဘိက္ခုနိတော-ရဟန်းမမှ၊ အညော-တပါးတခြားသူသည်၊ ပဗ္ဗာဇေတုံ-ရှင်ဖြစ်စေခြင်းငှါ၊ ဝါ-ရှင်ပြု ပေးခြင်းငှါ၊ န လဘတိ-မရ။

သမိုင်းကြောင်းအရ ကြည့်လျှင်လဲ “ဘိက္ခုနီသာသနာသည် သီဟိုဠ်ကျွန်း (ယနေ့ သီရိလင်္ကာနိုင်ငံ) တွင် အရှည်ကြာဆုံး ဖြစ်သည်၊ သာသနာနှစ်လေးရာကျော်တွင် သီဟိုဠ်ကျွန်း၌ ၁၂-နှစ်တိုင် သူပုန် ဘေးကြီးဖြစ်ခြင်း, ဒုဗ္ဘိကန္တရကပ်, ရောဂန္တရကပ်ကြီးများ ဆက်လက်ဖြစ်ပွါးခြင်းအပြင် ရဟန်းများပင် အတည်မကျ ပြေးလွှားရှောင်နေကြရ၍ ရဟန်း များကိုအမှီပြုကာ နေထိုင်ရရှာသော ဘိက္ခုနီများ အနေအထိုင် ပျက်ပြားရခြင်း, ဝိနည်းသိက္ခာပုဒ် ကျပ်တည်းခြင်း, ဘုန်းကံနည်းပါး လာဘ်သပ္ပကာ ရှားပါးခြင်း စသောအကြောင်းများကြောင့် သာသနာနှစ်ငါးရာအတွင်းမှာပင် ဘိက္ခုနီသာသနာ အဆက်ပြတ်သွားရသည်ဟု မှတ်သားရပါသည်။ [ရဝေထွန်း ဘာသာရေးပြဿနာများ (၁)။]

အထက်ဖော်ပြပါ ပါဠိတော်, အဋ္ဌကထာ, ဋီကာ, သမိုင်းစာတို့၏အဆိုအမိန့်များကို ထောက်ဆပါက---

(၁) ဘိက္ခုဧကတောဥပသမ္ပန္နပညတ်သည် ဘိက္ခုနီသံဃာ မပေါ်မီက သာကီဝင်မင်းသမီးငါးရာတို့ အတွက်သာ ပညတ်အပ်တဲ့ အနုပညတ်ဖြစ်သောကြောင့် လည်းကောင်း၊

(၂) ထိုဘိက္ခုဧကတောဥပသမ္ပန္နပညတ်ကိုလည်း ပယ်အပ်ပြီးသည်အဖြစ်ကို ဝဇိရဗုဒ္ဓိဋီကာ ပြဆိုထားသောကြောင့် လည်းကောင်း၊

(၃) သာကီဝင်မင်းသမီးငါးရာနှင့် ဘိက္ခုလိင်ပြန် ရဟန်းမမှတပါး အခြား ဘိက္ခုဧကတောဥပသမ္ပန္န ဘိက္ခုနီများ မရှိသည်၏ အဖြစ်ကို အဋ္ဌကထာ, ဋီကာကြီးများက တညီတညွတ်တည်း ဖွင့်ပြကြသောကြောင့် လည်းကောင်း၊

(၄) ဘိက္ခုနီသံဃာ၌ ရဟန်းမပြုရသေးတဲ့ မာတုဂါမကို ဘိက္ခုသံဃာက ရဟန်းမ ပြုပေးခြင်းငှါ မအပ်-ဟု အဋ္ဌကထာ၌ ပြဆိုထားသောကြောင့်လည်းကောင်း၊

(၅) အယုတ်ဆုံးအားဖြင့် ဘိက္ခု (ရဟန်း)က မာတုဂါမကို ရဟန်းမ ပြုပေးဖို့ မဆိုထားနှင့် ဘိက္ခုနီမှ တပါး အခြားသူက ရှင်ပြုပေးခွင့်ပင် မရှိ- ဟု ဝိနည်းမဟာဝါ အဋ္ဌကထာ၌ ပြဆိုသောကြောင့် လည်းကောင်း၊

(၆) ရှေးဦးစွာ ရဟန်းမ ပြုပေးမည့် ဘိက္ခုနီအဆက်ပြတ်ခဲ့ပြီ ဖြစ်သောကြောင့်လည်းကောင်း “စစ်မှန်သော ဘိက္ခုနီများ ထေရဝါဒသာသနာတွင် ယခုအချိန်မှာ မရှိနိုင်ကြတော့ပါ။"

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

အမျှဝေမှု

အမျှဝေမှု

၁၊၊ ငရဲရောက်သူ၊
၂၊၊ နတ်ပြည်ရောက်သူ၊
၃၊၊ တိရစ္ဆာန်ဖြစ်သူ၊
၎၊၊ အချို့ပြိတ္တာများတို့သည် အမျှမရ၊၊
သူတပါးပေးကမ်းသည်ကို မှီ၍ အသက်မွေးရကုန်သော ပရဒတ္တူပဇီဝီ ပြိတ္တာမျိုးများသာ အမျှ ရသည်ဟု ဆိုပါသည်၊၊

အချို့ပြိတ္တာ အမျှမရဟု ဆိုရာ၌
၁၊၊ အစာကို အန်သော ဝန္တာသိက ပြိတ္တာမျိုး၊
၂၊၊ စား၍ စားမဝင် ငတ်မွတ်သော ခုပ္ပိပါသ ပြိတ္တာမျိုး၊၊
၃၊၊ ဝမ်းခေါင်ပြောင်ပြောင် တောက်လောင်နေသော နိဇ္ဈာမတဏှိက ပြိတ္တာမျိုး ဤသုံးဦးသော ပြိတ္တာတို့ အမျှ မရနိုင်ပါ၊၊ ( မိလိန္ဒပဉှာ ၂၈၄ )

အင်္ဂုတ္တိုရ်ပါဠိတော် တတိယအုပ် ဇာဏုေဿာဏိသုတ် ( ၄၇၈၊ ၄၇၉ ) ၌
၁၊၊ ငရဲ
၂၊ တိရစ္ဆာန်
၃၊၊ လူ
၎၊၊ နတ်ဘဝတို့သည် အမျှပေးဝေ၍ မရသော ဌာနဖြစ်သည်၊၊
ပြိတ္တာဘဝသည်သာ အမျှပေးဝ၍ ရသော ဌာနဖြစ်သည် ဟု မိန့်ဆိုပါသည်၊၊
( ခုဒ္ဒပါဒ တိရောကုဋ္ဋသုတ် အဋ္ဌကထာ ၁၇၇ ၌လည်း အင်္ဂံ္ဂုတ္တိုရ်နှင့် တူသည်၊၊)

သုတ်မဟာဝါ မဟာပရိနိဗ္ဗာနသုတ် (၇၅) ၌ကား
၁၊၊ အိမ်စောင့်နတ်များကို အမျှပေးဝေကြောင်း၊
၂၊၊ အမျှရကြသော အိမ်စောင့်နတ်များ၏ ပြန်လည် စောင့်ရှောက်မှုကို ရရှိသူ အိမ်ရှင်များ ချမ်းသာ သုခ ရရှိကြောင်းကို ဟောတော်မူထားသည်၊၊

ဆိုခဲ့ပြီးသော ကျမ်းဂန်အရပ်ရပ်တို့ကို ကောက်ချက်ချလျှင်
၁၊၊ မိလိန္ဒပဉှာ၊ အဂ္ဂုင်္တ္တိုရ်၊ ခုဒ္ဒပါဌ အဋ္ဌကထာတို့ အဆိုအရ နတ်ကို အမျှပေးဝေလို့မရ ဟု ဆိုလိုသည်၊၊
၂၊၊ သုတ်မဟာဝါမဟာပရိနိဗ္ဗာနသုတ်အလိုကား နတ်ကို အမျှပေးဝေလို့ ရကြောင်းဆိုထားသဖြင့် ကျမ်းဂန် အချင်းချင်း ဆန့်ကျင်သလိုဖြစ်နေသည်၊၊

နတ်များ လူများ အမျှ ပေးဝေလို့မရ ဆိုရာ၌ ပြိတ္တာများကဲ့သို့ ဘဝပြောင်းသွားအောင် အမျှပေးဝေလို့ မရဟု ဆိုလိုရင်းဖြစ်သည်၊၊
အမျှဝေ၍ လုံးဝမရသည်ကား မဟုတ်ပါ၊၊ အမျှရပါသည်၊၊ အမျှရသော အချို့နတ်များ အရှိန်အဝါ တိုးတက်နိုင်ပါသည်၊၊ ရေစက်ချ အမျှဝေသောအခါ ကိုယ်စောင့်နတ်စသော နတ်များကိုလည်း အမျှဝေလေ့ရှိပါသည်၊၊

ဤသည်မှာ နတ်များကို အမျှဝေ၍ ရခြင်း၏ သက်သေပင်ဖြစ်သည်၊၊ တရားနာ ပရိတ်သတ် အပါအဝင် လူအများကိုလည်း အမျှဝေလေ့ရှိပါသည်၊၊ သူများ အမျှဝေသည်ကို ဝမ်းမြောက်နုမော် သာဓုခေါ်ခြင်း ပတ္တာနုမောဒန ပုညကိရိယဝတ္ထု ကုသိုလ်သည် လူနင့် နတ်နှစ်မျိုးလုံးပင် ရနိုင်သည်၊၊ နတ် ဟုဆိုရာ၌ သတ္ထာဒေဝမနုဿာနံ ၌ ကဲ့သို့ ဗြဟ္မာလည်း ပါဝင်ပါသည်၊၊

မိလိန္ဒပဉှာ မြန်မာပြန် (၃၀၄)၌ သိမှ အမျှရသည်ဟု ဆိုခြင်းကြောင့် အမျှဝေသည်ကို မသိလျှင် အမျှ မရဟု မှတ်ရမည်၊၊ တိရစ္ဆာန်နှင့် ငရဲသားများကား လုံးဝ မသိနိုင်သောကြောင့် အမျှဝေ၍ လုံးဝ မရနိုင်ပါ၊၊

(အမေရိကန်ဆရာတော် ဦးဇောတာလင်္ကာရ မေး၍

အင်းစိန်ရွာမ ပရယတတ္တိစာသင်တိုက် ဆရာတော် ဦးတိလောကာဘိဝံသ ဖြေဆိုချက် )

ကုသိုလ်ဖြစ်ရန် လိမ်လည် လှည့်စားခြင်း

ကုသိုလ်ဖြစ်ရန် လိမ်လည် လှည့်စားခြင်း 

၁။ လူတဦးတယောက်အား ကုသိုလ်ရပါစေခြင်းအကျိုးငှါ လိမ်လည်လှည့်ဖြားမိသည်ဆိုလျှင် ထိုလိမ်သူမှာ မုသာဝါဒကံ ထိုက်ပါသလား။
၂။ သာသနာတော် စည်ပင်စေရန် လူငယ်လူရွယ်တို့အား လောကုတ္တရာဘက်သို့ အာရုံစိုက်လာစေရန် ၄င်းတို့အကြိုက် ( ဥပမာ-နစ္စ၊ ဂီတ၊ စသည်တို့နှင့် ) ဖြားယောင်းသွေးဆောင်၍ စည်းရုံးလှုံ့ဆော်ခြင်းသည် အပြစ်ရှိပါသလား ဘုရား။
( မောင်ဆွေတင့်-မြို့နယ်ပညာရေးမှူးရုံး၊ ရွှေတောင်မြို့ )

( ဖြေ )။ လိမ်လည်လှည့်ဖြားခြင်း မုသာဝါဒကံမှာ
၁-မဟုတ်မမှန်သော ၀တ္ထုလည်းဖြစ်စေ၊
၂-ချွတ်ယွင်းစေလိုသော စိတ်ရှိသည်လည်းဖြစ်စေ၊
၃-ကိုယ်နှုတ်နှစ်ပါးတွင် တပါးပါးဖြင့် သိအောင်လည်းပြုစေ၊
၎-တပါးသူက ပြုသည့်အတိုင်း သိလည်းသိစေ-
ဤအင်္ဂါလေးပါးနှင့်ညီလျှင် မုသာဝါဒဖြစ်ပါသည်။
သို့သော် သူတပါးအကျိုးပျက်စီးမှု အကြီးအသေးပေါ် မူတည်၍ အပြစ်အကြီးအသေး ကွားခြားနိုင်ပါသည်။

လူတဦးတယောက်အား ကုသိုလ်ရပါစေခြင်းငှါ-ဟု ရည်ရွယ်ချက်ရှိ၍ ပြောဆိုခြင်းမှာ အပြစ်မကြီးဟု ဆိုနိုင်သည်။ သို့သော် လိမ်လည်မှုအစား ပရိယာယ်ပြုခြင်းမျိုးကို ပြုလုပ်သင့်ပါသည်။
သာဓကမှာ-တမ္ဗဒါဌိက ခိုးသားကြီးသည် အရှင်သာရိပုတ္တရာအား တပည့်တော် ငါးဆယ့်ငါးနှစ်ပတ်လုံး လူသတ် ခဲ့သည်မှာ ကိုယ်သတ်ချင်၍ သတ်သည်မဟုတ်၊ ရှင်ဘုရင် သတ်ခိုင်း၍ သတ်ရပါသည်၊ တပည့်တော်မှာ အပြစ်ရှိပါသလား-ဟု ဆိုသည်၊

ဤတွင် အပြစ်ရှိသည်ဟု ပြောလျှင် ၄င်းခိုးသားကြီး စိတ်လှုပ်ရှား၍ တရားမနာနိုင်ဖြစ်ကာ ကောင်းကျိုးမရဖြစ်မည်ကြောင့် ရှင်ဘုရင် သတ်ခိုင်း၍ သတ်ခြင်း၌ သင့်မှာ အပြစ်ရှိနိုင်ပါ့မလား-ဟူ၍ ရှိသည်ဟုလည်းမဆို၊ မရှိသည်ဟုလည်းမဆို၊ ပရိယာယ်အမေးစကားဖြင့် ဖြေလိုက်သည်၊ ပညာနည်းသော ခိုးသားကြီးစိတ်တွင် ငါ့မှာ အပြစ်မရှိဘူး-တဲ့ ဟု သိမြင်သွားကာ ကောင်းစွာ တရားနာနိုင်၍ တမလွန်ဘ၀တွင် တုသိတာနတ်ပြည်သို့ ရောက်သွာရပေသည်။

၂။ ဇနပဒကလျာဏီအား စွဲလမ်း၍ ရဟန်းတရား အားမထုတ်နိုင်သော ညီတော် နန္ဒ-ရဟန်းအား မြတ်စွာဘုရားက နတ်ပြည်ခေါ်သွားကာ နတ်သမီးများကိုပြရာ ဇနပဒကလျာဏီ အစွဲပျောက်ပြီး နတ်သမီးများအား စွဲလမ်းသွားသည်၊ ဤတွင် ရဟန်းတရားအားထုတ်လျှင် ဤနတ်သမီးများကို ရနိုင်ကြောင်း မြတ်စွာဘုရားက နတ်သမီးဖြင့် သွေးဆောင်၍ တရားအားထုတ်စေသည်၊ ညီတော်နန္ဒလည်း တရားအားထုတ်ကာ ရဟန္တာအဖြစ်သို့ ရောက်သွားပါသည်၊ ဤသို့ ဆူးတချောင်းစူးသည်ကို ဆူးတချောင်းဖြင့် ထွင်သည့်သဖွယ် ပရိယာယ်ဖြင့် ဖြားယောင်းသွေးဆောင်၍ လောကုတ္တရာဘက်သို့ ရောက်စေသည်မှာ အပြစ်ရှိသည်ဟု မဆိုနိုင်ပါ။

ဆရာတော် တိလောကသာရ (ရဝေထွန်း)

ကျောင်းဝင်းတွင်း ဖိနပ်စီးသင့် ၊ မစီးသင့် ပြဿနာ

“ ကျောင်းဝင်းတွင်း ဖိနပ်စီးသင့် ၊ မစီးသင့် ပြဿနာ ”

အမေး။ ။ ဘုန်းတော်ကြီးကျောင်းဝင်း, ဘုရားယင်ပြင်တော်တို့၌ ဖိနပ်စီးလျှင် မည်သို့ အပြစ် ရှိပါသနည်း၊ ဗိမ္ဗိသာရမင်း၏ ခြေဖဝါးကို ဓားခွဲခံရခြင်းသည်မည်သည့် အကြောင်း ကြောင့်ပါနည်း။ (ဂါဒီယန်သတင်းစာ အယ်ဒီတာဟောင်း ဦးစိန်ဝင်း)

အဖြေ။ ။ဗိမ္ဗိသာရမင်း၏ ခြေဖဝါးကို သင်တုန်းဓားဖြင့် အခွဲခံရခြင်း၌ "ရာဇာကိရ ပုဗ္ဗေ စေတိယင်္ဂဏေ သဥပါဟနော အဂမာသိ-ရှင်ဘုရင်သည် ရှေးဘဝတုန်းက စေတီယင်ပြင်တော်ဝယ် ဖိနပ်စီးလျက် သွားဖူးသတဲ့၊ နိသဇ္ဇနတ္ထာယ ပညတ္တကဋသာရကဉ္စအဓောတေဟိ ပါဒေဟိအက္ကမိ-ရဟန်းသံဃာတို့ ထိုင်ဖို့ရန် ခင်းထားအပ်သော သင်ဖြူကိုလည်း ခြေမဆေးဘဲ နင်းဖူးသတဲ့၊ တဿာယံ နိသန္ဒေတိ ဝဒန္တိ-ဤသို့ ခြေဖဝါးကို ဓားခွဲခံရခြင်းသည် ထုို အပြစ်၏ အကျိုးဖြစ်သတဲ့" ဤသို့ ပြောကြသည်။ [ဤကား သာမညဖလသုတ် အဋ္ဌကထာစကားတည်။]

♦ မှတ်ချက်။ ။ထို အဋ္ဌကထာစကား၌ "စေတီယင်္ဂဏ (စေတီယင်ပြင်တော်) ဟူသော စကားကို ယူ၍
ဘုရားဝိုင်းအတွင်းဝယ် (သံဃာများနေရာ ကျောင်းဝိုင်းအတွင်းပါ) ဖိနပ်မစီးကောင်း" ဟု ယခုအခါမှတ်ယူနေကြ၏၊
"စေတီယင်္ဂဏ" ဟူသော အဋ္ဌကထာစကာ၌ အဖွင့်ဋီကာဆရာတို့က အများထင်သလို ဘုရားဝိုင်း တစ်ပြင်လုံးကို မယူကြ၊ "စေတီယင်္ဂဏေတိ-ဂန္ဓပုပ္ဖာဒီဟိ ပူဇနဋ္ဌာနဘူတေ စေတီဟင်္ဂဏေ- ပန်းနံ့သာစသော ပူဇော်ဖွယ်တို့ဖြင့် ပူဇော်ရာ ဌာနဖြစ်သော စေတီယင်ပြင်တော်၌"ဟု သရုပ်ဖော်ကြသည်၊  ထို့ကြောင့် "ဗိမ္ဗိသာရမင်းသည် ဘုရားဝင်းအတွင်း သာမန်၌ ဖိနပ်စီးသည် မဟုတ်၊  ပန်းတင်ခံဟု ခေါ်ရာ စေတီတော် အောက်ခြေမှာပင် ဖိနပ်စီးခြင်း ဖြစ်သည်ဟု ဋီကာဆရာတို့က ဆိုလိုကြပါသည်။

♦ ♦ ထို့ပြင် ရဟန်းသံဃာတော်တို့ ထိုင်ဖို့ရာ ခင်းထားအပ်သော သင်ဖြူးပေါ်၌ ခြေမဆေးဘဲ နင်းခဲ့သော အပြစ်လည်း ခြေဖဝါးကို ဓားခွဲခံရမှု၌ပါဝင်နေ၏၊ ယခုအခါ ဘာသာရေးကို အလွန်လေးစားသော ဒါယကာ၊ ဒါယိကာမတို့တွင်အဘယ်မျှလောက်သော အရေအတွက်က ထိုနေရာမျိုးကို နင်းလိုသောအခါ ခြေဆေးကြပါသနည်း။

"ကောသလမင်းကျောင်းတိုက်တွင်းဝင်ပုံ"

အခါတစ်ပါး၌ ကောသလမဟာရာဇာသည် ဘုရားရှင်ကို ဖူးမြင်လိုသောဆန္ဒပြင်းပြလှသဖြင့် မိမိခေတ္တရောက်နေရာမြို့ကလေးမှ ဘုရားရှင် သီတင်းသုံးတော်မူရာ (သုံးယူဇနာလောက်ဝေးသော) နိဂုံးကို ရောက်လာ၏၊ ထိုနိဂုံး၏ တစ်နေရာ ခြံဥယျာဉ်၌ဘုရားရှင် သီတင်းသုံးတော်မူ၏၊ [ထိုခြံသည် ဘုရားရှင်နှင့်တကွရဟန်းတော်အများ သီတင်းသုံးတော်မူရာ ဖြစ်သောကြောင့်ကျောင်ဝိုင်းပင် ဖြစ်၏။]

မဟာရာဇာသည် ကျောင်းတိုက်သို့ ဝင်၍ စင်္ကြံသွားနေသောရဟန်းတော်များထံ ချဉ်းကပ်ပြီးလျှင် "ဘုရားရှင် ဘယ်မှာသီတင်းသုံးပါသနည်း" ဟုမေးလေရာ ရဟန်းတော်များသည် သီတင်းသုံးတော်မူရာ ကျောင်းကို ညွှန်ပြကြလေ၏၊ ထိုအခါကျမှ ကျောင်းဆောင်တော်သို့ ဝင်ရမည်ဖြစ်သောကြောင့် ခြေနင်းနှင့်တကွ မင်းမြောက်တန်ဆာ ငါးပါးတို့ကို ချွတ်ပယ်၍ စစ်သူကြီအား ပေးလေသည်။ [မဇ္ဈိမပဏ္ဏာသ, ဓမ္မစေတိယသုတ်ပါဠိုတော်။]

♦ မှတ်ချက်။ ။ ပါဠိုတော်, အဋ္ဌကထာ, ဋီကာတို့၏ စကားသည် ယခုခေတ် မြန်မာ ဗုဒ္ဓဘာသာတို့၏ အယူအဆကို မထောက်ခံ ကြပါတကား၊ "သီဟိုဠ်, ယိုးဒယား ကမ္ဗောဒီးယား, လော" ဟူသော ထေရဝါဒ ဗုဒ္ဓဘာသာ ၄-နိုင်ငံတို့၌ ကျောင်းတိုက်အတွင်းဘုရားဝိုင်းအတွင်းကိုဝယ် ဖိနပ်စီးသည်ချည်းသာဖြစ်ကြပါသတဲ့၊ မြန်မာ့ အယူအားဖြင့် ထိုသူအားလုံး ခြေဖဝါးကို ဓားခွဲ ခံကြရတော့မည်။

မြန်မာ ဗုဒ္ဓဘာသာတို့အား ကျောင်းဝိုင်းအတွင်းသို့
♦ စက်ဘီးစီး၍လည်း ဝင်ရဲကြ၏၊
♦ နွားလှည်း, မြင်းလှည်းစီး၍လည်း ဝင်ရဲကြ၏၊
♦ ထို့ထက် ခမ်းနားသော မော်တော်ကားကြီးကိုလည်း စီး၍ ဝင်ရဲကြ၏၊
♦ စီးစရာ ယာဉ်တို့တွင် အသေးငယ်ဆုံး ဖိနပ်ယာဉ်ကိုကား မစီးဝံ့ရှာကြချေ။

ထို့ပြင်ဘုရားမြေ, ဘုရားဝိုင်းအတွင်း၌ ကျေကျေ နပ်နပ်ခွင့်ပြုအပ်, ခင်းကျင်းပြသအပ်သော ဇာတ်သဘင်ပွဲများကို ကြည့်ရှုကာ နှပ်, တံတွေးတို့ကို ထွေးရဲကြ၏၊ ထိုပွဲဈေး၌ စားကြွင်း စားကျန်တို့ကိုလည်းစွန့်ပစ်ရဲကြ၏၊ ကလေးများကိုပင် ရှူရှူတယ်ဝံ့ကြသေး၏၊

♦ ဖိနပ်မစီးဘဲ ကျောင်းအတွင်း ဝင်၍ ဖုံလူးနေသောခြေဖြင့် ကျောင်းပေါ်တတ်ခြင်းနှင့် ဖိနပ်စီး၍ ကျောင်းပေါ်တတ်ခါနီးမှ ဖိနပ်ချွတ်ပြီးလျှင် ဖုံမလူးသော ခြေဖြင့် ကျောင်းပေါ်တတ်ခြင်းတို့တွင်
အဘယ်သို့တက်ခြင်းက ခြေဖဝါးဓားခွဲခံရသော အမှုနှင့် နီးစပ်ပါသနည်း။

"တကယ်ရိုသေခြင်း"

ကျမ်းစာတို့၌ တကယ်ရိုသေသော အရာဝယ် "စေတီတော်၏ ထင်ရှားရာ အရပ်၌သော်မှ ဖိနပ်မစီးရ"
ဟု ဆို၏။ [သုတ်ပါထေယျ, သင်္ဂီတိသုတ်အဋ္ဌကထာ]။

မိထွေးတော် ဂေါတမီသည် သာကီဝင်မင်းသမီးငါးရာ နှင့်အတူဘိက္ခုနီပြုလုပ်ဖို့ရန် ကပိလဝတ် ပြည်မှ  ၅၁-ယူဇနာဝေးသော ဝေသာလီပြည်သို့ လာရာ၌ (ယာဉ်ရထားစီး၍ သွားလျှင် ဘုရားရှင်ကို မရိုသေရာ ရောက်မည်စိုးသောကြောင့်) ယာဉ်ရထား မစီးကြဘဲအားလုံး မင်းသမီးများ ခြေလျင်သွားကြပါသတဲ့။ [ဘိက္ခုနီခန္ဓကစူဠဝဂ္ဂပါဠိတော်။]

♦ ထိုမျှလောက် မရိုသေနိုင်သူ့အတွက် မရိုသေစိတ်လည်း မရှိပါမူ အကုသိုလ်အပြစ်မရှိ၊ သို့သော် ရိုသေနိုင်သူအတွက် ရိုသေလေ ကောင်းလေပင်ဖြစ်ပါသည်၊ သို့ရာဝယ် မိမိမှာရောဂါ ဖြစ်လောက်အောင် အရိုအသေ လွန်မသွားဖို့ သတိထားသင့်ပါသည်။

အမှာ။ ။ ယခုကာလ၌ ဗုဒ္ဓမြတ်စွာ၏ဆိုင်ရာ စေတီတော်ဝင်း, ကျောင်းဝင်းသို့ ဖိနပ်မစီးရလျှင် မဝင်လိုကြ၊ ဖိနပ်စီးလျှင်လည်း အပြစ်ရမည် ထင်နေသူတို့အတွက် ဤအဖြေကို ရေးလိုက်ပါသည်၊
ရှေးက ဆရာတော်ကြီးများ၏ "ဖိနပ် မစီးကောင်း" ဟူသော အဆုံးအဖြတ်ကို လိုက်နာ၍ ဖိနပ်မစီးသူများကိုကား "ရိုသေနိုင်လျှင် ကောင်းပါ၏" ဟုသာ ချီးမွမ်းလိုပါသည်။

- (အရှင်ဇနကာဘိဝံသ၏ ဘာသာရေးပြဿနာ အဖြေများမှ ကူးယူ ဝေငှပါသည်။)

ကံတူသော်လည်း အကျိုးပေးမတူခြင်းအကြောင်း

ကံတူသော်လည်း အကျိုးပေးမတူခြင်းအကြောင်း 

မေး - ကဿပဘုရားရှင် လက်ထက်က ရဟန်းတပါးသည် အနှစ်နှစ်သောင်း ရဟန်းတရားကို အားထုတ်ခဲ့ သော် လည်း သေခါနီး၌ မြက်ပင်တို့ကို မတော်တဆ နှုတ်မိသော ၀ိနည်းပြစ်ကိုအမှတ်ရ၍ ဘုရားနှစ်ဆူကြား ကာလပတ်လုံး တိရိစ္ဆာန် နဂါးဘ၀ ဖြစ်ရခြင်း၊

မလ္လိကာ မိဖုရားကြီးသည် ကြီးကျယ်သော အသဒိသဒါန ( အတုမရှိသော အလှူဒါန ) ကြီးကို ပေးလှူခြင်းစသော များစွာ သော ကုသိုလ်များပြုခဲ့ပါလျက် သေခါနီးကာလတွင် ပြုခဲ့ဖူးသော အကုသိုလ် အပြစ်အနည်းငယ်ကို မပြုလုပ်ပါ ဟု ကောသလမင်းကြီး အား မုသားစကားပြောကြားခဲ့သည်ကို အမှတ်ရ၍ (၇) ရက် ငရဲဒုက္ခ ခံရခြင်း၊

တိဿရဟန်းသည် သေခါနီးကာလ၌ မိမိသင်္ကန်းကို စွဲ၍ (၇) ရက် သန်းပြိတ္တာဖြစ်ရခြင်းတို့တွင် သေးငယ်သော အပြစ်ချင်း တူပါလျက် အဘယ့်ကြောင့် မြက်ပင်နှုတ်မိသော ရဟန်းက အချိန်ကြာမြင့်စွာ တိရိစ္ဆာန်ဖြစ်ရပါသနည်း ….

အဖြေ - ဒါက ဘ၀မှာ ဖြစ်စေတဲ့ အကြောင်းလေးတခုသာ ရည်ညွန်းပြောတာ၊ ဒီပုဂ္ဂိုလ်တွေရဲ့ အရည်အချင်းက မတူဘူး၊ ပတ်ဝန်းကျင် အခြေအနေတွေချင်းက မတူညီကြဘူး၊ ပုဂ္ဂိုလ်တယောက်နဲ့ တယောက်ဟာ တိုင်းတာလို့ မရနိုင်ဘူး၊ အခု ဒီသင်တန်း တက်နေကြတဲ့ သူတွေတောင်မှ တစ်ယောက်နဲ့ တစ်ယောက် အရည်အသွေးချင်း၊ သဘောထားချင်းက တူလို့ မရဘူးလေ၊ ကွဲပြားခြားနားမှုတွေ အမြဲတမ်း ရှိနေတတ်တယ်၊

အဲဒီ မတူညီတဲ့ သဘောတွေကို တူတယ်လို့ သွားပြီး ယူဆလို့ ရှိရင် မှားသွားမှာပေါ့၊ မတူတဲ့ အခြားအခြေအနေတွေကို ထည့် သွင်းပြီးတော့ စဉ်းစားရမယ်၊ ခုနတုန်းက အနှစ်နှစ်သောင်းရဟန်းတရား အားထုတ်ပြီးတဲ့အခါမှာ နဂါးဘုံ ရောက် သွားတယ် ဆိုတာက နဂါးဘ၀က အသက်ရှည်တဲ့ ဘ၀မျိုးကို ရောက်သွားသည့်အတွက်ကြောင့်ပဲ၊  ပြီးတော့ နဂါးဘ၀ကလဲ တပိုင်းက နတ်နဂါး ဆိုတော့ စည်းစိမ်ချမ်းသာက တစ်ဖက်ရှိနေတဲ့ အနေအထားတခုပေါ့၊  အဲဒီလို အနေအထားရှိတဲ့ ဘုံဘ၀ရောက် သွားတော့ သူ့သက်တမ်း life span အတိုင်း သွားတော့တာ၊ သူက ကံတင် မကဘူး၊ စိတ်၊ ဥတု၊ အာဟာရ တွေရော ဖန်တီး လာတာ၊

သန်းဖြစ်တဲ့ ကိုယ်တော်ကျတော့ သန်းဆိုတာက သက်တမ်းရှည်တဲ့ ဘ၀မဟုတ်ဘူး၊ တိုတောင်းတဲ့ ဘ၀၊ သူ့ရဲ့ဗီဇ ရောက်လာတဲ့ ဘ၀ရဲ့အခြေအနေတွေကလည်း ထည့်ပြီး စဉ်းစားရအုံးမယ်၊

ပြီးတော့ မလ္လိကာ မိဖုရားကြီး ငရဲကျတယ်၊ ငရဲ ဆိုတဲ့သဘောက ငရဲပြည်မှာသက်တမ်းသက်သက် မရှိဘူး၊ ကံသည်ပင် သူတို့ရဲ့ သက်တမ်းပဲ၊ သူ့ကံရဲ့ အရှိန်ကုန်တာနဲ့ ချက်ချင်းလွတ်တယ်၊ ကံအရှိန် မကုန်သေးသမျှတော့ ဆက်သွားနေမှာပဲ၊ ဘယ်တော့ မှ သေတယ် လို့ မရှိဘူး၊

“ န စ တာဝ ကာလံ ကရောတိ၊ ယာဝ န တံ ပါပကမ္မံ ဗျန္တီ ဟောတိ ” ကံမကုန်သေးသမျှ ဘယ်ငရဲသားမှ ဘယ်တော့မှ သေတယ် လို့ မရှိဘူး၊ ဘယ်လောက် ညှင်းဆဲ ညှင်းဆဲ၊ ဘယ်လောက် ဒုက္ခတွေ ရောက်ရောက်၊ ကံမကုန်သေးလျင် မသေ ဘူး လို့ ဆိုတယ်၊ အဲဒီတော့ ကိုယ်လုပ်ခဲ့တဲ့ ကံသည်ပင် ငရဲပြည်ရဲ့ life span ပဲ၊ သက်တမ်းတစ်ခုပဲ၊
အဲဒီတော့ လူမှာ အကြောင်းတခုထဲကို မကြည့်ပဲနဲ့ အခြား အခြေအနေကောင်းတွေ၊ အခြေအနေ မကောင်းတာတွေ အများ ကြီး ရှိသေးတယ် ဆိုတာ ထည့်သွင်းပြီးတော့ စဉ်းစားရမယ်၊

သူလည်း ကောင်းတာလုပ်တာပဲ၊ ငါလည်း ကောင်းတာလုပ်တာပဲ၊ သူလည်း မကောင်းတာလုပ်တာပဲ၊  ငါလည်း မကောင်း တာ လုပ်တာပဲ၊ အကျိုးပေးခြင်းကျတော့ တူတယ်၊ မတူဘူး လို့သွားပြောလို့ မရဘူး၊ ရာဇ၀တ်မှုတစ်ခု ကျူးလွန်တာ တောင်မှ လွတ်တဲ့သူက လွတ်သွားတာပဲ၊ ခံရတဲ့သူက ခံရတယ်လေ၊ ဘာဖြစ်လို့တုန်းဆိုတော့ အခြေအနေချင်း မတူညီလို့၊ ၀ဋ်ကြွေးပါ လာရင် အကုသိုလ်အကျိုးပေးချိန်ကျလာရင် ခံရတာပဲ၊ မလွတ်နိုင်ဘူး၊ ဒါကိုတော့ အခြေအနေလို့ ခေါ်တယ်၊

လောဏကပလ္လသုတ်မှာ ဘာဟောထားသလဲ ဆိုတော့ မြတ်စွာဘုရားက ဆားခဲလေးတစ်ခုကို ဖန်ခွက်တခုထဲမှာ ရှိတဲ့ ရေထဲကို ထည့်လိုက်လို့ရှိရင် အဲဒီရေသည် သောက်မရအောင် ငန်သွားနိုင်တယ်၊ သို့သော် အဲဒီ ဆားခဲကိုပဲ ရေကန်ကြီး တစ်ခုထဲ၊ မြစ်ထဲမှာ ထည့်လိုက်မယ် ဆိုရင် ဘာအရသာမှ မပေါ်ဘူး၊ ဘာမှကို ထူးခြားမလာဘူး၊

အဲဒီလိုပဲ လူတွေမှာလဲ တစ်ချို့ပုဂ္ဂိုလ်တွေမှာ ကောင်းတာတွေ လုပ်ထားတာတွေက အများကြီး၊ မကောင်းတဲ့ အကုသိုလ် မတော်တဆ လုပ်မိအုံး၊ သူကျတော့ ပျောက်သွားတယ်၊ အကုသိုလ်က အကျိုးမပေးဘူး ၀င်မလာတော့ဘူး၊

တစ်ချို့ကျတော့ ကောင်းတာက မရှိဘူး၊ မကောင်းတာတွေက များနေတယ် ဆိုလျင် ခုနက ဆားခဲကို ဖန်ခွက်ထဲက ရေထဲ ထည့်လိုက်သလိုပဲ၊ သူ့ကျတော့ ပိုခံရတယ်၊ ဘာဖြစ်လို့လဲ ဆိုတော့ သူ့မှာ အခြေအနေကောင်းတွေ မရှိဘူး၊ အဲဒီသဘော တွေကို ထည့်စဉ်စားကြည့်လိုက်မယ် ဆိုရင် ကံက အကျိုးပေးတယ် ဆိုတဲ့ နေရာမှာလည်း အခြေအနေတွေပေါ်မှာ မူတည် တယ်၊

တစ်ဦးနဲ့ တစ်ဦးဟာ အခြေအနေတွေချင်း မတူဘူး၊ မတူလျင် အကျိုးပေးတာချင်းလဲ မတူညီနိုင်တော့ဘူး၊ အဲဒီသဘောကို နားလည်မှသာ ကံအကြောင်းတရားတွေကို လက်ခံ ယုံကြည်နိုင်မှာ ဖြစ်ပါတယ်။

Rf. ပါမောက္ခချုပ်ဆရာတော်ကြီး အရှင်နန္ဒမာလာဘိဝံသ၏ ဓမ္မဗျူဟာ သင်တန်းသားများ၏ အမေးကို ဖြေဆိုခြင်း မှ ကောက်နှုတ်   ဖော်ပြပါသည်။ 
ပန်ကမ္ဘာ

ပြည်မသိ ဗာရာဏသီ၊ မင်းမသိ ဗြဟ္မဒတ်

ပြည်မသိ ဗာရာဏသီ ၊ မင်းမသိ ဗြဟ္မဒတ်

မေး။ ။ ဘုရားဟော သုတ္တန်၊ ဇာတ်၊ နိပါတ်တော်များတွင် “ရှေးလွန်လေပြီးသောအခါ ဗာရာဏသီပြည်၌ ဗြဟ္မဒတ်မင်း အုပ်စိုးတော်မူစဉ်” စသည်ဖြင့် တရားစာပိုဒ် တော်တော်များများ တွေ့ကြရသည်။ ထိုအခါ တစ်ယောက်သော မိတ်ဆွေက “ဒါကတော့ဗျာ မင်းမသိ ဗြဟ္မဒတ်၊ ပြည်မသိ ဗာရာဏသီ-လို့ ဆိုရိုးရှိတယ်လေဗျာ၊ ဇာတ်တော်တိုင်း ဒီလိုချည်း ပြဆိုရတာပေါ့” ဟု ဆိုလာပါသည်။
ဦးခင်မောင်နိုင်နှင့် ဓမ္မမိတ်ဆွေများ

ဖြေ။ ။ ရှေးဦစွာ ဗာရာဏသီ-ဟု အမည်ရခြင်းအကြောင်းများကို ဗဟုသုတ အဖြစ်ဖော်ပြချင်ပါသည်။
၁။ ဗာရာဏသာမြစ်၏ မနီးမဝေး၌ ဖြစ်သောကြောင့် ဗာရာဏသီ၊ (ဗာရဏသာ+ဏ+ဤ)
၂။ ၁၂-ဦးသော ရသေ့မုနိတို့ သက်ဆင်းဝင်ရောက်ရာ ဌာနဖြစ်သော ကြောင့် ဗာရာဏသီ၊ (ဒွါဒသဣသိ+ဤ)
၃။ အသိန်းမကသော ဘုရားရှင်တို့ ဓမ္မစကြာဟောတော်မူရန် သက်ဆင်းရာ ဌာနဖြစ်သောကြောင့် ဗာရာဏသီ၊
၎။ မျောက်ဦးခေါင်းရှိရာ (သို့မဟုတ်) မျောက်ဦးခေါင်းနှင့်တူသော ကျောက်ရှိရာ ဌာနဖြစ်သောကြောင့် ဗာရဏသီ၊ (ဝါရဏသီသ+ဏ+ဤ)
၅။ မြို့တည်စအခါ၌ မင်းနှစ်ပါးတို့ စစ်ထိုးရာ ဌာနဖြစ်သောကြောင့် ဗာရာဏသီ၊ (ဒွိ+ရဏ+သ+ဤ)
၆။ ဝရဏာမြစ် အသီမြစ် ၂-သွယ်တို့၏ အကြား၌ တည်သောကြောင့် ဗာရာဏသီ-ဟု ခေါ်၏။

ဗာရာဏသီပြည်အနီး မိဂဒါဝုန်၌ ဘုရားရှင် ဟောတော်မူအပ်သော သုတ္တန်များမှာ--
၁။ ဓမ္မစကြာသုတ်၊

၂။ အနတ္တလက္ခဏသုတ်၊

၃။ ပဉ္စသုတ်၊

၎။ (ပထမ+ ဒုတိယ) မာရပါသသုတ်၊

၅။ ဓမ္မဒိန္နာသုတ်၊

၆။ အာဒိတ္တပရိယာယသုတ်၊

၇။ သစ္စဝိဘင်္ဂသုတ်၊

၈။ ရထကာရသုတ်၊

၉။ သမယသုတ်၊

၁၀။ သစေတနသုတ်၊

၁၁။ ကဋုဝိယသုတ်၊

၁၂။ မေတ္တေယျပဉှာတို့ ဖြစ်၏။
အခြားသော အရှင်သာရိပုတ္တရာ- စသော သာဝကဘာသိတသုတ်များ လည်း အနည်းငယ် ရှိသေး၏။

ဗာရာဏသီပြည်သည် အမြဲပင် ဗာရာဏသီ အမည်ရှိနေခဲ့သည် မဟုတ်ပါ။
“အယဉှိ ဗာရာဏသီ ဥဒယဇာတကေ သုရုန္ဓနဂရံ နာမ ဇာတာ။ စူဠသောမဇာတကေ သုဒဿနံ နာမ၊ သောဏနန္ဒဇာတကေ ဗြဟ္မဝဍ္ဎနံ နာမ၊ ခဏ္ဍဟာလဇာတကေ ပုပ္ဖဝတီနာမ ၊ ဣမသ္မိံ ပန ယုဓဉ္စယဇာတကေ ရမ္မနဂရံ နာမ အဟောသိ။ ဧဝမဿ ကဒါစိ နာမံ ပရိဝတ္တတိ။” (စရိယာ၊ဋ္ဌ၊ ၁၇၇)

ဟူသော စရိယာပိဋက အဋ္ဌကထာအတိုင်း “ဥဒယ(ဘဒ္ဒ) ဇာတ်တော်တွင် သုရုန္ဓနမြို့-ဟု ခေါ်၏။ စူဠသုတသောမဇာတ်တော်တွင် သုဒဿနမြို့ဟု ခေါ်၏။ သောဏနန္ဒ ဇာတ်တွင် ဗြဟ္မဝဍ္ဎနမြို့ဟု ခေါ်တွင်၏။ (စန္ဒကုမာရ) ခဏ္ဍဟာလဇာတ်တော်တွင် ပုပ္ဖဝတီ အမည်ရ၏။ ယုဓဉ္စယဇာတ်တော်တွင် ရမ္မမြို့ဟု ခေါ်တွင်၏။

ဗာရာဏသီ-ဟု အမည်ရသည့်အခါ၌လည်း အမြဲတမ်း ဗြဟ္မဒတ်- အမည်ရှိသော မင်းချည်း မဟုတ်ပါ။ ဂိရိဒတ္တဇာတ်တွင် ဗာရာဏသီပြည်၌ သာမ- မည်သော မင်း ထီးနန်းစိုးစံကြောင်း လာ၏။

ထိုဗာရာဏသီပြည်၌ပင် ဓမ္မဓဇဇာတ်တွင် ယသပါဏိမင်း၊ မဟာပိင်္ဂလဇာတ်တွင် မဟာပိင်္ဂလမင်း၊ ဂါမဏိ စန္ဒဇာတ်တွင် ဇနသန္ဓမင်း၊ ဒူတဇာတ်တွင် ဘောဇနသုဒ္ဓိကမင်း၊ ခန္တီဝါဒီဇာတ်တွင် ကလာဗုမင်း၊ ကာဠဗာဟုဇာတ်တွင် ဓနဉ္စယမင်း၊ စူဠဓမ္မပါလဇာတ်တွင် မဟာပတာပမင်း၊ သုယောနန္ဒီဇာတ်တွင် တမ္ဗမည်သောမင်း၊ သတ္ထုဘသ္တဇာတ်တွင် ဇနကမင်း၊ ကုမ္ဘကာရဇာတ်တွင် သေနကမင်း၊ ဒဠှဓမ္မဇာတ်တွင် ဒဠှဓမ္မမင်း၊ ဂိဇ္ဈဇာတ်တွင် သေနကမင်း၊ မဟာကဏှဇာတ်တွင် ဥသိနကမင်း၊ ဘလ္လာတိယဇာတ်တွင် ဘလ္လာတိယမင်း၊ ဟတ္ထိပါလဇာတ်တွင် ဧသုကာရီမင်း၊ မဟာဟံသဇာတ်တွင် သံယမမင်း၊ တေမိဇာတ်တွင် ကာသိမင်း မင်းပြုကြောင်း အသီးသီးလာရှိ၏။

ဗာရာဏသီပြည်တွင် ဘုရားလောင်း မင်းပြုသည်ရှိသော် စသည်ဖြင့် အမည်နာမ အထူးမပြုဘဲ ဖော်ပြထားသော ဇာတ်တော်များလည်း များစွာရှိသေး၏။

ဗြဟ္မဒတ်မင်း ဟူရာ၌လည်း တစ်ဦးတည်းကို ဆိုလိုသည်မဟုတ်၊ ဗြဟ္မဒတ္တ- ဟူသည် မျိုးနွယ်အမည်၊ သို့မဟုတ် မင်းဆက်အမည်-ဟု ပညာရှင်များ ယူဆကြ၏။ ဘုရားရှင်ကို သိဒ္ဓတ္ထ-ဟု ခေါ်ဝေါ်သုံးစွဲခြင်းမပြုဘဲ ဂေါတမဟု မျိုးနွယ်အမည်ကို ခေါ်ဝေါ်သကဲ့သို့၊ သို့မဟုတ် ဂျော့ဘုရင် ဟူရာ၌ စတုတ္ထမြောက် ဂျော့ဘုရင်၊ ပဉ္စမမြောက် ဂျော့ဘုရင် စသည်ဖြင့် တစ်ဦးတစ်ယောက်တည်း မဟုတ်သကဲ့သို့ မှတ်ယူသင့်ပါသည်။

“မင်းမသိ ဗြဟ္မဒတ်၊ ပြည်မသိ ဗာရာဏသီ” ဟူသော ဆိုရိုးစကားကား အတွေ့ရများသဖြင့် ဇာတ်တော်များကို ပြန်လည်ပြောပြသည့်အခါ မင်းအမည်ကို မမှတ်မိလျှင် ဗြဟ္မဒတ်၊ ပြည်ကို မမှတ်မိလျှင် ဗာရာဏသီဟု ပြောလိုက်လျှင် မှန်ကန်ဖို့ ရာခိုင်နှုန်းများသဖြင့် “မင်းမသိ ဗြဟ္မဒတ်၊ ပြည်မသိ ဗာရာဏသီ-လို့သာ ပြောလိုက်ကွာ” စသည်ဖြင့် ပြောဆိုကြရာမှ ဆိုရိုးစကားသဖွယ် ဖြစ်လာသည်ဟု ယူဆပါသည်။

အရှင်ကောဝိဒ (ယော)

အသုရကာယ် ဟူသည်

အသုရကာယ် ဟူသည်

(မေး) (အသုရကာယ် ဟူသည်)
အရှင်ဘုရား၊ ပြိတ္တာကို လူအတော်များများ သိနားလည်ကြသော်လည်း အသုရကာယ်ကို သိနားလည်ခြင်း မရှိပါ။ အသုရကာယ်သည် ပြိတ္တာထက် ပို၍ အဆင့်မြင့်-မမြင့်၊ ဒုက္ခ ပိုသက်သာ-မသက်သာ ၊ အမျှဝေလျှင် ရနိုင်-မရနိုင် နှင့် ၄င်းအကြောင်း သိသင့် သိထိုက်သည်များကို မေတ္တာရှေ့ထား၍ ဖြေကြားပေးတော်မူပါဘုရား။
(ဦးမောင်ဦး-မီးရထား ဆေးပေးခန်း၊ တောင်ငူ)

(ဖြေ)
အမေးရှင်-မေးထားသလို ပြိတ္တာအကြောင်း သိသူတွေ များကြပါသည်။ (ပေတ၀တ္ထုများ ဖတ်ကြည့်ကြပါရန်) အသုရာ၏ အဓိပ္ပါယ်မှာ နတ်များကဲ့သို့ အစိုးရမှု၊ တောက်ပမှု၊ မြူးတူးပျော်ပါးမှုတို့ မရှိသောသတ္တ၀ါဟု စာပေက ဆိုပါသည်။ ဤအဓိပ္ပါယ်မှာ အသုရာအားလုံးကို မခြုံငုံမိဘဲ ဖြစ်နေပါသည်။

ကျမ်းဂန်တို့၌ အသုရာကာယ်သည် နတ်မျိုး၌ ၀င်သော အသုရာ၊ ပြိတ္တာမျိုး၌၀င်သော အသုရာ၊ ငရဲ၌ အကျုံးဝင်သော အသုရာ စသည်ဖြင့် အမျိုးမျိုး ပါဝင်နိုင်သောကြောင့် အသုရကာယ်နှင့် ပတ်သက်၍ နားမလည်ဘဲ ဖြစ်နေကြပါသည်။

(အသုရာ ၅-မျိုး ရှိသည်)
၁။ ဝေပစိတ္တိ အသုရာ (နတ်အသုရာ)
မြင်းမိုရ်တောင်အောက်၌နေသော နတ်အသုရာ၊ တာဝတိံသာနတ်တို့လောက် မရဲရင့် မတောက်ပသော (ဓဇဂ္ဂသုတ်၊ အသုရာ သံယုတ်တို့၌လာသော) သိကြားမင်းနှင့် စစ်ခင်းသည့် ဝေပစိတ္တိ၊ ပဟာရာဒ အစရှိသော အသုရာ နတ်မင်းကြီးတို့ ဖြစ်သည်။

၎င်းအသုရာ နတ်မင်းကြီးတို့သည် တာဝတိံသာ နတ်တို့နှင့် ဆန့်ကျင်ဘက်ဖြစ်ပြီး ဝေပစိတ္တိ နတ်အသုရာဟု ခေါ်ကြ၏။ တာဝတိံသာနတ်တို့၌ အကျုံးဝင်သော နတ်အသုရာ ဖြစ်သည်။

၂။ ၀ိနိပါတိက အသုရာ (နတ်သေး၊ နတ်မွှား အသုရာ)
သဂါထာဝဂ္ဂ၊ ယက္ခသံယုတ်၌လာသော ဘုမ္မစိုးနတ်ကြီးများကို မှိခိုကပ်ရပ်နေရပြီး တန်ခိုးဣဒ္ဓိပါဒ် နုံ့နဲ့လှသော နတ်ကလေးများကို အထက်နတ်တို့အောက် ယုတ်ညံ့သေးသိမ်ကုန်သောကြောင့် ၀ိနိပါတိကအသုရာဟု ခေါ်ကြ၏။ စတုမာဟာရာဇ်နတ်မျိုး၌ အကြုံးဝင်သောနတ်အသုရာတို့ ဖြစ်၏။

၃။ ဝေမာနိက အသုရာ
ရံခါ နတ်ကဲ့သို့ စည်းစိမ်ခံစားရပြီး ရံခါ ပြိတ္တာကဲ့သို့ ငရဲကဲ့သို့ ဒုက္ခခံစားရသော အသုရာများ ဖြစ်သည်။ ဤဝေမာနိက အသုရာမျိုးမှာ အလွန်တရာ ကျယ်ပြန့်ပါသည်။ ငရဲပြည်က ယမမင်းကြီးများ၊ ပြိတ္တာမျိုးတို့တွင် တန်ခိုးကြီးသော ပြိတ္တာဘုရင်၊ ပြိတ္တာမင်းကြီးများ၊ ငရဲမင်းကြီးများ၊ ငရဲထိန်းများ၊ မိတ္တ၀ိန္ဒကဇာတ်၌ လာသော ပင်လယ်ပြင်၌ ဗိမာန်အမျိုးမျိုးနှင့် ချမ်းသာတလှည့်၊ ဆင်းရဲတလှည့် စံနေရ၊ ခံနေရသော နတ်ပြိတ္တာတို့သည် ဗိမာန်အမျိုးမျိုးနှင့် နေကြသောကြောင့် ဝေမာနိက ပြိတ္တာ အသုရာဟု ခေါ်ကြ၏။ ဝေမာနိက အသုရာတို့သည် စတုမဟာရာဇ်နတ်မျိုး၌ အကြုံးဝင်၏။ (အချို့မှာ တိဟိတ်၊ အချို့မှာ ဒွိဟိတ်၊ အချို့မှာ အဟိတ် ပုဂ္ဂိုလ်ဟု အမျိုးမျိုး ရှိနိုင်၏။)

၎။ လောကန္တရိတ် အသုရာ (ငရဲ အသုရာ)
စကြ၀ဠာ ၃-ခု အဆုံးသတ်နေရာသည် စက်ဝိုင်း ၃-ခုဆုံရာ အကြားအရပ်ကဲ့သို့ ရှိ၏။ အပူရှိန် အလင်းရှောင် မရှိတော့၍ အမှောင်ဆုံး အအေးဆုံး နေရာဖြစ်သည်။ ထိုနေရာကို (လောက+အန္တရ=စကြာဝဠာလောက ၃-ခုတို့၏ အကြားအရပ်) လောကန္တရိတ်ငရဲဟုခေါ်သည်။ ၄င်းနေရာ၌ ဖြစ်ကြကုန်သော သတ္တ၀ါတို့သည် လင်းနို့များကဲ့သို့ စကြာဝဠာနံရံတခုမှ တခုသို့ ပျံသန်း တွယ်ကပ်၍ နေကြကုန်၏။ အစာစားစရာမရှိ၊ တကောင်နှင့် တကောင် အစာအမှတ်ဖြင့် ကိုက်ကြကုန်၏။ ထိုအခါ အလွန်အေးစက်လှသော ရေထဲသို့ ပြုတ်ကျပြီး ဆားခဲရည်ထဲကျသကဲ့သို့ အေးလွန်းသဖြင့် ထိုသတ္တ၀ါများ စိစိညက်ညက် ကြေမွ၍ သေကြရကုန်၏။ ကံမကုန်သမျှ ထပ်ကာထပ်ကာဖြစ်၍ ခံကြရကုန်၏။ ငရဲ၌ အကြုံးဝင်သော အသုရာမျိုးဖြစ်သည်ဟု ဗုဒ္ဓ၀င် အဋ္ဌကထာ၌ လာရှိသည်။

၅။ ပြိတ္တာ အသုရာ
ခန္ဓ၀ိဘင်း အဋ္ဌကထာ၌ ပြိတ္တာအသုရာအဖြစ် ကာလကဉ္စိက အသုရာမျိုးကို ဖော်ပြပါသည်။ ၄င်းပြိတ္တာတို့သည် အလွန်မွတ်သိပ်ဆာလောင်ကြသည်။ တချို့အသုရာတို့သည် ဘုရား နှစ်ဆူ သုံးဆူ ပွင့်သော်လည်း တကြိမ်မျှ မစားမသောက်ကြရကြောင်း သိရသည်။

ကာလကဉ္စိက အသုရာတယောက်သည် ညဥ့်အခါ ရေငတ်သဖြင့် ဂင်္ဂါမြစ်တွင်းသို့ ဆင်းရာ မြစ်ရေများ ခန်းခြောက်ပြီး မီးခိုးများသာ ထလာသောဟူ၏။ တညလုံး ပြေးလွှား၍ ရေရှာသော်လည်း မရရှိဘဲ နံနက်မိုးလင်းသောအခါ ဆွမ်းခံကြွလာသော ရဟန်းသုံးကျိပ်တို့မြင်၍ အကျိုးအကြောင်း မေးမြန်းသိရှိရသော အခါ သဲသောင်ပြင်မှာ ပက်လက်နေစေပြီး ရဟန်းသုံးကျိပ်တို့ သပိတ်ကိုယ်စီဖြင့် ရေခပ်၍ ပါးစပ်ထဲ လောင်းထည့်သော်လည်း လည်ချောင်းတွင်းသို့ ရေ တစက်မျှ မ၀င်ဟု သိရသည်။

အပါယ် ၄-ဘုံ၌ ပါဝင်သော အသုရကာယ်ဟူသည်မှာ ယခု နံပါတ် ၅-အမျိုးအစား ပြိတ္တာအသုရာများနှင့် နံပါတ် ၃-အမျိုးအစား ဝေမာနိက အဟိတ်အသုရာများကို ယူသင့်ပါသည်။ ဒုက္ခပိုကြီး-မကြီးကိုတော့ ဦးမောင်ဦး စဉ်စားနိုင်လောက်ပြီဟု ယူဆပါသည်။ အမျှဝေလို့ သိနိုင်၊ ကြားနိုင်မည်ဆိုလျှင် သာဓုခေါ်၍ ဒုက္ခမှ ကျွတ်လွတ်နိုင်ပါသည်။

(ပရမတ္တသံခိပ် ဋီကာနှင့် သင်္ဂြိုဟ်ဘာသာဋီကာ တို့ကို မှီးပါသည်)။

(ဘဒ္ဒန္တ ၀ါယမသာရ ဖြေဆိုသည်)

ဘာတွေက မညီတာလဲ ဘယ်လိုညှိရမလဲ

     ဘာတွေက မညီတာလဲ ဘယ်လိုညှိရမလဲ

ဘုန်းဘုန်းဘုရား

ရိုသေစွာလျှောက်ထားအပ်ပါသည်ဘုရား

လူမှာ သဒ္ဓါတရားဖြစ်ဖို့ အရမ်းအရေးကြီးသလို ဒီသဒ္ဓါ လွန်ပြန်တော့လည်း တဏှာကျွန်ပြန်ဖြစ်တယ်ဆို  အဲဒါလေးကို သေသေချာချာလေး သိချင်လို့ပါဘုရား။ ထိပ်ဆုံးကနေ အောက်ဆုံးကိုပြန်ကျသွားတော့ ဘာတွေက မညီတာလဲ ဘာတွေနဲ့ ညှိရမလဲဆိုတာနဲ့ ဘယ်လို သာဓကတွေ ရှိခဲ့သလဲ ဆိုတာ သိချင်ပါတယ် ဘုရား။

မကြည်ပြာ(စင်္ကာပူ)

ဟုတ်ပါတယ် ဒကမလေးရေ.. သဒ္ဓါတရားဖြစ်ဖို့ အရေးကြီးသလို သဒ္ဓါလွန်လို့ကွန့်တာ သဒ္ဓါလွန်လို့ တဏှာဖြစ် တတ်တယ်ဆိုတာ ဟုတ်ပါတယ်။
သဒ္ဓါဖြစ်ဖို့ အရမ်းအရေးကြီးပါတယ်။ ယုံကြည်မှု လို့ခေါ်တဲ့သဒ္ဓါတရား မရှိရင် ဒီလူဟာ ကောင်းတာလုပ်လုပ် မကောင်းတာဘဲ လုပ်လုပ် ဘာမှမထူးပါဘူးကွာ..ဆိုတဲ့ စိတ်ဝင်သွားပါမယ်။ ဒီလိုစိတ်ဝင်သွားရင် မကောင်းတာမှန်သမျှ မလုပ်ရဲတာ မရှိတော့ပါဘူး။ မကောင်းတာမှန်သမျှ လက်ရဲ ဇက်ရဲ လုပ်လာတဲ့ ဒီလူမှာ မကောင်းမှုတွေ ဆက်တိုက်ဖြစ်ဖို့ပဲ ရှိပါတော့တယ်၊မကောင်းမှုတွေဆက်တိုက်လုပ်ရင် အကုသိုလ်တွေ တပုံတပင်နဲ့ အပါယ်ငရဲကို တန်းသွားရပါလိမ့်မယ်။ ဒါကြောင့် သဒ္ဓါတရားဖြစ်ဖို့အရေးကြီးပါတယ်။

သဒ္ဓါတရားဖြစ်ဖို့ ဘာတွေလုပ်ရမလဲဆိုရင်

၁။ ကြည်လင်အေးချမ်းတဲ့စိတ်နဲ့သူတစ်ပါးကို လှူဒါန်းပါ၊ကူညီပါ(စိတ်မကြည် မလင်မဖြစ်ရပါဘူး)၊

၂။ကိုယ်ကျင့်တရားကောင်းအောင် စောင့်ထိန်းပါ၊

၃။ယုံကြည်ချက်အားလျော်တဲ့ ဥပုသ်သီလ စောင့်ထိန်းပါ၊

၎။ဂုဏ်တော်ပွားပါ တရားထိုင်ပါ(အဘိ၊ဋ္ဌ၊၁၊၁၆၂)-ဒါဆိုရင် ကိုယ့်ရဲ့ သဒ္ဓါတရားတွေ ပြန်ဖြစ်လာပါလိမ့်မယ်၊ တိုးတက်လာပါလိမ့်မယ်။

သဒ္ဓါလွန်ရင် ကွန့်-တဲ့၊ သဒ္ဓါလွန်လို့ တဏှာဖြစ်ခဲ့တာတွေ ဘုရားလက်ထက်မှာရော ယနေ့ခေတ်မှာပါ ရှိခဲ့ ရှိနေပါတယ်၊ သူ့နာမည်က သုပဗ္ဗာ.တဲ့၊ သံဃာတော်တွေကို သိပ်ကြည်ညိုပါတယ်၊ ကြည်ညိုလွန်း သဒ္ဓါဖြစ်လွန်းတော့..သူစဉ်းစားတာက..သံဃာတော်တွေကို ဒကာ ဒကာမတွေက လှူနေတဲ့ပစ္စည်းတွေ အများကြီးပဲ၊ မလှူတာ တစ်ခုပဲရှိတယ်၊ လူများတွေ မလှူတဲ့ အဲဒီအလှူကို လှူရင် အမြတ်ဆုံးဒါန ဖြစ်လိမ့်မယ်လို့ တွေးပြီး သံဃာတော်များကို မေထုန်အလှူ လှူတယ်၊ (ပါ။၁။နှာ၄၉) ၊ဘုရားရှင်က သံဃာတော်များအတွက် စည်းကမ်းချမှတ်ရသလို သုပဗ္ဗာရဲ့ သဒ္ဓါတရားကိုလဲ အကျိုးမရှိတဲ့ သဒ္ဓါတရားလို့ မိန့်တော်မူပါတယ်။ ပုဂံခေတ်မှာ ပန်းဦးဆက်ရတဲ့ လုပ်ရပ်ကလဲ သဒ္ဓါလွန်တဲ့ ပြယုဂ်တစ်ခုလို့ ပြောနိုင်ပါမယ်။

ဟုတ်ပါတယ်။ ဒါကြောင့် ဟန်ချက်ညီတဲ့ သဒ္ဓါတရား ငြိမ်းချမ်းမှုရှိတဲ့သဒ္ဓါ၊ ပြတ်သားတဲ့ သဒ္ဓါတရားဖြစ်ဖို့  ပညာနဲ့ ညှိရပါမယ်။ သဒ္ဓါတရား အားကောင်းပြီး ပညာမပါရင်လဲ တလွဲဖြစ်တတ်တယ်။ နည်းလမ်းမကျဖြစ်လိမ့်မယ်၊ ခုတ်ရာတခြား ရှရာတခြား ဖြစ်ပါလိမ့်မယ်၊ ပညာအားကောင်းပြီး သဒ္ဓါတရားမပါရင်လဲ ဘာကိုမှ မယုံကြည်တော့ပဲ လူချော်ကြီး ဖြစ်သွားပြန်ပါတယ်။

 မြန်မာပြည်မှာထင်ရှားခဲ့တဲ့ လူသေလူဖြစ်ဝါဒ ကို လေ့လာနိုင်ပါတယ်။ ပညာပဲဦးစားပေးပြီး ယုံကြည်မှု သဒ္ဓါတရားမရှိတော့.. ဘုရားဟောတဲ့ နတ်ပြည်ခြောက်ထပ် ဗြဟ္မာပြည် ၂၀ ဆိုတာ မရှိဘူး..လူသေရင် လူပဲပြန်ဖြစ်မယ်..တိရိစ္ဆာန် နတ် ဗြဟ္မာ ဆိုတာ မဖြစ်နိုင်ဘူး၊ သုံးဆယ့်တစ်ဘုံဆိုတာ မရှိနိုင်ဘူးတွေ ဖြစ်ကုန်ပါတော့တယ်။

ဒါကြောင့် မကြည်ပြာရေ.. သဒ္ဓါတရားကို ပညာနဲ့ ညှိပါ၊ ပညာကိုလဲ သဒ္ဓါနဲ့တိုင်းတာပါ သဒ္ဓါ ပညာမျှတဲ့ ဘ၀ဟာ ငြိမ်းချမ်းသာယာပါလိမ့်မယ်လို့ ဖြေလိုက်ပါရစေ။

ယုံကြည်မှု သဒ္ဓါတရားကလဲ အဆင့်လေးဆင့်ရှိပါသေးတယ်. ဘုရားလောင်းတွေရဲ့ ယုံချက် အာဂမသဒ္ဓါ၊တရားထူးရပြီးတဲ့ အရိယာပုဂ္ဂိုလ်များရဲ့ အဓိဂမသဒ္ဓါ၊ ရတနာသုံးပါးအပေါ်မှာ တကယ့်ကို သက်ဝင်ယုံကြည်တဲ့ ဩကပ္ပနသဒ္ဓါနဲ့ ရတနာသုံးပါးအပေါ်မှာ အစဉ်အလာယုံကြည်တဲ့ ပသာဒသဒ္ဓါဆိုပြီး လေးမျိုးရှိသလို ပညာမှာလဲ သူ့အဆင့်နဲ့သူရှိတယ်ဆိုတာကိုပါ ပူးတွဲမှတ်ထားစေချင်ပါတယ်။

သဒ္ဓါ ပညာ ဟန်ချက်ညီညီဖြင့် အတ္တဟိတ ပရဟိတ.ကို ဆက်လက် လုပ်ဆောင်နိုင်ပါစေ။

by  http://tknn.org

အကုသိုလ်တိုး အလှူမျိုး

အကုသိုလ်တိုး အလှူမျိုး

အရှင်ဘုရား

တစ်နှစ်တစ်ခါ ငရဲရှာ လူ့ရွာဘုရားပွဲ ဟူသော စကားရှိပါသည်။ ယခုခေတ် ဘုရားပွဲတို့သည် ကုသိုလ်မရ၊ အပြစ်သာရှိ ပါသည် ဟု ပြောကြရုံမက အလှူလုပ်သော်လည်း အလှူမမည်၊ အကုသိုလ်ဖြစ်သည်ဟု လူအများပြောနေကြသော အလှူမမည်သော အလှူများအကြောင်း စာလာပေလာအတိုင်း သိလိုပါသည်ဘုရား၊ ဗုဒ္ဓဘာသာဝင်များ ဗဟုသုတဖြစ်စေ ရန် ဖြေကြားစေလိုပါသည်။

မောင်စောလှိုင်

လမ်းမတော်၊ရန်ကုန်။

ပဉ္စဒါနာနိ အပုညသမတာန

လောကသ္မိံ မဇ္ဇဒါနံ၊ သမဇ္ဇဒါနံ၊ ဣတ္ထိဒါနံ

ဥသဘဒါနံ၊ စိတ္တကမ္မဒါနန္တိ။

ယခုခေတ်၌ ကုသိုလ်ကောင်းမှုဟု ပြောဆိုသတ်မှတ်၍ လှူဒါန်းနေကြသော်လည်း ကုသိုလ်ကောင်းမှုမဟုတ်၊ အကုသိုလ် အလုပ်သာဖြစ်ကုန်သော အလှူငါးမျိုးတို့ သည် ရှိကုန်၏။

၎င်းတို့မှာ ယစ်မျိုးတို့ကို လှုဒါန်းခြင်း၊

ပွဲလမ်းသဘင် ကချေသည် ပျော်ရွှင်ပွဲတို့ကို ခင်းကျင်း လှူဒါန်းခြင်း၊

မိန်းမပျို အိုတို့ကို ကာမကိစ္စအတွက် ပေးလှူခြင်း၊

နွားမအလယ်၌ နွားငယ်များ ပေါက်ဖွားစေရန် နွားလား၊ နွားထီးတို့ကို လွှတ်ပေးလှူဒါန်းခြင်း၊

မိန်းမရုပ် ယောက်ျားရုပ်တို့ကို မက်မောကြည်နူးစေရန် ရေးဆွဲလှူဒါန်းခြင်း၊ ယခုခေတ်တွင် မိန်းမရုပ် ပြက္ခဒိန်လှလှပပ ကလေးများ ၀ယ်၍ လှူဒါန်းခြင်း၊

ဤငါးပါးသောအလှူတို့သည် အလှူဟုသာခေါ်ရသော်လည်း ကောင်းကျိုးမရ၊ ဒါနမဟူ၊ အလှူဟု မဆိုရကုန်၊ အကုသိုလ်တရားပွားများအံ့သော အကြောင်းသာ ဖြစ်သည်ဟု မြတ်စွာဘုရားက ဟောတော်မူ၏။

အနည်းငယ်ချဲ့ပါဦးမည်

ထိုငါးပါးတို့တွင်

မဇ္ဇဒါန ဟူသော သေရည်သေရက် မူးယစ်ဆေးဝါးတို့ကို လှူဒါန်းခြင်းဖြစ်၏။ သေရည်သေရက် မူးယစ်ဆေးဝါးသည် လှူဖွယ်ဝတ္ထုပစ္စည်း မဟုတ်ပေ။ မိမိ သောက်စားသုံးဆောင်လျှင်ပင် သူရာမေရယသိက္ခာပုဒ်အရ ငါးပါးသီလ ပျက်ပြက်ပျားကာ ငရဲသို့ ကျရောက်နိုင်ပါသည်။

ငါးပါးသီလတွင် သေရည်သေရက် သောက်စားခြင်းမှာ အပြစ်အကြီးဆုံးပင်ဖြစ်သည်။ အခြားသီလပျက်ပြားမှုမှာ ငရဲကျ၍ ငရဲသက်ကုန်လျှင် ငရဲမှ လွတ်မြောက်နိုင်သော်လည်း သေရည်သေရက် မူးယစ်သောက်စားမှုကား ငရဲမှ လွတ်မြောက်လာသည့်တိုင်အောင် ခွေးရူး၊ နွားရူးစသော အရူးပေါင်းများစွာ၌ ကျင်လည်ကြရပေဦးမည်။

ထိုသို့ အပြစ်ကြီးလှသော သေရည်စသည်ကို မိမိသောက်စား၍ အပြစ်ကြီးရုံသာမက သူတစ်ပါးအားလှူဒါန်း၍လည်း ကုသိုလ်မရ အပြစ်သာရလေတော့သည်။

ထို့ကြောင့် ကိုယ်တိုင်လည်း ရှောင်ကြဉ်ပါ။ သူတစ်ပါးအားလည်း ကုသိုလ်ဖြစ်လိမ့်မည်အထင်နှင့် ၀ယ်၍ မတိုက်ပါနှင့်။

ဣတိ်္ထဒါနံ ဟူသည်မှာ မိန်းမအလှူဟူ၏။ ကာမဂုဏ် အတွက် အခြားသူအား မိန်းမလှူဒါန်းမှုမျိုး ဖြစ်သည်။ ကျွန်ယောက်ျား၊ ကျွန်မိန်းမအလှူဟူ၍ ရှိခဲ့သော်လည်း ဤ ဣတိ်္ထဒါနအရ မပါဝင်ချေ။ ဣတိ်္ထဒါနကား ကိလေသာကိစ္စမျိုးသာ ဖြစ်သည်။ ဤတွင် နွားလားအုပ်၌ နွားမများ, လွတ်ပေးခြင်းမျိုးလည်း ပါသည်ဟု ဆိုပေသည်။ အကျယ်မရေးတော့ပေ။ ဤတွင် ပါရှိသည့် ဥဿာဒါနနှင့်လည်း အလားတူပေသည်။

စိတ္တကမ္မဒါန ဆိုသည်မှာ မိန်းမရုပ်၊ ယောက်ျားရုပ် လှလှပပများ တစ်ရုပ်စီ သီးခြား လည်းကောင်း၊ ပူးတွဲ၍လည်းကောင်း မြင်ရသူတို့ မက်မောနှစ်သက်စဖွယ် ရေးခြယ်၍ ဖြစ်စေ၊ ဓာတ်ပုံ, စက်ရိုက်ပန်းချီ, ပန်းပု ရုပ်လုံးရုပ်ကြွများပြုလုပ်ထုဆစ်၍ ကျောင်း, ဇရပ်, ဘုရား, တန်ဆောင်းတို့၍ ဆန်းဆန်းကြယ်ကြယ် ချိတ်ဆွဲ၍ အောက်မေ့ဖွယ် လှူဒါန်းမှုမျိုးဖြစ်သည်။

ယခုကာလ ပြက္ခဒိန်လှလှကလေးများ ရုပ်ရှင် မင်းသမီးပုံများ ကို ကျောင်းဘုရားများ၌ လှူဒါန်းခြင်းမျိုး ဖြစ်သည်။ ၎င်းမှာ မြင်ရသူတို့က ကုသိုလ်ဖြစ်မှုထက် ကာမရာဂ ပွားတိုးမှုသာ ဖြစ်စေသဖြင့် ကုသိုလ်ထက် အကုသိုလ်ဖြစ်ပွားမှုက ပိုပေသည်။

ကျောင်း၊ တန်ဆောင်းတို့တွင် ဆန်းကြယ်သော ပန်းနွယ် ပန်းညွန့် ခြူးပန်းခြူးနွယ် ဆန်းဆန်းပြားပြား ထုလုပ်လှူဒါန်းမှု မျိုးကား အပုညဒါနမဖြစ် ကုသိုလ်သာဖြစ်ကြောင်း မှတ်သားရာ၏။ တခြားဒါနများ၌လည်း အလားတူမှတ်ရာ၏။

သမ္မဇဒါန ကချေသဘင်အလှူ ဆိုရာ၌ ပြဿနာရှင်၏ စာတွင်ပါသော တစ်နှစ်တစ်ခါ ငရဲရှာ လူ့ရွာဘုရားပွဲတို့တွင် ဘုရားအား အတီးအကတို့ဖြင့် ပူဇော်သည်ထက် ခပ်သိမ်းသောသူတို့အား ကြည့်စေပျော်စေ၊ ရွှင်စေခြင်းငှာတီးစေမှုတ်စေ ကစေခြင်းမျိုးသာဖြစ်၍ ဘုရားအား ကြည်ညိုရှိခိုးမှုထက် အပျော်အပါး ရွှင်အားတရ လောဘ၊ ဒေါသ၊မောဟတို့သာ တိုးတက် ဖြစ်ထွန်းစေ၍ ကုသိုလ်ရမှုထက် အကုသိုလ်တိုးပွားမှုက ပိုတော့သည်။

ဘုရားကျောင်းကန်အတွင်း ပွဲလင်သဘင်ခံခြင်းဖြင့် ဘုရား ကျောင်းကန် ညစ်ညမ်းပေရေခြင်း၊ လာရောက်ပျော်ရွှင်သူတို့အနေဖြင့် ဘုရားမြေ၊ ကျောင်းမြေတို့အတွင်း နှပ်တံတွေး၊ ကျင်ကြီး၊ ကျင်ငယ်တို့ စွန့်ခြင်းတို့ဖြင့် ဘုရားကျောင်းကန်၏သန့်ရှင်းမှုလည်း ပျက်ပြား၊ သွားလာသူတို့လည်း ငရဲများလှသဖြင့် လုံးဝ မသင့်လျော်သည်ကား အမှန်ပင် ဖြစ်ပေသည်။

ထိုသို့ အပျော်အပါး မဟုတ်ဘဲ ဧတ္ထစပူဇနတ္ထာယ ကတဿ နဋသမဇ္ဇဿ အာယတိံ သုခ၀ိပါကော အရဘုရား အစရှိသော ရတနာသုံးပါးအား မိမိတက်သော အတီး၊ အမှုတ် ကခုန်ဖြင့် ဂုဏ်ပြုပူဇော် ကော်ရော် လှူဒါန်းမှုမျိုးကားကုသိုလ် ဖြစ်ပါသည်။

လှူပါရှောင်းလည်း ဖျင်းသောင်းဖတ်သပ်၊

မအပ်စွာလှ၊ ဒါန အလှူ

ဟူသားစေတနာ မမည်ပါတည့်

သေရာထိုးလွှား ငါးပါး ပေါ့ပြက်

ကျိုးမနက်ကို စွန့်ရက်စဲက၊

မရနောင်ဖန်၊ မရှိတန်ဟု၊

မျက်မာန်ရှေးရှေး၊ ပေး၍လည်းကောင်း၊

လှူပါရှောင်းလည်း ကောက်နှောင်းမျိုးပဲ၊ ကြက်ဝက်ကြဲသို့။

ပါရမီ(၁၁၃)

မြတ်သတိဝါဒီမဂ္ဂဇင်း၊

ဖေဖော်ဝါရီလ၊ ၂၀၀၂ ခုနှစ်

သတ္တာဝါသ ဘုံကိုးဝနှင့် ၀ိညာဏဋ္ဌိတိ ခုနစ်ပါး

သတ္တာဝါသ ဘုံကိုးဝနှင့် ၀ိညာဏဋ္ဌိတိ ခုနစ်ပါး

မေး။ ။အရှင်ဘုရား၊ အမျှဝေ လင်္ကာ ဘုံသုံးဆယ့်တစ် စသောအပိုဒ်ပါ သတ္တာဝါသ ဘုံကိုးဝနှင့် ၀ိညာဏဋ္ဌိတိ
တည်ရှိခုနစ်ပါး-ဆိုသည်ကို အဓိပ္ပါယ်သိလိုပါသည်၊ ရှင်းလင်းပေးတော်မူပါရန်
လျှောက်ထားပါသည်ဘုရား။
( ဦးနေ၀င်း-ကျောက်တန်းရွာ၊ ပဲခူးမြို့နယ် )

( ဖြေ ) ဆရာတော် ဦးတိလောကသာရ (ရဝေထွန်း)
လွယ်ကူစွာမှတ်သားနိုင်ရန် ၀ိညာဏဋ္ဌိတိ ခုနစ်ပါးမှစ၍ ဖြေကြားပါမည်၊
၎င်းမှာ ပဋိသန္ဓေ၀ိညာဉ်၏ တည်ရာခုနစ်ပါး ဖြစ်သည်။
၁။ လူ့ပြည်၊ နတ်ပြည် ခြောက်ထပ်၊ ဤခုနစ်ရပ်သည် သတ္တ၀ါတို့၏ ကိုယ်သဏ္ဍာန်လည်း အထူးထူး၊ ပဋိသန္ဓေလည်း အထူးထူးရှိ၍ နာနတ္တကာယ နာနတ္တသညီ မည်၏။

၂။ ပထမဈာန်သုံးဘုံ၊ အပါယ်လေးဘုံ၊ ဤခုနစ်ဘုံသည် သတ္တ၀ါတို့ ကိုယ်သဏ္ဍာန်ကား အထူးထူး၊
ပဋိသန္ဓေကား ပထမဈာန်သုံးဘုံ၌ ပထမဈာန် ၀ိပါက်စိတ်၊
အပါယ်လေးဘုံ၌ အကုသလ၀ိပါက် သန္တီရဏစိတ် တခုစီသာဖြစ်၍ နာနတ္တကာယ ဧကတ္တသညီ မည်၏။

၃။ ဒုတိယဈာန် သုံးဘုံသည် သတ္တ၀ါတို့၏ ကိုယ်သဏ္ဍာန် အရောင်အ၀ါကား တူ၏၊
ဒုတိယဈာန် ၀ိပါက်၊ တတိယဈာန် ၀ိပါက် ပဋိသန္ဓေ ထူးခြား၍ ဧကတ္တကာယ နာနတ္တသညီ မည်၏။

၎။ တတိယဈာန်သုံးဘုံ , ဝေဟပ္ဇိုလ်ဘုံ, သုဒ္ဓါဝါသ ငါးဘုံတို့သည် သတ္တ၀ါတို့ ကိုယ်သဏ္ဍာန်လည်း တူသည်၊
ပဋိသန္ဓေလည်း စတုကနည်းအားဖြင့် စတုတ္ထဈာန် ၀ိပါက်စိတ်တပါးသာဖြစ်၍ ဧကတ္တကာယ ဧကတ္တသညီ မည်၏။

၅။ အာကာသာနဉ္စာယတန။
၆။ ၀ိညာဏဉ္စာယတန။
၇။ အာကိဉ္စညာယတန
ဤအရူပ သုံးဘုံသည် သညာတပါးစီဖြစ်၍ တဘုံစီယူလျှင် ၀ိညာဏဋ္ဌိတိ ခုနစ်ပါး ဖြစ်သည်။

ယင်းတွင် သညာရှိသည်လည်း မဟုတ်၊ မရှိသည်လည်း မဟုတ်သော နေ၀သညာနာသညာဘုံနှင့်
လုံးဝသညာ (စိတ်) မရှိသော အသညသတ်ဘုံကို မထည့်ဘဲ ထားရသည်။

သတ္တာဝါသ ဘုံကိုးဝ ယူရာ၌ကား
နေ၀သညာနာသညာဘုံကို တရပ်၊
အသညသတ်ဘုံကို တရပ် ထည့်၍ ကိုးပါးယူရသည်။
ဤသို့ သတ္တာဝါသ ဘုံကိုးဝနှင့် ၀ိညာဏဋ္ဌိတိ ခုနစ်ပါးကို မှတ်သားသင့်ပါသည်။

ယင်းနှင့်ပတ်သက်၍ ရှေးဆောင်ပုဒ်လင်္ကာမှာ-
လူ့ပြည်နှင့်နတ်၊ သတ်လျှင်နာနာ၊ ပထမာဈာန်၊ လေးတန်ပါယ်ခွင်၊ သတ်လျှင် နာဧ၊
ဒွေဈာန် နှစ်ရပ်၊ ဧ နာဟတ်၊ အသညသတ်ပြည်၊ အသညီ၊ ကြွင်းပြည် န၀ါ၊ ဧဧသာ၊
အရူပါမှ၊ ဘုံလေးဝ၊ သတ္တ၀ါသာ၊ ဘုံကိုးရွာ။
ဟူ၍ ဖြစ်ပါသည်။