မလိုတာတွေ ဖယ်ထုတ်ပစ်ရတယ်

မလိုတာတွေ ဖယ်ထုတ်ပစ်ရတယ် 

ပန်းပုဆရာကြီးတစ်ဦး ပြောပြတဲ့ စကားတစ်ခုကို အမှတ်ရမိလို့ ပြောပြချင်ပါတယ်။ သူက “ပန်းပု ထုတဲ့အခါမှာ မလိုတာတွေကို ဖဲ့ဖဲ့ထုတ်ပစ်ရတယ်။ မလိုတာတွေကို ဖဲ့ထုတ်၊ ပယ်ထုတ် ပစ်ပြီးတော့မှ လှပတဲ့ ရုပ်လုံးပေါ်လာနိုင်တာ တဲ့။

ဒီနည်းတူပဲ လူဟာ ကိုယ့်ဘဝကိုယ်ခန္ဓာကိုယ်မှာ မလိုအပ်တဲ့ အရာတွေကို ဖဲ့ဖဲ့ထုတ်၊ ပယ်ပယ် ထုတ်ပစ်ရတယ်တဲ့။ ကိုယ့်ဘဝကိုယ်ခန္ဓာက ဖဲ့ထုတ်ပယ်ထုတ်ပစ်ရမှာက အကျင့်ဆိုး  စရိုက်ဆိုး . . . စတဲ့ အရာတွေပဲတဲ့၊ အကျင့်ဆိုး စရိုက်ဆိုး စတဲ့ မလိုလားအပ်တာတွေကို ဖဲ့ထုတ် ပယ်ထုတ်ပစ်မှ တလှတပ ဘဝမျိုး ဖြစ်လာနိုင်တာတဲ့”

တခါတုန်းက ဆရာကြီးတစ်ဥိးက အကျင့်စရိုက်ဆိုးတွေ ရစပြုနေတဲ့ တပည့်တစ်ဦးကို ခေါ်ပြီး တောလမ်းကလေးအတိုင်း လျှောက်လာတယ်။ လျှောက်လာယင်းက အညွန့်အညှောင့်ပေါက်စ သစ်ပင်ကလေး တပင်ကိုတွေ့တော့ ဆရာကြီးက . . .

“တပည့်၊ ဟောဟိုကအပင်လေးကို နုတ်ကြည့်စမ်း” လို့ ခိုင်းတယ်။

တပည့်ကလဲသွားပြီး အလွယ်ကလေးပဲ လက်ညှိုးနဲ့ လက်မကြားထဲညှပ်ပြီး ဆွဲနုတ်လိုက်တယ်။

ဒါနဲ့ ဆက်လျှောက်လာခဲ့ကြပြန်တယ်။
မကြာခင် အတော်လေး အမြစ်ခိုင်ခိုင်တွယ်မိနေပြီဖြစ်တဲ့ သစ်ပင်ငယ်တပင်ကို တွေ့တယ်။ ဒီအခါမှာလဲ ဆရာကြီးက တပည့်၊

“ဟောဟိုကသစ်ပင်ကို နုတ်ပါအုံး” လို့ ခိုင်းတယ်။ တပည့်ကသွားပြီးနုတ်တယ်။
လက်နှစ်ဖက်နဲ့ တော်တော်ကလေး အားစိုက်ပြီး နုတ်လိုကတော့ သစ်ပင်က အမြစ်ကျွတ်ပြီး ပါလာတယ်။

ဆရာတပည့်နှစ်ယောက်ဆက်ပြီးလျှောက်လာကြပြန်တယ်။  လျှောက်လာယင်း တပည့်လူငယ်က
“ဘာမှအသုံးမချဘဲ သူ့ကို သစ်ပင်နုတ်ခိုင်းနေတာ ငါ့ ဆရာကြီး စိတ်တွေမှ မူမှန်သေးရဲ့လား” လို့ တွေးလာတယ်။

မကြာခင် လူတပိုက်တဖက်လောက် လုံးပတ်ရှိတဲ့ သစ်ပင်ကြီး တပင်ကို တွေ့ရတယ်၊ ဒီအခါမှာလဲ ဆရာကြီးက တပည့် ဟောဟိုက သစ်ပင်ကြီးကိုနုတ်စမ်းပါ လို့ ခိုင်းပြန်တယ်။ နုတ်လို့ မရမှန်းသိပေမယ့် ဆရာက ခိုင်းနေတော့ တပည့် လူငယ်က လက်နှစ်ဖက်နဲ့ သစ်ပင်ကြီးကို ပိုက်ဖက်ပြီး အသားကုန်နုတ်တယ်။ ချွေးဒီဒီးသာကျတယ်၊ သစ်ပင်ကြီးကတော့ တုတ်တုတ်တောင် မလှုပ်ဘူး။

ဒီတော့မှ ဆရာကြီးက
“တပည့် မင့်ကို ဆရာက အကြောင်းမဲ့ သစ်ပင်တွေကို နုတ်ခိုင်းနေတာမဟုတ်ပါဘူး။ သစ်ပင်တွေကို သာဓကထားပြီး ပြောပြစရာရှိလို့ပါ၊

အကျင့်စရိုက်ဆိုးတွေ ဆိုတာ နုစဉ်အချိန်၊ အကျင့်စရိုက်ဆိုးတွေ ကိုယ့်မှာဖြစ်လာစ အချိန်မှာ (သစ်ပင်ကလေးဖြစ်စမှာ လွယ်လွယ်နဲ့ နုတ်ပယ်ပစ်လို့ ရသလို) နုတ်ပယ်ပစ်လို့ရတယ်၊ နုတ်ပယ် မပစ်ဘဲ ဆက်ပြီး အကျင့်ဆိုးတွေကို ကြီးပွားစေရင်တော့ အထုအထယ်ကြီးလာပြီး(သစ်ပင်ကြီး ဖြစ်လာတော့ နုတ်ပစ်လို့မရတော့ သလိုပဲ) နုတ်ပယ်ပစ်လို့ မဖြစ်နိုင်တော့ဘူး၊ ဒီအခါမှာ ဘဝဟာ ဆုံးရှုံးပျက်စီးသွားနိုင်တယ် ဆိုတာ ဆရာ ပြောချင်လို့ပဲ” လို့ ရှင်းပြတယ်။

ဟုတ်ပါတယ်။
ဧရာမ အခိုင်အခံ့ တိုက်တာအဆောင်အအုံကြီးပေါ်မှာ ညောင်စေ့ကလေးကျလို့ ပေါက်လာတဲ့ ညောင်ပင်ကလေးကို စောစောနုတ်ပယ်မပစ်ဘဲ ကြီးထွားအောင်ထားရင် ကြာတဲ့အခါ အမြစ်တွေက အုတ်ကြားထဲတိုးဝင်ပြီး အဆောင်အအုံကြီးကို ဖြိုချပစ်နိုင်သလို့၊ အကျင့် စရိုက်ဆိုးတွေဟာ ကြာရင် ဘဝတစ်ခုလုံးကို ဖြိုချဖျက်ဆီးပစ်နိုင်တာပဲ။

ဒါကို မြော်မြင်ပြီး အကျင့်စရိုက်ဆိုးတွေမဝင်အောင်၊ ဝင်လာရင်လည်း နုစဉ်က နုတ်ပယ်နိုင်အောင် ကျနော်တို့မှာ အစဉ်ပဲ သတိရှိနေဖို့ လိုတယ်လို့ ထင်ပါတယ်။

နန္ဒာသိန်းဇံ - ခရောင်းလမ်းကို ဖြတ်ကျော်ခြင်း - မှ ကောက်နုတ်ပါသည်။

သမ္မာ

သမ္မာ

သမ္မာ ရဲ့ အနက်ကို အချို့က - Right "ဖြောင့်မတ်သော၊ မှန်ကန်သော" လို့ ပြန်တယ်။ အချို့က "ကောင်းမြတ်သော" လို့ ပြန်တယ်။ သက္ကတဘာသာ အနေနဲ့ သမ္မာကို Samyak လို့ ခေါ်တယ်။ အဲ့ Samyak ရဲ့ အနက်ဟာ ကျယ်ပြန့်ပါတယ်။ အတွင်းမှာ ငုံခဲနေတဲ့ အနက် ရှိနေတယ်။ အခြား ဘာသာ စကား တစ်ခုကနေ အလွယ်တကူ လုံးကောက် ပြန်ဆိုရ ခက်တယ်။

ဘာလို့ဆို - "မှန်ကန်သော" ဆိုတဲ့ အနက် ပေးရင် - ဒါဟာ "မှားယွင်းသော" ဆိုတာ ရဲ့ ဆန့်ကျင်ဘက် ဖြစ်ကြောင်း မြင်ကြလေ့ ရှိကြလို့ ဖြစ်ပါတယ်။ တကယ်လည်း အများအမြင်မှာ - အမှန် ဟာ အမှားရဲ့ ဆန့်ကျင်ဘက် ဖြစ်တယ်။ အမှား ကို ချေဖျက်ရင် အခြား တစ်ဘက်မှာ အမှန် ဆိုတာ ရှိတယ်။ ဒါဟာ အများရဲ့ ယုတ္တိ အခြေခံ အမြင် ဖြစ်တယ်။ ဒါပေမယ့် ဗုဒ္ဓရဲ့ အတွင်း ကျတဲ့ ဝေါဟာရ "သမ္မာ" ဟာ အမှား ကို ချေဖျက်တဲ့ ဆန့်ကျင်ဘက်တရား မဟုတ်ဘူး။ အမှား နဲ့ ယှဉ်ပြိုင် တိုက်ခိုက် နေတဲ့ အမှန် တစ်ခု မဟုတ်ဘူး။

အမှား တွေက အများကြီး ရှိတယ်။ အမှန် ကတော့ တစ်ခုတည်း။ ဒါဟာ ဗုဒ္ဓရဲ့ သွန်သင်သမျှ ထဲက ကျနော် နားလည်တဲ့ တစ်ခု ဖြစ်ပါတယ်။ ဒီလို ဧကော ဓမ္မော ၊ တစ်ကြောင်းတည်းသော အမှန်က အမှားတွေ အမြောက်အများကို ဘယ်လို ဆန့်ကျင်မှာတဲ့လဲ။ အမှားရဲ့ ဆန့်ကျင်ဘက် ဟိုမှာ ဘက်ခြမ်းဟာ အမှန် မဟုတ်ဘူးလို့ ကျနော် မြင်ပါတယ်။ အမှန်ဟာ အမှားနဲ့ တွဲဖက်နေတဲ့ ဆန့်ကျင်ဘက် ဝင်ရိုးစွန်း မဟုတ်ဘူး။ သံလိုက်တစ်ချောင်းရဲ့ တောင်နဲ့ မြောက် မဟုတ်ဘူး။ အမှောင်နဲ့ အလင်းလို တစ်ခုနဲ့ တစ်ခု အဖြည့်ခံ မဟုတ်ဘူး။ အမှား ကင်းဆိတ် သွားတဲ့ အဖြစ် ကိုသာ အမှန်လို့ ခေါ်ဆိုတယ်။ အမှန်ဆိုတာ ဆန့်ကျင်ဘက် တရားတွေ ကင်းဆိတ်သွားချိန်၊ သဘာဝနဲ့ ပျော်ဝင် ညီမျှ သွားချိန်မှာ ပကတိ တည်ရှိနေပြီးသား အရာ သာ ဖြစ်တယ်။

ဒါ့ကြောင့်လည်း Right is One. Wrongs are millions. အမှားတွေ သန်းပေါင်းများစွာ ရှိနေပါစေ၊ အမှန်ဟာ တစ်ခုတည်း ရှိနေတယ်။

ရောဂါ ဝေဒနာ ဆိုတာ အမျိုးမျိုး ရှိတယ်။ HIV လား၊ တီဘီလား၊ ထိပ်ကပ် နှာစေးလား၊ လေးဘက်နာလား။ ရောဂါ အမျိုးမျိုး ကွဲပြားပြီး အမည်အမျိုးမျိုး ခွဲထားရတယ်။ မြန်မာအရ ၉၆ ပါး ရှိတယ်လို့ ဆိုတယ်။ သူရို့ ပျောက်ကင်းအောင်လည်း ဆေးအမျိုးမျိုး မတူအောင် ပေးစွမ်းနေရ တယ်။ ဒါပေမယ့် - သူတို့တွေ ပျောက်ကင်း သွားရင်တော့၊ ကျန်းမာတယ် ဆိုတာဟာ တစ်မျိုးတည်း ရှိတယ်။ ကျန်းမာတယ် ဆိုတာအတွက် အမည်အမျိုးမျိုး ကွဲပြား ရှိမနေဘူး။ ကျန်းမာရေး ၉၆ ပါး မရှိဘူး။   ဖျားနာ ကျန်းမာ၊ နူနာ ကျန်းမာ၊ ကင်ဆာ ကျန်းမာ၊ HIV ကျန်းမာ ဆိုပြီး ခွဲခြား မရှိဘူး။ ရောဂါဝေဒနာ ကင်းရှင်း နေတဲ့အဖြစ်၊ ဘာရောဂါမှ မရှိနေတာကိုက ကျန်းမာနေတာ ဖြစ်တယ်။

(တနည်းအားဖြင့်) ကျန်းမာတယ် ဆိုတာဟာ ရောဂါတွေရဲ့ ဆန့်ကျင်ဘက် မဟုတ်ဘူး ဆိုတာ နားလည်ဖို့ပါပဲ။ ကျန်းမာတယ် ဆိုတာဟာ ရောဂါ တွေရဲ့ ယှဉ်ဖက် တရား မဟုတ်ဘူး။ ရောဂါနဲ့ ကျန်းမာနေတဲ့ အဖြစ်ဟာ တစ်ခုနဲ့ တစ်ခု အဖြည့်ခံ မဟုတ်ကြဘူး။

ဆိုပါစို့။ တီဘီ ခံစားနေရတဲ့ လူက နေပြန်ကောင်းလာမယ်။ ငှက်ဖျား ဖြစ်နေတဲ့သူက ပြန် ကျန်းမာလာမယ်။ တီဘီ သမားရော၊ ငှက်ဖျား သမားရော နှစ်ယောက် စလုံးအတွက် ကျန်းမာတယ် ဆိုတာ အတူတူပဲ။ ကျန်းမာတယ် ဆိုတာအတွက် သူတို့ နှစ်ယောက် သီးခြား ကွဲပြားစရာ မရှိဘူး။

ဒါ့ကြောင့် ခင်ဗျား - ရောဂါ ကို ဖန်တီးယူလို့ ရတယ်။ ကျန်းမာတာကို ဖန်တီးယူလို့ မရဘူးလို့ပဲ ပြောရမယ်။ ရောဂါ ဖြစ်လာဖို့က - မိမိ ကိုယ်ကိုယ် မပြုပြင်ဘဲ မွေးမြူယူလို့ ရတယ်။ (ဝါ) ရောဂါကို ဖြစ်ပေါ်အောင် လုပ်လို့ရတယ်။ ရောဂါ ဖြစ်တယ် မဖြစ်ဘူးက ခင်ဗျားအပေါ်၊ ခင်ဗျားရဲ့ အနေအထိုင်အပေါ်၊ ခင်ဗျားရဲ့ အကြောင်းခံ အပေါ် မူတည်နေတယ်။ ကျန်းမာရေး သက်သက် ကိုတော့ လုပ်ယူလို့ မရဘူးရယ်။ ဘာလို့ဆို - ရောဂါ ကင်းရှင်းနေတဲ့ အဖြစ်ကိုက ကျန်းမာရေး ဖြစ်နေလို့ပဲ။

အလားတူ Right cannot be invented. It doesn't depend on you. သစ္စာ၊ အမှန်ဟာ ဖန်တီး ယူလို့ မရဘူး။ အကြောင်းက - သစ္စာ အမှန်ဟာ ခင်ဗျားရဲ့ အလို၊ ခင်ဗျားရဲ့ သဘော အပေါ် မှီတွယ် မနေဘူး။ မူလကတည်းက သူ့သဘော သူဆောင်နေလို့၊ မိမိ၏ လိုအင်အပေါ်၊ ပုဂ္ဂိုလ် သတ္တဝါ အပေါ် မှီတွယ် မနေလို့ ပဲ။

ဇေယျ
Meditated on the Discipline of Transcendence.
http://zayya.wordpress.com/

မြင်နိုင်ခဲသော အဇ္ဈတ္တများ

မြင်နိုင်ခဲသော အဇ္ဈတ္တများ

(၁)

ဂူဒို(Gudo)ဆိုတာ ဂျပန်အင်ပါယာကိုယ်တိုင် ကိုးကွယ်တဲ့ ဘုန်းကြီးတစ်ပါးဖြစ်တယ်။ အင်ပါယာရဲ့ဆရာဆိုပေမယ့် သူက ကိုယ့်ကျောင်းကိုယ်ကန်နဲ့ အေးဆေးသက်သာနေသူတော့ မဟုတ်ပါဘူး။ နေရာအနှံ့ကို သူတောင်းစားတစ်ယောက်လို ဦးတည်ရာမဲ့ လျှောက်သွားနေပါတယ်။ တစ်နေ့တော့ အီဒိုမြို့ (Edo)ကို သွားတဲ့ လမ်းပေါ်မှာ တက်ကန်နက(Takenaka)ဆိုတဲ့ ရွာလေးကို ရောက်ပါတယ်။ အီဒိုမြို့ဆိုတာ ယဉ်ကျေးမှုနဲ့ နိုင်ငံရေးကိစ္စတွေ အခြေစိုက်ရာ တော်ဝင်စစ်သူကြီးတစ်ဦးရဲ့မြို့ ဖြစ်တယ်။ ရွာလေးကို သူရောက်သွားတော့ ညနေခင်းအချိန် ဖြစ်တယ်။ မိုးက သည်းကြီးမဲကြီးရှာချလိုက်တယ်။ ဂူဒိုကတော့ တစ်ကိုယ်လုံး စိုလို့ရွှဲလို့ပေါ့။ သူ့ရဲ့ ကြိုးသိုင်းဖိနပ်လေးလည်း ပြတ်သွားတယ်။ ရွာနားက လယ်သမားအိမ်မှာ ကြိုးသိုင်းဖိနပ်လေးငါးရံလောက် ရှိနေတာကို တွေ့လိုက်တော့ သွားဝယ်ဖို့ ဆုံးဖြတ်ခဲ့တယ်။

တစ်ကိုယ်လုံး စိုရွှဲနေတာကို တွေ့လိုက်တော့ အိမ်ရှင်မလေးက ဖိနပ်တစ်ရံလှူလိုက်တယ်။ အိမ်ထဲကို ၀င်ဖို့လည်း ဖိတ်လိုက်တယ်။ တစ်ညလောက် သူ့အိမ်မှာ တည်းခိုဖို့လည်း ပြောလိုက်တယ်။ ဂူဒိုကလည်း လက်ခံတယ်။ ကျေးဇူးတင်စကားလည်း ပြောလိုက်တယ်။ ဂူဒိုက အိမ်ထဲကို ၀င်တယ်။ ဘုရားစင်ရှေ့မှာ သုတ်တော်တွေကို ရွတ်ဖတ်နေခဲ့တယ်။ အဲဒီအခါမှာ ဂူဒို့ကို သူ့အမေနဲ့ကလေးတွေနဲ့ မိတ်ဆက်ပေးလိုက်တယ်။

ဂူဒို သေချာကြည့်လိုက်တော့ တစ်မိသားစုလုံးက စိတ်ဓာတ်ကျ၊ စိတ်ဆင်းရဲနေကြပါလားဆိုတာ သိလိုက်တယ်။ “ဘာဖြစ်ကြတာလဲ”လို့ ဂူဒိုက မေးတယ်။ “ကျွန်မယောက်ျားပေါ့၊ သူက လောင်းကစားသမား၊ အရက်သမားလေ၊ လောင်းကစားလို့နိုင်ရင် အရက်သောက်တယ်၊ မကြားဝံ့မနာသာစကားတွေ ပြောတယ်၊ သူရှုံးပြီဆိုရင်တော့ သူတစ်ပါးဆီက ငွေတွေ ချေးတော့တာပဲ၊ တစ်ခါတစ်ရံ သူ တအားမူးလာရင် အိမ်ကို ပြန်မလာတော့ဘူး၊ ကျွန်မ ဘယ်လိုများ လုပ်ရပါ့မလဲ”လို့ အားကိုးတကြီးနဲ့ ပြောရှာတယ်။

“ကျွန်ုပ် ကူညီပါ့မယ်”လို့ ဂူဒိုက ပြောလိုက်တယ်။ တစ်ဆက်တည်းမှာ “ရော့.. ဒီမှာ ငွေ၊ ၀ိုင်တစ်ဂါလံဝယ်ခဲ့၊ စားကောင်းမယ့်ဟာလေးတွေလဲ ၀ယ်ခဲ့၊ ပြီးရင် မင်းဟာမင်း အနားယူလိုက်၊ ကျွန်ုပ်ကတော့ ဘုရားစင်ရှေ့ တရားထိုင်လိုက်အုံးမယ်”လို့ ပြောလိုက်တယ်။ ညသန်းခေါင်ကျတော့ ကိုအမူးသမား ရောက်လာပြီ။ သူက လုံးဝကို မူးနေပြီ။ ရောက်လာတာနဲ့ “ဟေ့… မိန်းမ၊ ငါ ပြန်ရောက်ပြီ၊ ဘာစားစရာ ရှိလဲကွ”ဆိုပြီး အော်ဟစ်ကြိမ်းမောင်းနေပါတယ်။ ဒီအချိန်မှာ ဂူဒိုက “ငါ့မှာ စားစရာ ပါတယ်ဟေ့”လို့ လှမ်းပြောလိုက်တယ်။ ပြီးတော့ “ကျွန်ုပ် မိုးမိလာလို့ ခင်ဗျားမိန်းမက ကြင်ကြင်နာနာနဲ့ ဒီအိမ်မှာ တစ်ညတည်းဖို့ ဖိတ်တယ်၊ ဒါကြောင့် ကျွန်ုပ် ဒီည ဒီမှာ တည်းနေတာဖြစ်တယ်”လို့ ရှင်းပြပါတယ်။

“ကျေးဇူးဆပ်တဲ့အနေနဲ့ ကျွန်ုပ်က ၀ိုင်နဲ့ငါးတွေ ၀ယ်ပေးတာ၊ ကဲ…သင်လည်း စားလိုက်သောက်လိုက်ပါအုံး”လို့ ဆက်ပြောတယ်။ အမူးသမား ပျော်သွားတယ်။ သူက ၀ိုင်သောက်ပြီး ကြမ်းပြင်ပေါ်မှာ လှဲအိပ်သွားတော့တယ်။ ဂူဒိုကတော့ သူ့ဘေးမှာပဲ တရားထိုင်နေတယ်။ မိုးလင်းတော့ အမူးသမား နိုးလာတယ်။ ညက ဘာတွေ ဖြစ်ခဲ့တယ်ဆိုတာ သူ ဘာမှ မသိတော့ဘူး။ ဒါနဲ့ ဂူဒိုဘက်လှည့်ပြီး “မင်း ဘယ်သူလဲ၊ ဘယ်ကလာတာလဲ”လို့ မေးလိုက်တယ်။ ဂူဒိုကတော့ တရားထိုင်ဆဲပဲ။ “အော်… ကျွန်ုပ်လား၊ ကျိုတိုရဲ့ ဂူဒိုပဲ (ကျိုတိုမြို့က ကျော်ကြားတဲ့ ဂူဒိုပဲ)၊ ကျွန်ုပ် အီဒိုမြို့ကို သွားမလို့”လို့ ဖြေလိုက်တယ်။ အမူးသမား သူ့ကိုယ်သူ ရှက်သွားတယ်။ အင်ပါယာအရှင်သခင်ရဲ့ဆရာ ဂူဒို့ကို ရွှန်းရွှန်းဝေအောင် တောင်းပန်တယ်။

ဂူဒိုက ပြုံးပြုံးလေးနဲ့ ဆက်ပြောနေတယ်။ “ဘ၀မှာ ဘယ်အရာမှ အမြဲမတည်ဘူး၊ ဘ၀ဆိုတာ ခဏလေး၊ မင်းက လောင်းကစားတွေ လုပ်တယ်၊ အရက်တွေ သောက်တယ်။ မင်းမှာ ဘာကိုမှ ပြီးပြည့်စုံအောင်လုပ်ဖို့ အချိန်မရှိတော့ဘူး၊ မင်းမိသားစုတွေလည်း မင်းကြောင့် ဒုက္ခပင်လယ်ဝေနေရတယ်”လို့ ပြောလိုက်တယ်။ အမူးသမားဟာ အိပ်မက်က နိုးလာသူလို အသိဉာဏ်တွေ ချက်ချင်းဆိုသလို နိုးကြားလာတယ်။ “မှန်လိုက်လေ”လို့လည်း ကြွေးကြော်လိုက်တယ်။ “အရှင် ဒီလို ဟောပြပေးတဲ့ ကျေးဇူးတွေကို ဘယ်လိုများ ပြန်ဆပ်ရမလဲ”လို့ ပြောပြီး ခပ်လှမ်းလှမ်းထိ လိုက်ပို့တယ်။

၃-မိုင်လောက်ရောက်တော့ ဂူဒိုက “မင်းပြန်တော့”လို့ ပြောတယ်။ “၅-မိုင်လောက်ထိတော့ လိုက်ပို့ပါရစေ”လို့ ပြောတယ်။ ၅-မိုင်လောက်ရှိတော့ ဂူဒိုက ပြန်ဖို့ပြောတယ်။ နောက်ထပ် ၁၀-မိုင်လောက် လိုက်ပါရစေပြောပြီး ဆက်လိုက်လာပြန်တယ်။ ၁၀-မိုင်တော့ ကျော်လာခဲ့ပြီ။ ဂူဒိုက ပြန်ဖို့ပြောတော့ “တစ်သက်လုံး အရှင့်နောက် လိုက်နေပါရစေ”လို့ တောင်းပန်တယ်။

ယနေ့ခေတ် ဇင်ဘုန်းကြီးတွေဟာ ကျော်ကြားလှတဲ့ ဂူဒိုရဲ့ အဆက်အနွယ်တွေကနေ ဆင်းသက်လာတာဖြစ်တယ်။ အမူးသမားတစ်ဖြစ်လဲ ဇင်ဘုန်းကြီးရဲ့ အမည်ကတော့ ဘယ်တော့မှ နောက်ပြန်မလှည့်တော့တဲ့ “မုနန် (Mu-nan)”ဖြစ်ပါတယ်။

(၂)

အထက်ပါ ဇင်ဝတ္ထုလေးကို သူငယ်ချင်းတွေ စုဖတ်နေဖြစ်ခဲ့ကြတယ်။ အမျိုးမျိုး ဝေဖန်ကြတယ်။ ၀တ္ထုလေးက ရိုးရိုးစင်းစင်းလေးပဲ။ ဒါပေမယ့် အမြင်တွေက ကွဲတယ်။ စာဖတ်သူရဲ့ ဆဋ္ဌမအာရုံကို ထိခတ်လာခဲ့တာက တူညီတဲ့ဇာတ်လေး ဖြစ်တယ်။ တူညီတဲ့ဇာတ်လမ်းလေးကို နှလုံးသားနဲ့ ပုတ်နှိုးကြည့်တဲ့အခါ မတူညီတဲ့ ခံစားချက်လေးတွေ ဖြစ်လာတယ်။ ဇာတ်လမ်းကို ဖတ်ပြီးတာနဲ့ အချို့က မုနန်တရားရသွားတာကို အားကျမယ်။ အချို့က မိသားစုလေး အထီးကျန် ကျန်ခဲ့မှာကို သနားတယ်။ ဒီဝတ္ထုလေးဖတ်ပြီး ဘာမဆိုင်ညာမဆိုင် ယသော်ဓရာကို ထားခဲ့တဲ့ သိဒ္ဓတ္ထကို အပြစ်တင်တယ်။ ဒီဝတ္ထုလေးအကြောင်း ဆွေးနွေးချက်အချို့ကို ဖောက်သည်ချချင်တယ်။

(၃)

ဇင်ဝတ္ထုလေးအကြောင်း သူငယ်ချင်းတွေနဲ့ ဆွေးနွေးကြည့်တော့ “မုနန် တရားရသွားတာ၊ အေးချမ်းသွားတာတော့ ဟုတ်ပါတယ်၊ ငါကတော့ ကျန်ခဲ့တဲ့ မိသားစုလေး စောင့်ရှောက်သူမဲ့နေမှာကို ပိုတွေးမိတယ်ကွာ”လို့ တစ်ယောက်က တွေးတွေးဆဆနဲ့ ပြောပါတယ်။ “ဒါဆို မုနန် မိသားစုကို စွန့်ခွါခဲ့တာဟာ မတရားဘူးလို့ ဆိုချင်တာလား”လို့မေးတော့ နှုတ်ခမ်းကို တင်းတင်းစေ့ပြီး ခေါင်းညိမ့်ပါတယ်။ အဲဒီအခါ တစ်ယောက်က သဘောတူပုံတော့ မရပါဘူး။ “လူတိုင်းလူတိုင်းဟာ ကိုယ့်ကိုကိုယ် မြုပ်နှံနိုင်မယ့် ၀ပ်ကျင်းလေးကို ရှာနေကြတာပဲ၊ အိမ်ထောင်ပြုတယ်ဆိုတာကလည်း အဓိကက ကိုယ်ဆန္ဒကို ဖြည့်ဆည်းဖို့ပဲ၊ ကိုယ်မှအပ အခြားသူဆိုတာ ဒုတိယနေရာမှာပဲ ရှိတယ်။ ဘုရားဟောပါဠိတစ်ပုဒ်ကြားဖူးတယ်။ အဖော်ဆိုတာကို ဒုတိယ-တဲ့။ နှစ်ယောက်မြောက်ပေါ့။ အခု မုနန်ဟာ မိုက်ခဲ့တယ်။ ဆိုးသွမ်းခဲ့တယ်။ ဂူဒိုနဲ့တွေ့တော့ သူမြှုပ်နှံရမယ့် သူ့ဝပ်ကျင်းလေးကို သူတွေ့သွားတာ။ ယောက်ျားဖြစ်သူ မုနန်မှ မဟုတ်ဘူး၊ သူ့မိန်းမလည်း ဒီထက်အေးချမ်းတဲ့ရိပ်မြုံလေးကိုသာတွေ့ရင် မုနန်ကို ထားခဲ့မှာပဲ။ လူဆိုတာ အစားထိုးမရခင်အချိန်မှာ ဒါမရှိရင် မဖြစ်ဘူးဆိုတဲ့စိတ်ရှိတယ်။ အစားထိုးစရာရသွားလို့ကတော့ မရှိမဖြစ်ဆိုတာလည်း မရှိတော့ဘူး။ ငါတို့အနေနဲ့ လူသားတစ်ယောက် (ဘယ်သူဖြစ်ဖြစ် လူကြီး၊ လူငယ်၊ အပျို၊ အအို၊ အိမ်ထောင်ရှိ၊ မရှိ) အေးငြိမ်းရာလေးကို ရှာတွေ့သွားနိုင်တယ်ဆိုရင် ငါတို့အနေနဲ့ ၀မ်းသာသင့်တယ်။ ဘာကြောင့်လဲဆိုတော့ အေးငြိမ်းမှုဆိုတာ အလွန်ရှားပါးပြီး အဖိုးတန်တဲ့ပစ္စည်းတစ်ခု ဖြစ်လို့ပဲ”လို့ တရစပ် ပြောနေပါတယ်။

(၄)

“မင်းကရော ဘယ်လို တွေးမိသလဲ”လို့ ဘေးနားမှာ တည်တည်ငြိမ်ငြိမ် ဖြစ်နေတဲ့ သူကို လှမ်းမေးလိုက်တယ်။ “ငါ တွေးနေမိတယ်ကွ”လို့ဆိုတော့ “အေးလေ… မင်းတွေးနေတာ ငါတို့လည်း သိတာပေါ့၊ ဘာတွေ တွေးနေတာလဲ”လို့ ပြောတာလေ။ “အေးကွာ… မင်းတို့ ပြောတာတွေကို ငါ သူ့အပိုင်းနဲ့သူ လက်ခံပါတယ်၊ ဒါပေမယ့် ငါ စိတ်ဝင်အစားဆုံး အကြောင်းတော့ မဟုတ်ဘူး၊ မင်းတို့ပြောတဲ့အတိုင်း မိသားစုအတွင်းကနေ ရုန်းထွက်သွားခဲ့တဲ့ မုနန်ကို မိသားစုတာဝန်မကျေပွန်သူလို့ ယူဆနေတယ်၊ ဟုတ်တယ်နော်၊ ငါတွေးနေတာက မုနန်ကို နှစ်ဘ၀ မြင်ကြည့်တယ်၊ မိသားစုကို စိတ်ဆင်းရဲအောင် လုပ်နေတဲ့ မုနန်ရယ်၊ တည်ငြိမ်အေးချမ်းတဲ့ဘ၀မှာ လူအများကို တည်ငြိမ်အေးချမ်းအောင် လုပ်ပေးနေတဲ့ မုနန်ရယ်…အဲဒီနှစ်ဘ၀ကို မင်းတို့ မြင်ကြည့်စမ်းပါ၊ သာမန်လေးပဲကြည့်၊ ဘယ်ဘ၀က အများကောင်းကျိုး ဖြစ်စေနေသလဲဆိုတာကိုလေ၊ တချို့က ပြောချင်ပြောမှာပေါ့၊ အရက်မသောက်၊ လောင်းကစားမလုပ်ဘဲ မိသားစုကို ကောင်းကောင်းမွန်မွန် ပြုစုကျွေးမွေးနေတဲ့ မုနန်ဘ၀ ဖြစ်လို့ရသားပဲလို့။ ဒါပေမယ့် ငါတို့က မုနန်မှ မဟုတ်တာ၊ အဲဒီတော့ ငါတွေးနေမိတာက မင်းတို့အနေနဲ့ တည်ငြိမ်အေးချမ်းသွားတဲ့ မုနန်ကို အပြစ်မတင်သင့်ဘူးလို့ ထင်တာပဲ”လို့ စကားတွေ တရစပ်ပြောပြီး ငြိမ်နေပြန်ပါတယ်။

(၅)

“ကိုယ်ကတော့ မုနန်တရားရသွားတာတွေ၊ မိသားစုကို စွန့်ခွါထားခဲ့တာတွေ၊ ဘာကိုမှ စိတ်မ၀င်စားဘူး၊ ကိုယ်စိတ်ဝင်စားတာက လူတွေရဲ့ အတွင်းအဇ္ဈတ္တပဲကွ၊ မင်းတို့ကြည့်လေ၊ မုနန်ဟာ လူ့ဘ၀အမြင်နဲ့ဆိုရင် လူကောင်းတစ်ယောက်မဟုတ်ဘူး၊ မိသားစုအပေါ် တာဝန်ကျေအောင် ကျွေးမွေးသူ မဟုတ်ဘူး၊ ဆူပူသောင်းကျန်းတတ်တယ်၊ မိန်းမကို အနိုင်ကျင့်တယ်၊ အရက်သောက်တယ်၊ လောင်းကစားလုပ်တယ်၊ ဒီလိုလူတစ်ယောက်ရဲ့ ရင်ထဲမှာ တည်ငြိမ်အေးချမ်းတဲ့ စိတ်သန္ဓေ ပါလာခဲ့တယ်လို့ ဘယ်သူ ပြောနိုင်သလဲ၊ အဲဒီအခါက မုနန်တစ်ယောက် ဒီလို အေးချမ်းသွားလိမ့်မယ်လို့ ဘယ်သူမှ မထင်မှာ သေချာတယ်၊ အဲဒီတော့ ကိုယ်ပြောချင်တာက လူတစ်ယောက်ရဲ့ အတွင်းအဇ္ဈတ္တဆိုတာ မြင်နိုင်ခဲတယ်”လို့ ပြောနေတယ်။

“ဒီနေ့ကစပြီး - ဒီလူ တော်တော်ဆိုးတဲ့ကောင်ကွာ၊ ဘယ်တော့မှ လူပီသမယ့်ကောင် မဟုတ်ဘူး၊ ဘယ်တော့မှ လူမွေးပြောင်မယ့်ကောင် မဟုတ်ဘူးဆိုပြီး ငါ ဘယ်သူ့ကိုမှ အထင်မသေးတော့ဘူး။ လူတိုင်းမှာ မြင်နိုင်ခဲတဲ့ အဇ္ဈတ္တတွေ ရှိတယ်။ အမြင်ရခက်တဲ့ နှလုံးသားခံစားချက်တွေ ရှိနေတယ်။ မမြင်နိုင်တဲ့ ပါရမီဓာတ်ခံတွေ ရှိနေတယ်။ ဒီနေ့ လူပွေ လူရှုပ်တစ်ယောက်ဟာ နောက်တစ်နေ့မှာ သူတော်စဉ်တစ်ယောက်ဖြစ်နိုင်တယ်။ နောက်ပြီး အရေးအကြီးဆုံးလို့ ငါထင်တဲ့ လောကအမြင်တစ်ရပ်ကိုလည်း ရလိုက်တယ်။ အဲဒါက ဘာလဲဆိုတော့ ဘယ်လောက် တန်ခိုးကြီးတဲ့ သူတော်စင်ပဲဖြစ်ဖြစ်၊ ဘယ်လောက်ဘုန်းကြီးတဲ့ ပုဂ္ဂိုလ်ကြီးပဲဖြစ်ဖြစ် ငါ အထင်မကြီးတော့ဘူး။ ဘာဖြစ်လို့လဲဆိုတော့ လူတွေမှာ မြင်နိုင်ခဲတဲ့ အဇ္ဈတ္တတွေ ရှိတယ်။ ဒီနေ့ သူတော်စင်ဟာ နောက်တစ်နေ့ သူယုတ်မာတစ်ယောက်ဖြစ်သွားနိုင်လို့ပဲ” ခိုင်ခိုင်မာမာ လေးလေးနက်နက် ဆိုနေပါတော့တယ်။

(၆)

စကားဝိုင်းလေးပြီးတော့ အေးချမ်းတိတ်ဆိတ်နေသော ညောင်ပင်ကြီးအောက်တွင် မုနန်၏ အေးချမ်းမှုကို ဓာတ်ကူးနေခဲ့တယ်။ ကျီးကန်းတစ်ကောင်က စူးစူးဝါးဝါး ထအော်တယ်။ နံရံတစ်ဖက်ခြမ်းတိုက်ခန်းက တီးတိုးသံနဲ့ ချောင်းဆိုးသံသဲ့သဲ့ကို ကြားရတယ်။ သူ့အဇ္ဈတ္တထဲကို သူ နှိုက်ကြည့်တယ်။ “သူများ အဇ္ဈတ္တမပြောနဲ့ ငါ့အဇ္ဈတ္တတောင် ငါ မမြင်နိုင်သေးပါလား”လို့ ငြီးတွားနေတော့တယ်။

ကုသလသာမိ (ပျော်ဘွယ်)